T P NEWS.

🚨 بریکنگ نیوز: پروآ قتل عام کا مرکزی ملزم عبرت ناک انجام کو پہنچ گیا! 🚨

ڈیرہ اسماعیل خان (پروآ): گزشتہ دنوں موٹر سائیکل چھیننے کے تنازع پر ہونے والے جرگے میں خون کی ہولی کھیلنے والا سفاک قاتل اپنے منطقی انجام کو پہنچ گیا۔ گن پوائنٹ پر چھینے گئے موٹر سائیکل کے معاملے پر ہونے والی فائرنگ کے نتیجے میں 6 بے گناہ افراد شہید ہوئے تھے، جس کے بعد مرکزی ملزم ذوالفقار مروت فرار ہونے میں کامیاب ہو گیا تھا۔
اس ہولناک واقعے کے بعد پولیس نے ملزم کی گرفتاری کے لیے گھیرا تنگ کر دیا تھا۔ تازہ ترین اطلاعات کے مطابق، ڈی ایس پی عابد اقبال اور سلیم بلوچ کی سربراہی میں پولیس ٹیم نے خفیہ اطلاع پر ملزم کے ٹھکانے پر چھاپہ مارا۔
خود کو قانون کے شکنجے میں پا کر ملزم نے پولیس پارٹی پر اندھا دھند فائرنگ شروع کر دی۔ پولیس کی بھرپور جوابی کارروائی اور شدید مقابلے کے بعد مرکزی ملزم ذوالفقار مروت موقع پر ہی ہلاک ہو گیا۔ پولیس نے ملزم کے قبضے سے واردات میں استعمال ہونے والی کلاشنکوف بھی برآمد کر لی ہے۔
علاقہ مکینوں نے ڈی ایس پی عابد اقبال اور سلیم بلوچ کی اس فوری اور جرات مندانہ کارروائی کو بھرپور سراہا ہے، جس سے علاقے میں پھیلا ہوا خوف و ہراس ختم ہوا ہے۔ پولیس حکام کا کہنا ہے کہ "خونِ ناحق" بہانے والا کوئی بھی مجرم قانون کی گرفت سے بچ نہیں سکتا۔
TP NEWS – حقائق، سب سے پہلے