Dahmma School Shwe Hta Naung Monastery

🌿 ရွှေထနောင်းဓမ္မစကူးလ် 🌿

ယနေ့သည် ရွှေထနောင်းဓမ္မစကူးလ်၏ အပတ်စဉ်သင်ကြားရေး ဒုတိယနေ့ ဖြစ်ပါသည်။ ကလေးများ၏ ကြည်လင်သောအပြုံးများ၊ သင်ယူလိုစိတ်များနှင့်အတူ ဗုဒ္ဓအဆုံးအမများကို စိတ်အားထက်သန်စွာ သင်ယူနေကြသည်ကို မြင်တွေ့ရသဖြင့် အလွန်ပီတိဖြစ်ရပါသည်။ 🙏

ဓမ္မစကူးလ်တက်ရခြင်းသည် စာပေသာမက—
🌼 ယဉ်ကျေးလိမ္မာသော အကျင့်စာရိတ္တကို ပြုစုပျိုးထောင်ပေးသည်။
🌼 မိဘ၊ ဆရာသမားနှင့် သက်ကြီးရွယ်အိုများကို ရိုသေလေးစားတတ်စေသည်။
🌼 မေတ္တာ၊ ကရုဏာနှင့် အမျှဝေစိတ်များကို တိုးပွားစေသည်။
🌼 ဗုဒ္ဓ၏ အဆုံးအမများကို နားလည်ကျင့်သုံးတတ်သော လူငယ်များအဖြစ် ကြီးပြင်းလာစေသည်။

ထို့ကြောင့် မိဘများအနေဖြင့် မိမိတို့၏ သားသမီးများကို ဓမ္မစကူးလ်သို့ ပို့ဆောင်ပေးကြပါရန် လေးစားစွာ ဖိတ်ခေါ်အပ်ပါသည်။

ထို့အပြင် ဓမ္မစကူးလ်၏ ရေရှည်ဖွံ့ဖြိုးတိုးတက်ရေးအတွက် အာဟာရဒါန၊ သင်ထောက်ကူပစ္စည်းများ၊ ငွေဝတ္ထုနှင့် လိုအပ်သည့်ကဏ္ဍအသီးသီးတွင် ပါဝင်လှူဒါန်းလိုသော အလှူရှင်များကိုလည်း နွေးထွေးစွာ ဖိတ်ခေါ်အပ်ပါသည်။

🙏 အလှူရှင်များ၊ ဆရာ/ဆရာမများ၊ မိဘများနှင့် ကူညီပံ့ပိုးပေးသူအားလုံး ကျန်းမာချမ်းသာ၍ ကုသိုလ်ကောင်းမှုများ တိုးပွားကာ ရည်မှန်းချက်များအားလုံး ပြည့်ဝကြပါစေကြောင်း မေတ္တာပို့ ဆုတောင်းအပ်ပါသည်။

"ပညာလည်းရ၊ တရားလည်းသိ၊ အကျင့်စာရိတ္တကောင်းမွန်သော လူငယ်များ ပေါ်ထွန်းလာစေရန် ဓမ္မစကူးလ်သို့ လာရောက်သင်ယူကြပါစို့။" 🙏💛

🌸 ရွှေထနောင်းဓမ္မစကူးလ်ကျောင်း၏ အာဟာရဒါနအလှူ 🌸

ဓမ္မစကူးလ်ကျောင်း ပြန်လည်ဖွင့်လှစ်နိုင်ပြီးနောက် ကျောင်းသား၊ ကျောင်းသူများ အေးချမ်းပျော်ရွှင်စွာ သင်ယူနိုင်ရေးအတွက် အာဟာရဒါနအလှူများကို စဉ်ဆက်မပြတ် ဆောင်ရွက်လျက်ရှိပါသည်။

ယခုအခါ ဓမ္မစကူးလ်ကျောင်းသားဟောင်းများဖြစ်ကြသော—

🙏 မောင်အာကာဟိန်း + မဆုလဒ်ထွန်း တို့မှ အလှူငွေ (၅) သိန်းကျပ် ကို စေတနာထက်သန်စွာ လှူဒါန်းပေးခဲ့ပါသည်။

🙏 မောင်ဇော်လွင်ဦး + မရွှေနံ့သာ တို့မှ အလှူငွေ (၁) သိန်းကျပ် လှူဒါန်းပေးခဲ့သည့်အပြင်၊ အပတ်စဉ်တိုင်း (၁) သိန်းကျပ် ကိုလည်း ဆက်လက်လှူဒါန်းသွားမည်ဖြစ်ကြောင်း ဝမ်းမြောက်ဖွယ် သိရှိရပါသည်။

🙏 မောင်ဇေမင်းထွန်း မှလည်း အလှူငွေ (၁) သိန်းကျပ် ကို စေတနာပြည့်ဝစွာ လှူဒါန်းပေးခဲ့ပါသည်။

ဓမ္မစကူးလ်ကို မမေ့မလျော့ဘဲ ပြန်လည်အမှတ်ရကာ မိမိတို့၏ ကျောင်းအတွက် စေတနာအပြည့်ဖြင့် ပါဝင်လှူဒါန်းပေးကြသည့် ကျောင်းသားဟောင်းများ၏ ကုသိုလ်စိတ်ဓာတ်သည် အားလုံးအတွက် အတုယူဖွယ်ဖြစ်ပါသည်။

ရွှေထနောင်းဓမ္မစကူးလ် မိသားစုမှ အလှူရှင်များအားလုံးကို အထူးပင် ကျေးဇူးတင်ရှိပါသည်။

🙏 အလှူရှင်များနှင့် မိသားစုဝင်များအားလုံး ကိုယ်ကျန်းမာ၊ စိတ်ချမ်းသာ၍ စီးပွားလာဘ်လာဘများ တိုးတက်ကြီးပွားကာ ကောင်းကျိုးလိုရာဆန္ဒများ အမြန်ဆုံး ပြည့်ဝကြပါစေကြောင်း မေတ္တာဖြင့် ဆုမွန်ကောင်းတောင်းအပ်ပါသည်။

"ပညာဒါနနှင့် အာဟာရဒါနတို့ တည်တံ့ခိုင်မြဲစေရန် အားလုံး၏ စေတနာနှင့် ပူးပေါင်းပါဝင်မှုသည် ရွှေထနောင်းဓမ္မစကူးလ်၏ အားအင်ဖြစ်ပါသည်။" 🙏🌿

ကိုဗစ်-၁၉ မတိုင်မီက ရွှေထနောင်းဓမ္မစကူးလ် ၏ အောင်မြင်ခဲ့သော အမှတ်တရပုံရိပ်များကို ပြန်လည်မျှဝေလိုက်ပါသည်။

ကိုဗစ်-၁၉ ကပ်ရောဂါကြောင့် (၆) နှစ်တာ ယာယီရပ်နားခဲ့ရပြီး၊ ယခုအခါ ပြန်လည်ဖွင့်လှစ်နိုင်ခဲ့ပါသည်။ အစပိုင်းတွင် အားနည်းချက်အချို့ ရှိကောင်းရှိနိုင်သော်လည်း အားလုံး၏ စည်းလုံးညီညွတ်သော ကြိုးစားအားထုတ်မှုဖြင့် မကြာမီ ယခင်ကထက် ပိုမိုတိုးတက်အားကောင်းလာမည့် ရွှေထနောင်းဓမ္မစကူးလ် ဖြစ်လာမည်ကို ယုံကြည်ပါသည်။

ဤခရီးစဉ်တွင်—

- ဘုန်းဘုန်း၏ ဩဝါဒနှင့် လမ်းညွှန်မှု
- ဆရာမများ၏ စေတနာအပြည့်ဖြင့် သင်ကြားပို့ချမှုနှင့် စည်းကမ်းကောင်းမွန်မှု
- ရွှေထနောင်းဓမ္မစကူးလ် တပည့်ဟောင်းများ၏ ကူညီပံ့ပိုးမှု
- ယခင်ကတည်းက အာဟာရဒါနအပါအဝင် ကဏ္ဍအသီးသီးတွင် အစဉ်တစိုက် ပံ့ပိုးပေးခဲ့သော ကိုစိုးစိုး + မသိင်္ဂီ တို့၏ ကျေးဇူးပြုမှု
- ဆရာမများနှင့် သက်ဆိုင်သော ဆွေမျိုး၊ မိတ်ဆွေများ၏ ဝိုင်းဝန်းကူညီပံ့ပိုးမှု

တို့ကို အားထားလျက် ရွှေထနောင်းဓမ္မစကူးလ်သည် သာသနာအကျိုး၊ လူငယ်များ၏ အကျိုးအတွက် ဆက်လက်ရှေ့ဆက်လှမ်းသွားမည် ဖြစ်ပါသည်။

အားလုံးကို အထူးကျေးဇူးတင်ရှိပါသည်။

📖 ရွှေထနောင်း ဓမ္မစကူးလ်ကျောင်းတော် ပြန်လည်ဖွင့်လှစ်ခြင်း

📅 (၅-၇-၂၀၂၆)

(၆) နှစ်ကြာ ရပ်နားထားခဲ့သော ရွှေထနောင်း ဓမ္မစကူးလ်ကျောင်းတော်ကို ယနေ့တွင် ဘုန်းတော်ကြီးကျောင်း၏ မေတ္တာအရိပ်အောက်၌ ပြန်လည်ဖွင့်လှစ်နိုင်ခဲ့ပါသည်။

ပြန်လည်ဖွင့်လှစ်သည့် ပထမနေ့တွင် ကျောင်းသူ၊ ကျောင်းသား (၅၀) နီးပါး တက်ရောက်သင်ယူခဲ့ကြပြီး၊ ဓမ္မပညာကို စိတ်အားထက်သန်စွာ သင်ယူကြသည့် သားငယ်၊ သမီးငယ်များ၏ အပြုံးများနှင့်အတူ ပထမဆုံးခြေလှမ်းကို အောင်မြင်စွာ စတင်နိုင်ခဲ့ပါသည်။

🙏 အာဟာရဒါနနှင့် ပညာဒါန အလှူရှင်များ

🙏 ကိုစိုးဝင့်နောင် + မသိင်္ဂီ မိသားစု

ပဲနို့

စာအုပ်များ

🙏 မောင်အာကာဟိန်း + မဆုလဒ်ထွန်း

မြေပဲဝေဖာ

ဆူပါကွေကာ

🙏 ဆရာမများအတွက်

ကော်ပြန့်စိမ်း

ပြန်လည်ဖွင့်လှစ်နိုင်ရေးအတွက် စေတနာထက်သန်စွာ ပါဝင်လှူဒါန်းပေးကြသော အလှူရှင်များ၊ ဆရာ/ဆရာမများ၊ စေတနာရှင်များနှင့် ပါဝင်အားဖြည့်ပေးကြသူအားလုံးကို အထူးကျေးဇူးတင်ရှိပါသည်။

အလှူရှင်များအားလုံး ကိုယ်ကျန်းမာ၊ စိတ်ချမ်းသာ၍ စီးပွားလာဘ်လာဘများ တိုးတက်ကြီးပွားကာ ကုသိုလ်အကျိုးတရားများကို များစွာရရှိခံစားနိုင်ကြပါစေကြောင်း ဆုမွန်ကောင်းတောင်းအပ်ပါသည်။

📍 ဓမ္မစကူးလ်သို့ တက်ရောက်သင်ကြားလိုသူများနှင့် ပါဝင်လှူဒါန်းလိုသူများကို နွေးထွေးစွာ ဖိတ်ခေါ်အပ်ပါသည်။
တည်နေရာ
🏫 ရွှေထနောင်းကျောင်းတိုက် (၅) ဝိုင်း
ဘေလီမှတ်တိုင်အနီး၊ အမှတ် (၁၅) ရပ်ကွက်၊
တောင်ဥက္ကလာပမြို့နယ်၊ ရန်ကုန်တိုင်းဒေသကြီး။

Phone number ၀၉-၇၆၅၁၇၈၉၇၁
၀၉-၇၇၈၈၇၇၄၂၆ ၀၉-၄၅၃၆၄၇၁၀၆ တို့ကိုဆက်သွယ်မေးမြန်နိုင်ပါတယ်ရှင့်
🙏 ဓမ္မပညာသင်ယူလိုသော ကလေးငယ်များကို ကြိုဆိုလျက်ရှိပြီး၊ ဓမ္မစကူးလ်၏ ပညာဒါနနှင့် အာဟာရဒါနလုပ်ငန်းများတွင် ပါဝင်လှူဒါန်းလိုသော စေတနာရှင် အလှူရှင်များကိုလည်း အစဉ်နွေးထွေးစွာ ဖိတ်ခေါ်အပ်ပါသည်။

🙏 သာဓု… သာဓု… သာဓု… 🙏