Go Again Dujiman Katsina Movement

DAGA GHANA TERTIARY EDUCATION COMMISSION (GTEC), ACCRA, GHANA 🇬🇭🇳🇬

Tawagar Haɗin Gwiwar Kwamitocin Majalisar Wakilai ta Najeriya ta ci gaba da bincike kan batun “Certificate Racketeering”

A ci gaba da ƙoƙarin Majalisar Wakilai ta Najeriya na tabbatar da gaskiya da sahihancin takardun shaidar karatu, tawagar haɗin gwiwar wasu kwamitocin Majalisar ta isa Ghana Tertiary Education Commission (GTEC), Accra, domin ci gaba da gudanar da bincike da tattara muhimman bayanai dangane da batun “Certificate Racketeering.”

Tawagar ta ƙunshi wakilan Kwamitin Harkokin Cikin Gida, Kwamitin Ilimin Jami’a, Kwamitin Kwalejojin Fasaha na Tarayya, Kwamitin Harkokin Ƙasashen Waje da Kwamitin Ci gaban Matasa.

Wannan bincike ya biyo bayan ayyukan da tawagar ta gudanar a Cotonou, Jamhuriyar Benin, da kuma Lomé, Jamhuriyar Togo, inda aka tattara muhimman bayanai da s**a shafi binciken.

A Ghana, tawagar ta ci gaba da bincike a Ghana Tertiary Education Commission (GTEC), inda ake ci gaba da tattara bayanai da gudanar da bincike kan sahihancin takardun shaidar karatu da kuma sauran batutuwan da s**a shafi Certificate Racketeering.

Bayan kammala wannan gagarumin aiki na bincike da tattara bayanai, kwamitocin za su haɗa rahotonsu tare da gabatar da shi ga Majalisar Wakilai ta Tarayyar Najeriya, domin a yi nazari da tattaunawa a kansa bisa tsarin majalisa.

Muna yaba wa Hon. Abdullahi Aliyu Ahmad (Dujiman Katsina) bisa jajircewa, sadaukar da lokaci da ƙoƙari, da kuma gudunmawar da yake bayarwa wajen ganin wannan muhimmin aiki na Majalisar Wakilai ya gudana cikin tsari, gaskiya da adalci.

MAGANAR DUJIMAN KATSINA TAZAMA GASKIYA.

Idan ba mu manta ba, a kwanakin baya Mai Girma Dujiman Katsina ya yi hira da manema labarai a wani dandali mai suna “SIYASAR MU A YAU”, inda ya yi bayani kan yadda wasu mutane daga cikin al’ummarmu ke taimakawa ‘yan bindiga, duk da ƙoƙarin da gwamnati da shugabannin yankin ke yi wajen ganin an kawo ƙarshen matsalar tsaro.

Sai dai abin takaici, a wasu lokuta al’umma kan ɗora dukkan alhakin rashin tsaro kan shugabanni, ba tare da duba irin gudunmawar da wasu mutane ke bayarwa ga matsalar ba.

Yanzu ga shi, abin da Mai Girma Dujiman Katsina ya bayyana a wancan lokacin ya sake bayyana a cikin wani bidiyo da ya fito jiya Talata, wanda ke ƙara jaddada muhimmancin wannan batu.
Saboda haka, muna kira ga al’ummar Musawa da Matazu da su ƙara sanya ido, su kasance masu taka-tsantsan, tare da ba jami’an tsaro da shugabanninmu cikakken haɗin kai wajen yaƙi da rashin tsaro.

Tsaro ba aikin gwamnati kaɗai ba ne. Nauyinmu ne baki ɗaya.
Mu daina kare duk wanda ke taimakawa masu aikata laifi, mu tallafa wa ƙoƙarin da ake yi wajen tabbatar da zaman lafiya a Musawa da Matazu.

Dujiman Gaske

Go Again Dujiman Katsina