Edelyn mandapiton

Grabing init to the earth 🌍🌍🌍

Edelyn mandapiton beauty

January 2, 2025 – Humingi ng tulong sa Raffy Tulfo in Action (RTIA) si Bonifacio Balucos Jr. upang makamit ang hustisya para sa pagkamatay ng kinakasama niyang OFW sa Kuwait na si Dafnie Nacalaban.

Hiniling rin ni Bonifacio na maibalik na sa Pilipinas ang mga labi ng biktima na natagpuang wala ng buhay sa bakuran ng isang bahay sa Kuwait.

Bilang Chairperson ng Senate Committee on Migrant Workers, agad na nakipag-ugnayan si Sen. Idol Raffy Tulfo at kanyang tanggapan sa Department of Migrant Workers (DMW) at Department of Foreign Affairs (DFA) para alamin ang buong detalye sa pagkamatay ni Dafnie at masiguro na mananagot ang pumatay sa kanya.

Ang itinuturong suspek sa pagkamatay ni Dafnie ay kinilalang si Jarrah Jassem Abdulghani, na diumano’y pinatay rin ang Filipina girlfriend nito ilang buwan lamang ang nakakaraan. At ang nakababatang kapatid ng akusado ang nag-report sa kapulisan noong Disyembre 28, 2024 ng insidente.

Ayon kay DMW Secretary Hans Leo Cacdac, si Dafnie ay nadeploy sa Kuwait noong December 2019 at natapos ang kontrata niya sa huli niyang employer on record na si Fawaz Satarn Muhawish Alduways noong October 16 2024. Patuloy na imiimbestigahan ng Migrant Workers Office sa Kuwait ang dahilan ng kanyang pagkamatay, ang relasyon niya kay Jarrah at kung amo nga ba niya talaga ito.

Sinabi ni Sen. Idol na hindi ito ang ang unang pagkakataon na may OFW na pinatay sa Kuwait. Kaya ang pangyayaring ito ay isang paalala rin sa DMW at iba pang kinauukulang mga ahensya na mahigpit na ipatupad ang strict periodic monitoring ng OFWs lalo na sa mga nakabase sa Middle East na madalas nagiging biktima ng mga pisikal na pang-aabuso mula sa kanilang mga amo.

Tulad ng lagi niyang sinasabi, dapat gawing regular ang pag-monitor sa kalagayan ng mga OFW saan mang sulok ng mundo para na rin masiguro ang kanilang seguridad at proteksyon.

Dagdag pa ni Idol, kasalakuyan nang inaayos ng ating gobyerno ang mga legal na proseso para mapabilis ang pag-uwi ng mga labi ni Dafnie sa Pilipinas.

Ipinapaabot din ni Sen. Idol ang kanyang taos-pusong pakikiramay sa naulilang pamilya at mga mahal sa buhay ni Dafnie, at sinisiguro niya sa kanila na ibibigay ng pamahalaan ang lahat ng tulong na kakailanganin nila.