Alwassiyya Channel Nigeria

Malamin ya bayyana hakan ne a yayin karatun da yake gabatarwa a kowane mako a Shiyyar Bello Way, da ke Jihar Sakkwato.

Sheikh Murtalah Bello Sokoto (Assada)

AN KAMMALA BIKIN KARRAMA FITATTUN MASU TAIMAKAWA AL’UMMA A SAKKWATO

SOKOTO: An kammala bikin karrama fitattun mutane masu bayar da gudunmawa wajen ci gaban al’umma da taimakon jama’a a Jihar Sakkwato.

An gudanar da bikin cikin nasara a Nana Khadija Usman Bn Fodiyo Hall, Nana Asma’u, Runjin Sambo, Sokoto, inda aka karrama mutane 11 bisa irin gudunmawar da suke bayarwa ga al’umma.

Daga cikin wadanda aka karrama akwai Engr. Muhammad Lawal Maidoki (Sadaukin Sakkwato), Malam Ahmad S. Fada, Dr. Adamu Bello Kasarawa, Hon. Samaila Hamisu Kuchi, Rashidat Muhammed Esq., Alhaji Abdulkadir Muhammad, Usman Muhammad Binji (Shugaban NUJ na Jihar Sakkwato), Malam Usman Idris Abubakar Sokoto, Alhaji Bashar Abubakar MC (Sarkin Hausawa), Hon. Faruk Umar Yabo (Jarman Gagi), da Bashar Aminu Sabo.

Taron ya samu halartar manyan baki da jama’a daga sassa daban-daban, inda aka bayyana muhimmancin yabawa da karrama mutanen da ke bayar da tasu gudunmawa wajen inganta rayuwar al’umma.

Kungiyar 10Youths Forum, wadda ta shirya taron, ta bayyana godiyarta ga dukkan mahalarta, manyan baki, iyaye, malamai da masu ruwa da tsaki da s**a taimaka wajen ganin an gudanar da bikin cikin nasara.

Kungiyar ta kuma yi fatan wadanda aka karrama za su ci gaba da ayyukan alheri da tallafawa al’umma domin samun ci gaba mai dorewa a Jihar Sakkwato.

Allah Ya saka wa kowa da alheri, Ya kara basira da karfin gwiwa ga wadanda aka karrama wajen ci gaba da yi wa al’umma hidima.

INNA LILLAHI WA INNA ILAIHI RAJI'UN

Allah Ya yi wa fitaccen mawakin siyasa Muhammad Kosan Waka rasuwa bayan ya shafe wani lokaci yana fama da rashin lafiya.

Rasuwar tasa ta girgiza masoya da abokan sana'arsa tare da al'ummar da s**a san shi, inda ake ci gaba da bayyana alhini da addu'o'i a gare shi.

Muna roƙon Allah Maɗaukakin Sarki Ya gafarta masa kura-kuransa, Ya yalwata kabarinsa, Ya sa Aljannatul Firdausi ta zama makomarsa, sannan Ya ba iyalansa, 'yan'uwansa da daukacin masoyansa haƙurin jure wannan babban rashi.

NEMAN TALLAFIN CETON RAYUWA 🚨

Da sunan Allah Mai Rahama Mai Jin Ƙai.
Ana roƙon al'umma, 'yan uwa, abokai da masu hannu da shuni da su taimaka wajen tara kuɗin jinyar Sheikh Abdul-Rashid B. Lawal Sokoto, wanda ke fama da matsananciyar rashin lafiya kuma yake buƙatar kulawar gaggawa.
Adadin kuɗin da ake buƙata domin gudanar da jinyarsa ya kai Naira Miliyan 100 (₦100,000,000). Kowane irin gudummawa, babba ko ƙarama, na iya zama sanadin ceton rayuwa.

Allah Maɗaukakin Sarki Ya ce:
﴿وَإِذَا مَرِضْتُ فَهُوَ يَشْفِينِ﴾
"Kuma idan na yi rashin lafiya, Shi ne Yake warkar da ni."
(Suratush Shu'ara'i: Aya ta 80).

Bayanan Asusu:
Badamasi AbdurRasheed Lawal
Banki: First Bank
Lambar Asusu: 3052574497

Allah Ya saka da alheri ga duk wanda ya bayar da gudummawa, ya yaɗa wannan saƙo, ko ya yi addu'ar samun sauƙi. Allah Ya ba Sheikh Abdul-Rashid B. Lawal Sokoto cikakkiyar lafiya da waraka. Amin.

🕊️ INNA LILLAHI WA INNA ILAIHI RAJI'UN

Allah Ya yi wa Sir Abubakar Alhajin Alhaji Sardauna Sokoto rasuwa.

Rahotanni sun tabbatar da cewa Allah Ya karɓi ran Sir Abubakar Alhajin Alhaji Sardauna Sokoto a yau, 30/07/2026.

Muna miƙa ta'aziyya ga iyalansa, masoyansa, da al'ummar Jihar Sokoto baki ɗaya bisa wannan babban rashi. Muna roƙon Allah Maɗaukakin Sarki Ya jiƙansa da rahama, Ya gafarta masa kura-kuransa, Ya sa Aljannatul Firdausi ta zama makomarsa, Ya kuma bai wa iyalansa da al'umma haƙurin jure wannan rashi.