Young Nurses Association Dera Ismail Khan

نرسنگ ڈے کے موقع پر سینئر وائس پریزیڈنٹ Rehman Mehsood نے اپنے خطاب میں نرسنگ کمیونٹی کو درپیش مسائل کو بھرپور انداز میں اجاگر کیا۔
انہوں نے نرسز کے حقوق، بہتر ڈیوٹی ماحول، اسٹاف کی کمی، اور پیشہ ورانہ عزت و احترام کے حوالے سے اہم نکات پیش کیے۔

عالمی یومِ نرسنگ کے موقع پر ریجنل صدر جناب Aman Ullah Mehsud اپنے خیالات کا اظہار کرتے ہوئے

نرسز ڈے کی پروقار تقریب میں پیٹرن اِن چیف صدر فضلِ مُلا صاحب کا خصوصی خطاب نرسنگ کمیونٹی کے لیے حوصلہ افزا اور قابلِ فخر لمحہ تھا۔
انہوں نے اپنے خطاب میں نرسز کی شب و روز خدمات، مریضوں کی دیکھ بھال میں اُن کے اہم کردار اور صحت کے شعبے میں نرسنگ اسٹاف کی قربانیوں کو خراجِ تحسین پیش کیا۔
صدر فضلِ مُلا صاحب نے کہا کہ نرسز کسی بھی ہسپتال اور معاشرے کا اہم ستون ہیں، جو ہر مشکل وقت میں انسانیت کی خدمت کے جذبے کے ساتھ اپنی ذمہ داریاں نبھاتے ہیں۔
انہوں نے نرسنگ کمیونٹی کے مسائل کے حل، پیشہ ورانہ ترقی اور بہتر ماحول کی فراہمی کے لیے ہر ممکن تعاون کی یقین دہانی بھی کروائی۔
نرسز ڈے کی یہ خوبصورت تقریب اتحاد، احترام اور نرسنگ پروفیشن کی عظمت کو اجاگر کرنے کا بہترین ذریعہ ثابت ہوئی۔

آنٹرنیشنل نرسز ڈے کے موقع پر نرسز کی بے لوث خدمات، قربانیوں اور انسانیت سے محبت کو خراجِ تحسین پیش کرنے کے لیے ایک پروقار کینڈل سیلیبریشن کا انعقاد کیا گیا۔
اس خوبصورت تقریب میں نرسز نے شمعیں روشن کر کے اس عزم کا اظہار کیا کہ وہ ہر حال میں مریضوں کی خدمت، ہمدردی اور انسانیت کی بھلائی کے لیے اپنی ذمہ داریاں اسی جذبے سے ادا کرتی رہیں گی۔ ❤️

اللہ تعالیٰ تمام نرسز کو مزید ہمت، کامیابی اور عزت عطا فرمائے۔ 🤍

ڈیرہ اسماعیل خان کی تاریخ میں پہلی بار شاندار اور کامیاب نرسنگ ڈے کا انعقاد
الحمدللہ، ڈیرہ اسماعیل خان میں پہلی مرتبہ نرسنگ ڈے نہایت شان و شوکت، نظم و ضبط اور پروفیشنل انداز میں منعقد کیا گیا، جو نرسنگ کمیونٹی کے لیے ایک تاریخی اور یادگار لمحہ ثابت ہوا۔ یہ پروگرام نرسز کی بے لوث خدمات، قربانیوں اور انسانیت کی خدمت کے جذبے کو خراجِ تحسین پیش کرنے کے لیے منعقد کیا گیا۔
تقریب میں ہمارے معزز چیف گیسٹ پیٹرن ان چیف فضل مولا صاحب اور ٹانک وای این اے پریزیڈنٹ میڈم صفینہ نے خصوصی شرکت کرکے نرسنگ پروفیشن کی اہمیت کو اجاگر کیا اور نرسز کی خدمات کو بھرپور انداز میں سراہا۔
اس کے ساتھ ساتھ نرسنگ ڈائریکٹر اور ہاسپٹل ڈائریکٹر کی شرکت نے اس تقریب کی وقعت میں مزید اضافہ کیا۔
خصوصی طور پر وائی این اے بنوں ٹیم کی مکمل شرکت ہمارے لیے باعثِ فخر رہی، جنہوں نے نرسنگ برادری کے اتحاد، یکجہتی اور پیشہ ورانہ ہم آہنگی کا بہترین مظاہرہ کیا۔
تقریب کے دوران نرسز کی شب و روز محنت، مریضوں کی خدمت، اور صحت کے نظام میں ان کے کلیدی کردار کو خراجِ تحسین پیش کیا گیا۔ مقررین نے اس بات پر زور دیا کہ نرسز کسی بھی ہسپتال اور معاشرے کی ریڑھ کی ہڈی کی حیثیت رکھتے ہیں، جو ہر مشکل وقت میں انسانیت کی خدمت کے لیے صفِ اول میں کھڑے ہوتے ہیں۔
یہ کامیاب پروگرام اس بات کا ثبوت ہے کہ اگر نرسنگ کمیونٹی متحد ہو تو نہ صرف اپنے حقوق بلکہ اپنے پروفیشن کے وقار کو بھی بلند کرسکتی ہے۔
ہم تمام منتظمین، معزز مہمانوں، نرسنگ اسٹاف، اور شریک ہونے والے تمام افراد کا دل کی گہرائیوں سے شکریہ ادا کرتے ہیں جنہوں نے اس پروگرام کو کامیاب بنانے میں اپنا کردار ادا کیا۔
✨ نرسز انسانیت کی خاموش ہیروز ہیں ✨