Karma كارما

ليه المرطب ما بيقعد في جسمك .. ؟ 😐

بترطبي جسمك .. وبعد ساعة بتلقيه رجع للجفاف والخشونه كأنك ما رطبتي اصلا ..

وده يمكنن سبب يخليك تكسلي من الترطيب لأنك ما شايفة فرق وما حاسه بالترطيب أدى مفعوله ..

لكن .. مرات المشكلة بتكون في نوع الترطيب ذاته .. لأنه في فرق بين مرطب خفيف بيرطب سطح البشرة لفترة قصيرة ، وبين مرطب غني بالزبدات والزيوت الطبيعية، بيساعد البشرة تحتفظ بالرطوبة لفترة أطول .. 💚

وعشان كدا ..
في كارما عملنا زبدة الجسم بمزيج من الزبدات والزيوت الطبيعية، عشان تغذي البشرة وتساعدها تحتفظ بترطيبها، بدل ما تحسي بالجفاف بعد ساعات قليلة.

لأنه الهدف ما إنك ترطبي جسمك كل شوية .. الهدف إنك تختاري ترطيب يقعد معاك ويخلي بشرتك مرتاحة وناعمة لأطول وقت ممكن .. 👌

هسي ورينا .. المرطب بقعد في جسمك تقريباً كم ساعة؟
1️⃣ أقل من ساعة
2️⃣ ساعتين أو ثلاثة
3️⃣ طول اليوم تقريباً
4️⃣ما ملتزمة بالترطيب اصلا 😐

#كارما

أولاً جمعة مباركة عليكم 💚

روتينكم شنو؟ 😌
شاركينا روتينك لليوم دا.. و خلي جمعتك تكون مختلفة
ما تخليها يوم عادي بين الأيام .. خليها يوم خاص بيك إنت ..

حتى لو حاجة بسيطة:
راحة، عناية، هدوء، أو وقت لنفسك بدون ضغط

يلا جميلات كارما .. ورونا حتعملو شنو الليله؟ او كسلانين؟

#كارما

تقشير كيميائي ولا فيزيائي؟

كلنا بنسمع عن التقشير .. كخطوة أساسية في العنايه بجسمك .. واغلب البنات بعرف نوع واحد من التقشير

لكن هل عارفه إنه التقشير نوعين؟ ااي نوعين .. في تقشير كيميائي وفي تقشير فيزيائي ..

طيب .. شنو الفرق بينهم ؟

التقشير الفيزيائي :
ده بيعتمد على الفرك المباشر باستخدام مقشرات حبيبية زي السكر أو القهوة ..
✔️ بيدي نعومة فورية وبيشيل الجلد الميت من السطح
✔️بيخلي البشرة أنعم وأنظف من أول استخدام
✔️مناسب كخطوة بسيطة في الروتين الأسبوعي

التقشير الكيميائي :
وده بيعتمد على أحماض بتشتغل على إذابة الخلايا الميتة بدل الفرك ..
✔️ بيساعد في تفتيح التصبغات، توحيد اللون، وآثار الحبوب
✔️ بيوصل لنتائج أعمق من السطح
✔️نتائجه تدريجية وبتحتاج وقت
✔️ محتاج استخدام دقيق عشان نتجنب أي تهيّج أو حروق ..

وطبعا .. التقشير الفيزيائي هو الخيار المعتمد عند "كارما" لأنه بسيط، آمن، وبيخلي البشرة ناعمة بطريقة طبيعية بدون تعقيد.

يلا بعد عرفتي الفرق .. ورينا انتي حتختاري أي نوع وليه؟
تقشير كيميائي ؟
ولا تقشير فيزيائي؟

#كارما

عندك نفس ومزاج تعملي لنفسك روتين عنايه من 5 أو ٦منتجات كل يوم؟

لو إجابتك لا .. فإنتي انسانه طبيعية جدا .. 🤭

لأنه أغلبنا ببدا روتينه وبخلي أكتر من 5 منتجات جمبه وببدا فيهم واحد واحد ، فلو انتي زولة مستعجلة ما حتقدري تستمري فيه ..

عشان كدا لو إنتِ من الناس البتحب الحاجات البسيطة والسريعة طبعا وتختصرها بس في منتجين أو خطوتين ..

ركزي على روتين ساهل تقدري تستمري عليه:
تنظيف البشرة، ترطيب البشرة

وبس.
لأنه الإستمرار على روتين بسيط، أحسن من روتين طويل ما بتقدري تواصلي عليه.

ومع الوقت حتلاحظي فرق كبير من إنك تجربي عشرات المنتجات وتوقفيها بعد يومين ..

ولو دايرة روتين عناية بسيط وسريع ما بياخد منك أكتر من دقيقتين في اليوم ..
أكتبي "روتين" في التعليقات وحنرسله ليك في الخاص .. 💚

#كارما

عمرك عاينتي في جسمك وقلتي:

لو الاسمرار ده بس يخف شوية .. بس لو لوني فاتح ..
ياريت لو الحبوب دي تختفي ، لو بشرتي تبقى أنعم وأحسن شوية

يمكن كنتي تحسي براحة أكتر .. ويمكن ثقتك في نفسك تزيد

معظم البنات بيربطو ثقتهم بنفسهم بشكل بشرتهم .. لدرجة إنه أي حبة صغيرة أو تصبغ خفيف ممكن يبوظ ليهم نفسيتهم اليوم كله ..

لكن ..
دي كلها مشاكل عادية، ممكن تتحسن مع الوقت ومع العناية الصح

لكن قيمتك إنتِ، وشكلك الحقيقي، وثقتك في نفسك .. ما مفروض تكون مربوطة بالحاجات دي.

إعتني ببشرتك .. رطبيها .. وإهتمي بيها، لكن ما تخليها تكون سبب في إنك تقسي على نفسك أو تكرهي شكلِك، لأنه عنايتك الحقيقة بتبدأ من حب نفسك أول .. 💚

هسي ورينا ..
شنو الحاجة الكانت مضايقاك في بشرتك، وهسي بقيتي متقبلاها عادي ؟

#كارما

جبتي المنتج أمس .. وعايزة النتيجة الليلة ؟ 😐

طبعا أغلبنا مجرد ما يبدأ يستخدم منتج جديد .. تاني بكون طول اليوم ماسكه المراية في يدها .. وقاعدة منتظرة لمتين النتيجة تظهر والجسم يفتح ولا الحبوب تختفي ..

ولو ما شافت فرق سريع بتوقف المنتج وبتمشي تجيبي منتج تاني .. وبتخت اللوم في المنتج الأول وبتقول إنه ما نافع أحسن أجرب حاجة تانية ..

وطبعا ..
دي واحدة من أكبر الحاجات البتخرب روتينك .. إنك تكوني مستعجلة للنتيجة ..

لأنه الجلد عنده دورة تجدد طبيعية بتستغرق تقريبا حوالي 28 يوم ..

يعني أي منتج بتستخدميه ، نتيجته الحقيقية ما مفروض تتوقعيها بكرة أو بعد يومين .. لأنه البشرة محتاجة وقت عشان تتجدد وتوريك الفرق.

عشان كدا البنات البشوفو أفضل النتائج ما هم البستعجلو .. هم البستمروا .. 💚

فلو بديتي روتين عناية جديد، ادي بشرتك فرصة قبل ما تحكمي عليه 👌

هسي شاركينا .. إنتِ من النوع البصبر على المنتج؟
1️⃣ أيوة بصبر
2️⃣ ما بقدر اصبر

#كارما

بتحسي إنه بشرتك ما قاعدة تستفيد من الترطيب ؟

عادي مرات تكوني ملتزمه بروتين الترطيب كل يوم، لكن برضو تحسي جسمك باهت و ما استفاد منه ولسه خشن ..

في اللحظة دي راجعي روتينك .. واسألي نفسك
آخر مرة عملتي تقشير لجسمك متين ؟

لأنه الجلد الميت والقشور لما تتراكم على البشرة، ممكن تخليها ما تستفيد من الترطيب بالصورة العايزاها .

عشان كدا .. كارما عملت ليك اسكراب العكر الفاسي

عارفه يعني شنو عكر فاسي؟!
نبات مغربي اشتهر في روتينات العناية بالجسم، وارتبط بالتقشير وتحسين مظهر البشرة.

وعشان كدا اسكراب العكر الفاسي بيساعد على:
إزالة الجلد الميت والقشور
تنعيم ملمس البشرة
تحسين مظهر البشرة الباهتة

والاهم إنه بهيئ البشرة لاستقبال الترطيب وبخلي جسمك يمتص الترطيب وياخد كفايته بشكل أفضل ..

لأنه البشرة بعد التقشير بتكون جاهزة تستفيد من الترطيب بشكل أعمق ..

ورينا .. آخر مرة عملتي اسكراب لجسمك متين؟
1️⃣ الأسبوع ده
2️⃣ ما متذكرة
3️⃣ ما قاعده اعمل

#كارما

مفاصل إيديك أغمق من باقي جسمك ؟ 😐

أغلب البنات بكونو مركزين على تفتيح الجسم كله .. لكن بينسو المفاصل ..

وبعد فترة بتلقي نفسك لاحظتي انه مفاصلك لونهم اغمق من باقي جسمك .. وبتبدي تشيلي هم كيف تفتحي لونهم .. ومنها بتمشي تجربي كريمات تاني ..

لكن عارفة؟
مرات المشكلة ما في الكريمات البتستخدميها .. لأنه اسمرار المفاصل ما عنده سبب واحد بس ..

ممكن يكون بسبب:
- الاحتكاك المستمر
- جفاف البشرة
- التعرض للشمس
وفي بعض الحالات ممكن يكون مرتبط بأسباب صحية داخلية.

عشان كدا أول خطوة ما إنك تجربي أي وصفة أو منتج .. أول خطوة إنك تعرفي السبب.

ومن الحاجات البتساعدك على العناية بالمفاصل:
الترطيب المنتظم
حماية البشرة من الشمس
الاهتمام بالأكل المتوازن
اتجنبي الاحتكاك والدعك

النصائح دي بتفرق، لكن أهم شيء تعرفي وين المشكلة عندك بالضبط .. 👌

هسي لو عندك إسمرار في المفاصل .. تتوقعي سببهم شنو؟
1️⃣الكريمات
2️⃣الشمس
3️⃣عدم ترطيب

#كارما