Phyo Onile Shopping

ဒီတစ်ခေါက်တော့
အားလုံးကို delete ပြီး
ကိုယ့်ကိုယ်ကိုယ်ပဲ ရွေးပါတယ်

#မယ်ညို

ကံမတူရင် ကြာကြာမဆုံပါဘူး။"
တချို့လူတွေဟာ
ကိုယ့်ဘဝထဲမှာ
အမြဲရှိနေဖို့ ရောက်လာတာ မဟုတ်ပါဘူး
ကိုယ့်စိတ်ကို ရင့်ကျက်လာစေဖို့
သင်ခန်းစာတစ်ခုအနေနဲ့
ခဏတာ ဖြတ်သန်းသွားလာရုံပါ။
အစမှာတော့
လူတိုင်းက ကိုယ့်အတွက်
အရေးကြီးသူ လို့ ထင်ရတယ်။
အမြဲတမ်း အတူရှိမယ်လို့လည်း
ယုံကြည်မိတတ်ကြတယ်။
ဒါပေမယ့်
အချိန်ဆိုတာ ကြာလာလေလေ
လူတွေရဲ့ စိတ်နေစိတ်ထား
တန်ဖိုးထားတဲ့အရာ
ရည်ရွယ်တဲ့ဘဝ
လျှောက်တဲ့လမ်းတွေက
မတူညီလာတော့ဘူး။
အဲဒီအချိန်မှာ
အရင်လို မနီးတော့တာဟာ
မေတ္တာကုန်သွားလို့တော့ မဟုတ်ပါဘူး
အတူလျှောက်ဖို့ မသင့်တော့တာ ပါ။
မြစ်တစ်စင်းထဲ စီးလာတဲ့ ရေတွေတောင်
အကွေ့အကောက်ရောက်ရင်
လမ်းကြောင်းပြောင်းပြီ ကွဲသွားတတ်တယ်။
လူ့ဘဝတွေကလည်း ဒီလိုပဲ
ခဏတာ ဆုံကြတယ်။
ခဏတာ နွေးထွေးကြတယ်။
ပြီးရင်
တစ်ယောက်တစ်လမ်းစီ
ဖြစ်သွားပြန်ကြတယ်။
လောကဓမ္မအရ
ဆုံခြင်းနောက်မှာ ခွဲခြင်းက
ရှိနေပြီးသားပဲမဟုက်လား။
ဒါကို လက်မခံနိုင်တဲ့အခါ
လူတွေက နာကျင်ကြတယ်။
ဖက်တွယ်ကြတယ်။
မသင့်တော့တဲ့ ဆက်ဆံရေးကိုတောင်
အတင်းဆွဲထားချင်ကြတယ်။
ဒါပေမယ့်
လက်ထဲက သဲကို ပိုဖမ်းလေလေ
ပိုထွက်ကျလေလေ ဖြစ်သလို
မဖြစ်နိုင်တော့တဲ့ လူတစ်ယောက်ကို
အတင်းဖက်တွယ်လေလေ
ကိုယ့်စိတ်ပဲ ပိုပင်ပန်းလာလေလေ ဖြစ်တတ်တယ်။
သစ်ပင်တစ်ပင်ဟာ
အရွက်ဟောင်းတွေ မကြွေမချင်း
အရွက်သစ်တွေ မထွက်နိုင်ဘူး။
ဘဝမှာလည်း
မသင့်တော်တော့တဲ့ လူတွေ
မထွက်သွားမချင်း ကိုယ့်အတွင်းက
ငြိမ်းချမ်းမှုအသစ်တွေ
မဝင်လာနိုင်သေးဘူး။
တချို့လူတွေ ဝေးသွားတာဟာ
ဆုံးရှုံးမှုတစ်ခုလို ထင်ရပေမယ့်
တကယ်တော့
ကိုယ့်စိတ်ကို ကယ်တင်ပေးသွားတာ
ဖြစ်နေတတ်တယ်။
ဘာလို့လဲဆိုတော့
ဘုန်းကံချင်း မတူတဲ့သူတွေဟာ
အချိန်တန်ရင် အလိုလို ဝေးသွားတတ်ပြီး
ဘုန်းကံတူတဲ့သူတွေကတော့
ဘယ်လောက်ဝေးဝေး
တစ်နေ့မှာ ပြန်ဆုံလာတတ်လို့ပါ။
ဒါကြောင့်
ဘဝထဲက ထွက်သွားတဲ့သူတိုင်းကို
မုန်းနေဖို့အထိ မလိုပါဘူး။
တချို့လူတွေက
ကိုယ့်ဘဝထဲမှာ ရှိနေဖို့ မဟုတ်ဘဲ
သင်ပေးဖို့ ရောက်လာခဲ့ကြတာပါ။
နောက်ဆုံးပြောချင်တာက
လူတစ်ယောက် ဆုံးရှုံးသွားတာထက်
ကိုယ့်စိတ်အေးချမ်းမှုကို
ပြန်ရလိုက်တာက ပိုတန်ဖိုးရှိတယ်ဆိုတာကို
အချိန်တန်ရင် နားလည်လာပါလိမ့်မယ်။
ချစ်ခြင်းများစွာဖြင့်။
"ကံမတူရင် ကြာကြာမဆုံပါဘူး။"

တစ်ခါတလေမှာ လူတစ်ယောက်ရဲ့ အနာဂတ်ကို အမှန်တကယ် ဆုံးဖြတ်ပေးတာက လက်ရှိမှာ သူဘယ်လောက်ချမ်းသာတယ်ဆိုတာ မဟုတ်ဘဲ

ဘဝကို ရင်ဆိုင်တဲ့ သူ့စိတ်နေစိတ်ထားဖြစ်ပါတယ်။

လူတစ်ယောက်ဟာ လက်ရှိအချိန်မှာ အောက်ကျ နောက်ကျ ဖြစ်နေလည်း သူ့ကို အထင်မသေးပါနဲ့။

ဒီကနေ့မှာ သူဟာ အနိမ့်ဆုံးအခြေအနေမှာ ရှိနေလည်း ဒါဟာ သူ့ဘဝ ခရီးလမ်း တစ်ပိုင်းတစ်စသာ ဖြစ်ပါတယ်။

မနက်ဖြန်ရဲ့ အခွင့်အရေးတစ်ခုက သူ့ဘဝကံကြမ္မာကို ပြောင်းလဲရင် ပြောင်းသွားနိုင်ပါတယ်။

တစ်ချိန်တည်းမှာပဲ လက်ရှိမှာ ချမ်းသာအောင်မြင်မှု နည်းနည်းရှိတာနဲ့ ကိုယ်ဟာ တခြားသူတွေထက် မြင့်မြတ်တယ်လို့ မထင်ပါနဲ့။

ချမ်းသာမှုဆိုတာ တစ်နေရာတည်းမှာ အမြဲတမ်း မတည်ရှိပါဘူး။

ဘဝအခြေအနေတွေက အလှည့်အပြောင်းရှိပါတယ်။ ဘယ်သူမှ အမြင့်ဆုံးနေရာမှာ ထာဝရ ရပ်နိုင်မှာ မဟုတ်ပါဘူး။

ဘဝကို အလေးအနက်ထားပြီး ကြိုးစားနေထိုင်နေသူတိုင်းကို လေးစားပါ။

အိပ်မက်နဲ့ ရည်မှန်းချက်အတွက် ကြိုးစားရုန်းကန်နေသူတိုင်းကို ကြင်ကြင်နာနာ ဆက်ဆံပါ။

ဒီကနေ့မှာ ကိုယ်ပေးလိုက်တဲ့ လေးစားမှုတစ်ခုက အနာဂတ်တစ်နေ့မှာ တစ်စုံတစ်ယောက်ရဲ့ ရင်ထဲက နွေးထွေးတဲ့ အမှတ်တရတစ်ခု ဖြစ်လာနိုင်သလို ကိုယ့်ဘဝအတွက်လည်း အကောင်းဆုံး ကံကောင်းခြင်းနဲ့ ကောင်းကျိုးတစ်ခု ဖြစ်လာနိုင်လို့ပါ။

လူတစ်ယောက်အဖြစ် နေထိုင်ရာမှာ...

ဆင်းရဲသူကို မနှိမ်ပါနဲ့၊
ချမ်းသာသူကို မဖားပါနဲ့။
ကောင်းမြတ်တဲ့ စေတနာကို စိတ်ထဲ ထည့်ပြီး နှိမ့်ချတတ်ပါစေ။

ဒီလောကမှာ တကယ်တန်ဖိုးထားသင့်တဲ့အရာက ရာထူး၊ အဆင့်အတန်းနဲ့ ချမ်းသာကြွယ်ဝမှုတွေ မဟုတ်ဘဲ လူတစ်ယောက်ရဲ့ ကိုယ်ကျင့်တရားနဲ့ တန်ဖိုးဖြစ်ပါတယ်။

-- သင်ယူရင်း မျှဝေပါတယ်

💌
#နိုင်းနိုင်းစနေ