Manny Potter

( August 27,2026-Thursday) Our daily bread for today.
Salmo 121: 7-8🙏❤
( Mga kapatid, ang pangakong ito ay para lang sa mga may kaugnayan sa Kanya, may pananampalataya, naniniwala, sumusunod sa Kanyang kalooban, naglilingkod nang tapat at gumagawa nang kalugud-lugod sa Kanya .Sapagkat minamahal at iniingatan Niya ang Kanyang mga anak, hinding hindi Niya pinababayaan sa oras ng kagipitan. Kaya nga mga kapatid, kung nais nating ingatan at protektahan tayo ng Diyos sa ating buhay, magkaroon dapat tayo ng ugnayan at relasyon sa Kanya sa pamamagitan ng pagtanggap sa Kanya bilang ating Diyos at Tagapagligtas ng ating buhay. Amen.)🙏🙏🙏

( August 26- Wednesday) Our daily bread for today.
Deuteronomio 31:8🙏❤
( Mga kapatid, anumang nararanasan natin ngayon, karamdaman, kahirapan, kawalan, pagkabalisa o anumang bumabagabag sa ating buhay ay huwag tayong mawalan ng pag- asa ni panghinaan ng loob dahil nangako ang Diyos sa mga anak nyang naglilingkod at nagmamahal nang tapat sa Kanya. Hinding hindi maaaring pabayaan ng Panginoon ang mga minamahal Niya. Amen.)🙏🙏🙏

( August 25,2026- Tuesday) Our daily bread for today.
1 Pedro 1:6-7🙏❤
( Mga kapatid, sa bersikulong ito ipinapahayag lamang na maging matatag tayo sa mga pagsubok sa buhay at ito ang paraan upang masubok kung tunay nga ang ating pananampalataya sa Diyos. Tulad ng ginto ito'y pinapadaan sa apoy upang makita kung ito nga ay tunay, ganun din ang ating pananampalataya sa ating Diyos. Sinusubok tayo sa pamamagitan ng mga sari-saring pagsubok o problema. Kaya nga mga kapatid, naging matatag tayo palagi upang makita sa ating sarili ang pananampalatayang tapat at tunay na naglilingkod sa ating Panginoon..Amen.)🙏🙏🙏

( August 24,2026- Monday) Our daily bread for today.
Kawikaan 19:21🙏❤
( Mga kapatid, sa katunayan ay marami tayong mga binabalak para sa ating mga pansariling kapakanan o para sa ating ikabubuti o maging sa ating pamilya, ngunit ang Panginoon pa rin ang Siyang nakakaalam at tumutupad kung ano ang mas higit na makakabuti sa atin at hindi tayo mapapahamak. Mahal na mahal kasi tayo ng Diyos, magtiwala at huwag lang mawalan ng pag-asa. Amen.)🙏🙏🙏

( August 23,2026- Sunday) Our daily bread for today.
Mateo 24:42-44🙏❤
( Purihin ka O Diyos sa araw na ito, salamat po sa buhay na patuloy mong ipinagkakaloob sa amin. Tunay ka ngang napakabuti Panginoon sa aming buhay, salamat po sa mga Salita mo na patuloy mong ipagkakaloob sa amin upang kami'y bigyan ng babala at paghahanda sa muling pagbabalik ng aming Panginoong Hesukristo. Nawa Panginoon ay nagawa namin ang aming tungkulin bilang mga anak mo at upang kami ay maligtas sa kapahamakan. Nawa ay datnan mo kaming naglilingkod at gumagawa ng iyong kalooban, tulungan mo ang bawat isa sa amin na kami ay makasunod at baguhin ang aming buhay na gumagawa ng kalugud-lugod sa iyo habang may panahon at kami'y nabubuhay pa. Purihin, sambahin at walang hanggang pasasalamat sa iyo o Diyos na makapangyarihan. Amen.)🙏🙏🙏

( August 22,2026- Saturday) Our daily bread for today.
2 Corinto 5:17🙏❤
( Mga kapatid, ang tunay na tumanggap sa ating Panginoong Hesukristo ay binago na ang kanyang buhay, sumusunod na sa kalooban ng Diyos at hindi na nagpapatuloy sa pagkakasala. Kaya't napakahalaga ng Salita ng Diyos na nababasa at naririnig natin dahil ito ang syang nagpapaalala sa atin upang maiwasan natin ang lumayo sa ating Diyos. Mga kapatid, ito na ang panahon upang tayo ay magsisi na at talikuran na ang ating mga kasalanan dahil malapit ng dumating ang ating Panginoong Hesus upang kunin ang mga tunay na sumasampalataya sa Kanya. Alam naman natin na marami na ang nga nangyayaring hindi na maganda sa ating mundo ngayon . Kaya mga kapatid, panahon na para magbago na tayo upang tayo ay maligtas sa walang hanggang kaparusahan at magkaroon tayo ng buhay na walang hanggan. Amen.)🙏🙏🙏

( August 21,2026- Friday) Our daily bread for today.
Job 22:25-28🙏❤
( Mga kapatid, kung nais nating magkaroon ng kapayapaan ang ating buhay ay magkaroon muna tayo ng relasyon sa Kanya at makipagkasundo tayo sa Kanya. Magiging matagumpay lahat ng ating mga mithiin o tinatahak sa buhay dahil ang Diyos ay lagi nating kasama at patuloy Siyang gumagabay sa atin. Gawin ang kalooban ng ating Diyos na makapangyarihan na Siyang tunay nating kayamanan. Purihin ka O Diyos magpakailanman. Amen.)🙏🙏🙏

( August 20,2026- Thursday) Our daily bread for today.
Mateo 24:44🙏❤
( Mga kapatid, ito ay isang paalala ng ating Panginoong Hesus sa atin na maging handa tayo palagi sa lahat ng panahon. Dahil ang pagbabalik ng ating Panginoong Hesus ay tulad ng isang magnanakaw na bigla na lamang darating na hindi natin nalalaman .Ngunit napakabuti ng Diyos dahil binibigyan pa tayo ng pagkakataon upang pagsisihan ang ating mga kasalanan. Mga kapatid, marami ng mga nangyayaring hindi na maganda sa ating mundo ngayon, ito ay senyales lamang na pinapaalalahanan tayo ng Diyos na ang lahat ng nakasaad sa Banal na Kasulatan ay unti unti ng nagaganap. Kapatid may panahon at oras pa, gawin na natin ang mga pagkakataon upang maglingkod at gawin ang kalooban ng ating Ama na nasa langit upang sa gayon tayo ay maging kalugud-lugod sa pagharap sa Kanya sa oras ng paghuhukom. Kapatid, simulan na natin at huwag ng sayangin ang pagkakataon na baguhin ang ating isip, ang magbagong buhay at mabuhay na kasama ang Diyos. Amen.)🙏🙏🙏

( August 19,2026- Wednesday) Our daily bread for today.
Salmo 27:1🙏❤
( Mga kapatid, tunay ngang napakabuti ng Diyos sa mga anak Niyang nagtatapat, naglilingkod, sumusunod sa Kanyang kalooban, nagtitiwala, naniniwala sa Kanyang mga Salita, nananalig at sumasampalataya, sapagkat iniingatan at pinoprotektahan ang buhay. Dumating man ang sari- saring problema, sakuna o anumang kinatatakutan, di dapat matakot at mabalisa dahil kasama natin palagi ang Diyos. Kaya nga mga kapatid, paniwalaan mo na ang Salita ng Diyos na Siyang magbibigay sa atin ng karunungan at pag-asa. May panahon pa at huwag sayangin ang pagkakataon. Amen.)🙏🙏🙏

( August 18,2026- Tuesday) Our daily bread for today.
Hebreo 11:6🙏❤
( Mga kapatid, marapat lamang na magkaroon tayo ng pananampalataya sa ating Diyos na S'yang pinagmulan ng lahat, maniwalang ipagkakaloob ang ating mga pangangailangan at kagustuhang maging mapayapa , sagana at kalugud-lugod ang ating pamumuhay. Nais ng Diyos na tayo'y sumampalataya sa Kanya upang tayo'y magkaroon ng koneksyon sa Kanya at karapat dapat na humingi, dumaing sa ating mga nararanasan ngayon. Kaya kapatid, pagtiwalaan natin ang Diyos at sumampalataya tayo sa Kanya sspagkat Siya lang ang nakakaalam ng lahat ng ating mga ginagawa't iniisip. Sampalatayanan natin ang Diyos na kayang gawin ang mga imposible sa mga ipinapanalangin natin. Magtiwala tayo sa Kanya. Amen.)🙏🙏🙏