Sawa Care Home Clinic

#هام عشان تبقى شاطر و عارف تعمل رعاية تمريضية صحيحة لمريض القدم السكري ؟!!
🔴 الرعاية اللي بتقدمها تعتبر جزءًا أساسيًا من إدارة الحالة الصحية له، حيث تهدف إلى منع المضاعفات وتحسين جودة الحياة. تشمل الرعاية التمريضية الخطوات التالية:

1️⃣ التقييم الأولي

🔸 تقييم حالة القدم: فحص الجروح، التقرحات، علامات العدوى (احمرار، تورم، إفرازات).

🔸 قياس مستوى السكر في الدم باستمرار.

🔸 تقييم تدفق الدم في الأطراف (فحص النبض الطرفي).

🔸 تحديد وجود اعتلال الأعصاب السكري (خدر أو ألم).

2️⃣ العناية بالجروح

▪️تنظيف الجروح بلطف بمحلول معقم مثل المحلول الملحي.

▪️تغيير الضمادات يوميًا أو حسب إرشادات الطبيب.

▪️استخدام مضادات حيوية موضعية إذا وصفها الطبيب.

▪️تجنب استخدام المطهرات القوية (مثل اليود المركز) لأنها قد تؤدي إلى تلف الأنسجة.

3️⃣ الوقاية من العدوى

✳️ تعليم المريض كيفية الحفاظ على نظافة القدمين وتجفيفها جيدًا، خاصة بين الأصابع.

✳️ التأكد من ارتداء الجوارب القطنية النظيفة يوميًا.

✳️ تجنب المشي حافي القدمين.

4️⃣ تعليم المريض وأسرته

✓ توعية المريض بأهمية التحكم بمستوى السكر في الدم.

✓ تقديم إرشادات حول التغذية الصحية والأنشطة البدن

شركة رعاية طبية منزلية متكاملة
تشمل خدمات سوا كير كلينك
التمريض المنزلي
التعقيم
الفحوصات الطبية
العلاج الطبيعي في المنزل
زيارة الطبيب
رعاية كبار السن وذوي الاحتياجات الخاصة
للتواصل
0960519611
مكالمات + واتساب

⚠️ الكوليرا رجعت وبقوة… والموضوع ما فيهو لعب ❗

يا جماعة الخير، الأيام دي الحالات قاعدة تزيد بشكل مخيف، والناس بتمشي المستشفى متأخرة، والجفاف بيكون ضرب الجسم، وفي حالات بتموت بسبب الإهمال أو التأخير.

أي زول يجيهو إسهال مائي شديد، أو قئ مستمر، لازم نتصرف بسرعة ونتعامل معاهو كأنو كوليرا، لحدي ما يثبت العكس.

⸻

✅ شنو نعمل أول ما تظهر الأعراض؟

1️⃣ لو الزول بالغ، ما حامل، وما صغير في العمر:

نمشي أقرب صيدلية ونطلب:
دواء اسمو: Doxycycline 100mg
• المريض يبلع 3 حبات مرة واحدة = 300mg
• دي جرعة واحدة بس، وبتكفي لعلاج الكوليرا في الحالات دي
📍 نتابع بعدا نديهو سوائل ونتأكد من تعويض الفاقد

⸻

2️⃣ طيب لو الزول حامل أو طفل؟

ما ينفع نديهم دوكسيسايكلين لأنه خطر عليهم، فبنستبدلو بي:
Azithromycin 500mg

للحوامل أو الكبار:
• اليوم الأول: يبلع حبتين مع بعض = 1g
• من اليوم التاني لليوم السادس: يبلع حبة واحدة كل يوم = 500mg

للأطفال الصغار:
• بنشتري شراب اسمو Azrotic syrup (نفسو أزيثرومايسين بس للأطفال)
• لازم نعرف وزن الطفل ونخلي الصيدلي يحسب لينا كم مل يشرب يومياً
📌 الجرعة بتتحسب حسب الوزن، عشان ما ندي جرعة ناقصة أو زايدة

⸻

3️⃣ طيب الزول ده كبير لكن تعبان شديد وما قادر يبلع الحبوب؟

بنمشي للطريقة الوريدية (بالإبرة)، نطلب من الطبيب أو الصيدلي يجهز:

Ciprofloxacin 1g vial I.V
📌 يعني نديهو المضاد الحيوي مباشرة في الوريد.

+ نركب ليهو درب (محلول) اسمو: Ringer Lactate
وده مهم جداً عشان يعوض السوائل والأملاح اللي خسرها الجسم بسبب الإسهال.

⸻

💧 كيف نحسب كمية الرنجر (المحاليل)؟

لو في طبيب أو صيدلي قريب بيكون أفضل يحسب، لكن لو اضطرينا نتصرف، نمشي بالجدول ده:
1. أول نص ساعة: 70 مل لكل كيلو من وزن المريض
2. النص ساعة التانية: 30 مل لكل كيلو
3. بعد داك: 100 مل لكل كيلو خلال ساعتين

📌 المجموع خلال 3 ساعات = تعويض سريع وأساسي للجفاف الحاد.

❗ لكن لو المريض عندو مشاكل في الكلى أو القلب (زي فشل قلبي أو مريض موية)، ما بنديهو كميات كبيرة، بنحسب بحذر:

🧠 نديهو بس 4 مل لكل كيلو من وزنو، ونتابع حالتو بحذر.

⸻

🧂 محلول الإرواء (ORS) ضروري بعد كل نوبة إسهال أو قئ:
• بنلقاهو جاهز في الصيدليات
• لو ما لقيناه:
1 لتر موية مغلية ومبردة

• ملعقة صغيرة ملح
• 5 ملاعق سكر
🔁 يشرب منو بعد كل مرة يدخل الحمام أو يرجع

⸻

🧪 الفحوصات المهمة جداً:

لو في عيادة أو معمل قريب، نعمل التحاليل دي بسرعة:
1. Serum electrolytes (عشان نعرف نسبة الأملاح، خصوصاً البوتاسيوم)
2. Creatinine و Urea (عشان نطمن على الكلى)
3. Stool analysis (عشان نعرف إذا في أميبيا أو غيرا)
4. Cholera Rapid Test (اختبار سريع للكشف عن الكوليرا)

⸻

🧼 الوقاية هي خط الدفاع الأول:
• اغسل يدينك قبل الأكل وبعد الحمام
• اشرب موية نظيفة أو مغلية
• ما تاكل أكل مكشوف
• طهر الخضار والفواكه كويس
• حافظ على نظافة المكان حوالينك

⸻

🛑 الكوليرا مرض خطير، لكن نقدر نمنعو بالوعي والتحرك السريع

لو شفت أعراض في زول من أهلك، جارك، أو حتى في الشارع، ساعدو ولو بمعلومة.

📢 انشر التوعية وشارك البوست.. ممكن تكون سبب في إنقاذ روح!
#الكوليرا

المصادر العلمية:

1️⃣ Doxycycline for Cholera
🔗 CDC - Cholera Treatment Guidelines

2️⃣ Azithromycin for Cholera in Pregnancy and Children
🔗 WHO - Cholera Outbreak: Response and Management

3️⃣ Ciprofloxacin IV Use in Severe Cholera
🔗 PubMed - Ciprofloxacin in the treatment of cholera

4️⃣ Ringer Lactate for Cholera Rehydration
🔗 WHO - Management of the Patient with Cholera

5️⃣ ORS Recipe and Usage
🔗 WHO - Oral Rehydration Salts (ORS)

6️⃣ Rehydration Protocols for Children with Cholera
🔗 UNICEF & WHO - Diarrhoeal Disease Management

7️⃣ Electrolyte and Renal Monitoring in Cholera Patients
🔗 UpToDate - Cholera: Clinical Features and Diagnosis

8️⃣ Cholera Rapid Diagnostic Test (RDT)
🔗 CDC - Cholera Diagnostic Testing

Dr. Aldaw Ahmed
منقول