الندم11:11

اليوم رحت حاكيتا ، قلتلا ندمان واسف رح ارجع كون جنبك ، بتعرفي شو قالتلي:

• #اسـف ..!!
شو حيفيدك اسفك بعد ما خذلتني وتعلقت فيك وكنت شايفة الدني بعيونك وانت من الاساس اللي سعتيلي وفتحتلي عيوني عليك وقلبي ..!

•تساعـدني هـلأ ..!!
شو حتقدم مساعدتك بعد ما تخليت عني وتقصدت تغيب..!

•عـم تبكـي وندمـان!!
شو حتنفعك دموع الندم بعد الكلام يلي قتل وعلّم وشعل نار بقلبي ماعاد تنطفى..!

•حـاسس بالـذنب !!
شو يعني تحس بالذنب هلا بعد ما كنت فاقد احساس الرحمة والطيبة بوقت كان بدي ترحم قلبي وتطمنو ..

وين اسفك وندمك واحساسك لما كنت بحاجتن ،
شو ح أعمل فين ،
انا هلا مالي بحاجتك واذا عنجد حاسس بالذنب خلي هـالاحساس ياكلك..

||•وقت تتعرف ع حدا كون صادق بإحساسك مع نفسك ومع الناس ، في ناس بتبني ع وعودك احلام ، ووعودك ممكن تكسرك الك اذا ما كنت واعي شو عم تعمل.

وتذكر:
" لتكُن فضيلتك الأُولى هي ألا تُؤذي أحداً عن عَمد ، تأتي بعدها أي فَضائل أُخرى "🖤🦋

وقت شخص يكون معصب ومتدايق لا تقلو رح اتركك تروق او تسحب حالك وتمشي وتجي بعدين تسألو اذا هدي او لا اي هو رح يهدى اكيد بس لا تلومو ع اللي ممكن يصير بعد الهدوء هاد . .

متل اذا بيتك احترق وتركتو هيك بدون ما تعملو شي ، النار رح تاكل كلشي فيه وبعدها اتخيل المنظر بس .🖤🦋

ما بآمن إنّه مُمكن حدا يبعد عنك بس لحتى ما يكسرك أو يجرحك ، وما في حدا بحبك ..

بحكيلك لازم ابعد عنك مشانك ، إنت مُمكن وجودك لحاله يكون سبّب لسعادتي . .

ما تحاول تخترع أكاذيب بس لتبعد واجه وكون قد حالك ، واجه بالأشياء يلي عندك بدون ما تستهبل الطرف التاني ..

يلي بدُّو ايّاك بغيّر من حالو مشان يكسبك ..🖤🦋

الحب بعمرو ما كان انو تختارو أسماء ولادكن سوا..
ولا تفنوا حالكن بانعزالكن عن الكل كرمال الطرف التاني ..
لك حتى مو هو تتنافسوا ع اثمن الهدايا ...ولا تخنقوا بعض بالاهتمام...
الحب هو اليقين إنو مع هالشخص أنت ملاقي راحتك وسكينتك ..
بيكفيك تحكي معو كلمة ..
أو تذكر كلمة منو لتصير منيح
هو قوتك وانت ضعيف ...
هو اصرارك وقت تخاذلك الدنيا ..
هو الحياة لما تموت بعيونك ...
هو قدرك اللي بدك تقاتل فيو كلشي ، وكتير مرات حالك لتثبتوا ... 🦋🤍

في كتير حكي واقف ع طرف القلب ..
مو قادرين نطالعو .. و لا قادرين نخبي !
يمكن لأن خايفين .. أو يمكن ما عنا ثقة ..
بس ع الأغلب لأن تعبنا من كتر ما حكينا و ع الفاضي🖤

• مو من حق أي حدا بالعالم يقرر إذا كانت مشكلتي بتستاهل الزعل أو لاء ..
حقك ما تفهم اللي أنا حاسسو ،
بس مو من حقك أبدا تقرر شو المفروض إني حس اتفقنا ..!🖤

Esraa🦋

"ظروف الحياة، هي من تجعل البعض ينضج قبل أوانه، وهي أيضاً من تجعل البعض ﻻ ينضج أبداً."

" خنتها .. "

بلش حديثو بهالكلمة اللي خلتني فتح عيوني بصدمة وقلي :

مو لأنو ما كانت منيحة ..
بالعكس ، كانت أكتر شخص حبّني بصدق ..

بس أنا وقتها كنت مفكر إنو الحب مضمون أو بتعرفي يمكن تهت أو ضعت ، وقلت بيني وبين حالي إنو مهما عملت رح تضل موجودة ..

كنت أطلع مع غيرها ، وأكذب عليها ، وأرجع احكي معها وكأنو ما صار شي ..
وهي كانت تصدّق ، لأنها كانت بتحبني من قلبها ..

لحد اليوم اللي عرفت فيه الحقيقة ..

ما صرخت ، ما عملت مشاكل ، بس ومشيت ..

وقتها حسّيت إنو الموضوع عادي ..
قلت بيني وبين حالي :
" بترجع .. مستحيل تنساني " ..

بس لأول مرة ما رجعت ..

مرقت الأيام ..
والضحك اللي كنت مفكرو حياة صار مجرد صوت فاضي ..

كل البنات اللي حكيت معن ما حدا فيهن كان بيشبه قلبها ..

اشتقتلا بطريقة وجعتني ..
اشتقت لاهتمامها ، لخوفها عليّ ، لرسائلها ،
حتى لزعلها ..

وصرت كل ليلة افتح المحادثة القديمة ،
اقرأ كلامها ..
وأستوعب قديش كنت خسيس معها ..

لأول مرة فهمت إنو الإنسان ممكن يخسر حدا
ما بيتعوّض ..

بعتلها :
" فينا نحكي ؟ "

ردّت بعد ساعات :
" خير ؟ "

هالكلمة كسرتني ..
البنت اللي كانت تعتبرني كل حياتها صرت عندها مجرد "خير؟"

حاولت احكي ، اعتذر ، قلها إني ندمت ،
وإني لسا بحبها ..

بس هي كانت هادية بطريقة مخيفة ..

وقالتلي :
" أنا سامحتك ..
بس مستحيل ارجع لنفس الوجع مرتين .. "

وسكّرت الحديث ..

وقتها فهمت إنو بعض الخسارات
ما إلها إصلاح ..

وإنو الشخص لما يكسّر قلب حقيقي ..
ممكن يندم طول عمرو ..

ومن وقتها ..
كل ما شفت حدا يحبني بصدق ، بخاف ..

لأنو بعرف شعور
إنك تكون السبب بخسارة أنضف قلب مرق بحياتك ..

والله لو ترجع دقيقة وحدة بس .. مستعد اعمل أي شي .. اتحمّل أي شي .. بس ترجع تحكي معي متل قبل ..

لأنو قلبي بعدا موجوع ببعدها .. وكل يوم عم استوعب إنو أكبر غلطة بحياتي .. إني خسرت البنت الوحيدة اللي حبتني بصدق .. 🖤🦋

رب العالمين لما يشوفك #مدايق , او #تعبان , او عم #تبكي بسبب قصة تقيلة على قلبك بيكرمك بأشخاص كرمال #يحنوا عليك ممكن يكون هل الشخص حدا من أهلك او صديق قلبو أبيض او شخص غريب ممكن يخدمك بشي وأنت لولاه ماكنت رح تقدر تكفي ..
وأذا مو اشخاص مواقف #بيحميك فيها وبتخليك ترجع تعيد كل حساباتك من أول وجديد ..
صدقوني! لما نتعب الله بسخر كل الطرق والأسباب لحتى يرضينا ويفرح قلبنا وينصرنا على كل شخص زعجنا او كسر شي جواتنا
الله هو العطاء والرحمة
" إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا ۖ فَأَنزَلَ اللَّهُ سَكِينَتَهُ عَلَيْهِ" لسا قلقان.. 🖤

" كل ساق سيسقى بما سقى يوما ما ولا يظلم ربك أحدا⁦ "

(وَلَا تَحۡسَبَنَّ ٱللَّهَ غَـٰفِلًا عَمَّا یَعۡمَلُ ٱلظَّـٰلِمُونَۚ إِنَّمَا یُؤَخِّرُهُمۡ لِیَوۡمࣲ تَشۡخَصُ فِیهِ ٱلۡأَبۡصَـٰرُ).

الدنيا ستدور .. والمشاهد ستعاد .. والأدوار ستتبدل .. وكل ساق سيسقى بما سقى .. يوما ما ستفهم أن الدنيا تدور ثم تعود وتقف عندك .. لتفعل بك ما فعلته بغيرك ..
تذكر ذلك جيدا يا من تؤلم. وتؤذي غيرك وتمضي كأنك لم تفعل شيئا
البِر لايبلى ، والذنب لايُنسى ،
ودعوة المظلوم ليس بينها وبين الله حجاب ..

إفعل ماشئت فإنك على موعد مع الله بمفردك
كما تدين تدان 🖤