Xafiiska Bisha cas Badhan Sanaag.

---

WACYIGELIN KU SAABSAN XANUUNKA GAWRACATAD

Magaalooyinka iyo gobollada dalka, waxaa muddooyinkii u dambeeyey ku faafayay xanuunka Gawracatad, kaas oo haleelay dad badan oo ka tirsan dhamaan qeybaha bulshada.

Iyadoo laga duulayo muhiimadda ay leedahay wacyigelintu, waxaan qabanay wacyigelin lagu qabtay qaar kamid ah iskuulada magaalada Badhan. Ujeeddada wacyigelintani waxay ahayd:
✅ In bulshada lagu baraarujiyo ka hortagga xanuunka
✅ In la fahamsiiyo muhiimadda is daaweynta waqtigeeda
✅ Iyo in dadka lagu dhiirrigeliyo qaadashada tallaalka

Bulsho caafimaad qabta waa bulsho horumar leh. Aan ka wada shaqeyno sidii aan isaga ilaalin lahayn xanuunka Gawracatad.

---

Khasaaraha roobka ee magaalada Badhan ☔

Marka roob da’o magaalada Badhan waxay wajahdaa dhibaatooyin ay ka mid yihiin:

1. Biyo fariisin iyo daadad – Waddooyinka waxaa buuxdhaafiya biyo taagan sababo la xiriira biyo mareenno liita.

2. Waddooyinka oo xumaada – Roobabku waxay dumiyaan waddooyinka dhoobada ah, taasoo saameysa isu socodka.

3. Guryo dumay ama daad ku fatahay – Guryo aan adkayn ayaa burbura ama biyuhu galeen, taasoo keenta barakac iyo khasaare.

4. Koronto la’aan – Adeegga korontada ayaa go’a mararka qaar, sabab la xiriirta cimilada oo saameysa ilaha tamarta.

5. Cudurro faafa – Biyaha taagan iyo fayodhowr xumida waxay sababi karaan cudurro sida shuban-biyood, duumo iyo caabuqyo kale.

BADHAN – 8 MAY 2025

🎉 Waxaa si rasmi ah magaalada Badhan looga xusay Maalinta Bisha Cas & Laanqayrta Cas oo ku beegan 8-da May ee sannad kasta.

💬 Munaasabaddan muhiimka ah waxaa ka soo qayb galay: ✅ Guddoomiyaha Gobolka Sanaag
✅ Madaxda Jaamacadda Ummadda Soomaaliyeed – Faraca Puntland
✅ Mas’uuliyiin ka socday Bisha Cas Soomaaliyeed
✅ Marti sharaf kale oo tiro badan

🏅 Intii lagu jiray xuska, waxaa shahaadooyin la guddoonsiiyey arday dhamaystay barnaamijka gargaarka degdegga ah (First Aid), kuwaas oo tababarro xirfadeed qaatay si ay uga qayb qaataan badbaadinta nolosha bulshada.

👏 Hambalyo dhammaan ardayda guuleysatay!

🤝 Bisha Cas – Naf badbaadin, Nabad u adeegid.

🩺✨ Wacyigelin Ku Saabsan Xanuunka Shubanka ✨🩺

📅 Taariikh: 21/11/2024
📍 Goobta: MCH - Magaalada Badhan

Waxa magaalada Badhan ka qabsoomay wacyigelin muhiim ah oo la xiriirta xanuunka shubanka, sida looga hortago, iyo sida loo daaweeyo.

🌟 Wacyigelintan waxaa soo qabanqaabiyay kooxda mutadawiciinta Ururka Bisha Cas.
👩‍👩‍👧 Hooyooyin aad u badan oo deegaanka ah ayaa si firfircoon uga qayb galay.

🔹 Hooyooyinka waxaa lagu wacyigeliyay:
✅ Sida saxda ah ee loo ilaalin karo nadaafadda gacmaha, biyaha, iyo cuntada.
✅ Sida loo isticmaalo xalalka ORS (Oral Rehydration Solution) si degdeg ah marka shubanku dhaco.
✅ In la ogaado xaaladaha halista ah ee u baahan in dhaqso loo raadsado daryeel caafimaad.

🤝 Mahadsanidiin dhammaan ka qaybgalayaasha iyo mutadawiciinta Bisha Cas ee ka shaqeynaya badbaadada bulshada.

1/ 9/2024

Ururka bisha cas qaybtiis gargaarka deg dega ah (first aid) waxay garab istaag u muujiyeen bahda ciyaarah degamada BADHAN, horyaalkii kubada cagta ee bilowday 1/9/2024 ilaaa 20/9/204.

Kooxada gargaarka deg deg ah ayaa ufidisay adeegayo caafimaad ciyartooyadii ku dhaawacamay intuu socoday horyaalka kubada cagta ee degamad badhan.
Taas oo ay ku mutesteen shahaado sharaf ay bixisay wasaarada ciyaaraha dawladda puntland.
Ciyaaruhu waa furaha caafimaadka, isdhexgalka bulshada iyo nabadda.
Ururka Bisha Cas wuxuu hormuud u yahay kobcinta ciyaarah dhalinyarada si loo abuuro jiil firfircoon, caafimaad qaba, oo leh anshax iyo wadajir.