Rashid Riaz

عالمی منڈی میں تیل کی قیمتیں نیچے جا رہی ہیں، مگر پاکستان میں عوام کے لیے مہنگائی مسلسل اوپر جا رہی ہے۔ سوال یہ ہے کہ جب عالمی سطح پر ریلیف آتا ہے تو اس کا فائدہ عام پاکستانی تک کیوں نہیں پہنچتا؟ جب تیل مہنگا ہوتا ہے تو فوراً پیٹرول، بجلی، ٹرانسپورٹ، کھانے پینے کی چیزیں اور روزمرہ استعمال کی ہر شے مہنگی کر دی جاتی ہے، مگر جب تیل سستا ہوتا ہے تو عوام کو وہی ریلیف کیوں نہیں دیا جاتا؟

پاکستانی عوام پہلے ہی بجلی کے بھاری بلوں، گیس کی قیمتوں، پیٹرول کے اخراجات، آٹے، چینی، دال، سبزی، دودھ اور بچوں کی فیسوں کے بوجھ تلے دبی ہوئی ہے۔ ایک مزدور، دکاندار، ملازم، رکشہ ڈرائیور یا سفید پوش خاندان کے لیے گھر چلانا مشکل سے مشکل تر ہوتا جا رہا ہے۔ ایسے حالات میں اگر عالمی منڈی میں قیمتیں کم ہوں اور پھر بھی عوام کو فائدہ نہ ملے تو یہ صرف معاشی پالیسی کا مسئلہ نہیں بلکہ عوامی حق تلفی ہے۔

مونس الٰہی کا یہ بیان عوام کے اسی درد کی ترجمانی کرتا ہے کہ مہنگائی کم کرنے کے بجائے عوام پر مزید بوجھ ڈالا جا رہا ہے۔ حکومت کا کام عوام کی جیب خالی کرنا نہیں بلکہ انہیں ریلیف دینا ہوتا ہے۔ اگر عالمی قیمتوں میں کمی آتی ہے تو اس کا اثر پیٹرول پمپ، بجلی کے بل، ٹرانسپورٹ کرایوں اور اشیائے خورونوش کی قیمتوں میں واضح طور پر نظر آنا چاہیے۔

عوام اب یہ سوال پوچھنے میں حق بجانب ہے کہ مہنگائی کے نام پر کس کی جیبیں بھری جا رہی ہیں؟ اگر عوام قربانی دے رہی ہے، ٹیکس دے رہی ہے، مہنگائی برداشت کر رہی ہے، تو پھر حکمران طبقہ، ادارے اور پالیسی ساز اپنی ذمہ داری کیوں نہیں نبھا رہے؟ ہر بار بوجھ صرف غریب اور متوسط طبقے پر کیوں ڈالا جاتا ہے؟

اصل حکمرانی وہ ہوتی ہے جو عوام کو ریلیف دے، قیمتوں کو کنٹرول کرے، ناجائز منافع خوری روکے، ٹیکس کے نظام کو منصفانہ بنائے اور قومی وسائل کا فائدہ عام شہری تک پہنچائے۔ صرف دعووں، تقریروں اور اعداد و شمار سے عوام کا چولہا نہیں جلتا؛ عوام کو حقیقی ریلیف چاہیے۔

اگر عالمی منڈی میں کمی کا فائدہ حکومت، مافیا یا طاقتور طبقے تک محدود رہ جائے اور عام آدمی پھر بھی مہنگائی میں پستا رہے تو یہ نظام کی ناکامی ہے۔ عوام کو اب نعروں کی نہیں، عملی ریلیف کی ضرورت ہے۔

غیر ملکی آئی پی پیز سے معاہدے ختم کرنے میں انٹرنیشنل قوانین درمیان آئیں گے مگر پاکستانی حرام خور آئی پی پیز سے معاہدے ختم کرنے میں درمیان میں کیا اپنا بنک بیلنس آرھا ھے جس کی گروتھ رکنے کا خدشہ ھے؟

امریکہ نے ایران کے تیل پر عائد پابندیوں میں نرمی کی ہے، اب حکومت کو چاہیے کہ ایران سے پیٹرول درآمد کرے اور عوام کو 50 روپے فی لیٹر کے حساب سے فراہم کرے۔

🤔🤔🤔

ممکن ہے میں غلط ہوں لیکن میرا تجربہ ہے مالی تنگی میں مبتلا انسان چاہیے کتنا ہی قابل کیوں نہ ہوسب کے نزدیک بے قیمت ہوتا ہے...!!! 😐