Avatar Online Shopping

Corporate လောကမှာ သုံးနေကျ
“Nobody is indispensable” ဆိုတဲ့
ဒီစကားကို လူအတော်များများပြောလေ့ရှိကြပါတယ်

ဒီအယူအဆ ကို လူတိုင်းက လက်မခံပေမဲ့
လူတစ်ချို့က လက်ခံပါတယ်

နေရာတိုင်းမှာ မည်သူကိုမဆိုအစားထိုးလို့ရတဲ့သူတွေရှိတယ်

ဒါပေမယ့် စေတနာ ပါပါနဲ့ လုပ်ပေးခဲ့တဲ့သူတယောက်ရဲ့
တန်ဖိုးကို တော့ လွယ်လွယ်နဲ့ အစားထိုးလို့ မရပါဘူး။

ဒီနေရာ ဒီရာထူးအတွက်
အလုပ်လုပ်နိုင်တဲ့သူတွေ များပြားစွာရှိပေမယ့်

ဒီအလုပ်ကိုပဲ နှလုံးသားနဲ့ လုပ်ပေးတတ်တဲ့သူက ရှားတယ်။

လူတယောက် positions တခုလုပ်နေခဲ့တယ်
သူ မရှိတော့ရင်
သူ့ရဲ့ အလုပ်နေရာ၊ သူ့ position၊ သူ့ရဲ့ responsibility တွေကို တခြားသူနဲ့ အစားထိုးနိုင်ပါတယ်။

ဒါပေမယ့်
စိတ်စေတနာနဲ့ လုပ်ပေးတတ်တဲ့သူ၊
အဖွဲ့အစည်းကို ကိုယ့်အလုပ်လို သဘောထားပြီး
တာဝန်ယူတတ်တဲ့သူရဲ့ value ကိုတော့
လွယ်လွယ်နဲ့ အစားထိုးမရပါဘူး

“လူကိုအစားထိုးလို့ရတယ် ဒါပေမယ့် စေတနာထားတဲ့ စိတ်ရှိသူမျိူးကိုတော့အစားထိုးဖို့ခက်ပါတယ်”🫡

လစ်လစ်နေရာမှာ မည်သူကိုမဆို ချက်ချင်း အစားထိုးလို့ရတဲ့သူတွေ အဆင်သင့်ရှိနေတယ်🙂‍↔️

ဟုတ်ပါတယ် ……..အခုမျက်မှောက်ခေတ်ပိုဆိုးပါတယါ
လုံးဝ ငြင်းမရပါဘူး။ 🙂‍↔️
မိုးပျံအောင်တော်နေ ထက်နေလဲ ပြုတ်ခံထိပါတယ်🙂‍↔️

သူ့အတွက် အလုပ်လုပ်နေသော်ညား
လုပ်ရမဲ့ အတူတူ စေတနာပါပါနဲ့ မိမိတာဝန် ကို အကောင်းဆုံး ကျေပျွန်စွာ လုပ်ပေးလိုက်ပါ။ 🍃

ကိုယ်ထားရှိခဲ့တဲ့စိတ်တဲ့
တန်တဲ့အရာ တစ်နေ့တော့ ရမှာပါ
အကျိုးမယုတ်လောက်ပါဘူး🍃

゚

အိပ်မက်တွေနဲ့ ပြည့်နေတဲ့ ကလေးမလေးတစ်ယောက်…
ဘဝက သူမကို ဘယ်လောက်ခိုင်မာစေမလဲ မသိသေးခဲ့ဘူး။

မိသားစုရဲ့ အရိပ်အောက်မှာ ကလေးဘဝကို အသာလေး ချန်ထားခဲ့ပြီး အရွယ်မတိုင်ခင် လူကြီးဖြစ်လာခဲ့တယ်။
နှလုံးသားထဲက အလင်းကိုတော့ မပျောက်စေခဲ့ဘူး။

မျက်ရည်တွေကို ဝှက်ရင်း
ကိုယ့်ကိုယ်ကို ပိုပြီး သန်မာအောင် သင်ယူခဲ့တယ်။
“အဆင်ပြေပါတယ်” ဆိုတဲ့ စကားကိုအဆက်မပြတ်ပြောရင်းနဲ့ပေါ့

မတရားမှုတွေကြားထဲမှာတောင်
အိပ်မက်တွေကို မလွှတ်ဘဲ ဆက်လျှောက်ခဲ့တယ်။

နာကျင်မှုတွေက သူမကို မဖျက်ဆီးနိုင်ခဲ့ဘူး…
ပိုလင်းတဲ့ အမျိုးသမီးတစ်ယောက်အဖြစ် ပြောင်းလဲပေးခဲ့တယ်။

လဲကျခဲ့တဲ့နေ့တွေရှိပေမယ့်
ပြန်ထနိုင်တဲ့ သတ္တိက သူမကို ရှေ့ဆက်စေခဲ့တယ်။

၃၇ နှစ်တာ သူမက အတိတ်ကို ကျေးဇူးတင်ပြီး🤍
အနာဂတ်ဆီကို ယုံကြည်မှုအပြည့်နဲ့ ဆက်လှမ်းနေတုန်းပဲ✨
သူမက အတိတ်ကို နာကျင်မှုနဲ့ မကြည့်တော့ဘူး…
ရှေဆက်အပြုံးလေးနဲ့ ဆက်လျှောက်နေတုန်းပဲ… ✨

မိန်းကလေးဆိုတာ အားနည်းလို့ ငိုတာမဟုတ်ဘူး...

စိတ်ထဲမှာ သိမ်းထားရတဲ့ခံစားချက်တွေ
များလွန်းလို့ မျက်ရည်ကျတာပါ။

တချို့မိန်းကလေးတွေက နာကျင်နေတောင်
“အဆင်ပြေပါတယ်” လို့ပြုံးပြတတ်ကြ တယ်။

စိတ်ပင်ပန်းနေတောင် ဘယ်သူ့ကိုမှ မပြောဘဲ
တိတ်တိတ်လေး ခံထားတတ်ကြတယ်။

သူတို့မှာလည်း ပင်ပန်းမှုရှိတယ်... 🥹

အားငယ်မှုရှိတယ်...🥹

ငိုချင်တဲ့ညတွေရှိတယ်...🥹

ဒါပေမယ့် လူတိုင်းရှေ့မှာတော့ မပြိုလဲချင်ကြဘူး။ 🥹

ဘာလို့လဲဆိုတော့ မိန်းကလေးတစ်ယောက်ရဲ့နှလုံးသားက နူးညံ့ပေမယ့် စိတ်ဓာတ်ကတော့ တော်တော်မာတတ်လို့ပါ။

တစ်ခါတစ်လေ

သူမတိတ်ဆိတ်နေတာက မခံစားရတော့လို့မဟုတ်ဘူး...

အရမ်းခံစားရလွန်းလို့ စကားမထွက်တော့တာပါ။

သူမရဲ့အပြုံးနောက်ကွယ်မှာ ဘယ်လောက်ထိနာကျင်နေလဲဆိုတာ ဘယ်သူမှမသိနိုင်ကြဘူး။

ဒါပေမယ့်...

ဘယ်လောက်ပဲပင်ပန်းပါစေ မိန်းကလေးတွေက

ကိုယ်ချစ်တဲ့သူတွေရှေ့မှာတော့ အကောင်းဆုံးဖြစ်ပေးဖို့ ကြိုးစားနေတုန်းပဲ။

မိန်းကလေးဆိုတာ ပန်းလေးလိုနူးညံ့ပေမယ့်

မုန်တိုင်းလာရင်တောင် မကျိုးမပဲ့အောင်
ရပ်တည်နိုင်တဲ့သူတွေပါ။


゚

တချို့လူတွေက ချစ်ခြင်းကို ရင်ခုန်စရာအဖြစ်ပဲ မြင်ကြတယ်။
တချို့ကတော့ ချစ်ခြင်းဆိုတာ မျက်ရည်ကျပြီးမှ ရတဲ့အရာလို့ ထင်ကြတယ်။

ဒါပေမယ့် တကယ်တမ်း
လူတစ်ယောက်ကို ချစ်ရတာဟာ
စိတ်ပင်ပန်းစရာ မဖြစ်သင့်ဘူး။

ကိုယ်ချစ်တဲ့သူတစ်ယောက်ကြောင့်
ညတိုင်း မအိပ်နိုင်ရတာ၊
ဖုန်းတစ်ချက်မဝင်တာ ၊ စာလေးမဝင်တာ နဲ့ပဲ
ရင်တွေတုန်ပြီး စိုးရိမ်နေရတာ၊
တစ်နေ့လုံး reply မရတာကို

ကိုယ့်အပြစ်လို ခံစားနေရတာမျိုးဟာ
“ချစ်ခြင်း” ထက် “စိတ်ဒဏ်ရာ” ပိုဆန်တယ်။

လူတစ်ယောက်က ကိုယ့်ဘဝထဲ ဝင်လာတဲ့အခါ
ပင်ပန်းမှုထပ်ပေးဖို့ မဟုတ်ဘူး။
အေးချမ်းမှု ပေးဖို့ ဖြစ်သင့်တယ်။

ကိုယ်နဲ့စကားပြောနေရင်း အမြဲသံသယဖြစ်နေစေတဲ့သူထက်
ဘာမှမရှင်းပြရပဲ ယုံကြည်လို့ရတဲ့သူက ပိုတန်ဖိုးရှိတယ်။

သူနဲ့ရှိတဲ့အချိန်တိုင်း
“ငါတစ်ယောက်တည်း မဟုတ်တော့ဘူး” ဆိုတဲ့ခံစားချက်ကိုပဲ ပေးတယ်။

ဇင် ဆိုတဲ့ကောင်မလေးတစ်ယောက်ရှိတယ်။

သူမက အပြင်ပန်းမှာတော့ strong ဖြစ်တယ်။
အမြဲ active ဖြစ်သလိူ တခါတရံတော့
မျက်နှာကြောခပ်တင်းတင်းလေး ရှိသူပါ။
အလုပ်မှာလည်း တော်တယ်။
သူငယ်ချင်းတွေကြားမှာလည်း positive energy ပေးတတ်တဲ့သူ။ လူတိုင်းအပေါ် ပြုံးရွှင်နေတတ်တယ်။

ဒါပေမယ့် ညဘက်တွေမှာတော့
သူမတစ်ယောက်တည်း တိတ်တိတ်လေး ငိုတတ်တယ်။

သူမ ချစ်ခဲ့ဖူးတဲ့ relationship တစ်ခုကြောင့်။

အဲ့ဒီကောင်လေးက စကားလှလှတွေ ပြောတတ်တယ်။
အစပိုင်းမှာတော့ သူမကို ကမ္ဘာပေါ်က အရေးအကြီးဆုံးလူလို ခံစားစေခဲ့တယ်။

ဒါပေမယ့် အချိန်ကြာလာတာနဲ့အမျှ
သူမရဲ့ ရင်ထဲမှာ ပင်ပန်းမှုတွေ စတင်လာတယ်။

“ဘယ်မှာလဲ”
“ဘယ်သူနဲ့လဲ”
“ဘာလို့ reply နောက်ကျတာလဲ”
“Online ဖြစ်ပြီး ဘာလို့ စကားမပြောတာလဲ”

ချစ်လို့မေးတာဆိုပေမယ့်
နေ့တိုင်း အစစ်ဆေးခံနေရတဲ့ relationship ဟာ
တဖြည်းဖြည်း အသက်ရှူမဝသလို ဖြစ်လာတယ်။
အရာရာ သည်းခံခဲ့တယ်။
ကိုယ့်ခံစားချက်ကိုတောင်
“ငါ sensitive ဖြစ်နေတာပါ” ဆိုပြီး ဖုံးထားခဲ့တယ်။

ဒါပေမယ့်
ချစ်ခြင်းတစ်ခုက
ကိုယ့်ကို ပိုပျော်ရွှင်စေမယ့်အစား
ပိုပြီး anxious ဖြစ်လာစေတယ်ဆိုရင်
အဲ့ဒါဟာ healthy love မဟုတ်တော့ဘူး။

တစ်နေ့ သူမ အရမ်းပင်ပန်းနေတဲ့ညမှာ
သူ့ဆီ ဖုန်းခေါ်လိုက်တယ်။

“ဒီနေ့ စိတ်ညစ်လို့…” ဆိုတဲ့စကားတောင်
မဆုံးခင်မှာ
“အခု busy ဖြစ်နေလို့ နောက်မှပြောမယ်” ဆိုပြီး
ဖုန်းချသွားတယ်။

အဲ့ဒီတစ်ခဏမှာ သူမ နားလည်သွားတာတစ်ခုရှိတယ်။

ကိုယ်က တစ်ယောက်ကို “ချစ်သူ” လို့ ခေါ်နေပေမယ့်
ကိုယ့်စိတ်ပင်ပန်းမှုတွေကို
လုံခြုံစွာ ချထားလို့မရတဲ့ relationship ဟာ
နွေးထွေးတဲ့အိမ် မဖြစ်လာနိုင်တော့ဘူး ဆိုတာ။

အဲ့ဒီနောက်ပိုင်းသူမ တဖြည်းဖြည်း နောက်ဆုတ်လာတယ်။

သူမ ရှေ့ဆက်တိုးမိရင် ဒီလူကို ဆက်ချစ်နေရင်
သူမကိုယ်တိုင် ပျောက်ဆုံး သွားတော့မယ်ဆိုတာ သိလို့။

လူတစ်ယောက်ကို ချစ်ရတာက
အရမ်းကြိုးစားနေရတဲ့အရာ မဖြစ်သင့်ဘူး။
အမြဲ prove လုပ်နေရတဲ့ relationship ဟာ
တကယ်တော့ စိတ်ကို အလွန်ပင်ပန်းစေတယ်။

တကယ်ချစ်တဲ့သူဟာ ကိုယ့်ကို မမောစေဘူး။
သူ့နားမှာရှိရင် စိတ်အေးရမယ်။
ကိုယ် weak ဖြစ်နေတဲ့ အချိန်တွေမှာတောင်
ဟန်ဆောင်မျက်နှာဖုံး တပ်ထားစရာ မလိုခဲ့ဘူး။

“အဆင်မပြေဘူး” လို့ ပြောလို့ရတဲ့ relationship ဟာ
အချစ်စစ်နဲ့ ပိုနီးတယ်။

နှစ် အနည်းငယ်လောက်ကြာတော့
ဇင့် ဘဝထဲ လူတစ်ယောက် ထပ်ဝင်လာတယ်။

သူက စကားပြော မချိုလှဘူး။
ရောက်တဲ့အရပ် ပျော်ပျော်နေတတ်သူမျိုး။
Romantic ဆန်တဲ့ ပုံစံမျိုးလဲ မရှိပါဘူး။ ဟာသတွေပြောတတ်သလို တခါတရံ ကျမစိတ်ရှုပ်အောင် လုပ်တတ်သူမျိုး။
ကျမ Attention ရအောင် အမြဲ နောက်တိ နောက်ပြောင်နဲ့ တောင်စဉ်ရေမရ တွေ လျှောက်ပြောလေ့ရှိသူ။

ဒါပေမယ့် ကျမ မပျော်တဲ့နေ့တွေမှာ
“ဘာဖြစ်နေလဲ” လို့ တိတ်တိတ်လေး လာမေးတတ်တယ်။

ကျမ စိတ်ညစ်နေရင် solution မပေးခင် ကျမပြောသမျှ စိတ်ရှည်ရှည်နဲ့ နားထောင်ပေးတတ်တယ်။🤍

ကျမ မငိုချင်ဘူး လို့ဟန်ဆောင်နေရင်တောင်
“မင်းအရမ်းပင်ပန်းနေပြီထင်တယ်” လို့ သူက သိနေတတ်တယ်။🤍

အဲ့ဒီနောက်ပိုင်း ကျမရဲ့ relationship ထဲမှာ
တစ်ခါမှ သံသယနဲ့ မအိပ်ရတော့ဘူး။ စိတ်အေး ခေါင်းအေးနဲ့ နေခွင့်ရခဲ့တယ်။🤍

Reply နောက်ကျလည်း မစိုးရိမ်တော့ဘူး။
ဘာလို့လဲဆိုတော့ ယုံကြည်မှုက explanation ထက် ပိုခိုင်မာနေပြီ။❕

တကယ်ချစ်တဲ့သူဆိုတာ ကိုယ့်စိတ်ကို မလုံခြုံစေတဲ့သူ မဟုတ်ဘူး။❕
ကိုယ့်နှလုံးသားကို အေးအေးချမ်းချမ်း အနားယူလို့ရတဲ့နေရာပေးတဲ့သူ။❕

Relationship တစ်ခုမှာ
luxury gift တွေထက်
emotional safety က ပိုအရေးကြီးတယ်။❕❗️

တချို့လူတွေဟာ ကိုယ့်ကို ပျော်အောင်လုပ်ပေးနိုင်တယ်။
ဒါပေမယ့် လုံခြုံအောင် မလုပ်ပေးနိုင်ဘူး။🤍

တချို့ကတော့စကားအများကြီး မပြောဘူး။
ဒါပေမယ့် သူတို့နားမှာရှိရုံနဲ့
ရင်ထဲကသောကတွေ တဖြည်းဖြည်းငြိမ်သွားတယ်။🤍

အချစ်ဆိုတာ အမြဲ ရင်ခုန်နေရတာ မဟုတ်ဘူး။
တစ်ယောက်နားမှာ စိတ်ချလက်ချ အိပ်ပျော်နိုင်တာမျိုးလည်း ဖြစ်တယ်။🤍

ကိုယ်ပင်ပန်းနေတဲ့အချိန်
အားနာစရာမလိုဘဲ မှီလို့ရတဲ့ပုခုံးတစ်စုံရှိတာဟာ
ဘဝမှာ အကြီးဆုံး ကံကောင်းမှုတစ်ခုပဲ။❕

လူတိုင်း strong ဖြစ်ချင်ကြတယ်။
ဒါပေမယ့် တကယ်တမ်းတော့
strong ဖြစ်ပြနေရတာလည်း မောတယ်။❗️

အဲ့ဒီအချိန်မှာ ကိုယ့်ကို judgement မလုပ်ဘဲ
“မင်း ပင်ပန်းနေပြီ စိတ်လေးလျှော့လိုက်နော်” လို့ ပြောပြီးနားလည်ပေးစေမယ့်သူတစ်ယောက်ရှိရင်
အဲ့ဒါက မင်းကို healing ဖြစ်စေတယ်။🤍

ဘာလို့လဲဆိုတော့
love က anxiety မဟုတ်ဘူး။❗️
love က peace ဖြစ်တယ်။❕

ကိုယ့်ကို အမြဲသံသယဖြစ်စေတဲ့သူထက်
ဘာမှမပြောရပဲ ယုံကြည်လို့ရတဲ့သူကို ရွေးပါ။❗️

ကိုယ့်ကို အမြဲငိုစေတဲ့သူထက်
ပင်ပန်းတဲ့နေ့တွေမှာ တိတ်တိတ်လေး ဖက်ထားပေးမယ့်သူကို ချစ်ပါ။🤍

ကိုယ့်ကို prove လုပ်ခိုင်းတဲ့သူထက်
ဒီအတိုင်းလေးနဲ့ တန်ဖိုးထားပေးတဲ့သူကို ရွေးပါ။❕

ဘာလို့လဲဆိုတော့ …….ဘဝက ခက်ခဲပြီးသား။🍃

အချစ်ကတော့……အနားယူလို့ရတဲ့နေရာ ဖြစ်သင့်တယ်။🤍

ဒါကြောင့်…
သောကကင်းတဲ့ ပုခုံးမှာ မှီပါ။🍂
သံသယထားစရာမလိုတဲ့သူကို ချစ်ပါ။🍁

ကိုယ့်နှလုံးသားကို
နေ့တိုင်း မစစ်ဆေးရတဲ့ relationship ကို ရွေးပါ။🤍

အချစ်စစ်ဆိုတာ
ရင်မောစေတဲ့အရာ မဟုတ်ဘူး။
“အိမ်ပြန်ရောက်သလို” ခံစားရစေတဲ့ အရာပါ 🤍


゚

“ဘဝမှာ မျှော်လင့်ချက်မထားဘဲ…..
လုပ်သင့်တာကို လုပ်ပါ…”

ဘဝမှာ အရာအားလုံးကို မျှော်လင့်ပြီး လုပ်နေမယ်ဆိုရင်
စိတ်မပျော်ရတဲ့နေ့တွေ များလာတတ်တယ်။

ဒါပေမယ့် ကိုယ်လုပ်သင့်တာကို စိတ်စေတနာကောင်းနဲ့ လုပ်တတ်လာတဲ့အခါ ဘဝက ပိုပေါ့ပါးလာတယ်။

ပြုံးပေးသင့်ရင် ပြုံးပေးလိုက်…
ချစ်ပေးသင့်ရင် ချစ်ပေးလိုက်…
ကြိုးစားသင့်ရင် အကောင်းဆုံး ကြိုးစားလိုက်…

ရလာဒ်ကိုတော့
အချိန်နဲ့ ဘဝဆီမှာ အပ်ထားလိုက်ပါ။

တချို့ကံကောင်းမှုတွေက
မျှော်နေတဲ့အချိန်မှာ မလာပေမယ့်
ကိုယ့်လမ်းကို ကိုယ်ယုံပြီး လျှောက်နေတဲ့အချိန်မှာ
တိတ်တိတ်လေး ရောက်လာတတ်တယ်။

ဒါကြောင့် ဒီနေ့လည်း
စိတ်ကောင်းကောင်းနဲ့ နေပါ…
လုပ်သင့်တာကို ဆက်လုပ်ပါ…

တစ်နေ့ကျရင် ကိုယ်လျှောက်ခဲ့တဲ့လမ်းတွေက
ကိုယ့်ကို အလင်းရောင်ရှိတဲ့နေရာဆီ
ခေါ်သွားပေးလိမ့်မယ်။

゚

လူတွေကြားထဲကနေ
တဖြည်းဖြည်း ခွာလာမိတာ ကြာပြီ…။🍃

မခင်လို့တော့ မဟုတ်ဘူး…
မချစ်တတ်လို့လည်း မဟုတ်ဘူး…။🍃

တချို့စကားတွေက နားထဲဝင်လာပြီး
ရင်ထဲမှာ ဆူးလို စိုက်ကျန်နေတတ်တယ်…။🍃

တချို့အပြုံးတွေက နွေးသလိုလိုနဲ့
နောက်ကွယ်မှာ အေးစက်နေတတ်တယ်…။🍃

လူတွေနဲ့ ပိုနီးကပ်လာတိုင်း
drama တွေ… အရှုပ်အရှင်းတွေ…
မလိုအပ်တဲ့ ရင်ပူမှုတွေက အရိပ်လို လိုက်လာတတ်တော့…..
အရှုပ်အရှင်းတွေ… နားလည်မှုလွဲတာတွေက
စိတ်ကို တဖြည်းဖြည်း ပင်ပန်းစေခဲ့လို့…။🍃

အခုတော့ ကိုယ့်စိတ်ကို ကိုယ်ပဲ ကာကွယ်ပြီး
တိတ်တိတ်လေး နေတတ်လာတယ်…။🍃

ကိုယ့်ရပ်ဝန်းထဲမှာ လူအများကြီး မလိုတော့ဘူး…။🍃
တကယ်နားလည်ပေးနိုင်တဲ့ လူနည်းနည်းလေး ရှိရင်ပဲ
လုံလောက်နေပြီ…။

အသက်ကြီးလာလို့လားတော့ မသိဘူး…
အခုနောက်ပိုင်း ဆူညံသံတွေထက်
တိတ်ဆိတ်မှုကို ပိုချစ်လာတယ်…။

နားပူရတာတွေ…
ရင်ပူရတာတွေ…
နောက်ကျောမလုံတဲ့ခံစားချက်တွေ မရှိချင်တော့ဘူး…။🍃

အေးအေးဆေးဆေးနဲ့ စိတ်မပင်ပန်းရတဲ့နေ့တွေကိုပဲ
လိုချင်လာမိတယ်…။🍃

ဒါကြောင့်လည်း လူတွေဆီကနေ
တစ်လှမ်းလောက်ဖြစ်ဖြစ် အနောက်ဆုတ်ပြီး
ငြိမ်ငြိမ်လေး နေချင်လာတာပါ… 🌿🌸🍃🍁

.
゚

“နိုင်ငံတစ်ခုဖွံ့ဖြိုးတိုးတက်မှု”ဆိုတာ အဆောက်အဦးအမြင့်ကြီးတွေ ပေါများလာတာကိုပဲ မဆိုလိုဘူး။

🛣️လမ်းတွေ ကောင်းလာတာ၊
🚆transportation အဆင့်မြင့်ပြီး ဘေးကင်းစွာ သွားလာရေး လွယ်ကူ လာတာ၊
📚👩‍🏫ကလေးတိုင်း တန်းတူ အဆင်မြင့် ပညာရေးသင်ကြားခွင့် ရလာတာ၊
🍽️လူတိုင်း တစ်နေ့ ၃ နပ် အာဟာရပြည့်ဝစွာ စားနိုင်လာတာ၊
💵💲အလုပ်ကြိုးစားသူတိုင်း သူ့လုပ်အားနဲ့ ထိုက်တန်တဲ့ ဝင်ငွေ ရလာတာ၊
🏡🤱🏼မိသားစုတွေ အိုးမကွာ အိမ်မခွာပဲ ကိုယ့်မြေ ကိုယ့်ရေမှာ ကိုယ်ရတဲ့ ဘွဲ့နဲ့ ဂုဏ်ယူစွာ လုပ်ကိုင် စားသောက် နေထိုင်နိုင်တာကို ဆိုလိုတယ်။

ကျတို့ ရဲ့ မြန်မာနိုင်ငံလည်း
တစ်နေ့ ဒီလို ဖွံ့ဖြိုးတိုးတက်တဲ့ နိုင်ငံတစ်နိုင်ငံ ဖြစ်လာစေချင်တယ်။

လူတိုင်း ကျိကျိတက် ချမ်းသာဖို့ထက်

အခြေခံလူတန်းစားမှသည်လည်း
လူတန်းစေ့ နေနိုင်၊ စားနိုင်ပြီး၊ တန်းတူပညာသင်ယူခွင့် ရတဲ့ လူမှုဘဝတွေ ဖြစ်စေချင်တယ်။

ပညာရေးကို ကမ္ဘာ့အဆင့်မီစေချင်တယ်။

တစ်ချိန်ကလို ကမ္ဘာ့ထိပ်သီး လူတော်တွေက မြန်မာနိုင်ငံက တက္ကသိုလ်တွေမှာ လာပြီး ပညာဆည်းပူးချင်တဲ့ နိုင်ငံမျိုး ပြန်ဖြစ်စေချင်တယ်။

လူတော်တွေ ပေါ်ထွက်လာရင်လည်း
သူများနိုင်ငံရဲ့ resources အဖြစ် မဖြစ်စေချင်ဘူး။

ကိုယ့်နိုင်ငံမှာပဲ မိသားစုနဲ့ အတူ ပျော်ရွှင်စွာ အလုပ်လုပ်ပြီး ဘဝတည်ဆောက်နိုင်စေချင်တယ်။

သူခိုး၊ ဓားမြ၊ မလုံခြုံမှုတွေကို စိုးရိမ်နေရတဲ့ ဘဝမဟုတ်ပဲ
အေးချမ်းပြီး စိတ်ချလုံခြုံတဲ့ လူမှုအသိုင်းအဝိုင်း ဖြစ်စေချင်တယ်။

“အနာဂတ်ကောင်း” ဆိုတာ
လူတစ်စုတည်းအတွက် မဟုတ်ဘဲ
နိုင်ငံသားတိုင်း အတူတူ ကောင်းမွန်လာတဲ့ အနာဂတ် ဖြစ်လာစေချင်တယ်။ 🇲🇲

゚

မရှိတာတွေအားလုံးထဲမှာ

📍အတွေးအခေါ်မရှိတာရယ်
📍ကိုယ်ချင်းစာတရားမရှိတာရယ်
📍အသိတရားမရှိတာရယ်က

အဆိုးဆုံးပဲ

゚

One honest ‘No’ is better than ten polite excuses.

ရိုးသားစွာ “မလုပ်နိုင်ပါဘူး” လို့ပြောလိုက်ခြင်းက၊
ဆင်ခြေများစွာထက် ပိုပြီးတန်ဖိုးရှိပါတယ်။

လုပ်ငန်းခွင်မှာ ကိုယ်မလုပ်နိုင်တဲ့အရာကို လှည့်ပတ်ပြီး အကြောင်းပြချက်တွေ ဆက်တိုက်ပေးနေမယ့်အစား တစ်ခါတည်း ရှင်းလင်း၊ ရိုးသားစွာ “မလုပ်နိုင်ပါဘူး” ပြောဆိုခြင်းက ကိုယ့်အပေါ် သူတပါးက ယုံကြည်မှုကို ပိုပြီးတည်ဆောက်ပေးနိုင်ပါတယ်။

ရှင်းလင်းတိကျတဲ့ ဆက်သွယ်မှုက အချိန်မဖြုန်းစေသလို၊ နှစ်ဖက်လုံးအတွက်လည်း မျှော်မှန်းချက် (expectation) ကို တိတိကျကျ သတ်မှတ်ပေးနိုင်ပါတယ်။

“မလုပ်နိုင်ဘူး” ဆိုတာ မကောင်းတဲ့အရာမဟုတ်ပါဘူး။

ဒါဟာ မိမိရဲ့ တာဝန်ယူနိုင်မှု၊ ပွင့်လင်းမှုနဲ့ ၂ဖက်စလုံး ရဲ့ အချိန်ကိုတန်ဖိုးထားမှုကို ဖော်ပြတဲ့ အပြုသဘောဆောင်တဲ့ communication တစ်ခုပါ။

Professional ဖြစ်ချင်ရင်… ရိုးသားပြီး တိကျတဲ့ communication ဖြစ်ဖို့က အရေးကြီးပါတယ်။ 🫶🏻

ဒါပေမယ့်လည်း

❗ “No” ကို ဘယ်လိုပြောမလဲ ဆိုတာကလည်း အရေးကြီးပါတယ်။ လွန်ကဲသွားရင် မယဉ်ကျေးသလို ထင်မြင်နိုင်ပါတယ်။

အကောင်းဆုံးနည်းလမ်းက ယဉ်ကျေးစွာ၊ ရှင်းလင်းစွာ ပြောဆိုခြင်းပါ။ မှန်ကန်ဖို့လိုအပ်ပါတယ်။

ဥပမာ

* “I’m sorry, I won’t be able to support this timeline.”

* “Thanks for checking, but I’m not available for this.”

အဆင်ပြေပါစေ🫶🏻