Frontrow Anda

SEN. BATO SINGS PMA HYMN; "CALLS ALL MISTAH" TO SUPPORT HIM IN THE FIGHT FOR PHILIPPINE SOVEREIGNTY

Sa isang ambush interview sa Senado noong Mayo 13, 2026, emosyonal na inawit ni Sen. Ronald “Bato” dela Rosa ang Philippine Military Academy (PMA) hymn habang nananawagan ng suporta mula sa kanyang mga “mistah” at kapwa alumni ng akademya.

Binigyang-diin ni dela Rosa ang mga pagpapahalagang “courage, integrity, and loyalty” habang hinihikayat ang mga miyembro ng Armed Forces of the Philippines (AFP), military, at police community na tumindig kasama niya sa gitna ng mga usapin kaugnay ng International Criminal Court (ICC).

Ayon sa senador, hindi lamang umano para sa kanyang sarili ang kanyang paninindigan kundi para rin sa soberanya ng Pilipinas.

Si dela Rosa, miyembro ng PMA Sinagtala Class of 1986 at dating hepe ng Philippine National Police, ay kabilang sa mga personalidad na iniuugnay sa ICC investigation kaugnay ng war on drugs ng nakaraang administrasyon.

Ilang senador kabilang sina Robin Padilla, B**g Go, at Imee Marcos ay nagpahayag din ng suporta kay dela Rosa at iginiit na ang usapin ay may kinalaman umano sa pambansang soberanya at hurisdiksyon ng bansa.