السمر

والله يا شباب الاختلاط الفي الجامعات ده خطير خلاص

البت أو الولد يكونو شافو بعض في الجامعة
وواحد فيهم يعمل أكاونت فيك
ويخش للتاني ويبدي إعجابه

الولد يفضل ورا البت يسألها ويدقق معاها ويستجوبها
لغاية ما يعرفها
فيقول ليها طيب ما كنتي تقولي لي
وانت من زمان عاجباني
وما عرفت أجيبها ليك كيف!

وهي ما مصدقة نفسها
أخيراً ربنا استجاب ليها وحلمها بيتحقق!
لكن هو ظروفه صعبة.. وما بيقدر يتقدم هسي!

هي تقوم تديه وعود تبقى جمبو وتساندو
وأنها ما حتكون لزول غيرو!

وتمر الأيام.. ما بين صلح وخصام
يشد عليها حياتها تظلم.. يتقل عليها وهي تبكي
يهجر وهي تتحايل!
يرمي كلمتين حلوين تضحك الدنيا في وشها
وتحيا مشاعرها اللي بتموت بالبطيء دي!

ومافي زول فاهم الحاصل ليها شنو من أهلها
مرة مبسوطة ومرة زهجانة ومرة عصبية!

وده لأن الحب المزعوم بقى المقياس للسعادة
وهو الأمان المختار من بين الناس!
ولكنه الوهم يعمي الأبصار!

وضاعت أعمار وسنين
يا بنتي فلان ده متقدم ليك مافيهو عيب
وهي ترفض راجية الحبيب!

حتعمل شنو وحتجي متين ؟!
يقول ليها اصبري هسي مابيدي شي
كدي روقي كده ورسلي لي صورة حلوة أطمن عليك منها!

والصورة تجر صورة.. والكلمة تجر فساد
والفساد يسبب قرف .. وتبدا هي تصحى!

- طيب وآخرتها شنو ؟!
= أووو وأنا أعمل شنو؟
أهلي ما موافقين آخد الخطوة دي عشان الظروف صعبة
وأبوي ده عيان..وو..و.وو..إلخ!

شوفي.. انتِ تستاهلي زول أحسن مني
العفو والعافية!

وتجي تبكي
وتقول ده عشان نظرت إليه!
فأقول ليها يا ليتك من الأول غضيتي بصرك
وحفظتِ قلبك .. وغلّيتِ نفسك!

قد تختلف التفاصيل شوية.. لكن السيناريو غالبا واحد!.

فريد نور


متابعه🖤

محل خطواتنا ما تسوقنا...
بنمشي علي قدر حيلنا...
ونضحك تاني من اول...
نوازن بالفرح ميلنا...🥺🫂❤️‍🩹

البت السمحة مسؤولية إتخيل تكون ماشي معاها في الشارع وانت بتحمر للناس البتعاين ليها تحمر كدا لمن تحوص..🙂

الواحد بتذكر مواقف عدت لو كان مكان مخو رز بلبن كان اتصرف احسن من كده .."