Warts solution PH

Kulugo o Warts
Payo ni Doc Willie Ong
Karaniwan ang kulugo ay dahil sa virus na nag-trigger ng mabilis na paglaki ng selula sa balat. Ang kulugo ay gaya ng maliit na butil at magaspang kung hawakan. Maaaring ito ay masakit at hindi magandang tignan, ngunit hindi naman ito kanser.
Mahigit 200 ang iba’t ibang uri ng kulugo. Ang karaniwang kulugo ay nakikita sa kamay at daliri.
Ngunit may ibang uri din ng kulugo tulad ng:
1. Plantar warts - Ito ay karaniwan nangyayari sa talampakan ng paa.
2. Ge***al warts - Ito ay nabubuo sa maselang bahagi ng katawan.
3. Flat warts - Ito ay kadalasan lumalabas sa iyong mukha, kamay at hita.
Nakahahawa ang virus ng warts at naipapasa sa ibang tao. Maghihintay ng 2 hanggang 6 buwan bago mabuo ang isang kulugo pagkatapos mahawa.