Salon MZ

هاي يا قمرات كيفكن❤️❤️
اليوم حابة احكي كم شغلة عم تتكرر اخر فترة بالصالون عندي وعم يصر شوية حكي
1-اذا شعراتك قصار يا عمري وهنن كم شعرة لا بصالوني ولا بأي صالون بيقدروا يعملولك شي بدون وصلة والصبية بتكون بدا موديل بكل او رفع بدو شعر طولوا متر
2-الصبايا يلي بيتأخروا عن موعدن ساعة او اكتر او حتى لو نص ساعة انا والصبايا منقعد منظبط المواعيد اكتر من ساعة مشان نحاول قدر الامكان كلو يمشي عمواعيدو وما نأخر حدا بتتدخل الزبونة وبتنزعج لي سألناها عن التأخير واذا خبرناها رح نأخرا هون الكارثة بتقلنا هيي نص ساعة او ساعة طيب والمواعيد يلي بعدك كيف بدي زبطا وما اخرن ف منطلع بالاخير نفسية وما منتحكى
3-ببوس ايديكن صور غوغل بالشعر والمكياج انسوا صفحات الانستا والفيس بشو مقصرة معكن
4-الرعبووووون ما بيترجع لا عندي ولا عند غيري
5-انا برد كل يوم عن الف اتصال وهاد حقكن بس اذا شي رقم نسيت رد عليه او ضليتوا تتصلوا ويطلع مشغول عادي في عنوان للصالون وفي صفحة للشغل وفي واتس عم رد علين كلن المسا
6-اي زبونة بتقلل احترام وذوق طبيعي ما قلا شكرا وقلا اتفضلي برا الصالون يعني تخيلوا انسب مثلا ابسط مثال من فترة صارت وطلعت قليلة ذوق لاني رديت بالمناسب
7-الصبية يلي بتسحب مكياج ل موديل او حالا صبية بعدسات وتجميل وبس صار المكياج بتقول مو متلا ؟!
اكيد مو متلا مانا اختصاص جراحة وتجميل
8-بتجيني اتصالات 9الصبح و1 بالليل و2 بالليل وبرد واذا ما رديت بيبعتولي الو او بصيروا يبعتوا نقط🙂🙂طيب طبيعي نام او افتح فيس اخر النهار بالسهرة وما رد
او تدقلي 8 ونص الصبح لتسألني قدي شعر ومكياج شو انا فاتحة سمانة وبقولو نفسية🙂🙂
9-مافي صبية عم نزل صورا غير عم تحكي عن رأيا وضيان الميكاب والشعر
10-كل يوم بتجيني اكتر من عشر رسائل عم تشكرني عن الشغل والضيان وما في صالون عم يشتغل بتقل المواد يلي عم نشتغل فيا
11-في بنات ب صالونات تانية والها اسما عم تحاكيني وتشهد بشغلنا وحابة تعمل عنا دورات
12-بالنسبة للزباين والعرسان يلي بعد ما تخلص مكياج بتطلب سندويش شاورما او برغر طيب يا عيوني الغلوس يلي بصير عالجبين والزيت يلي بصير ع اطراف الشفايف انا كيف بدي صلحن؟؟ فيكن تشربوا كوكتيل فطاير ما تمردغوا الميكاب وتقلولي عدلي
13-الزباين يلي بتدمع منضل نصلحلا لاخر لحظة بس يلي منخبرا يا عمري لا تخلي دمعتك تنزل لانو الدمع بيخرب الميكاب وماعاد بيتصلح وحتى الرموش بقبوا وبس قلتلا لي مو لحقتيا قبل ما تنزع الميكاب بتدايق وبتقلي ما حسيت فيا وبعدين بدي ضل امسح عنجد اسفة لازم امسك محرمة وضل واقفة حدك
14-الزبونة يلي ما بتقدر بلا ما تحك وجها وبكون الفوند تحت اضافرا وبتقلك هون انشال لحالو لا تخرج قبل ان تكتب سبحان الله
15-بجي بقول لعروس من يومين حبيبي مدمعة رح صلحلك ولقطي الدمع بتأشرلي بايدا وبتقلي خلص انتي شو بدك المصور بيعملي ياها قلتلا حبيبي طالعة ع اسمي كيف يعني شو بدي اكيد ما بخليكي تطلعي هيك لا بدي صلحلك🙂
16-قبل ما نحكي عن نضافة شغل الصالون نلتفت شوي ع نضافتنا الشخصية سواء نتحمم قبل ما نجي او بالحمام ضمن الصالون اقل ما يمكن نكبس كبسة السيفون ونكب المحرمة بالسلة خلينا نعكس صورة حلوةومع هيك منتغاضى وما منحب نخجل حدا
17-المدامات يلي اعمارن فوق ال 60 كيف بدي اعملن صبايا ال 18 وما يبينوا التجاعيد واهم شي في كريم بيخفي التجاعيد بس نحنا ما عنا منو اذا بتعرفوا من وين دلوني
18-في عدد من الزباين بتفوت ع غرفة الميكاب ما بتقول مرحبا ل غصن او يعطيكي العافية طيب هاد شو منسمي وكيف انا لازم اتصرف
19-الزبونة بتطلع من المكياج بيطلع شعر ع لساننا ونحنا عم نقلا حبيبي في شي مو عاجبك لنعدلوا حابة تغيري شي بتقول لا وكلشي تمام بتطلع عن المستشارة يلي جايبتا معا بتقلا هون كذا وهون كذا وهون عملي وساوي بترجع لنعدلا ع طلب الارتست يلي معا بتزعل بتقلي قبل كان احلى🙂
ولا الزبونة يلي بتطلع لبرا وبتصير تردح وما بدا حدا يعدلا لان ما طلعت هيفا وهبي
20-انا دخلت ع صالونات كتير قبل ما يكونو عندي صالون وشفت كيف بكون التعامل ولهيك عرفت كيف اتعامل مع زبايني وصرت هون بفضل محبتن وثقتن ودعمن
الصالون بالنسبة الي مو مكان شغل وبس هوي اكبر من هيك بكتير لان تعرفت ع ناس بحياتي ما بنسيا قمة بالذوق والاكابرية وفي قسم منن صاروا رفقاتي وقريبين مني❤️❤️
@أبرز المعجبين
يا ريت الكل يرفع البوست❤️❤️

عروستنا القمر : 0981654252
ghsn_makeupartist_
Hair by: FOfoo Mousa
For its owner: Razan N Beshany

⁨ الف مبروك عروستنا القمر❤️❤️
للحجز : 0981654252⁩