Zaw Zaw Tinkerbell co. Let

စားတော်ပဲပြုတ်နည်းလေး..😍
လွယ်လွယ် ကူကူ ရိုးရိုးရှင်းရှင်း ပါပဲ။ အရင်ဆုံး ရေနွေးနဲ့ ရေအေးကို ကြက်သီးနွေးလေး ရောစပ်ပါ။ ရေထဲ လက်နှစ်ကြည့်လိုက်ရင် ကိုယ့်လက် အပူခံနိုင်တဲ့ အနေအထားလေးပေါ့။ ပြီးရင် အဲ့ဒီရေထဲ စားတော်ပဲကို ၃နာရီကြာအောင် ရေစိမ်ပါ။
၃နာရီပြည့်ရင် ဆယ်ပြီး စကာလေးနဲ့ ရေစစ်ပြီး အပေါ်က အဝတ်ပါးလေး အုပ်ထားပါ ။ မနက်တကြိမ် ညတကြိမ် ရေလောင်းပေးပါ။ နောက်နေ့ဆို ပဲညှောင့်လေးတွေ ပေါက်လာပါပြီ ။ အညောင့်လေးများ ရှည်မှကြိုက်ရင်နဲနဲထပ်စောင့်လိုက်ပေါ့နော်။ဒါဆို ပဲပြုတ်လို့ ရပါပြီ။
ရေနွေးကို အရင်ဆုံး ဆူအောင် တည်ပါ ။ မုန့်လုပ် ထန်းလျက်အညို ၂ခဲ ရေနွေးထဲ ပျော်သွားအောင် မွှေပေးပြီးရင် ပဲထည့်ပြုတ်ပါ ။ ဆားဆော်ဒါ လဖက်ရည် ဇွန်းတဝက် ထည့်ပါ ။
သကြား ဟင်းစားဇွန်း တဝက်ထည့်ပါ ။ ဆီ ဟင်းစားဇွန်း ၁ဇွန်းလောက် ထည့်ပါ ။ ဆား ဇွန်းဖျားနဲ့ နည်းနည်းထည့်ပါ ။ ပဲနဲ့ရေကို အတိဖြစ်အောင် ထည့်ပါ။ ရေပို မထည့်မိပါစေနဲ့ ။ ရေခမ်းလာရင် တချို့က ပဲကို စကာနဲ့ စစ်ပြီး ရေနွေးငွေ့နဲ့ ပြန်တည်ကြတယ်။
ရေခမ်းသွားရင် ထမင်းအိုးနှပ်သလို မီးအေးနဲ့ ရေခမ်းအငွေ့ ထွက်အောင် ထားပါတယ်။ စိတ်ထဲ ပိုမွှေးတယ်လို့ ထင်တယ်။ ပဲကို ပေါင်းအိုးခွက်နဲ့ ၂ခွက်ဆို အများကြီးရပါတယ်။ ပဲပြုတ်နေစဉ် ဇွန်းနဲ့ မမွှေနဲ့နော် ။ ပဲက မကျက်ပဲ ဆတ်တောက်ကြီး ဖြစ်တတ်ပါတယ်။
အရိအရွဲလေးများကင်းစင်ပြီးပြောင်တင်းနေသောပဲပြုတ်နူးအိအိလေးရပါပြီ။အဆင်ပြေကြပါစေနော်။
လေးစားလျှက်..crd. ပန်းခရေ

လစ်လျူရှု့မထားသင့်သောမြွေအိမ်မက်နိမိတ်များ - စုံလင္သုတအိမ္ရွင္မ မြွေတွေကိုအိမ်မက်တာမထက်ကိုလာမေးနေကြလို့ဖြေပေးလိုက်ပြီနော်မြွေကိုအိမ်မက်တယ်၊ကိုယ့်ကိုဘာမှမလုပ်ဘူးဆိုရ...

အပင်စိုက်ဝါသနာပါသူများသိထားသင့်တဲ့အပင်နိမိတ် - စုံလင္သုတအိမ္ရွင္မ အိမ္မွာအပင္စိုက္ဝါသနာပါသူမ်ားသိထားသင့္တဲ့အပင္နိမိတ္အပင္နိမိတ္၁။ကိုယ့္ၿခံထဲက အပင္ေတြအလြယ္တကူမခုတ္ပါနဲ.....

၁၃၈၅ ခုနှစ်၊ မန္တလေးသင်္ကြန်စာနှင့်(၇)ရက်သားသမီး တစ်နှစ်စာဟောစာတမ်း…. – TLW ေဇယ်တုသဗၺမဂၤလံ။ တနဂၤေႏြၿဂိဳဟ္မင္းသည္ တေပါင္း ျဖစ္ေသာ မိန္ရာသီ ေရဝတီနကၡတ္ စတုတၳပါဒ္ အဝႆန္နဝင္းမွသည္ တန္ခူး....

#စကား

လူအချို့က
ကိုယ်ပြောလိုက်တဲ့ စကား
လွယ်လွယ်ပြောပြီး မေ့သွားကြတဲ့သူကများတယ်။

နားထောင်ခဲ့တဲ့သူဘက်က လက်ခံရတဲ့ စကားမို့ တစ်ခါတရံ...
ခံစားနားထောင်လိုက်တဲ့ စကားမျိုးဆိုရင်တော့ ခံစားမဆုံးဖြစ်တတ်ကြတာသဘာဝပါ။

ဒါဟာ ပြောလိုက်တဲ့သူနဲ့
လက်ခံနားထောင်လိုက်တဲ့သူရဲ့ မတူတာကတော့ စိတ်ခံစားချက်တွေပါပဲ။

ဒါကြောင့် ကိုယ်ပြောလိုက်တဲ့
နှုတ်ထွက်စကား ကိုယ်တာဝန်ယူနိုင်မှ ပြောတာအကောင်းဆုံးပါ။

စကားတစ်ခွန်းကြောင့်
ချစ်ခြင်း မုန်းခြင်း နာကျည်းခြင်းတွေအပြင်
တစ်ခါတရံမှာ
မပတ်သက်ချင်တော့တဲ့ထိ သူတွေရှိနေတတ်တယ်။


{ " စကား နှင့် တန်ဖိုး" }

စကားဆိုတာ
သာမန်ကြည့်ရင်
လူတစ်ယောက်ရဲ့တန်ဖိုးနဲ့ မသက်ဆိုင်ဘူးလို့ ထင်ရပေမယ့်
လူတစ်ယောက်ရဲ့အဆင့်အတန်းကိုတော့
စကားလုံးတွေကိုကြည့်ပြီး ပိုင်းဖြတ်လို့ ရတတ်တယ်။

စကားဆိုတာ
"စကားစကားပြောပါများ
စကားထဲက ဇာတိပြ" ဆိုသလို စကားလုံးကြမ်းတွေက
လူ့တန်ဖိုးကို နိမ့်ကျသွားစေတတ်ပါတယ်
စိတ်ရင်းဘယ်လောက်ကောင်းကောင်း
အပြောမတတ်ရင် ဆဲသလိုဖြစ်တတ်တယ်

* စကားဆိုတာ
ချစ်ခင်မှုကို ဖန်တီးပေးတတ်သလို
နာကျည်းမုန်းတီးမှုကိုလည်း
ပေးတတ် ပြန်ပါတယ် ။
ပျော်ရွှင်မှုတွေ
သယ်ဆောင်လာတတ်သလို
အထီးကျန်မှုကိုလည်း တွဲခေါ်တတ်ပြန်တယ်။

* စကားကြောင့် အားဖြစ်စေသလို
စကားကြောင့်ပဲ
စိတ်ဓာတ်ကျစေတတ်တယ်
အသွားမတော်တစ်လှမ်း
အစားမတော်ရင်တစ်လုတ် ဆိုသလို
အပြောမတတ်ရင် စကားတစ်ခွန်းတည်းနဲ့ပဲ
အရမ်းချစ်ရသူတောင်
ရန်သူဖြစ်သွားစေတတ်ပါတယ်။

* စကားဆိုတာ အောင်မြင်မှုတွေရဲ့ ပထမခြေလှမ်းဖြစ်သလို
ဆုံးရူံးမှုတွေရဲ့ အဓိကရန်သူ
ဖြစ်နေတတ်ပြန်တယ် ။

* စကားကြောင့်
မိတ်ဆွေ ဖွဲ့ပြီး ရင်းနှီးခဲ့ကြရသလို
စကားကြောင့်ပဲ မိတ်ဆွေကနေ
သူစိမ်းတွေဖြစ်သွားတတ်ကြပါတယ် ။

* စကားဆိုတာ ......
အပြောမတတ်ရင်
နှစ်ပေါင်းများစွာ ထိန်းသိမ်းလာတဲ့ ဂုဏ်သိက္ခာတွေတောင်
စကားတစ်ခွန်းကြောင့်
ရေစုန်မျောသွားရတတ်ပြန်ပါသေးတယ်။

မပြော မဖြစ်လို့ ပြောပြန်ရင်လည်း
အမှားမပါစေဘဲ "ဓါး"တစ်လက်လို
အကျိုးရှိစေတဲ့နေရာမှာ
အသုံးချတတ်နိုင်ဖို့ရာ
ကိုယ်နှင့် အခြားသူတွေကိုထိခိုက်စေတဲ့
လူသတ် လက်နက်"ဓါး"
တစ်လက်တော့ မဖြစ်ကြပါစေနဲ့ လို့



ဒါ့ကြောင့် ...
* နားထောင်ရမယ့်အချိန်မှာ
စကားမပြောပါနဲ့
* မသေချာ မရေရာရင် မပြောပါနဲ့
* အချက်အလက်မပြည့်စုံရင် မပြောပါနဲ့
* မိတ်ပျက်စေမယ့်စကားမျိုးဆို
မပြောပါနဲ့
* တစ်ဖက်လူကို ထိခိုက်စေမယ်ဆို
မပြောပါနဲ့
* အရှက်ရစေမယ့် စကားဆို မပြောပါနဲ့
* အပြစ်ဖြစ်မယ့်စကားဆို မပြောပါနဲ့



ရင်းနှီးသည်ဖြစ်စေ မရင်းနှီးသည်ဖြစ်စေ
ကိုယ်နဲ့မဆိုင်တဲ့ ကိစ္စတွေမှာ
ဝင်မပါမိဖို့ ဂရုစိုက်ရတယ်....

မဆီမဆိုင်ပြောလိုက်မိလို့
တဖက်သားစိတ်မှာ သက်သာသွားရင်တော့
ကောင်းတာပေါ့

မသက်သာဘဲ စိတ်ပိုဖိစီးသွားရင်
နေရင်းထိုင်ရင်း မိတ်ပျက်ရဦးမယ်....

နှုတ်စောင့်စည်းလို့ ဒုက္ခရောက်တဲ့သူမရှိပါဘူးလေ...