Kachin Cleaning Campaign

"မြစ်ကြီးနားက လူငယ်တို့ရေ... 📣🔥

​ငါတို့ရဲ့ 'We love Myitkyina' Cleaning Campaign ပထမပိုင်းတုန်းက အားလုံးပဲ

တက်တက်ကြွကြွ ပါဝင်ခဲ့ကြတာ အမှတ်ရဦးမှာပါ။ အခု ဒုတိယပိုင်း အစီအစဉ်ကို

မနက်ဖြန်မှာ ဆက်ပြီး အပြတ်အသတ်ပါဝင်လိုက်ကြရအောင်။😎

​📅 မနက်ဖြန် (၂) ရက်နေ့(၂.၅.၂၀၂၆) စနေနေ့

⏰ မနက် ၇ နာရီ မှာ အရောက်လာခဲ့ဖို့ ဖိတ်ခေါ်ပါတယ်။

​ကိုယ့်မြို့လေး သန့်ရှင်းလှပဖို့အတွက် လူငယ်တွေရဲ့ အင်အားကို ထပ်ပြလိုက်

ရအောင်။ မနက်ဖြန် မနက် ၇ နာရီ မြို့နယ်စည်ပင်ရုံးနားလေး မှာ အားလုံးကို စောင့်နေမယ်နှော်။ 🧹✨💚
​

ကျွန်ုပ်တို့ မြို့တော် သန့်ရှင်းဖို့ ...အတူတူလက်တွဲကြပါစို့''💛💚🍃☘️🍀🌱🌿
​“တို့လက်တွဲညီညီ လုပ်ဆောင်မှ မြို့ပြအလှ တိုးတက်ရမည်''

ဟူသော ဆောင်ပုဒ်နှင့်အညီ ပြီးခဲ့သည့် မတ်လ (၂၄) ရက်နေ့တွင် ကချင်ပြည်နယ်၏ မြို့တော် မြစ်ကြီးနား၊ မင်းရပ်ပြည်သူ့ရင်ပြင် ကမ်းနားလမ်းတစ်လျှောက်၌ Cleaning Campaign ကို စည်ကားသိုက်မြိုက်စွာ ကျင်းပပြုလုပ်ခဲ့ပါသည်။
​အဆိုပါ လှုပ်ရှားမှုတွင် Volunteer လူငယ်မောင်မယ်များ၊ မြစ်ကြီးနားမြို့နယ် စည်ပင်သာယာရေးအဖွဲ့နှင့် ပညာဘဏ်ကိုယ်ပိုင်အထက်တန်းကျောင်းမှ ကျောင်းသား၊ ကျောင်းသူများ စုစုပေါင်းအင်အား (၄၅၀) ခန့်က မြို့အင်္ဂါရပ်နှင့်အညီ သန့်ရှင်းသပ်ရပ်စေရန် အားတက်သရော ကိုယ်စွမ်းဉာဏ်စွမ်းရှိသမျှ ပူးပေါင်းပါဝင် ဆောင်ရွက်ခဲ့ကြပါသည်။
​ထူးခြားမှုအနေဖြင့် ယခုလှုပ်ရှားမှုတွင် သယံဇာတရေးရာဝန်ကြီး ဦးတိန့်ဆောင် ကိုယ်တိုင် ကြွရောက်အားပေးခဲ့ပြီး ကျွန်ုပ်တို့ လူငယ်များနှင့်အတူ ပထမဦးဆုံးအကြိမ် လက်တွဲကာ သန့်ရှင်းရေးလုပ်ငန်းများကို စတင်လမ်းဖွင့်ပေးခဲ့ပါသည်။
​နံနက် (၇) နာရီမှစတင်၍ မွန်းလွဲ (၂) နာရီအချိန်ထိ ကမ်းနားလမ်းတစ်လျှောက်ရှိ ချုံနွယ်ပိတ်ပေါင်းများ၊ ပလတ်စတစ်စွန့်ပစ်ပစ္စည်းများ၊ ပုလင်းခွံနှင့် အခြားသော အမှိုက်သရိုက်များကို စနစ်တကျ ရှင်းလင်းဖယ်ရှားခဲ့ကြပါသည်။ ထို့နောက် ညနေ (၃) နာရီခွဲအချိန်တွင် မိုးလုံလေလုံအားကစားခန်းမ၌ စုဝေးကာ အစီအစဉ်ဒုတိယပိုင်းကို ဆက်လက်ကျင်းပခဲ့ပါသည်။
​အခမ်းအနားတွင် သယံဇာတရေးရာဝန်ကြီးက ဂုဏ်ပြုအမှာစကား ပြောကြားပေးခဲ့ပြီး Azalea Star အကအဖွဲ့၏ ဖျော်ဖြေမှုများ၊ Jindallae Choir အဖွဲ့၏ စိတ်ဓာတ်ခွန်အားဖြစ်စေမည့် တေးသီချင်းများဖြင့် နွေးထွေးစွာ တင်ဆက်ခဲ့ကြပါသည်။ ထို့ပြင် မြစ်ကြီးနားမြို့နယ် စည်ပင်သာယာရေးအဖွဲ့၊ အမှုဆောင်အရာရှိ (ဒုတိယညွှန်ကြားရေးမှူး) ဦးလှမိုး က လူငယ်များ၏ တက်ကြွမှုနှင့် လူမှုရေးစိတ်ဓာတ်ကို ချီးကျူးစကား ပြောကြားခဲ့သလို၊ ကချင်ပြည်နယ် စည်ပင်သစ်တောဦးစီးဌာနမှ လက်ထောက်ညွှန်ကြားရေးမှူး ဦးခေါင်လွမ်း ကလည်း လူငယ်များနှင့်အတူ ယခုကဲ့သို့ မြို့သာယာရေးလုပ်ငန်းတွင် ပါဝင်ခွင့်ရသည့်အတွက် ဝမ်းမြောက်ဂုဏ်ယူမိကြောင်း ရင်းနှီးပွင့်လင်းစွာ ပြောကြားခဲ့ပါသည်။
​ဒေသခံပြည်သူလူထု၏ တစ်ခဲနက် အားပေးကူညီမှုနှင့် ကြိုဆိုနှုတ်ဆက်မှုများသည် ကျွန်မတို့ Volunteer လူငယ်များအတွက် မဖော်ပြနိုင်လောက်အောင် ခွန်အားဖြစ်စေခဲ့ပါသည်။ ယခုလှုပ်ရှားမှုသည် တစ်ကြိမ်တစ်ခါပြုလုပ်ပြီး ရပ်တန့်သွားမည့် အစီအစဉ်မျိုး မဟုတ်ဘဲ နောင်တွင်လည်း မိမိတို့ဒေသ အကျိုးပြုလုပ်ငန်းများကို Volunteer လူငယ်များနှင့်အတူ ပျော်ရွှင်တက်ကြွစွာ ဆက်လက်လက်တွဲ လုပ်ဆောင်သွားကြရန် တိုက်တွန်းနှိုးဆော်အပ်ပါသည်။