Phoo Lay May May

မိမိရဲ့ကလေးကို နေ့စဉ်ပြောသင့်တဲ့ စကားများဟာ ကလေးရဲ့စိတ်ခံစားမှု၊ ကိုယ်ကျင့်တရားနဲ့ ဖွံ့ဖြိုးမှုအတွက် အရေးကြီးပါတယ်။ ဒါကြောင့် ကလေးကို နေ့တိုင်းပြောသင့်တဲ့ အားတက်စရာနဲ့ အပြုသဘောဆောင်တဲ့ စကားလုံးတချို့ကို ဖော်ပြပေးလိုက်ပါတယ်။

၁။ "မင်းကို ချစ်တယ်"
ဒီစကားလေးက ကလေးကို လုံခြုံမှုနဲ့ ယုံကြည်မှုပေးပါတယ်။ ဘယ်လိုအခြေအနေမှာပဲဖြစ်ဖြစ် သင့်ရဲ့ချစ်ခြင်းမေတ္တာက အပြောင်းမလဲဆိုတာ သိစေဖို့ပါ။

၂။ "မင်းအတွက် ဂုဏ်ယူတယ်"
ကလေးရဲ့အောင်မြင်မှု (သေးသေးလေးတွေပါ) ကိုချီးကျူးပါ။ ဒါဟာ သူတို့ကို ယုံကြည်မှုတိုးစေပြီး ပိုကြိုးစားချင်စိတ်ဖြစ်စေတယ်။

၃။ "မင်းဘယ်လိုခံစားနေရလဲ?"
ကလေးရဲ့စိတ်ခံစားချက်ကို နားလည်ဖို့မေးပါ။ ဒီလိုမေးခြင်းက ကလေးကို စိတ်ခံစားမှုတွေကို ဖွင့်ပြောရဲစေပြီး မိသားစုနဲ့ပွင့်လင်းတဲ့ဆက်ဆံရေးတည်ဆောက်နိုင်တယ်။

၄။ "မင်းလုပ်နိုင်တယ်!"
ကလေးကို ယုံကြည်မှုပေးတဲ့စကား။ သူတို့ရဲ့စွမ်းရည်ကို အသိအမှတ်ပြုပြီး အားပေးခြင်းက စိတ်ဓာတ်ခိုင်မာစေတယ်။

၅။ "တခါတလေ အရှုံးဆိုတာလည်း ရှိတတ်တယ်၊ ဒါပေမယ့် ပြန်ကြိုးစားဖို့အရေးကြီးတယ်"
ကျရှုံးမှုတွေကို ရင်ဆိုင်နည်းသင်ပေးပါ။ ဘဝမှာ အရှုံးဆိုတာရှိတတ်ပေမယ့် ထပ်ကြိုးစားဖို့အားပေးတဲ့စကားက ကလေးကို ဇွဲရှိစေတယ်။

၆။ "ကျေးဇူးတင်ပါတယ်"
ကလေးက သင့်ကိုကူညီတဲ့အခါ (သို့) ကောင်းမွန်တဲ့အပြုအမူလုပ်တဲ့အခါ "ကျေးဇူးတင်ပါတယ်" လို့ပြောပါ။ ဒါက ကလေးကို ကျေးဇူးတင်တတ်တဲ့စိတ်နဲ့ ယဉ်ကျေးမှုတိုးစေတယ်။

၇။ "အတူတူဖြေရှင်းကြမယ်"
ပြဿနာတစ်ခုကြုံတဲ့အခါ ကလေးကို သူတစ်ယောက်တည်းမဟုတ်ဘူးဆိုတာ သိစေပါ။ မိသားစုအနေနဲ့ အတူရင်ဆိုင်မယ်ဆိုတဲ့ အာမခံချက်ပေးပါ။

၈။ "မင်းစဉ်းစားပုံကို ငါကြိုက်တယ်"
ကလေးရဲ့အတွေးအခေါ်နဲ့ ဆုံးဖြတ်ချက်တွေကို တန်ဖိုးထားကြောင်းပြောပါ။ ဒါက သူတို့ရဲ့ဉာဏ်ရည်နဲ့ ဆင်ခြင်တုံတရားကို အားပေးရာရောက်တယ်။

၉။ "ဘာဖြစ်နေတာလဲပြောပါ နားထောင်​ပေးမယ်"
ကလေးကို သူတို့ရဲ့ပြဿနာတွေကို ဖွင့်ပြောဖို့ ဖိတ်ခေါ်ပါ။ သင့်အနေနဲ့ နားထောင်ပေးမယ်ဆိုတာ သိရင် ကလေးက ပိုပြီးဖွင့်ဟဝေမျှလာမယ်။

၁၀။ "မင်းက ​ဖေဖေမေမေတို့အတွက်အရေးကြီးတဲ့ သူတစ်ယောက်ပါ"
ကလေးကို သူတို့ရဲ့တစ်ဦးချင်းဖြစ်တည်မှုကို အသိအမှတ်ပြုပါ။ ဒီစကားက ကလေးရဲ့ကိုယ့်ကိုယ်ကိုယ်ယုံကြည်မှုနဲ့ တန်ဖိုးထားမှုကို မြှင့်တင်ပေးတယ်။

ဒီစကားလုံးတွေက ကလေးရဲ့စိတ်နဲ့ စရိုက်ကောင်းတွေဖွံ့ဖြိုးဖို့ အားဖြည့်ပေးနိုင်ပါတယ်။ နေ့တိုင်း အပြုသဘောဆောင်တဲ့စကားတွေနဲ့ အားပေးမှုက ကလေးတစ်ယောက်ရဲ့ဘဝကို အကောင်းဆုံးပြောင်းလဲနိုင်ပါတယ်။ 💙

Crd

😘😘😘

မိန်းမတစ်ယောက်ရဲ့ ကြောက်စရာအကောင်းဆုံးအချိန်က
နှလုံးသားထက် ဦးနှောက်ကို
ဦးစားပေးတတ်လာတဲ့ အချိန်ပဲ ။

အဲအချိန်ရောက်ရင် ဘယ်အရာကိုမဆို စွန့်လွှတ်ရဲတယ်
ပြတ်ပြတ်သားသား ငြင်းရဲတယ်
တစ်ချိန်က မင်းထင်သလို
မိန်းကလေးတစ်ဦး မဟုတ်တော့ဘူး

အမျိုးသမီးတစ်ဦး ဖြစ်သွားပြီ…

စိန်လည်း ကာဗွန်ပဲ
မီးသွေးလည်း ကာဗွန်ပါပဲ

ကာဗွန်ချင်း တူပေမဲ့
တန်ဖိုးချင်းကတော့ မတူဘူး

အဖိနှိပ်ခံ အပူပေးခံရတာများတော့
မလောင်ကျွမ်းပဲ
တောင့်ခံနိုင်တဲ့ သူက
စိန် ဖြစ်သွားတာပါပဲ

အပူနဲ့ ဖိအားကြောင့်
ကာဗွန်ဟာ စိန်ဖြစ်သွားတာပါ

အဲဒါကြောင့် အပူတွေ
ဖိအားတွေ လာရင်
စိတ်မပျက်ပါနဲ့

ငါ့ကို စိန်ဖြစ်အောင်
လုပ်ပေးမဲ့ အရာတွေပဲလို့
ပြုံးပြုံးလေး တောင့်ခံလိုက်စမ်းပါ

မကြာခင်ကာလမှာပဲ
စိန်ဖြစ်သွားပါလိမ့်မယ်

လိုက်ပြီး ခံစား
လောင်ကျွမ်း နေရင်တော့
မီးသွေးပဲ ဖြစ်သွားမှာပေါ့။

ကျွန်မအမေ ကျွန်မကို ဆုံးမတဲ့ စကားတစ်ခွန်းရှိတယ်
တစ်ယောက်ယောက်ကြောင့် ဒေါသထွက်လာရင်
စကားလုံးကြမ်းတွေနဲ့
မပေါက်ကွဲနဲ့ မျက်နှာအမူအရာမပျက်နဲ့
စိတ်ထဲမှာဘဲ မှတ်ထားပြီး အလှပဆုံး
အဲလူကို ပြုံးပြကာ တိတ်ဆိတ်လိုက်ပါတဲ့ ။

ခဏခဏ အဲလူက ကိုယ့်ကိုစိတ်ပင်ပန်းစေရင်
အဲလူကြောင့် ဖြစ်လာတဲ့ဒေါသတွေကို
အဲလူနဲ့အတူ ကိုယ့်ဘဝထဲကနေ တဖြည်းဖြည်းခြင်း
စွန့်ပစ်နိုင်အောင် ထပ်ကြိုးစားပါတဲ့ ။

ပူလောင်စေတဲ့လူတွေကို တွယ်ကပ်နေမယ့်အစား
စွန့်လွှတ်လိုက်တာက ပိုအေးချမ်းပါတယ်...။ ။

ကျေးဇူးပါမေမေ❤