Manny Potter

( July 2,2026- Thursday) Our daily bread for today.
Lucas 18:14🙏❤
( Mga kapatid, wala tayong pwedeng ipagmayabang o ipagmalaki dahil ang lahat na mayroon tayo ay galing sa Diyos na nagbibigay sa atin ng buhay, kaya wala tayong karapatang magmalaki, sa halip ay magpakumbaba at maging mababa palagi anuman ang maabot natin sa buhay. Sapagkat mas pagpapalain ng Diyos ang nagpapakababa kaysa nagmamataas. Pakatandaan natin mga kapatid, hindi natin hawak ang ating buhay, anumang oras ay pwedeng bawiin lahat lahat ng Diyos kung anong mayroon tayo ngayon maging ang ating buhay . Kaya't wala tayong pwedeng gawin kundi sumunod na lang sa kalooban ng ating Amang nasa langit at gawin ang kalugud-lugod sa Kanya upang buhay natin ay pagpalain at makamit natin ang buhay na walang hanggan. Amen.)🙏🙏🙏

( July 1,2026- Wednesday) Our daily bread for today.
Lucas 11:28🙏❤
( Mga kapatid, totoo ang Salita ng Diyos at mapapalad tayo na nakikinig at isinasabuhay ang Salita ng Diyos sapagkat ang mga pangako Niya sa atin ay Kanyang ipagkakaloob. Nakakalungkot man na tanggapin ang katotohanang marami nga ang nakakabasa, nakakarinig, o nababahaginan ng Salita ng Diyos ngunit hindi ito pinaniniwalaan at isinasabuhay. Kaya't Mapapalad ang mga tunay na nakikinig at nagsasagawa ng Salita ng Diyos dahil ang buhay ay pagpapalain at protektado ng Panginoon. Amen.)🙏🙏🙏

( June 30,2026- Tuesday) Our daily bread for today.
1 Pedro 5:8🙏❤
( Mga kapatid, lagi tayong manalangin at maging matatag sa ating pananampalataya dahil habang tayo'y nabubuhay ay hindi titigil ang ating kaaway, sila'y gumagawa ng paraan upang tayo ay ilayo sa presensya ng ating Panginoon. Kaya mga kapatid, magpatuloy lamang tayong naglilingkod , nananalig, nagtitiwala, sumusunod sa kalooban ng ating Ama at sumampalataya upang ang lahat ng ito'y maging sandata natin sa pakikipaglaban sa anumang hamon ng buhay natin . Amen.)🙏🙏🙏

( June 29,2026- Monday) Our daily bread for today.
Exodus 14:14🙏❤
( Mga kapatid, marami man tayong pinagdadaanan ngayon, mga sari-saring pagsubok sa buhay, ngunit nangako ang Diyos natin na manatili tayong nagtitiwala nananalig, sumasampalataya, sinusunod ang Kanyang kalooban at naglilingkod sa Kanya nang may katapatan, Siya na ang bahalang haharap sa ating mga laban o hamon ng buhay. Kapag nangako ang Diyos natin ito'y Kanyang tutuparin. Amen.)🙏🙏🙏

( June 28,2026- Sunday) Our daily bread for today.
Marcos 8:36🙏❤
( Mga kapatid, sa panahon natin ngayon ay maraming inihahain sa atin upang tayo ay mapaligaya, mapasaya, guminhawa, sumagana at umunlad ang buhay, ngunit kapatid maging mapanuri at maalam kung ito ba ay naaayon sa kalooban ng Diyos. Oo nga at makuha man natin ang ating ninanais kung galing naman ito sa maling paraan, kapatid, alalahanin natin ang Salita ng Diyos na laging nagpapaalala sa atin. Ito ay nagbibigay ng babala sa atin dahil ang higit na dapat nating bigyan ng halaga o pansin ay ang ating espirituwal na pamumuhay -ang ating kaluluwa. Kaya kapatid, huwag na tayong maghangad ng mga materyal na bagay na siyang sisira sa ating relasyon sa Diyos dahil kapag nawala at lumayo na tayo sa Kanyang presensiya, buhay natin ay wala ng kapayapaan, puro na lang galit , paghahangad ng kayamanan, karangyaan at luho sa buhay . Kapatid, ito na ang pagkakataon upang baguhin na natin ang buhay, paglingkuran ang Diyos at mamuhay nang may katapatan. Huwag sayangin ang pagkakataon at huwag mo ng palampasin na minsan ay binago ng Diyos ang ating buhay . Pakatandaan natin ito mga kapatid, isa lang ang buhay natin. Amen.)🙏🙏🙏

( June 27,2026- Saturday) Our daily bread for today.
Salmo 91: 9-11🙏❤
( Mga kapatid, dahil sa ating pagtitiwala, pananalig, pagsampalataya, pakikipagkasundo, pag-sang ayon, koneksyon at pagsunod sa kalooban ng ating makapangyarihang Diyos na buhay ay nakatitiyak at iingatan ang ating buhay. Magkaroon man tayo ng suliranin o pagsubok sa buhay ay madali nating masosolusyunan. Sapagkat Siya'y nangakong hindi tayo iiwan sa lahat ng hamon ng ating buhay at hinding-hindi tayo pababayaan sa lahat ng ating mga plano sa buhay. Kaya kapatid, kung wala ka pang relasyon o koneksyon ni gumagawa ka pa ng hindi kalugud-lugod sa Diyos, simulan mo ng nagbago ng pag- iisip, humingi ng tawad sa lahat ng ating pagkakasala at gawin ang kalooban Niya upang ang pagpapala at kagalingan ay dumaloy sa atin. Amen.)🙏🙏🙏

( June 26,2026- Friday) Our daily bread for today.
Isaias 41:13🙏❤
( Mga kapatid, patuloy lang tayong magtiwala at manalig sa ating Panginoong Diyos na buhay, sapagkat lahat ng pangako Niya sa mga anak Niyang nagtatapat at naglilingkod sa Kanya ay kanyang tutuparin. Walang dapat ikabahala, ikatakot sa mga pagsubok at problemang nararanasan dahil kasama natin palagi ang Diyos na handang sumaklolo sa atin. Amen.)🙏🙏🙏

( June 25,2026- Thursday) Our daily bread for today
Pahayag 22:11-13🙏❤
( Mga kapatid, marami ng hindi nangyayari sa ating kapaligiran at sa ibang panig ng ating mundo ngayon na hindi na maganda, puro na lang kasamaan . Nagpapahayag lamang na totoo ang Salita ng Diyos. Mga kapatid, ito rin ay katotohanang malapit na talagang dumating ang ating Panginoong Diyos na Syang magbibigay ng gantimpala sa mga naglilingkod, magtitiwala at sumusunod sa Kanyang kalooban. Kaya nga mga kapatid, habang may oras pa gawin na ang nararapat at gawin ang ministeryo na ipinagkatiwala sa atin, huwag mag-aksaya ng panahon dahil ang mga nangyayari ngayon ay patunay lamang na ang katapusan ay nalalapit na. Magbago na tayo kapatid habang may oras pa. Amen.)🙏🙏🙏

( June 24,2026- Wednesday) Our daily bread for today.
1 Juan 3:7-10🙏❤
( Mga kapatid, habang binabasa natin ang talatang ito, pagnilay-nilayan natin ito kung tayo nga ba'y karapat dapat sa harap ng Diyos. Alalahanin natin mga kapatid na sa bawat araw nating nababasa ay pinapaalalahanan tayo palagi upang mailayo tayo sa mga gawa ng diyablo. Ang pakikinig natin ng Salita ng Diyos ang Syang magbibigay ng pag- asa sa atin upang hindi tayo mapahamak pagdating ng takdang oras na tayo ay haharap sa ating Diyos. Mga kapatid, may pagkakataon pa upang pagsisihan ang ating mga kasalanan. Mapagpatawad ang ating Diyos, huwag na nating sayangin ang pagkakataon na tayo ay binibigyan pa ng buhay upang magpatuloy sa paglilingkod sa Kanya. Mahal na mahal tayo ng Diyos at ayaw Niya tayong mapahamak sa walang hanggang kaparusahan. Amen.)🙏🙏🙏

( June 23,2026- Tuesday) Our daily bread for today.
Mga Awit 118:29🙏❤
( Mga kapatid, marapat lamang na purihin, sambahin at pasalamatan natin palagi ang Diyos na buhay na Siyang nagbibigay sa atin ng buhay. , iniingatan tayo palagi, pinagkakalooban tayo ng ating mga pangangailangan, at higit sa lahat hindi tayo pinababayaan . Kaya habang tayo ay nabubuhay, huwag tayong magsawang maglingkod sa Kanya sapagka't Siya'y mabuti, ang pagmamahal Niya sa atin ay walang hanggan at hinding-hindi kukupas kailanman . Kaya habang may hininga pa tayo gawin na natin ang Kanyang kalooban upang sa Kanyang muling pagbabalik at sa tamang panahon na tayo ay huhukuman na, masaya tayong haharap sa Kanya at walang bakas na pagsisisi ang sa atin ay makikita . Amen)🙏🙏🙏