Winky Winky she should shine.

သူမ ကျွန်တော်ကို မချစ်တော့မှာ ကြောက်​နေခဲ့သလို၊
ကျွန်​တော်မဟုတ်တဲ့ အခြားတစ်ယောက်ကို သူမ ချစ်မိသွားမှာကိုလဲ ကြောက်ခဲ့မိပါတယ်။

အမှတ်တရတွေအကုန်လုံးကို ကျွန်​တော်တစ်ယောက်ထဲပဲ သိမ်းထားရမှာ ကြောက်ခဲ့မိသလို၊
အဲ့အမှတ်တရတွေက သူမ ဘဝအတွက် ဘာမှမဟုတ်အရေးမကြီးခဲ့တဲ့ အရာ​တွေဖြစ်သွားမှာကိုလဲ
ကြောက်ခဲ့မိပါတယ်။

သူမရဲ့ မျက်နှာလေးကို လက်ဖြင့် သေချာထိတွေ့ခဲ့ရချိန်မှာ ကျွန်​တော့် ဘဝရဲ့ ချစ်ရသော ဖြစ်တည်မူလေးပါလားလို့ တွေးရင်း၊
ဆုံးရူံးသွားရမှာကိုလဲ ကြောက်နေခဲ့ ဖူးပါတယ်။

ကျွန်​တော်ကြောက်ခဲ့ရသော အရာများ တစ်ခုပြီးတစ်ခုဖြစ်လာတဲ့အခါ၊ အကြောက်တရား တွေအားလုံးကို ရင်ဆိုင်​ဖို့ ခွန်အားမရှိခဲ့တဲ့ အခါ၊
မိမိ့ကိုကိုယ် လိမ်ညာ နှစ်သိမ့်ခြင်းဖြင့်
ရှေ့ဆက်ခဲ့ရပါတယ်။

အကယ်၍များ တစ်နေ့နေ့မှာ ကျွန်တော်လဲ လွှတ်လပ်စွာပြိုလဲခွင့်ရအုန်းမယ်ဆိုရင်၊
သူမနဲ့ပါတ်သတ်သမျှ​တွေကို
နားကျည်း တတ်လာမယ် ထင်ပါရဲ့ဗျာ။

အတိတ်ကြောင့်...ဝေးခဲ့ရတယ်၊
လက်ရှိကြောင့်...ဝေးနေရတယ်၊
အနာဂါတ်ကြောင့်...နာကျင်ရအုန်းမယ်ဆိုရင်
ငါဘယ်လိုရုန်းထွက်ရမလဲ အဖြေကရှင်းပါတယ်
အဲ့အဖြေကို မလိုချင်မိရုံသက်သက်ပဲ။

မင်းမရှိတော့တဲ့၊ ငါ့ရဲ့ညနေခင်းမှာ
အရာရာဟာ၊ တိတ်ဆိတ်ခြောက်ကပ်သွား။
မင်းရဲ့အပြုံးလေးများကို၊ မြင်ချင်လိုက်တာ
နေဝင်ချိန်တွေတောင်၊ အစားထိုးမရ။
ငါ့ရဲ့စိတ်ကိုငါ၊ မပိုင်ဆိုင်တဲ့အခါ
မင်းရှိတဲ့အရပ်ကို၊ ပြေးလို့သွား။
မင်းပြောဖူးတယ်၊ အချိန်တန်ရင်
အဆင်ပြေသွားမှာ၊ အဆင်ပြေရင်တောင်
မင်းမရှိတော့ပါ။

ကျွန်တော်လဲ ချစ်မိခဲ့တဲ့လူတွေတည်းက တစ်ယောက်အပါအဝင် သူ့ကိုချစ်ကြောင်းတွေ သတိရနေသေးကြောင်းတွေ ပြောပြချင်မိ​သော်ငြားလည်း ကို့ရဲ့ဆန္ဒဟာ သူ့အတွက် စိတ်အနှောက်အယှက် တစ်ခုအဖြစ်နေရာယူသွားမှာ ကျွန်တော်မလိုလားခဲ့ ဒါကြောင့် ကျွန်တော်ဟာတိတ်ဆိတ်ခြင်းကိုသာရွေးချယ်ခဲ့ပါတယ်
တစ်နေ့ကျ တိတ်ဆိိတ်​ခြင်းရဲ့ ဆန့်ကျင်ဘက်ဖြစ်တဲ့ရွေးချယ်မှုကိုသာ ရွေးချယ်ပါရစေ
ကျွန်​တော်ရည်ရွယ်သော တစ်​နေ့ဆိုတာ မနက်ဖြန် လောကကြီးကထွက်ခွာသွားရတော့မယ်ဆိုရင် ဒီလိုညမျိုးပေါ့။

ဘာလိုလိုနဲ့ငါမင်းဆီကပြေးထွက်ခဲ့တာတောင်အတော်ကြာလို့အဝေးဆုံးကိုရောက်နေပြီပဲ ဘာဖြစ်လို့ငါ့ရဲ့ရဲ့မျက်လုံးတွေက မင်းကိုမမြင်မတွေ့နိုင်တော့မှန်းမှန်းသိသိနဲ့ လှည့်ကြည့်နေမိရတာလဲ?
လောကမှာ ဘယ်သူမှမပြည့်စုံနိုင်ဘူးဆိုတာကို ငါသိလျက် ဘာကြောင့်ငါ ကြယ်တွေမြင်တိုင်း မင်းလေးပြည်စုံဖို့ဆုတောင်းရင်း မျော်လင့်နေမိရတာလဲ?
ဒါတွေဟာ ငါ့ကိုငါအမြဲမေးမိနေတဲ့မေးခွန်းတွေပေါ့ ဒီမေးခွန်းတွေရဲ့အဖြေက မင်းကိုငါအမြဲပြောပြနေမိတဲ့စကားလုံးတွေထဲမှာပါနေခဲ့တာပဲ တွေးကြည့်ရင်တော့ ရိုးရှင်းပါတယ် ဒီလိုရိုးရှင်းတဲ့အဖြေကိုလက်ခံပြီးနောက် ငါ့ရဲ့နေ့ရက်တိုင်းရဲ့အတွေးတော်တော်များများမှာ မင်းကမပါမဖြစ်ပါပဲ အသားကျသွားခဲ့တယ်ထင်ပါရဲ့ ငါ့ရဲ့အသိစိတ်ကလေးရယ် ငါ့ကိုယ်စားငါကပဲတောင်းပန်ပါတယ်။

အတိတ်ကိုမှာမနေထိုင်သင့်တာသိသော်လည်း
အတိတ်မှာပဲကျန်နေခဲ့တော့တဲ့ အရာတစ်ချို့ကိုစွဲလမ်းမိတဲ့ ကိုဟာအတိတ်မှာပဲနေထိုင်ဆဲ…..

ပျော်ရွင်ရခြင်းဆိုတဲ့အရာကိုတစ်ဖက်သောသူအပေါ်ထားပေးလိုက်ရတဲ့အခါ ငါတို့တွေပျော်ရွှင်ခြင်းမပျော်ရွှင်ခြင်းဆိုတာတွေကဘယ်အရေးပါ ပါတော့ပါ့မလဲ