TI Biblia - ilocano

Taga-Roma 13:11-12
11. Masapul nga aramidenyo daytoy ta ammoyo a panawenen tapno agriingkayo. Ta as-asidegen ti pannakaisalakantayo ngem idi damotayo ti mamati. 12. Lumabasen ti rabii ket bumigaten. Iwaksitayo dagiti aramid ti sipnget ket ikawestayo dagiti igam ti lawag.

San Mateo 24:42
42. Agsaganakayo ngarud ta saanyo nga ammo ti aldaw a yaay ti Apoyo.

Hebreo 12:5
5. Nalipatanyo kadin ti sao ti Dios iti panangbalakadna kadakayo a kas annakna—dagiti balikas a mangpapigsa iti pakinakemyo? Kunana: “Anakko, ipangagmo a naimbag ti Apo no ipakitana kenka a nagbiddutka Ket di koma kumapsut ti pakinakemmo no ipatayna kenka ti pannusa.

Hebreo 12:2
2. Ditay isinsina ti matatayo ken ni Jesus a pangulo ken mangpunno iti pammati. Saan a naupay ni Jesus gapu iti krus. Ngem gapu iti rag-o nga agur-uray kenkuana, dina pinampanunot ti pannakaibabain iti ipapatay iti krus. Adda itan a situtugaw iti makannawan ti trono ti Dios

Dagiti Salmo 63:1

1. O Dios, sika ti Diosko, ket mailiwak kenka, ti amin a kinataok tarigagayannaka. Wen, mawaw toy kararuak kenka a kas iti namaga, nautoyan ken natikag a daga.

Dagiti Salmo 58:11
11. Kunanto dagiti tattao, “Pudno a magunggonaan dagiti nalinteg; awan duadua nga adda Dios a mangukom iti lubong!”

Dagiti Proverbio 20:12
12. Inikkannatayo ti Apo iti mata a pagkita ken iti lapayag a pagdengngeg.

Dagiti Proverbio 24:19-20
19. Dimo ipalubos a mariribukka gapu kadagiti managdakdakes ken dimo apalan ida. 20. Awan ti masakbayan ti dakes a tao, ket awan namnamaenna

2 Taga-Corinto 5:5
5. Ti Dios ti nangisagana kadatayo iti daytoy a panagbalbaliw, ket intedna ti Espirituna a kas talged ti amin nga insaganana kadatayo.

Dagiti Salmo 55:8,16-17,22
8. Iti napigsa nga angin ken bagio, agdardarasak a bumirok iti paglinongak.” 16. Ngem iti biangko, agpatulongak ken Apo Dios, ket isalakannakto. 17. Umararawak kenkuana iti agsapa, agmatuon ken rabii, ket ipangagnanto ti timekko. 22. Ikamangmo dagiti parikutmo iti Apo, ket ikaluyanakanto; dina ipalubos a maparmek ti naimbag a tao.

Eclesiastes 5:1-2
1. Agannadka no mapanka iti balay ti Dios. Inka sadiay tapno agsursuroka. Nasaysayaat dayta ngem ti agidatonka iti sakrifisio a kas kadagiti maag a di makailasin iti naimbag ken dakes. 2. Panunotem nga umuna ti isaom ket dika agdarasudos nga agkari iti Dios. Adda ti Dios sadi langit ket addaka ditoy daga; isut' gapuna a dimo lablabsen ti panagsaom

Isaias 44:2
2. Siak ni Yahweh a namarsua kenka; manipud nangrugi ti biagmo tinultulonganka. Dika agbuteng; sika ti adipenko, dakayo dagiti pinilik a tattao nga ipatpategko.