Usman Mushtaq

Good work CCD

نارووال اور شکرگڑھ اور کرتار پور میں سیلاب
گوردوارہ سری دربار صاحب کرتار پور میں سیلاب

۔۔۔ ۔۔ ۔۔۔۔۔۔۔۔۔۔ میرا نارووال ۔۔۔۔۔۔۔۔۔۔۔۔
۔
جمدا ای سورج جتھے پہلاں جھاتی مار دا
او جے علاقہ سوہناں ، میرے نارووال دا
کجھ موو٘رخاں تے کھوجیاں، کھوج لائی اے
بابے حبیبُ رح، تے نارو ایدی نھیں ٹھائی اے
نارو توں عام ہویا اے ناں "نارووال" دا
جمدا ای سورج جتھے پہلاں جھاتی مار دا
۔۔۔۔۔۔۔۔۔۔۔۔۔۔،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہڑے ورھے نھی رکھی،وکھو، وکھ قول اے
ایدے وچ کرنی اساں اجے، ہور پرچول اے
مکیا نئیں کم اجے ایدی سوچ ویچار دا
جمدا ای سورج جتھے پہلاں جھاتی مار دا
او جے علاقہ سوہناں میرے نارووال دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے دھرتی کدے" بابے کشمیرے" کوآندی سی
ایدے توں لنگکے"شاہی وار " دلی جاندی سی
اے تے نت بنی رہندی سی"راہ" شاہی وار دا
جمدا ای سورج جتھے پہلاں جھاتی مار دا
او . جے علاقہ سوہناں میرے نارووال دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سپاں وانگوں نالے ایدے بل پے کھاندے نیں
سوہناں گھا،بوٹا ایدی جھولی وچ پاندے نیں
ایتھے بئنیں، بسینتر تے ڈیک ٹھاٹھاں مار دا
جمدا ای سورج جتھے پہلاں جھاتی مار دا
او جے علاقہ سوہناں میرے نارووال دا
۔۔۔۔۔،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حدوں ودھ سونیاں ایہ مٹی دیاں خصلاں نے
یارو ایتھے ہندیاں ون سوونیاں فصلاں نے
لنگدا اے راوی وی ، اینوں موڈھا مار دا
جمدا ای سورج. جتھے پہلاں جھاتی مار دا
او جے علاقہ سوہناں میرے نارووال دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جند توں ودھ سانوں ایدی مٹی عزیز اے
عزیزایتھے ٹنک ڈوھائے، سووار ہویا شہید اے
نکا، وڈا ہر اک ایدے توں جند ،جان وار دا
جمدا ای سورج جتھے پہلاں جھاتی مار دا
او جے علاقہ سوہناں میرے نارووال دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایہ دھرتی سوہنی فیض تے ہاشم شاہ دی اے
شہاب الدین ،میرملت تے کشفی شاہ دی اے
ایہہ مٹی جمیاں شیو ورگا شاعر کمال دا
جمدا ای سورج جتھے پہلاں جھاتی مار دا
او جے علاقہ سوہناں میرے نارووال دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے علاقہ کرنل شیر تے زیڈ اے سلہری دا اے
رجندر، شرما، دیو تے وارث سر ہندی دا اے
نالے خدیجہ ، ملکہ پکھراج تے پادری مام دا
جمدا ای سورج جتھے پہلاں جھاتی مار دا
او جے علاقہ سوہناں میرے نارووال دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رب دے ولیاں وی ایتھے لائے جھیرے نیں
بابے نانک تے وڈے بھائی نیں لائے ڈیرے نیں
نالے فیض عام ایتھے ،"علی پور "دربار دا
جمدا ای سورج جتھے پہلاں جھاتی مار دا
او جے علاقہ سوہناں میرے نارووال دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایہہ مٹی وچ اُنساں دی بُو رچی ہوئی اے
تائیوں تے جگ وچ ایدی دھم مٓچی ہوئی اے
اوہوؤ کردا صفتاں،جو اک باراں پھیرا مار دا
جمدا ای سورج جتھے پہلاں جھاتی مار دا
او جے علاقہ سوہناں میرے نارووال دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بس کر یار نسیم کیہ، کیہ دسناں پھول وے
میرے نارووال دی ہر اک شے انمول وے
کیڈا سوہناں رتبہ اے ایدے علمی میعار دا
جمدا ای سورج جتھے پہلاں جھاتی مار دا
او جے علاقہ سوہناں میرے نارووال دا
جمدا ای سورج جتھے پہلاں جھاتی مار دا
اوہوو جے علاقہ سوہنا میرے نارووال دا
میرے نارووال دا ، میرے نارووال دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(نسیم درمانوی)
موئلف:-تاریخ ضلع نارووال ۔ بعنوان:_
"چڑھتے سورج کی سر زمین نارووال کا احوال"
۔. . . . . (گورداسپور سے کرتار پور تک)

روکیاں بالکل رک دا نہیں
اکھ دا اتھرو سک دا نہیں

اوہیو جگ تے کافر ہوندا
رب اگے جو جھک دا نہیں

گج وج تیرے نال پایا پیار
عشق مشک تے لک دا نہیں

لہجہ یار دا سینے اندر!!
تیراں وانگر ٹھک دا نہیں ؟

سلیم نہیں منزل پا سکدا
پیر اگاں جو چک دا نہیں

ازلوں تیرے ول ٹریا واں
فیر وی پینڈا مک دا نہیں
🥀❤️🥀🌹🌷🌺
❤️❤️❤️❤️❤️
Usman Mushtaq

✍🥀💛📿
Usman Mushtaq .

🥀🍃💕🤍💕🌿✨️
💛 🌷 💘

🥀🍃💕🤍💕🌿✨️
#, 🌺🌷🌹