https://www.facebook.com/111123254904208/

BLACK SHEEP chronicles

Standing out never felt so good🖤 Young Multipotentiality Artist 🖊🎤🇵🇭

26/03/2026

ANG PUSO NG LAGING MALI 🖤
Hindi ako yung tipo na madaling humusga.
Lalo na sa mga kabataang tinatawag nilang “pasaway,” “matigas ang ulo,” o “black sheep.”
Sa totoo lang… sila pa nga yung pinakamalapit sa puso ko.
At kung may problema ka sa kanila well una mong tingnan ang sarili mo at pansinin kung pano mo sila itrato baka sayo nagsisimula ang tunay na problema, hindi sa kanila.
Habang karamihan nakikita lang ang mali nila at nakikisali sa gulo.
Dun mas pinipili kong tumahimik.
Tinatanggal ko sa isip ko yung ingay ng salita nilang pwedeng maka-impluwensya sa pag-iisip.
Doon, mas nakikita ko yung tahimik nilang kabutihan.
Yung potensyal.
Yung talento.
Yung accomplishments.
Yung tulong nila.
Yung magagandang katangian.
Yung pangarap.
Yung naiambag nila.
Yung mga bagay na pilit nilang itinatago,
dahil sanay silang hindi naiintindihan.
O madalas, mahusgahan base sa nakaraan.
Mas lalo kong naintindihan ito nung ako mismo ay na-diagnose ng disorder. Ah kaya pala ako ganon, yun nalang ang nasabi ko sa aking sarili.
Kasunod na ang awa sa sarili dahil sa sitwasyong parang walang sinuman ang sayo ay makakaunawa.
Pero dun ko din inaral at natutunang mas kilalanin pa ang sarili.
Doon ko narealize: mayroong mas malalaking laban sa ating buhay na hindi nakikita sa labas kundi nasa loob lamang din ng ating sariling isipan.
May mga tao, minsan walang kibo o magulo ang kilos.
Pero sa loob ng kanilang isipan, doon mas magulo ang laban kaysa sa magulong kilos na nakikita ng mga mata.
Kaya hindi na ako nagtataka kung bakit minsan mas nakakagaan sa’kin ang samahan ang mga tinuturing na “difficult person.”
Dahil sa totoo lang… may bahagi sa’kin na ganon din.
At siguro sayo rin.
Laging tandaan: may kanya-kanya tayong flaws sa personalidad at ugali.
Hindi ka ba nagtataka? na miski pa anong bait mo sa tingin mo, ay may pupuna, manghuhusga at hindi ka maiintindihan.
Sadyang matigas din ang ulo ko ang kaibahan lang, mas pinili kong magtuon sa aking sariling mga problema at kamalian.
Upang hindi ako tuluyang madala sa ingay nila at tuluyang malihis.
Pero hindi lahat nabibigyan ng ganong pagkakataon.
May mga batang hindi agad naintindihan.
Hindi natutukan.
Hindi napakinggan.
Basta itinuturing na lang animo'y kakambal ng problema.
paulit-ulit sa kanilang tenga ang mga salita kagaya ng
“Pasaway.”
"Sakit sa ulo.”
“Tarantado.”
“Ampon.”
“Problem child.”
“Walang kwenta.”
“Black sheep.”
Hanggang sa dumating sa puntong hindi na lang ito tingin ng iba,
nagiging paniniwala na rin nila sa sarili.
Napakasaklap.
Mas madali satin ang buksan ang bibig upang mangbato ng mga salita kaysa sa buksan ang tenga para umunawa at pakinggan ang puso.
Pero kung titignan nang mas malalim…
yung batang matigas ang ulo,
yung laging kontra,
yung hirap pakisamahan…
madalas, sila rin yung mga batang hindi marunong humingi ng tulong.
Pero desperadong gustong maintindihan.
Gusto lang… may makakita ng puso nila.
Hindi nila piniling maging ganon.
At kung may isang taong nakaunawa sa kanila nang maaga…
baka iba ang kwento nila ngayon.
Kaya kung may hawak akong isang katotohanan…
ito yun:
Hindi lahat ng “pasaway” ay masama.
Minsan, hindi lang sila nabigyan ng tamang pag-intindi.
Minsan, sapat na ang isang taong handang tumingin nang mas malalim
para mabago ang tingin ng tao sa sarili niya.
Hindi para baguhin siya.
Hindi para “ayusin” kung sino siya.
Kundi para iparamdam:
Sa kabila ng lahat… may nakakita ng puso niya.
At para sa mga nakakita ng black sheep sa pamilya, sa komunidad, o sa sarili…
tandaan:
Minsan, ang pinakamalalim na sugat, gawa ng pa ng mga mahal natin sa buhay,
sila itong unang nakalimot gumamit ng puso para umunawa.
Minsan, ang pinakamasakit…
hindi ang galit ng mundo sa’yo.
Kundi yung kasinungalingan at kawalang katarungan ng mga taong dapat nagmahal at nagprotekta.
Kung maririnig lang nila…
Kung makikita lang nila…
Baka hindi nasaktan ang inosenteng puso.
Baka hindi nawala ang tiwala sa sarili.
Baka hindi na naging “black sheep” ng dahil lang sa mali nilang nakita, Kung tutuusin ay musmos pa sila at mahina...
na pinalala pa ng pressure na sakanila'y ipinaparamdam,
ang mga galit sa mundo na napunta sa kanila,
at ang mga sablay na isinisi sa kanila, para lang makawala sa sariling bigat na iyong dala.
At para sa amin, sa mga nakasaksi, sa mga nakaramdam…
ang kailangan lang minsan ay katarungan sa kwento ng buhay na hindi naiintindihan.
Hindi para maghiganti.
Kundi para maramdaman ng bawat black sheep:
“Hindi ka nag-iisa. Hindi ka masama. May puso ka. At may nakakita nito.”