Ibn E Asgher

ک. ش. میر کی حال. ت.. 😢💔 See more

📢 محترم ايم پي اي فياض علي بٽ صاحب ۽ ايم اين اي عرفان علي لغاري صاحب!

اسان ڳوٺ سوجهرو ميرواڻي، تعلقو ميهڙ، ضلعو دادو جا رهواسي اوهان ٻنهي کي ادب سان مخاطب ٿي رهيا آهيون.

چونڊن دوران اسان سان واعدا ڪيا ويا هئا ته ڳوٺ کي پڪو روڊ، بجلي ۽ ٻيون بنيادي سهولتون فراهم ڪيون وينديون، پر افسوس ٽي سال گذرڻ باوجود اڄ تائين انهن واعدن تي عمل نه ٿيو آهي.

ايم اين اي عرفان علي لغاري صاحب، اوهان تعلقا ميهڙ ۽ تعلقا ڪي. اين. شاهه جي عوام جا نمائندا آهيو. اسان به اوهان جي تڪ جا ووٽر آهيون. اسان جو به اوهان تي حق آهي ته اسان جي ڳوٺ جي مسئلن کي قومي سطح تي اٿاريو ۽ انهن جي حل لاءِ پنهنجو ڪردار ادا ڪيو.

اڄ به اسان جي ڳوٺ ۾ نه پڪو روڊ آهي، نه مناسب بجلي، نه اسپتال، نه معياري اسڪول ۽ نه ئي ٻيون بنيادي سهولتون. برساتن ۾ رستا بند ٿي وڃن ٿا، مريض ۽ شاگرد سخت تڪليفن کي منهن ڏين ٿا.

اسان گذريل 17 سالن کان اوهان جي پارٽي کي ووٽ ڏيندا پيا اچون. هاڻي وقت اچي ويو آهي ته واعدن بدران عملي ڪم نظر اچي.

اسان جو مطالبو آهي ته ڳوٺ سوجهرو ميرواڻي کي فوري طور پڪو روڊ، بجلي، صاف پيئڻ جو پاڻي، تعليم ۽ صحت جون بنيادي سهولتون فراهم ڪيون وڃن.

اسان کي ڪنهن تي احسان نه گهرجي، اسان کي صرف پنهنجا آئيني ۽ بنيادي حق گهرجن.