Care by Moey
Share
Leave Past.. Focus on now..
ဘဝက အဆင်မပြေတဲ့အခါ…နှလုံးသွင်းမှန်ဖို့ အရေးကြီးပါတယ်..။ နှလုံးသွင်းမှန်လေ..ပြင်ပလောကဓံရဲ့ ရိုက်ခတ်မှုဟာ..ကိုယ်နဲ့ဘာမှမပတ်သက်သလို..ကိုယ့်ရဲ့စိတ်နှလုံးကို မထိခိုက်နိုင်အောင် ကာကွယ်နိုင်လေပဲ ဖြစ်ပါတယ်…။ ကိုယ်ဖြစ်ချင်တာတွေ..ဖြစ်မလာတဲ့အခါ…ကိုယ်မဖြစ်ချင်တာတွေဖြစ်လာတဲ့အခါ…ငါ့ကျမှ ဖြစ်ရလေခြင်းလို့ မခံယူဘဲ…ဒီအဆိုးလောကဓံဟာလည်း…ခဏပါပဲ…ဖြစ်ပြီးရင် ပျက်သွားဦးမှာပါပဲ..အချိန်တစ်ခုထိတော့..ငါကြံ့ကြံ့ခိုင်အောင် သည်းခံလိုက်ဦးမယ်.. ကိုယ်ဘာမှ မတတ်နိုင်တဲ့အရာတွေအတွက်..ပူပန်သောကများနေလို့လည်း ဘာထူးမှာလည်း..ကိုယ်လုပ်စရာရှိတာလေးတွေပဲ လုပ်ရင်း ဖြတ်သန်းမယ်..ဖြစ်လာသမျှကိုရင်ဆိုင်လိုက်ရုံပဲ…လို့ နှလုံးသွင်းဆင်ခြင်လိုက်တဲ့အခါ…အဆင်မပြေမှုတွေအတွက် သိပ်ပြီး ပူလောင်ခံစားမနေတော့ပါဘူး…။
တကယ်တော့..သောကဆိုတာ..တွယ်တာမှုကြောင့် ဖြစ်ရတာပါ..။ ဒီတွယ်တာမှုကို..ကိုယ်က လွှတ်ချလိုက်နိုင်ရင်..သောက ကင်းရတာပါပဲ…။ ဒါကြောင့်.. ဘာကိုမှ ဆုပ်ကိုင်မထားဖို့ လိုပါတယ်..။ အောင်မြင်မှု..ငွေကြေးချမ်းသာ..ဆိုတဲ့ အနှောင်အဖွဲ့ တွယ်တာမှုတွေကို လက်လွှတ်နိုင်လေလေ…နာကျင်ခံစားရမှု သက်သာလေလေပဲဖြစ်ပါတယ်…။ အဆင်မပြေတိုင်း..ဘဝက..ခဏလေး…အဆင်ပြေတဲ့အချိန် တစ်လှည့်ရောက်လာဦးမှာပဲ..လို့ တွေးကြည့်လိုက်ပါ..။
အဆင်မပြေတာတွေ..လက်လွှတ်ဆုံးရှုံးလိုက်ရတာတွေအပေါ်..ဒေါသစိတ်..နောင်တစိတ်..မလိုမုန်းထားစိတ်တွေနဲ့ မတုံ့ပြန်တော့ဘဲ..ဖြစ်လာသမျှကို အရှိအတိုင်း လက်ခံပေးလိုက်တာဟာ..ဥပေက္ခာစိတ်ဖြစ်ပါတယ်..။ ဘဝမှာ ဖြစ်ပျက်နေသမျှ အဆင်ပြေမှု..အဆင်မပြေမှုတွေအပေါ် …မတုန်လှုပ်တဲ့စိတ်နဲ့ ဥပေက္ခာထားနိုင်တဲ့သူဟာ…အေးငြိမ်းချမ်းသာရသူသာဖြစ်ပါတယ်…။
ဥပေက္ခာစိတ်ထားနိုင်ဖို့ဆိုတာ လွယ်တော့မလွယ်ပါဘူး..။ ကိုယ့်ရဲ့ ပစ္စည်းဥစ္စာတွေ ဆုံးရှုံးသွားတဲ့အခါ..ကိုယ်ချစ်ခင်တန်ဖိုးထားရသူကို လက်လွှတ်ဆုံးရှုံးလိုက်ရတဲ့အခါ..ဘယ်လို ဥပေက္ခာစိတ်မျိုးနဲ့ ရင်ဆိုင်နိုင်ပါ့မလဲ…။ ပြောတော့သာလွယ်ပေမယ့်..တကယ့်လက်တွေ့ရင်ဆိုင်ကျင့်သုံးဖို့ကျတော တကယ်ခက်ပါလိမ့်မယ်..။ မှန်ကန်စွာ နှလုံးသွင်းတတ်ဖို့ နေ့စဉ်နေ့တိုင်း လေ့ကျင့်နေရမှာဖြစ်ပါတယ်..။
တစ်နေ့တာ အဖြစ်အပျက်လေးတွေအပေါ်မှာ..တုံ့ပြန်မှုတွေ သိပ်မလုပ်ဘဲ..ဥပေက္ခာစိတ်လေးနဲ့ နေတတ်လာအောင် လေ့ကျင့်ယူရမှာဖြစ်ပါတယ်..။ တစ်နည်းအားဖြင့်..ကိုယ့်ကိုယ်ကိုယ် ဥပေက္ခာလက်ဆောင်လေး ပြန်ပေးတတ်ဖို့ လိုပါတယ်..။ ကြိုက်ခြင်း..မကြိုက်ခြင်း..ချစ်ခြင်း..မုန်းခြင်းတွေ မရှိတော့ဘဲ..ဖြစ်လာသမျှ အရာတိုင်းကို သူ့သဘာဝအတိုင်းနားလည်လက်ခံပေးနိုင်လာတဲ့တစ်နေ့မှာ..ပိုအေးချမ်းတဲ့.ကိုယ်..ဖြစ်လာပါလိမ့်မယ်….။
#လွန်းထားထား
#ပိုအေးချမ်းတဲ့ကိုယ်
တချို့သောသူတွေက အမှန်တရားကိုလိုချင်ကြတာမဟုတ်ဘူး..
သူတို့ကသူတို့မှန်တယ်ဆိုတာကိုပဲလိုချင်ကြတာဖြစ်တဲ့အတွက်
အမြဲတမ်းအမှန်တရားဘက်ကနေပြီးတော့ ထိုင်ငြင်းနေဖို့မကြိုးစားပါနဲ့...
ကိုယ့်ရဲ့စိတ်စွမ်းအင်တွေ ကိုယ့်ရဲ့energy တွေကိုတန်ဖိုးရှိရှိပဲအကုန်ခံပါ..
ဒီလူတွေ ဒီအကြောင်းအရာတွေ ဒီအကြောင်းပြချက်တွေ တစ်ခုချင်းစီက
ကိုယ့်အတွက် လိုက်ပြီးတော့ခံစားနေဖို့တန်လားဆိုတာကို ပြန်ဆန်းစစ်ပါ...
စကားတွေအများကြီးပြောမယ့်အစား ကောင်းသောအတွေးတွေအများကြီးတွေးလိုက်ပါ..
ကောင်းတဲ့အတွေးတွေကနေ ကောင်းတဲ့အရာတွေကိုသယ်ဆောင်လာနိုင်တယ်ဆိုတာကိုယုံကြည်လိုက်ပါ..
Click here to claim your Sponsored Listing.
Category
Website
Address
Yangon
