Simple life by AMS

ဒီနေ့ဟာ မြန်မာခုနှစ်သက္ကရာဇ် စပြောင်းတဲ့နေ့
နှစ်ဆန်းတစ်ရက်နေ့လေးဖြစ်ပါတယ်
နှစ်သစ်ကစပီး ယူသောလက်တစုံထပ်
ပေးကမ်းနိုင်သောလက်တစုံဖြစ်ချင်ပါတယ်
မိသားစုကို အမြဲပျော်ရွှင်အောင်ထားနိုင်တဲ့သူဖြစ်ချင်ပါတယ်
အပြန်လှန်နားလည်မှုရှိတဲ့ relationshipလေးရှိရင် လုံလောက်ပီ
အသစ်သစ်သော skillsတွေမဟုတ်ရင်တောင် skill2/3ခုလောက် အသစ်သင်ယူနိုင်ဖို့ ကြိုးစားရမယ်
တောတောင်သဘာဝနေရာလေးတွေကို ခရီးသွားမယ်
ကိုယ်ရည်စစ်ဖို့ အစားသောက် လျော့စားပြီး
လေ့ကျင့်ခန်းလုပ်ဖြစ်အောင် လုပ်ပါမယ်
စာပုံမှန်ရေးမယ် စာဖတ်မယ်
ပျင်းတဲ့စိတ်တွေ နည်းသထက်နည်းအောင်လုပ်မယ်
အခုလေ့လာနေတဲ့ဘာသာစကားကို ပိုသိလာအောင် ပိုကြိုးစားမယ်
မလိုအပ်တဲ့အရာတွေ မဝယ်ဖြစ်အောင်လေ့ကျင့်မယ်
Minimalismတယောက်ဖြစ်ဖို့ ကြိုးစားလေ့ကျင့်ပြောင်းလဲမယ်
ငွေစုမယ် ငွေသေချာစိစစ်ပီးသုံးစွဲမယ်
AMS

Me timeတဲ့ အရွယ်ရောက်သူတိုင်း
သဘောကျတဲ့အရာလို့မြင်ပါတယ်
အိမ်မှာဖြစ်ဖြစ် အလုပ်မှာဖြစ်ဖြစ် အားလုံးနဲ့ပူးပေါင်းပြီးလုပ်နိုင်ပေမဲ့ တနေ့မှာ အနည်းဆုံး1နာရီ/2နာရီလောက်တော့ ကိုယ်ပိုင်အချိန်လေးလိုချင်ကြမယ်လို့ထင်ပါတယ်
ကိုယ့်ကိုယ်ပိုင်အချိန်လေးမှာ အနားယူတာပဲဖြစ်ဖြစ်
စာဖတ်တာပဲဖြစ်ဖြစ် ချက်ပြုတ်တာပဲဖြစ်ဖြစ် အခန်းသန့်ရှင်းရေးလုပ်တာဖြစ်ဖြစ် ပန်းပင်ရေလောင်းတာပဲဖြစ်ဖြစ် ဘာလေးပဲလုပ်လုပ် သီချင်းလေးငြီးရင်း စိတ်အေးလက်အေးလုပ်နေရတာကိုက ဘာနဲ့မှမလဲနိုင်တဲ့လွတ်လပ်မှုပါ
ဘယ်လောက်အလုပ်ရှုပ်တဲ့သူပဲဖြစ်ဖြစ်
အချိန်သေချာစီမံနိုင်ရင် ကိုယ်ပိုင်အချိန်ကတော့ရှိပါတယ်
ကိုယ်ပိုင်အချိန်လေးရှိမှသာ ဘဝက နေရကျိုးနပ်တယ်လို့ထင်ပါတယ်
မိဘဆိုလည်း မိသားစုအရေးပဲအမြဲတွေး အမြဲလုပ်ပေးနေတာနဲ့ ကိုယ့်ကိုယ်ပိုင်အချိန်မထားတတ်တဲ့သူက
စိတ်ရော လူရောပိုပင်ပန်းပါတယ်
ကိုယ့်ကိုယ်ပိုင်အချိန်လေးမှာ ကိုယ်ဝါသနာပါတဲ့အရာလေးတွေကို လုပ်ရင်းကုန်ဆုံးလိုက်ရတဲ့အချိန်လေးက
ကိုယ့်မိသားစုအရေးအတွက် ပင်ပန်းထားတဲ့ပင်ပန်းမှုတွေကို ပြေပျောက်စေပါတယ်
ကလေးတွေဆိုလည်း ထိုနည်းတူပါ
ကျောင်းမှာစာလေ့လာလိုက် ကျုရှင်မှာစာလေ့လာလိုက်နဲ့ ယက်ကန်းစင်ပေါ်က လွန်းလေးသဖွယ်
သွားလိုက်လာလိုက်နဲ့ပါ ကလေးတွေကိုလည်း
သူတို့ကိုယ်ပိုင်အချိန်လေး ပေးသင့်ပါတယ်
သူတို့ဝါသနာပါတဲ့အရာလေးတွေ ကာတွန်းဖတ်တာဖြစ်ဖြစ် ပုံဆွဲတာဖြစ်ဖြစ် ဘောလုံးကန်တာဖြစ်ဖြစ်
တခြားအားကစားမျိုးစုံကို လုပ်ဖို့အားပေးသင့်ပါတယ်
ကိုယ်ပိုင်အချိန်လေးမှာ သူတို့ဝါသနာပါရာကို
လုပ်တတ်တဲ့ကလေးက စာပိုင်းရော အားကစားမှာ
ပိုတော်တယ်လို့ထင်ပါတယ်
ကလေးတွေ ငြိမ်အောင်လို့ဆိုရင် ဖုန်းကြည့်ခိုင်းတာကိုတော့ သိပ်ပြီးအားမပေးပါ
လူကြီးတွေတောင် ဖုန်းကြည့်များရင် မျက်လုံးတအားပင်ပန်းပါတယ် ကလေးတွေဆို ပိုဆိုးမှာပါ
အိမ်ထောင်ရှင်မဆိုရင်လည်း ကိုယ်ပိုင်အချိန်ထားကာ
အနားယူတာဖြစ်ဖြစ် Gym​ဆော့တာဖြစ်ဖြစ်
စာဖတ်တာဖြစ်ဖြစ် စာရေးတာဖြစ်ဖြစ်
​ဝါသနာပါရာကိုလုပ်တတ်တဲ့သူနဲ့
ကိုယ်ပိုင်အချိန်လည်းမထား မိသားစုအရေးအတွက်ပဲ
အမြဲတမ်းလုံးပန်းနေတဲ့သူနဲ့ နှိုင်းယှဥ်ကြည့်မယ်ဆိုရင်
ခန္ဓာကိုယ်/စိတ် ကျန်းမာမှု /နုပျိုမှု /အတွေးခေါ်ကအစ ကိုယ်ပိုင်အချိန်ထားတတ်တဲ့သူက ပိုသာမှာပါ
ဘာလုပ်ဖို့အချိန်မရှိဘူး ညာလုပ်ဖို့အချိန်မရှိဘူးလို့ပြောတတ်တဲ့သူက အဲ့ကိစ္စကို လုပ်ဖို့စိတ်မပါလို့ဆင်ခြေပေးနေခြင်းသပ်သပ်သာ တကယ်လုပ်ချင်ရင်
တကယ်လုပ်ချင်တဲ့အရာဆိုရင် ဖြစ်အောင်လုပ်တတ်တာ လူတွေရဲ့အကျင့်မို့လား
ကိုယ်ပိုင်အချိန်ဆိုတာက အရွယ်သုံးပါးမရွေးလိုအပ်တဲ့အရာလို့ မြင်ပါတယ်
AMS

ခုတောတွင်း စိတ်ထဲမှာတွေးဖြစ်နေတာလေးတခု
ရှိတယ် ရာသီဥတုကအရမ်းပူတော့
သီးပင် စားပင်တွေအပြည့်နဲ့ အိမ်လေးထဲမှာ
အေးဆေးလေးနေချင်နေမိတယ်
သရက်ပင် မာလကာပင် အုန်းသီး
သလဲသီးပင် အပြင် ရနံ့လေးမွှေးပျံ့တဲ့ နှင်းဆီပင်
သနပ်ခါးပန်းပင် ရွှေပန်းငွေပန်း ကံကော်ပန်းပင်လေးတွေနဲ့ အိမ်လေးထဲမှာ အလုပ်လေးလုပ်လိုက်
ထမင်းဟင်းလေးချက်စားရင်း ဘဝကို
ဖြေးဖြေးနှေးနှေးလေးဖြတ်သန်းချင်မိတော့တယ်
လုပ်သမျှ အိမ်မှုကိစ္စကအစ အလုပ်ကအဆုံး
ဖြေးနှေးစွာ လုပ်ချင်မိတော့တယ်
လိုချင်တပ်မက်မှုတွေ လျော့ပြီး လိုအပ်တဲ့အရာလေးတွေ နည်းနည်းနဲ့ပဲ ဘဝကို ဖြတ်သန်းချင်မိတော့တယ်
အောင်မြင်တဲ့ဘဝတွေ ဘာတွေ မလိုချင်ပါ
ငွေကြေးအတွက် ပူပန်စရာမလိုတဲ့ဘဝလေးပဲ
လိုချင်မိတော့တယ်
ငယ်တုန်းရွယ်တုန်းမှာ အခုလိုဖြေးဖြေးနှေးနှေး
နေချင်မိတာ အပြစ်များဖြစ်သွားလား
လူတိုင်းမှာ ရည်မှန်းချက်တွေမတူညီတော့
ဘဝကို ဖြတ်သန်းချင်ပုံချင်းတော့ တူမှာမဟုတ်ဘူး
AMS

စာရေးခြင်းက စိတ်ကို ထွက်ပေါက်တခု ရစေတယ်ဆိုတဲ့ ဒေါက်တာဖြိုးသီဟရေးထားတဲ့စာလေးတွေကို ဖတ်မိပြီး ကိုယ်တိုင်လည်း အဲလိုခံစားရတယ်
အပျင်းပြေ စာစရေးရာကနေ
ပိုပိုပီး သဘောကျလာတယ်
ရေးရင်း ရေးရင်း စိတ်ထဲပေါ်လာသမျှ
ပိုရေးချင်လာတယ်
ဘာရေးရမယ်မှန်းမသိပဲ laptopဖွင့်လိုက်ပေမဲ့
Keyboard ပေါ် လက်တင်လိုက်တာနဲ့ ရေးစရာလေးတွေ အတွေးလေးတွေက အလိုလိုပေါ်လာတယ်
ကိုယ်ရေးတာလေးတွေက တခြားသူတွေအတွက်
အကျိုးရှိလားတော့ မသိပေမဲ့ ဖတ်ကြည့်ပြီး
အကျိုးယုတ်စေမဲ့အရာတွေကိုတော့ တခုမှမရေးထားဘူး
ရေးထားသမျှ စာတပုဒ်စီတိုင်း ရည်ရွယ်ချက်တခု
အမြဲပါပါတယ်
ရေးထားသမျှက ကိုယ်သဘောကျတဲ့အရာ အလေ့အကျင့်တွေကို ပိုဦးစားပေးထားတာတော့အမှန်ပဲ
စာရေးရတာ တကယ်ကိုစိတ်ထွက်ပေါက်တခုပါ
ခံစားသမျှ စာအဖြစ်ပြောင်းရေးဖို့
စကားလုံးအလှလေးတွေ ဘယ်လိုလေးရေးရင်
ပိုကောင်းမလဲစဥ်းစားရင်း သူများကိစ္စတွေ
စိတ်မဝင်စားနိုင်ဘူး
ကိုယ့်ကိုကိုယ် ပိုသတိထားမိလာတယ်
ကိုယ် ဘာတွေလုပ်ရင် ပိုပျော်သလဲဆိုတာ
ဘယ်လိုအကျင့်တွေရှိလဲဆိုတာ သတိထားမိလာတယ်
ပိုပြီး စိတ်တည်ငြိမ်လာတယ်
ပိုပြီး စိတ်အေးချမ်းလာတယ်
တဖက်သားရဲ့ စိတ်ခံစားချက်တွေလည်း ပိုနားလည်လာတယ် ပိုကိုယ်ချင်းစာလာတယ်
မိသားစုအပေါ်လည်း ပိုဂရုစိုက်လာတယ်
တချို့စာလေးတွေက ကိုယ့်ကိုကိုယ် ဆုံးမတာလေးတွေ လုပ်သင့်တာလေးတွေ ပြောင်းလဲသင့်တာ​လေးတွေရေးထားတာ
ကိုယ်တွေလို အကျင့်တူတဲ့သူအတွက်လည်း
တထောင့်တနေရာကနေ အထောက်ကူပြုမယ်လို့ထင်ပါတယ်
ကိုယ်ရေးတာတွေကို သူများတွေကြိုက်လား
မကြိုက်လားမသိပေမဲ့ ကိုယ်ရေးတာကိုတော့
အရမ်းကြိုက်တယ် ခနခနပြန်ဖတ်ဖြစ်တယ်
စာဖတ်ခြင်းကြောင့် ပြောင်းလဲလာတာတွေ အများကြီးပဲ
စာဖတ်တာကို သဘောကျရင်းကနေ
စာရေးခြင်းဆိုတဲ့ဘက်ကို စလာနိုင်တာကိုပဲ ပျော်လှပီ😊😄
AMS

Eco living lifestyleကို စတင်ကျင့်သုံးချင်သူများအတွက်
1.အမှိုက်လျော့ချခြင်း(ပလက်စတစ်/ဖော့ဗူး)
2.လျှပ်စစ်နဲ့ရေကို ချွေတာစွာသုံးစွဲခြင်း
3.သဘာဝကိုထိန်းသိမ်းနိုင်တဲ့ပစ္စည်းများကိုရွေးချယ်ခြင်း
4. လျော့၊ ပြန်သုံး၊ ပြန်လည်အသုံးချ (Reduce, Reuse, Recycle)
မလိုအပ်တာတွေ မဝယ်ဘဲ လျော့ချပါ/ပြန်သုံးလို့ရတာတွေကို ပြန်သုံးပါ
5. အသီးအရွက် များများစားပါ
ဒေသထွက်၊ ရာသီအလိုက် အစားအစာတွေကို ဝယ်ပါ
အစားအစာ မပျက်စီးအောင် စီမံပါ
6. အ​ပြင်သွားမယ်ဆို မီးတွေအကုန်ပိတ်သွားပါ
လုံးဝမှောင်ပီဆိုမှ မီးထွန်းပါ လင်းနေသေးပေမဲ့ မီးကြိုဖွင့်တတ်တဲ့အကျင့်ကိုပြင်ပါ
7.လျှပ်စစ်သုံးစွဲမှုနည်းတဲ့ စက်ပစ္စည်းတွေ သုံးပါ
အပူချိန်ကို အနည်းငယ်လျော့ပြီး စွမ်းအင်ချွေတာပါ
8. အဝတ်စား ဝယ်ယူရာမှာ သတိထားပါ
သဘာဝကို ကာကွယ်တဲ့ brand တွေရွေးပါ
Fast fashion ကို လျော့ပါ fast fashionအများစုက အထည်အရည်သွေး သိပ်မကောင်းတဲ့အထဲမှာပါတယ်
9. လမ်းလျှောက်၊ စက်ဘီးစီး၊ Bus တွေ trainတွေအသုံးပြုပါ
10. ပလတ်စတစ်အသုံးပြုမှု လျော့ချပါ
ပြန်သုံးနိုင်တဲ့ အိတ်၊ ဘူး၊ ကော်ဖီခွက် သုံးပါ
တစ်ကြိမ်သုံးပလတ်စတစ်တွေကို ရှောင်ပါ
🌍 Eco livingကို သိပ်အရေးကြီးတယ်လို့ မထင်ခဲ့ပဲ လူတွေ လုပ်ချင်ရာတွေလုပ်ခဲ့လို့
အခုဆိုဂေဟစနစ်တွေ ကမောက်ကမဖြစ်ပြီး ကမ္ဘာကြီးပူနွေးလာတယ်
အပင်တွေ နည်းနည်းလာတော့ ရေကြီးမှုတွေခနခနဖြစ်တယ်
လူတွေ အသုံးပြုနေတဲ့အိတ်တွေ ဖိနပ်တွေကို တိရစ္ဆာန်တွေရဲ့ သားရေတွေနဲ့လုပ်တော့ တိရစ္ဆာန်တွေ မျိုးတုံးတယ်
ဂေဟစနစ်တွေ ကမောက်ကမ ဖြစ်တော့ ငလျင်တွေလှုပ်တယ် မီးတောင်တွေပေါက်ကွဲတယ် တခြားသဘာဝဘေးအန္တာရယ်တွေလည်း ဖြစ်ပွားတယ်
လေထုတွေ ညစ်ညမ်းတော့ လူတွေ တိရစ္ဆာန်တွေ ရောဂါဘယတွေ ဖြစ်တယ်
🌴🌳 Eco Living ကဘာကြောင့်အရေးကြီးလဲဆိုရင်
Climate change ရာသီဥတုပြောင်းလဲတာတွေ
ကို တားဆီးကူညီတယ်
သဘာဝဇီဝမျိုးစုံ သက်ရှိတိရစ္ဆာန်အားလုံးကို ကာကွယ်တယ်
ပတ်ဝန်းကျင်ညစ်ညမ်းမှုကို လေထုညစ်ညမ်းမှုကို လျော့ချပေးတယ်
သစ်တော ပြုန်းတီးမှုလည်း ကာကွယ်ပေးတယ်
AMS

ခေတ်တွေ စနစ်တွေက
အရာဝတ္ထုပစ္စည်းဆိုလည်း နည်းနည်းနဲ့ နေတတ်အောင်နေဖို့
အစားသောက်ဆိုလည်းနည်းနည်းနဲ့သင့်တင့်မျှတအောင် စားဖို့ သောက်ဖို့ လမ်းကြောင်းပေးနေသလိုပဲ
ကမ္ဘာ့နေရာတချို့ စစ်တွေဖြစ် စားနပ်ရိက္ခာတွေနည်းပါး ပြတ်လပ်နေကြတာတွေရှိတယ်
ကိုယ့်မြန်မာနိုင်ငံလည်း ဘာထူးလဲ
ကုန်စျေးနှုန်းတွေတက် အိမ်လခတွေတက်
ဓာတ်ဆီ ဒီဇယ်တွေ လုံလုံလောက်လောက်မရှိတော့
ဝယ်ရတာလည်းမလွယ်သလို စျေးတွေအဆမတန်ကြီးတော့ လမ်းပန်းဆက်သွယ်ရေးတွေကလည်း
ကြပ်သထက်ကြပ်လာတယ် သယ်ယူပို့ဆောင်ခတွေလည်းတက်လာတယ်
နေထိုင်မှုစရိတ်တွေကလည်း များသထက်များလာတယ် ဒီကြားထဲ ဖုန်းနဲ့ပတ်သတ်ပြီး အမျိုးမျိုးငွေတွေကုန်နေကြတယ် အင်တာနက်ဖိုး ဖုန်းပြောမိနစ်ဖိုး စသဖြင့် ဖုန်းအတွက်ကုန်နေတာလည်း မနည်းဘူး
Social mediaခေတ်ဆိုတော့ အပြိုင်ဆိုင်တွေပေါလာပြီး Fashionအတွက်လည်း ငွေကိုတခုတ်တရသုံးနေသလို အလှပအတွက်ကလည်း မနည်းပြန်ဘူး
ဆံပင်အရောင်ဆိုး ကောက် ဖြောင့် ညှပ်စတာတွေက
အနည်းဆုံး သိန်းဂဏန်းအောက်ပဲ
ဒါတင်လားဆိုတော့ မဟုတ်သေးဘူးကျန်သေးတယ်
လက်သဲခြေသဲတွေအတွက် သုံးကြတဲ့ငွေကလည်းမနည်းလှဘူး
စားသောက်စရိတ်ကလည်း မနည်းလှဘူး
ကိုယ်တိုင်ချက်စားရင်လည်း ငွေကုန်တယ်
ဒါပေမဲ့ သန့်ရှင်းတယ် ဝဝလင်လင်စားရတယ်
အပြင်ဝယ်စားရင် သောင်းဂဏန်းက ခဏပဲ
ဟင်းအမျိုးမည် ဘယ်နှမျိုးမှ မမှာလိုက်ရဘူး
3/4သောင်း အသာလေးကျွတ်သွားတာ
အစစအရာရာကို ငွေသုံးနေရတော့
ငွေကရှာလို့ မလောက်တော့ဘူး
အစစအရာရာစျေးကြီးနေတဲ့ခေတ်မှာ
ချွေတာသုံးတတ်ဖို့က အရေးကြီးဆုံးဖြစ်လာပြီ
မလိုအပ်တဲ့ အဝတ်စားတွေ အသုံးဆောင်တွေ အိတ်တွေ ဖိနပ်တွေ အိမ်ထောင်ပရိဘောဂတွေ ဇိမ်ခံပစ္စည်းတွေ စျေးအရမ်းကြီးလွန်းတဲ့ပစ္စည်းတွေ ဝယ်နေခြင်းရပ်ဖို့ လိုအပ်နေပါပြီ😊😊
AMS

မြန်မာ့ရိုးရာစျေးခြင်းတောင်းဓလေ့တဲ့
ကြားရတာ ချစ်စရာလေးနော်
ဟိုအရင်ခေတ် အဖိုးအဖွားတွေလက်ထက်ကဆို
ဘာသွားဝယ်ဝယ် ကြိမ်ခြင်းလေးတွေ ယူတတ်ကြတာကို မြင်ခဲ့တွေ့ခဲ့ရတယ်
ကျောင်းဆရာမလေးတွေဆိုလည်း ကြိမ်ခြင်းလေးကိုင်ကာ ကျောင်းလာရင် ဆရာမရဲ့ကြိမ်ခြင်းလေး
ကူသယ်ချင်လို့ အပြေးသွားကာ ကူသယ်ပေးရဖူးတယ်
အခုခေတ်က နည်းပညာတွေတိုးတက်လာတာက
တကြောင်း အလုပ်ရှုပ်မခံချင်ကြတာတကြောင်းနဲ့
အလွယ်ဝယ် အလွယ်လွှင့်ပစ်လို့ရတဲ့ ပလက်စတစ်အိတ်တွေ ဖော့ဗူးတွေ သုံးလာကြတယ်
အရင်ခေတ်က လူကြီးတွေဆို တခုခုဆို ကြာရှည်ခံမဲ့ပစ္စည်းလေးတွေ ဝယ်တတ်ကြပြီး ရိုရိုသေသေသုံးတတ်ကြတယ်
ပစ္စည်းတခုဆို အကြာကြီးသုံးတယ် တော်တော်နဲ့လွှင့်မပစ်တတ်ဘူး အဲ့တော့ အမှိုက်တွေရှုပ်တာသက်သာတယ်
မုန့်ပဲသရေစာဆိုလည်း ကိုယ်တိုင်လုပ်စားတော့
သန့်ရှင်းတယ် ဘာဓာတုပစ္စည်းမှမပါလို့ အန္တရာယ်ကင်းတယ် အကုန်ကျလည်းသက်သာသလို
တမိသားစုလုံး လောက်လောက်ငငစားရတယ်
အိမ်ထောင်ပရိဘောဂတွေဆိုလည်း သစ်သားတွေ ကျွန်းတွေ ဝါးတွေ ထန်းလက်တွေနဲ့လုပ်တာတွေပဲသုံးလို့ ကြာရှည်ခံတယ် နေရထိုင်ရတာလည်း အေးစေတယ်
ဟင်းချက်တဲ့ဆီဆိုလည်း လယ်ခင်းတွေကထွက်တဲ့ မြေပဲတွေ နှမ်းတွေကိုကြိတ်ပြီးသုံးလို့ သန့်ရှင်းတယ်
အန္တရာယ်ကင်းတယ်
မီးဖိုချောင်သုံးပစ္စည်းဆိုလည်း ပလက်စတစ်နဲ့လုပ်ထားတဲ့အရာတွေ မရှိသလောက်ပဲ
အရင်ခေတ်က အခုခေတ်လို အသုံးဆောင်ပစ္စည်းတွေမများပေမဲ့ နေထိုင်ရတဲ့ဘဝက အေးချမ်းတယ် ရိုးရှင်းတယ်
ဘဝမှာ နေထိုင်အသက်ရှင်ဖို့က ပစ္စည်းပစ္စယတွေ
အများကြီးမလိုအပ်ပါဘူး
ပစ္စည်းအနည်းငယ်နဲ့ကို လုံလောက်ပါတယ်