Dr Syed Muhammad ENT, Head & Neck surgeon

گلے کی سوزش، نزلہ اور کھانسی آج کل بہت عام ہے اوع ہر دوسرا شخص ان علامات کا سامنا کر رہا ہے۔
ایک بہت اہم سوال یہ ہے کہ ایسی صورت میں اینٹی بایوٹکس کب استعمال کی جائیں۔
آپ سب بخوبی جانتے ہیں کہ پاکستان جیسے ممالک میں اینٹی بایوٹکس کا غلط استعمال اور ضرورت سے زیادہ استعمال عام ہے، جس سے اینٹی بایوٹکس کی مزاحمت پیدا ہو رہی ہے، جو کہ ایک بہت خطرناک حالت ہے، کیونکہ ضرورت پڑنے پر یہ اینٹی بایوٹکس جراثیموں پر کام نہیں کریں گے۔
اس پوسٹ میں ہم دیکھیں گے کہ ہمیں گلے کی سوزش کے دوران اینٹی بایوٹکس کب استعمال کرنی چاہیے۔
گلے کی خرابی کے بیشتر کیسز وائرس کی وجہ سے ہوتے ہیں اور وائرس کے حملے میں اینٹی بایوٹکس جیسے ازو میکس، آگمینٹین، کیلا موکس، کلیری سیڈ کا کوئی فائدہ نہیں ہوتا ،بلکہ الٹا سائیڈ ایفیکٹس بھی ہو سکتے ہیں۔ اس لیے عام عوام اور ڈاکٹروں دونوں کے لیے یہ جاننا بہت ضروری ہے کہ اینٹی بایوٹکس کا استعمال کب کرناچاہیے۔
آئیے ہم وائرل اور بیکٹریل انفیکشن کے فرق کو علامات سے سمجھتے ہیں۔
یادرہے !اینٹی بائیوٹک صرف بیکٹریل انفیکشن میں دی جا سکتی ہیں۔

وائرس کی وجہ سے گلے کی سوزش کی علامات :
۔بخار کا نہ ہونا یا کم درجے کا بخار ہوتا ہے
۔گردن میں لیمف نوڈز سوجے ہوئے نہیں ہوتے
۔گلے میں دیکھنے پر صرف سرخی نظر آتی ہے، پیپ جیسا پیلا مواد نظر نہیں آتا، ٹانسلز عام طور پر نارمل ہوتے ہیں
۔نزلہ
۔چھینکیں
۔آنکھوں کی سوزش
ایسی صورت میں اینٹی بایوٹکس کی ضرورت نہیں ہے، بس پیناڈوال استعمال کریں، شہد، جڑی ،ہربل چائے، نمک کے پانی سے غرارے، شربت توت سیاہ، لوزنجیز وغیرہ سے گلے کو سکون دیں۔ آرام کریں اور مناسب مقدار میں پانی پئیں۔ آپ ایک ہفتے میں ٹھیک ہو جائیں گے۔

دوسری طرف، اگر آپ کو گلا خراب ہو اور ساتھ یہ علامات ہوں:
۔تیز بخار
۔گردن میں میں گلیٹیاں محسوس ہو اور ان میں درد بھی ہو
۔گلے میں اندر دیکھنے پر پیپ جیسا پیلا مواد نظر آئے، ٹانسلز کا سائز بڑھا ہواہو
۔نزلہ، چھینکیں یا آنکھوں کی سوزش نہ ہو
تو یہ بیکٹیریا کی وجہ سے گلے کی سوزش کی علامات ہیں اور ایسی صورت میں آپ کو اینٹی بایوٹکس کی کورس کی ضرورت ہے۔

اس پوسٹ کو دوسروں کے ساتھ بھی شیئر کریں۔
Dr Syed Muhammad ENT , Head and neck surgeon

ڈپتھیریا (Diphtheria) خناق کیا ہے؟
ڈپتھیریا ایک خطرناک بیماری ہے جو گلے، ناک یا جلد کو متاثر کرتی ہے۔ یہ ایک جراثیم (بیکٹیریا) سے ہوتی ہے اور آسانی سے ایک سے دوسرے کو لگ سکتی ہے، خاص طور پر کھانسی یا چھینک سے۔

علامات:

گلے میں شدید درد

بخار

سانس لینے میں مشکل

گلے میں سفید جھلی بن جانا

👦 بچوں کے ٹانسلز بار بار کیوں سوجتے ہیں؟

ٹانسلز گلے کے دونوں طرف موجود چھوٹے غدود ہوتے ہیں جو بیماریوں سے بچانے میں مدد کرتے ہیں۔
لیکن بچوں میں یہ بار بار سوج جاتے ہیں، خاص طور پر سردی یا انفیکشن میں۔

عام وجوہات:

بار بار وائرل یا بیکٹیریا انفیکشن

زیادہ آئسکریم یا ٹھنڈا پانی پینا

دھول مٹی یا الرجی

کمزور قوتِ مدافعت

علامات:

گلا خراب اور درد

بخار

کھانے میں تکلیف

سانس لینے میں مشکل (شدید صورت میں)