Malaz Mohammednour

يارب … 🤲🏻 🤍

❤️✨ . . . #trending #viral #fyp

الانسان اللي بيسعى عشان يتطور من نفسه ويحقق أهدافه بيكون في حالة تطور يومياً .

فالتطوير الذاتي رحلة مستمرة ما هدف نهائي أبداً.

📍 "فالوقت كالذهب اذا ضاع ما بيرجع"

عيشي على المبدأ دا وحاولي اتعلمي من أخطائك وحسني من نفسك .

ما تقيفي على نقطة وفهم معين، فالوقت مصيرو ينتهي .

انا ذكرت ليكم انو الإنسان لمن يكون مليان بالفكر، بالوعي ، يعطي بس صعب يسحب .

لمن تكوني مليانة ما بتحتاجي لأي زول ، ليه ؟!

لانو عقلك متغذي ، في اي موضوع عندك خلفية ولو بسيطة فانتي بعد دا حتكوني مستغنية تماماً

حاضرب ليك مثال بسيط :
لمن يكون عندك كباية وتكون فاضية وكبيتي فيها موية وامتلأت فالباقي حتكون محتاجة ليه ؟ اكيد لا لأنها اكتفت من الزيادة.

نفس الشئ بينطبق عليكِ لمن تكون مليانه حتكوني مكتفية ذاتياً ، الجمال الحقيقي انو بنت تكون شغالة على تطوير نفسها 🌿 .

حددي أهدافك واعرفي انتي عايزة تصل لي شنو؟

ما تكوني زولة ما عندها هدف أو طموح في الحياة لا عارفه تمشي لقدام ولا ترجع للخلف .

حياتك كلها نوم ، واكل ، وشراب بس

كل الليالي اللي مرت في حياتك سمحتي ليها انو تضيع منك بدون فائدة !!

يا حبيبتي خليكِ حريصة واستثمري وقتك في الشئ اللي بينفعك دينياً ودنيوياً .

كلنا في الحياة بننقسم إلى فريقين :

¹ الأول بيسعى عشان يحقق اهدافه ويشتغل علي تطوير نفسه

² الثاني نايم ويفكر في المستقبل بس من دون أي انجاز

الفكرة هنا ما انو الإنسان الما بيسعى عشان يتطور من نفسه سواء كان من الجانب الديني أو الدنيوي.

باعتباره سئ لا ابداً بس العيب وين اوريكم ؟ انو يكون راضي بالوضع اللي عايش فيه وراضي بيه.

نحن كلنا ما كاملين وفينا عيوب بس الفرق انو ما بنقيف ، بنواصل ، بنسعى عشان نرضى من نفسنا ، والأهم انو نرضي الله تعالى

ما تنتظري الظروف المناسبة لأنها عمرها بالطريقه دي ما حتجي اشتغلي علي نفسك.

اهم واجمل نصيحة لمُحبة ليكم ❤️

توكلي على الله في كل خطوة من حياتك واطلبي منه التوفيق .

اي زول بقول ليكم تعالو راجعين السودان دا زول مابحب ليكم الخير❌

ايوه زول بكرهكم عديل كدا

البلد كعبه شديد الوباء فيها منتشر شديد ماف علاجات ماف مستشفيات ماف اي مقومات للحياه💔

حمي الضنك والملاريا منتشره زي الهواء
قاتل الله المرض وقاتل الله كل من اراد بالسودان سوءا او شراً💔

بلد بتقتل في مواطنيها بالبطيئ لقيتو الحرب والدانات ما قتلت كل الشعب قلتو نشوف حاجه تانيه نقتلهم بيها💔

معقوله لا في اعلان لي حاله طوارئ لا في مستشفيات لا في علاجات لا في دربات لا في اي شي💔

وكمان يقولو ليك موظفين الدوله يجبروهم يجو راجعين وظائفهم بالغصب ⁉️

خالي كان قاعد في مصر زي العجب قالو ليه لا بس ترجع بالغصب عشان شغلك رجعوه لي قدرو ويومو💔

طيب انتو قبل تجبرونا نرجع بلدنا (الاصلا راجعنها طال الزمن ولا قصر) وفروا فيها ابسط مقومات الحياه والمعيشه ياخ💔

ياخ حسبي الله ونعم الوكيل فيكم الله ينتقم منكم نفر نفر شردتونا من بيوتنا ودمرتوا حياتنا وما اكتفيتوا لسه بتسكوا الناس عشان ترجع بالقوه ويموتو هناك لي⁉️

انا اكتر زول كان نفسي ارجع السودان كنت بحلم باليوم دا عديل متين ارجع واعمر بلدي واشتغل فيها💔😭

الي جنات الخلد منعماً فيها ابدا يا احمد محمد🤲🏼🥺💔

#تعدييييييل
البجي يعلق لي ويعمل فيها واعظ وبحب الوطن والبلد مافيها شي وماشه كويس والقرف دا اتجاوزوني احسن عشان اقسم بالله تتبلو من طرف عندكم كلام عن الوطن امشوا اكتبوه في صفحاتكم اتجاوزو البوست حقي دا عشان الفينا مكفينا😡😡

في مطالبة كدة شبه خفية انك تكون سوبر بني ادم

تكوني رهيبة فبيتك تكوني فظيعة فشغلك تكوني مرتبة و لابسة شيك طول الوقت

تكوني عشرة من عشرة

لازم تبهرينا بي بيتك و فرشك الرهيب بي انك بتطبخي و عظيمة و بتعملي عزايم بي انك شغالة لا و كمان الجديدة عندك بزنيس .. يا حبذا لو وزنك مثالي و جسمك رشيق و بتطلعي الصباح تتريضي

زي check box كدة و الجمهور بصحح ليك

فيبقى عند الواحدة احساس لا واعي كدة بالفشل

انك اقل من الناس دي …انه كيف ما عملت بزنيس لحد هسي و كيف ما مشيت باريس و كيف ما بقيت فاشونيستا في عالم الانستغرام هو المرجعية للجميع ..!

السوشيال ميديا بتخلي عندك احساس باللهث كدة و قصة أنا ما كفاية !

غير تراكمات المجتمع

ما اتخرجتي ما عرستي .. ما بقيتو تلاته ما حتخاوي ولدك ..ما اتحننتي للعيد مالك

ياخ ما اتحننت

و احتمال ما استحم زاتو

منو البصحح دة و ماسك لينا القلم الأحمر عشان يكتب خمسة من عشرة و سبعة من عشرة..

انفصلتي ! انفصلتي ليه .. طيب حتعيشي كيف ما احنا لازم نقعد جوة هدومك و نعرف

ما عندك شلة صحبات بتطلعو girls only date !

معقولة براك كدة !

اكيد صعبة و توكسيك انت

طبعا مافي زول معين بقول الكلام دة .. بس تحس انه الجميع بيقوله بي طريقته الخاصة

بمرر ليك الرسايل دي و مخك المسكين يشيل و يخزن !

و تبدا تحس انك frustrated

و انه حياتك ما كويسة ولا مريحة و انك ناقصك شي

من غير ما حتى تسأل نفسك هل الشي دة مناسب لي فعلا ولا لا

هل بيسعدني فعلا ولا لا

ما يمكن انا ما بحب لمة البنات .. كدة ياخ الله خلقني كدة

ما يمكن ما عايزة اخوض غمار التجربة الجديدة

انا لا فاشلة ولا ناقصة ولا عندي عيب انا بس ما عايز

كنبتي دي كفاية علي

ما يأس ولا عجز ولا كسل

انا مبسوطة بكباية الشاي و البسكويته البغمسا فيها و ايوة وزني كتير !

كل شوية مفروض نفرمل حبة عشان نذكر نفسنا

نحن كفاية

بي شكلنا دة

بي شغلنا دة

بي تفاصيلنا دي !

نحن كفاية !

و اللي في حاجة بتبسطو يمشي يعملا

مالازم كلنا نتفصل على مقاسات رضا الناس

نحن كدة كويسين !

امدرمان فيها وباء حقيقي بتاع ملاريا وضنك
قبل شوية براجع مع الصيدليات حاجه في منتهي الكارثه والاسواء من كده انو الان دربات البندول شبة معدومه تماما للاسف
الحمد لله صيدلتين من البنتعامل معاها عندها استوك بتاع دربات وقدرت تغطي اكبر عدد من المرضي المتعففين
بس الكارثه في كميه من المرضي يعني تلاقي البيت الواحد كلوو مضروب ملاريا او ضنك او الاتنين
عاوزين ندفع حق الادوية دي لو ربنا سهل الليله وبكره ححاول اتواصل مع شركات توفر الدربات دي من اي مكان
دين صيدليتين 570
والصيدلية التالته 110
ودين عيش 290
للمساهمه بنكك
1657810
جرجس روحي

انتشار حمى الضنك 🛑🛑🛑🛑🛑

🛑كدي تعالو نوريكم يعني طبيعة المرض ده...
اولا لازم تعرفو انو بينتقل بي سبب الباعوض..وبينتشر في المناطق الاستوائية من العالم... النوع الخفيف من حمى الضنك بتتسبب بي حمى شديدة واعراضها بتشبه اعراض الانفلونزا..

🛑وممكن حمى الضنك تصل لي اعراض شديدة بحيث انو يصاحبها نزيف عشان كده برضو بيسموهو (الحمى النزفية)..

🛑عالميا كتير من الحالات بتصاب ب العدوى دي...

🛑افضل طريقة للوقاية من حمى الضنك هي تجنب لدغات الباعوض ...والحاجات المترتبة على تقليل اللدغات...

🛑اعراض حمى الضنك ممكن تكون واضحه وممكن تكون لأ..وبتاخد فترة من 4 يوم ل 10 ايام....

🛑ده غير انو بيصاحبها حمى شديدة وبتصل فيها درجة الحرارة ل 40 درجه مئوية...

🛑وصداع شديد..مصاحب ليهو الم في العضلات..والعظام والمفاصل... وطمام واستفراغ..والم خلف العيون..وتورم الغدد وطفح جلدي شديد..

🛑معظم الاشخاص ممكن يتعافو في خلال اسبوع...بس بعض الحالات ممكن تزداد سوء وبتحتاج ايام اكتر عشان تتماثل للشفاء...

🛑النوع الحاد من حمى الضنك بيحصل لما تتلف الاوعية الدموية ويتسرب منها الدم..وينخفض عدد الخلايا اللي بتكون الصفائح الدموية..وده ممكن يؤدي لي النزيف الداخلي وفشل الاعضاء.. والموت..

🛑في مؤشرات تحذيرية لحمى الضنك ودي بتمثل حالة طارئة ومهددة للحياة...
زي وجود الم شديد في المعدة..والاستفراغ المستمر.ونزيف اللثه والانف..ووجود دم في البول او البراز..ونزيف تحت الجلد.وصعوبة او سرعة التنفس..والارهاق..

🛑الحاجات دي لو بتعاني منها..انت ضروري تتلقى رعاية صحية في اقرب وقت....

🛑ف لو ظهرت عليك اعراض حمى الضنك..لازم في اسرع وقت تتلقى الرعاية الصحية..

🛑اسباب الاصابة ب حمى الضنك زي ما اتكلمنا هو فيروسي المنشأ...

🛑وبينقلها نوع معين من انوواع الباعوض...يعني كونك تكون انت مُعدي لي غيرك من غير ناقل الفكرة دي خاطئة..اي بمعنى ما ممكن تلتقط العدوى من شخص مصاب..

🟢بس عايزين نبشرك...

🟢بعد تتعافى من حمى الضنك حيكون عندك مناعه طويلة المدى ضد نوع الفايروس اللي اتصبت بيهو..لانو حمى الضنك عندها 4انواع من الفيروسات.. ف انت حاليا محصن ضد النوع اللي اصابك بس التلاتة البقية انت معرض ليهم...

🟢وزي ما بقولو الوقاية خير من العلاج...

🟢عالميا في لقاحات معتمدة للوقاية من حمى الضنك..بيتاخد على تلات جرعات خلال سنة...وبيدوهو للفئات اللي اتعرضت قبل كده للاصابة بحمى الضنك..

🟢في 2019 وافقت ادارة الغذاء والدواء الامريكية على اعطاء اللقاح للاعمار بين 9 و16 عام...شرط انهم قبل كده اتعرضو للاصابة بحمى الضنك...

🛑ده غير انو الوقاية من لدغات الباعوض شي مهم...

🛑لازم تتجفف اماكن عيش الباعوض..ونستخدم الكريمات او اللوشنات الطاردة للباعوض... ونلبس ملابس مغلقه بحيث انها تقلل من احتمالية اللدغات....

🛑اما بخصوص العلاج...

🛑فماف علاج محدد لي حمى الضنك...🤷🏿🤷🏿🤷🏿🤷🏿

🛑 بس أثناء التعافي من حُمّى الضنك، أكثِر من شرب السوائل...

🛑ولو حسيت بي واحد من الاعراض دي..اتصل على الدكتور سريع او امشي اقرب مركز صحي لتلقي الرعاية المناسبة...

زي:

🍇قلة التبول

🍇قلة الدموع أو انعدامها

🍇جفاف الفم أو الشفتين

🍇الخمول والتشوش

🍇برودة الأطراف

🛑دايرين نقول ليك انو البندول بيقلل من الالم..وخصوصا الم العضلات..والحمى...

🛑بس حاول تتجنب وقت المرض..المسكنات شاكلة الاسبرين...او البروفين..او النابروكسين...

لانو النوعية دي من المسكنات بتزيد عليك النزيف مع الحمى النزفية..

🟢🟢🟢وما تنسى زي ما كررنا ليك فوق...انو انت محتاج ل:

الرعاية الداعمة في المستشفى👌🏿

تعويض السوائل 👌🏿👌🏿👌🏿

مراقبة ضغط الدم👌🏿👌🏿

نقل الدم لتعويض نزف الدم👌🏿👌🏿