FOOZ cosmetics

المسامية العالية :
جينا لاخر نوع من أنواع المساميات 🙂
خصائص الشعر عالي المسامية :
القشور المكونة للطبقه الخارجية بتكون متباعده يعني بيمتص الرطوبه بسرعه وبيفقدها بسرعه
عشان كدا شكلو هش وضعيف وناشف وبيتشابك بسرعه 🥲 ..
لكن إذا شعري كدا اعمل ليهو شنو 🫣
**ااي مشكله عندها حل وزي ماقلنا انو ممكن المسامية تتغير
* بما انو بيفقد الرطوبه سريع اداوم على ترطيبو وممكن استعمل زبدة الشيا ،زيت الخروع ، زيت الجوجوبا ، جل الالوفيرا
والضفائر بتمسك الرطوبه برضو
*افضل وقت للزيوت قبل الحمام ..الا زيت الجوجوبا ممتاز جدا في الترطيب يعني بعد تغسلي شعرك وتستعملي كريمك ختي كميه بسيطة منو على الأطراف وشوفي الفرق 😍
* ماتغسلي كتير عشان مايفقد الزيوت الفيهو ولما تجي تغسليهو خففي الشامبو واغسلي الفروة بس وباقي الشعر بيتغسل بالشامبو البينزل معاك
* غسلي شعرك بمويه بارده
وخليهو ينشف بدون استشوار ..أو خلي الاستشوار بارد

المسامية المتوسطة أو المعتدلة 🥰
خصائص الشعر متوسط المسامية :
هنا القشور الصغيرة المكونه للطبقة الخارجية متراصه بصورة معتدله ..يعني المسافات بينها بتسمح للشعر يمتص المواد المرطبة المحتاج ليها ويحتفظ بيها .
*وعشان هو معتدل المسامية بيكون مظهرو صحي ولامع وكثيف 😍
*لكن ✋🏻 ..إذا مااعتنيتي بشعرك ممكن المسامية تتغير ..يعني برضو نتفق الصبغات والحرارة نبعد منهم
*وبرضو نحافظ على الروتين بتاعنا حق الماسكات والزيوت زي زيت الارغان والسمسم واللوز الحلو وزيت الزيتون
*وكمان لما تجي تنومي يفضل تضفري شعرك عشان مايتساقط ويتشابك بسبب الاحتكاك أو تستعملي كيس مخدة أو بونيه ساتان
*وتقصي شعرك كل كم شهر💇🏻‍♀️ عشان مايتلف 🙃

المساميه المنخفضة
خصائص الشعر منخفض المسامية:
*الطبقة الخارجية في النوع دا بتكون قريبه جدا من بعض فما بتخلي مواد الترطيب تدخل بسهوله *محتاج وقت عشان يتشبع بالمويه
*مابينشف بسرعه
طيب كيف تهتمي بيهو🤷🏻‍♀️
١-اول شي تستخدمي زيوت خفيفه عشان تساعدي شعرك يمتصاها زي زيت الارغان أو الجوجوبا أو اللوز الحلو 💚 ..و الافضل تستعمليهو على الفروة
٢- تداومي على الماسكات أسبوعيا ..ولما تعملي ماسك يفضل انك توجهي حراره غير مباشره للشعر يعني بعد اغطيهو بكيس استخدمي فوطه ساخنه ..أو وجهي الاستشوار عليهو من بعيد ومايكون حار شديد
٣-ممكن تستعملي خل التفاح أو الخل العادي بس تخففي بمويه بنسبه ١:٣ وتستعملي على الفروة بعد ماتغسلي بالشامبو لانو بعيد التوازن لفروة الرأس
٤- جل الصبار 🌵وعسل النحل🍯 مفيدين شديد ..وحتى إذا استعملتي حمام كريم يكون بحتوي على المواد دي
٥- نبعد من الصبغات والحرارة الكتيرة عشان مايتحول لمساميه عالية
٦- ماسكات البروتين والبيض 🥚والموز تقيلات شديد ع المسامية المنخفضه فماف داعي ليهم

يعني شنو المساميه ..وكيف تعرفي نوع مسامية شعرك🤷🏻‍♀️؟
طيب اولا المساميه هي قدرة الشعر على امتصاص الماء والزيوت والاحتفاظ بها
وللتوضيح اكتر !! الشعره بتتكون من ثلاثه طبقات من الخارج للداخل هي البشرة واللب والقشرة
يلا البشرة دي هي البتحدد المساميه.. وبتأثر فيها العوامل الوراثيه، و طريقة اعتناءك بشعرك
كيف اعرف نوع المسامية🙍🏻‍♀️؟
في طريقتين
* الطريقة الأولى نجيب كوب ماء 🫗 ولازم الشعر يكون نضيف وناشف ✋🏻ونشيل خصلات ونختهم في الكوب ..ممكن نشيلهم من المشط ونستنى ربع ساعه ونشوف الحايحصل 🤌🏻إذا استقرت فوق معناها مساميتك منخفضة ..واذا كانت في الوسط معناها متوسطه ..واذا نزلت معناها عاليه .
* الطريقة التانيه ..نجيب بخاخ فيهو مويه ونرش الشعر 👩🏻‍🦰وبنفس الطريقه نراقب إذا تم امتصاص الماء معناها عاليه واذا لا معناها منخفضه واذا اخد وقت حتى تم امتصاصه معناها متوسطه.
وأيا كان نوع شعرك أكيد حاتلقي

بالنسبه للشعر ..اول شي لازم نعرف نوع المساميه عشان نحدد احتياجاتنا ونركز في الحاجات البتنفع معانا ونثبتها
كل مسامية حانفصلها في بوست خاص
وأكيد متوفرة عندنا

انتو عارفين انو ربنا فطرنا على حب السماحه 😍 والجيهة..لانو قال "أومن ينشأ في الحلية وهو في الخصام غير مبين "
يعني شنو؟ يعني انتي سممحه مهما حصل 🤓 ✋🏻..بس.. لازم تهتمي بنفسك عشان تحافظي على انوثتك وتاخدي أجر في نفسك والحواليك ..إذا كان زوجك او مجتمع النساء بدل مايتخلعو من النكشه والبهدلة الحاصله يتبسطو بشوفتك وتدخلي فيهم السرور
طيب كيف أكون #انثى بخطوات عملية وسهله
اولا تكوني باااارده😌🥶 وماااأي شي يستفزك عشان تبعدي من التوتر والضغوط النفسية
تانيا شي المويه مهمه شديد وعندها تأثير مباشر على الشكل بتاعك
تالت شي ..التغذيه السليمه قدر الإمكان بالرغم من ظروف البلد 🥲
وأهم شي #روتين الشعر والجسم ..وتخلي ليك وقت خلال اليوم لنفسك تاخدي فيهو بريك❤️

زيت جوز الهند الطبيعي للشعر والجسم متوفر بالحجمين الكبير والصغير
زيت خام 100٪ وصالح للأكل 😌
يقوي ويرطب ويغذي الشعر
يحتوي على فيتامين E

ورجعنا ليكم تاني بمنتجات جديده
👌 جل الصبار لجميع مشاكل البشره للرجال والنساء 👨‍🦰👩‍🦰
وكمان لإنبات الشعر

عطور أصلية.. ماركات عالمية 💁‍♀️😍

فوتوبلك.. كريم واقي لأشعة الشمس وأعراض الشيخوخة المبكرة.. ذو حماية قصوى للبشرة الحساسة

عايزة تفتيح آمن ومضمون.. ومن غير آثار عليك بمجموعة Fair and white الفرنسية 😎👌 وبراك حتشوفي
للطلب على الواتس 0920355559