Renova Beauty

حاسّة بشرتك باهتة وما فيها النضارة الدايراها❓
يمكن محتاجة تدخلي التقشير في روتينك لكن بالطريقة الصح.

سيروم التقشير من Renova Beauty ممكن يناسبك لو عندك بهتان أو حاسّة بشرتك محتاجة تجديد او تتخلصي من الجلد الميت او ما بتحبي قشره المقشر💜

✔️ بنستخدمو بالليل مرتين لـ3 مرات في الأسبوع
✔️ بنخليهو نص ساعة
✔️ بعد داك بنغسلو
✔️ وبنرطب البشرة كويس

والمهم يا بنات: ما تكتري منو عشان مستعجلة على النتيجة وما تجمعي معاه مقشرات تانية في نفس الروتين. وواقي الشمس بالنهار مهم جدًا

التقشير الصح ما معناهو نتعب بشرتنا معناهو نديها الكمية البتحتاجو وبس 💜

📩 دايرة تعرفي سيروم التقشير مناسب لبشرتك؟ اتواصلي معانا
للطلب والاستفسار
https://wa.me/249996050712

وما تنسي...

بتقشّري بشرتك عشان ترجّعي ليها النضارة
لكن لسه حاساها تعبانة ومطفية؟ 🥺

مرات المشكلة ما إنك محتاجة تقشير أكتر
ممكن بشرتك تكون بس محتاجة منك ترطيب .

لو فيها شدّ وجفاف وبتحسيها مرهقة → ركزي على الترطيب.
ولو ملمسها خشن وباهتة → ممكن تحتاج تقشير لطيف ومناسب.

المهم تسمعي بشرتك قبل ما تزودي عليها منتجات 💜

هسي أكتر حاجة مضايقاك: الجفاف ولا البهتان ؟
اكتبيها لينا في الكومنت 👇🏽

وما تنسي.....

بشرتك دهنية وبتخافي من المرطب؟ 💜
يمكن كل مرة تشوفي اللمعة تقول : «أنا ناقصاني ترطيب كمان؟»

لكن الدهنية ما معناها إن بشرتك شايله كفايتها من الترطيب.

ممكن بشرتك تفرز دهون وفي نفس الوقت تكون فاقدة للموية ومحتاجة ترطيب
ولما تحاولي تتخلصي من اللمعة والتزيت بالغسيل الكتير أو المنتجات القوية أو تلغي المرطب تمامًا ممكن تحسي بشرتك مشدودة متعبة ولسه بتلمع وبتزيت اكتر كمان❗️

عشان كده ما تحاربي بشرتك لأنها دهنية 💜
اختاري ليها ترطيب خفيف ومناسب لنوعها وركزي على التوازن بدل تجفيفيها.

اللمعة ما معناها إن بشرتك مرتاحة مرات بتكون محتاجة منك اهتمام بطريقة مختلفة. 🥺💜

إنتِ من الناس البتلغي المرطب عشان بشرتك دهنية؟
ولو بشرتك دهنية ورينا بترطبي بشنو؟ 👇🏽

منو المذنب في التصبغات والكلف؟
الشمس؟ آثار الحبوب؟ ولا روتينك العشوائي؟

مرات السبب ما بكون حاجة واحدة بس 😩

✔️ الشمس: التعرض للشمس من غير حماية ممكن يخلي التصبغات تظهر وتجي أكتر.

✔️ آثار الحبوب: الحبة ممكن تمشي لكن مرات تخلي وراها بقعة غامقة تقعد فترة.

✔️ الروتين العشوائي: تقشير زيادة ومنتجات كتيرة فوق بعض وتجارب بدون ترتيب ممكن تهيّج البشرة وتزيد التصبغات.

والكلف بالذات ممكن تدخل فيهو عوامل مختلفة منها الشمس والعوامل الهرمونية.

عشان كده علاج المشكلة ما ببدأ بكترة المنتجات…
ببدأ إنك تعرفي شنو البزيدها عندك. 💜

التصبغات مضايقاك إنتِ كمان؟ 🥺💜
قولي لينا
أكتر حاجة حاسة إنها السبب عندك شنو؟ 👇🏽

بتحاولي تفتحي وتوحدي مظهر بشرتك؟
في حاجات ممكن تكوني بتعمليها بحماس
وهي ذاتها بتعطّل روتينك!

أشهر الأخطاء 👇🏽

❌ كل ما زاد التقشير النتيجة أسرع
لا يا بنات المبالغة ممكن تهيّج البشرة.

❌ خلط أكتر من مادة فعّالة بدون ترتيب
ما كل المنتجات ينفع تتجمع في نفس الروتين.

❌ التركيز على التفتيح ونسيان الترطيب
البشرة المحتاجة ترطيب ممكن تظهر باهتة مهما كثرت المنتجات.

❌ واقي الشمس بس وقت الحر
التصبغات والشمس ما عندهم اتفاقية موسمية الحماية اليومية مهمة.

❌ تغيير المنتج بعد أيام لأن “ما اشتغل”
الاستمرارية أهم من التنقل كل شوية بين المنتجات.

💜 الخلاصة: ما محتاجة تعملي أكتر
محتاجة تعملي الصح لبشرتك.

وتذكري: الهدف هو نضارة البشرة والعناية لمعالجه التصبغات والكلف

وما تنسي......

سيروم النياسين
متين ممكن يدخل في روتينك؟ 💜

لو بشرتك بتعاني من الدهون الزائدة ومظهر المسام والبهتان أو تفاوت اللون
النياسيناميد ممكن يكون إضافة لطيفة ومفيدة لروتين العناية

وسيروم النياسين من Renova Beauty ما جاي براهو ❗️
تركيبته تحتوي كمان على Hyaluronic Acid لدعم ترطيب البشرة 💜

ممكن تستخدميه ضمن روتينك بعد الغسول وقبل المرطب مع إدخاله بالتدريج ومراعاة باقي المنتجات في روتينك

يعني لو هدفك توازن + ترطيب + نضارة وتوحيد لون
ممكن يكون سيروم النياسين هو الخطوة الناقصة في روتينك

❗️ عايزة تعرفي هل مناسب لروتينك؟ رسلي لينا نوع بشرتك والمنتجات البتستخدميها ونساعدك في الاختيار 💜

وما تنسي.....

خلينا نشوف إنتِ فاهمة بشرتك قدر شنو؟ 💜

أول خطوة في أي روتين عناية صاح إنك تعرفي نوع بشرتك

لو طلبنا منك تختاري هسي، حتقولي بشرتك:

🟣 دهنية
🟣 جافة
🟣 مختلطة
🟣 حساسة

اختاري واحدة واكتبيها لينا في الكومنتات 👇🏽💜
وبعدها حنوري كل نوع بشرة شنو البناسبه من العناية

وما تنسي....

كل مرة تشوفي بشرتك في المراية بتحسي التصبغات هي أول حاجة بتشوفيها؟ 💔

الكلف وآثار البقع وتفاوت اللون ممكن يخلّوك تحسي إن بشرتك مطفية وحتى مع المكياج لسه نفسك تشوفيها صافيةو نضرة ولونها متجانس أكتر.

وعشان ما تفضلي محتارة:
أستخدم شنو؟ أبدأ بشنو؟ وشنو الناقص في روتيني؟

جمعنا ليك في بكج التصبغات والكلف من Renova Beauty 💜 روتين متكامل فيه:

✔️ تركيبة معالجة تصبغات وكلف
✔️ ترطيب
✔️ سيروم نياسين + Hyaluronic Acid
✔️ تونر Glycolic 7%

روتين واحد…
بدل ما تفضلي تجربي كل مرة حاجة براها.

والأحلى؟ 💜
🎁 أول 5 طلبات حياخدوا مقشر وجه هدية مع البكج.

لو التصبغات والكلف من الحاجات البقت مضايقاك كل ما تشوفي بشرتك رسلينا في الواتس وخلي نساعدك تبدأي روتينك 💜

حيتوفر في Blush APP تطبيق بلش

https://wa.me/249996050712

تصبغات، كلف ولا آثار حبوب؟ 💜
ممكن في الأول تحسي إنهم كلهم حاجة واحدة لكن في فرق بينهم 👇🏽

✔️ التصبغات:
دي ببساطة مناطق في بشرتك لونها بقى أغمق من باقي الوجه، وممكن تحصل من الشمس، التهيج أو أسباب تانية.

✔️ الكلف:
غالبًا بظهر في شكل بقع بنية خصوصًا في الخدود الجبهة وفوق الشفايف والشمس والعوامل الهرمونية ممكن يكون عندهم دور كبير في ظهورو.

✔️ آثار الحبوب:
الحبة تمشي…
لكن تقول ليك أنا خليت ليك ذكرى 😂
وتخلي مكانها بقعة غامقة ممكن تقعد فترة بعد الحبة ذاتها ما تختفي.

عشان كده يا بنات
ما أي بقعة غامقة معناها كلف وما أي تصبغ بنعاملو بنفس الطريقة. 💜

ورونا في الكومنتات 👇🏽
إنتِ أكتر حاجة مضايقاك شنو: التصبغات ولا الكلف ولا آثار الحبوب؟

خلونا نعمل Skin Check سريع 💜

لو عندك فرصة تحلي مشكلة واحدة بس في بشرتك هسي… حتختاري شنو؟ 👇🏽

✔️ الحبوب
✔️ التصبغات وآثار الحبوب
✔️ البهتان وقلة النضارة
✔️ الجفاف ونقص الترطيب

اكتبي في الكومنتات 👇🏽
ونشوف أكتر مشكلة مضايقة بنات رينوفا شنو
و البوست الجاي يكون عنها 💕

وما تنسي.....