روج

مشروعنا مختلف
مشروعنا هو قصة
مشروعنا هو روح وحدة
مشروعنا هو..شلة بنات..
بلحظة لعب ومزح قررنا انو لازمنا شي يغير حياتنا
شي يخلينا نعقل لانو احنا بوجهة نظر اهالينا حياتنا مش عم تمشي متل اللازم لانو تعلقنا ببعض خلا حياتنا مش عم تتمحور الا حول شي واحد وهو (الشلة)
احنا روح وحده مزروعة بمريم..صفاء..فرح..حنان..لانا
مريم.. بنات تعالو نفتح مشروع شو رايكم؟؟!
طبعا ما كان بوسعنا وقتها الا انو نضحك
لانا..مريم هالبلد مش ناقصها مشاريع الا اذا بكون شي غريب ..
فرح .. انا موافقه بس شو الغريب؟
صفاء..وانا وانا بدي شي يكون كتير غريب بشبه علاقتنا
حنان.. وانا موافقه بس احنا ما معنا راس مال يبنات !!!
مريم..بنات شو رايكم بمحل اكسسوارات؟
بوقتها كنت رافضات هالفكرة لانو احنا بندور عالشي الغريب.
بس بعدها اكتشفنا انو الغريب هو احنا
الغريب هو قصتنا
الغريب هو شلتنا..
بلشنا ندور اسم لهالمحل وبلشنا مشوار التعب والسهر وبلش مشوار الشغل اللي بخلينا نصحى كل يوم الصبح لحتى ندور عمحل نخلقو احنا لحتى يكون بشبهنا..
وبالنهاية كان اختيارنا لهالمشروع بحمل اسم "روج"
كان صعب انو نقرر نبدا بمشروع فيه 5 شركا بالوقت اللي مشاريع بشريك واحد عم تفشل.
اما احنا .. يمكن بالنسبه الكم خمس صبايا بس احنا مش عم نشوف حالنا الا واحدكالعادة.
اشهر مرت واحنا نسهر لننجز ونتعب ليكتمل الحلم
وهس صار وقت ننقل حلم شلة للواقع لحتى نحكيلكم انو ما في حلم ما بتحقق.
هالاراده هي اللي حيشوفها كل زبون حيدخل لعنا.
هالقوه وهالضعف
هالفرح وهالحزن هالغرابه والعفويه هالبساطه وهالتعب هالفكره وهالحلم
الغريب عنجد هو انو وقفنا عاجرينا بلحظة ضعف كانت مسيطره علينا كلنا بوقتها ..اتاري صحيح انو المرء يستطيع ان اراد.
احنا عالم بحد ذاتو
احنا الهوا لبعض واحنا المي
احنا البعد والقرب والحلو والمر
احنا السهر والايام
احنا الفكره والاحلام
احنا اللي جاي
احنا روج ..