Arewa Connect Movement

Alhamdulillah 🤍

Babu abin da za mu ce da Allah sai godiya. Mun kammala training na koyar da Eco Craft da Ɗan Kunne cikin nasara, inda sama da mutum 50 s**a amfana da wannan horo karkashin Arewa Connect Movement (ACM).

Wannan wani babban mataki ne a ƙoƙarinmu na ganin matasan Arewa sun samu sana’a kuma su dogara da kansu, domin gina rayuwa mai inganci da ci gaban al’umma.

Muna godiya ga duk wanda ya bada gudummawa da kuma waɗanda s**a halarta.
Allah Ya sanya albarka, Ya ba da nasara a gaba.

📅 Date: June 14, 2026

📢 Duk wanda yake da sha’awar shiga Training na Social Media Management (FREE), yayi magana domin a saka sunansa.

Masha Allah!

A yau muna ganin sakamakon ilimi da horo. Wannan bai tsaya ga koyon ɗinki kawai ba, illa wata hanya ce ta gina rayuwa da dogaro da kai.

"Duk matashin da ya samu sana'a, ya samu makamin yaki da talauci."

Muna alfahari da ganin ɗalibanmu suna canza rayuwarsu da hannunsu. Wannan shi ne burinmu a Arewa Connect Movement tare da A.S. Danzaki Fashion samar da matasa masu sana'a, masu ƙwarewa, kuma masu dogaro da kansu.

"Ba wai muna koyar da sana'a kawai ba, muna gina makomar Arewa."

Arewa Connect Movement – Voice of the North
✂️ A.S. Danzaki Fashion – Learn a Skill, Build a Future

ALHAMDULILLAH! ALHAMDULILLAH!! ALHAMDULILLAH!!!

Jiya mun fara wani babban mataki na canji da ci gaban matasa ta hanyar Training na Blogging. Abin farin ciki ne ganin yadda matasa s**a fara ƙirƙirar nasu account na blogging domin koyon yadda za su rika amfani da ilimi da fasaha wajen samar da dama da ci gaba a rayuwarsu.

Wannan ba kawai horo ba ne, hanya ce ta gina makoma, ƙara ilimi, da buɗe ƙofofin samun kuɗaɗen shiga ta hanyar halal da fasaha ta zamani.

Muna godiya ga Allah Madaukakin Sarki da Ya ba mu ikon fara wannan tafiya. Muna kuma addu'ar Allah Ya sanya alheri a cikinta, Ya ba wa duk mahalarta nasara, Ya sa abin da s**a koya ya zama sanadin cigaba da dogaro da kai.

🤲 Allah Ya ƙara ɗaukaka Arewa Connect Movement. 🤲 Allah Ya albarkaci masu horaswa da mahalarta. 🤲 Allah Ya sanya wannan shiri ya zama haske ga dubban matasan Arewa.

Wannan shi ne farkon tafiya, kuma In Sha Allah mafi alheri yana gaba.

ALHAMDULILLAH! NASARAR TRAINING NA ECO CRAFT DA DECORATIONS

A yau kungiyar Arewa Connect Movement (ACM) ta samu nasarar gudanar da horo kan Eco Craft da Decorations, inda sama da matasa 60 maza da mata s**a amfana da wannan shiri mai albarka.

Wannan horo ya mayar da hankali ne wajen koyar da dabarun sana'o'in hannu da za su taimaka wa matasa wajen dogaro da kai, rage zaman banza, da samar da hanyoyin samun kudin shiga.

A yayin training din, ACM ta kara jaddada kudirinta na ci gaba da samar da irin wadannan shirye-shirye domin karfafa matasa da mata da ilimi da sana'o'i masu amfani.

Muna godiya ga Allah (SWT) bisa wannan nasara, sannan muna godewa duk wadanda s**a halarta da wadanda s**a bada gudunmawa wajen tabbatar da nasarar wannan horo.

Arewa Connect Movement (ACM) "Gina Matasa, Gina Al'umma, Gina Gobe."

📍 Tudun Wazirchi Primary School, Kano 📅 Asabar, 6 ga Yuni, 2026

Allah Ya sanya alheri, Ya sa wannan ilimi ya zama sanadin cigaba da arziki ga mahalarta. Ameen. 🤲🏻

In Sha Allah nan bada jimawa ba za mu fara FREE BLOGGING TRAINING mutum 100 domin matasa.

Ya Allah, Ka albarkaci Arewa Connect Movement. Ka sanya ta zama hanyar kawo cigaba, ilimi, haɗin kai da ci gaban al'umma. Ka buɗe mata ƙofofin nasara, Ka kawo masu taimako nagari, Ka sanya ayyukanmu su zama sadaka mai gudana. Ka anfani al'umma da abin da muke yi, Ka sanya shi ya zama sanadin canjin rayuwar matasa, mata da marasa galihu.

Duk Wanda yakai Sha'awar Kasan cewa a training da za'ayi na Liquid soap da man shafawa mutum 100 yayi magana domin samun gurbi.

Masha Allah. Daga wajen daurin auren Mai Girma National Legal Adviser, tare da Founder na Arewa Connect Movement, da Mai Girma National Chairman ACM, da Head of Committees. Wannan haduwa tana nuna zumunci, hadin kai da karfin jagoranci a cikin kungiyar.

Arewa Connect Movement kungiya ce da ke hada matasa da al’umma domin bunkasa cigaba, ilmantarwa, taimakon juna da samar da damammaki ga jama’a. Kungiyar na kokarin gina kyakkyawar alaka tsakanin matasa tare da kawo sauyi mai amfani ga Arewa da kasa baki daya.

Allah Ya kara daukaka kungiyar, Ya ba shugabanni hikima da nasara, Ya sanya albarka a dukkan ayyukansu.