Lady Cele Star

ရေဘေးသင့် ပြည်သူတွေထံ ကိုယ်တိုင်ကိုယ်ကျ သွားရောက်ကူညီလှူဒါန်းခဲ့တဲ့ သဲစုငြိမ်း

​ပရိသတ်ချစ် အလှမယ် မင်းသမီးချော သဲစုငြိမ်းကတော့ ရေဘေးဒဏ်ခံစားနေရတဲ့ ဒေသအသီးသီးက ပြည်သူတွေထံ စားနပ်ရိက္ခာနဲ့ လိုအပ်တဲ့ ထောက်ပံ့ရေးပစ္စည်းများကို ကိုယ်တိုင်သွားရောက် လှူဒါန်းပေးခဲ့ပါတယ်။ ခက်ခဲနေတဲ့ ပြည်သူတွေအတွက် စနစ်တကျ ပြင်ဆင်ပြီး လက်ရောက်ကူညီပေးခဲ့တဲ့ သူမရဲ့ မွန်မြတ်တဲ့ ပရဟိတအလှူတော် ပုံရိပ်တွေကို ပရိသတ်တွေ ကြည်နူးရအောင် မျှဝေပေးလာခဲ့တာဖြစ်ပါတယ်။

​ #သဲစုငြိမ်း

အိချောပိုတို့ ဇနီးမောင်နှံကတော့ မင်္ဂလာဦးကတည်းက သမီးလေး Izzy (၂ နှစ်) နဲ့ သားငယ်လေး (၃ လကျော်) တို့ကို ပိုင်ဆိုင်ကာ ကြည်နူးစရာ မိသားစုဘဝလေးကို တည်ဆောက်ထားကြတာပါ။ ဇနီးနဲ့ သားသမီးတွေအပေါ် ချစ်ခင်ဂရုစိုက်ပြီး ဖခင်ကောင်းတာဝန် ပီသလှတဲ့ ခင်ပွန်းဖြစ်သူကြောင့် အိချောပိုတစ်ယောက် ပျော်ရွှင်စရာ မိသားစုကံကို ပိုင်ဆိုင်ထားတယ်လို့ ဆိုရမှာဖြစ်ပါတယ်။

ပဲခူးမြို့၊ အောင်သုခဓမ္မရိပ်သာခွဲ (ထောက်ကြံ့-၁) ရဲ့ (၂၀၅) ကြိမ်မြောက် ယောဂီသစ်တရားပတ်မှာ မင်းသမီးချော မယ်လိုဒီ က သားလေး မောင်သိဒ္ဓိစစ် နဲ့အတူ တစ်နေ့တာ ဆွမ်းကုသိုလ်တော်ကို လှူဒါန်းခဲ့ပါတယ်။ (၁၀.၈.၂၀၂၆) ရက်နေ့မှာ တရားဘာဝနာ ပွားများနေကြတဲ့ ယောဂီသူတော်စင်တွေ အဆင်ပြေချောမွေ့စွာ တရားအားထုတ်နိုင်ဖို့အတွက် ရည်ရွယ်ပြီး အခုလို စေတနာသဒ္ဓါတရားထက်သန်စွာ လှူဒါန်းခဲ့တာဖြစ်ပြီး ကြည်နူးဖွယ် အလှူတော်ပုံရိပ်တွေကိုလည်း ပရိသတ်တွေအတွက် မျှဝေပေးထားပါတယ်။

​ #မင်းသမီးမယ်လိုဒီ #မယ်လိုဒီ #အောင်သုခဓမ္မရိပ်သာ #ဆွမ်းအလှူတော် #မြန်မာအနုပညာရှင်

"အချစ်ဈေး" ရုပ်ရှင်ဇာတ်ကား ရိုက်ကူးရေးအဖွဲ့သားများနှင့်အတူ ဆူးလေဘုရားမှာ ကုသိုလ်ကောင်းမှု ပြုလုပ်ခဲ့ကြတဲ့ မင်းသား နိုင်းနိုင်းနဲ့ အကယ်ဒမီ ဝတ်မှုံရွှေရည်တို့ရဲ့ ကြည့်မိသူတိုင်း ကြည်နူးရတဲ့ ပုံရိပ်များ။

#နိုင်းနိုင်း #ဝတ်မှုံရွှေရည် #အချစ်ဈေး

ဒီနေ့မှာ အသက် (၃၈) နှစ်ပြည့်မြောက်သွားတဲ့ အကယ်ဒမီ မင်းသမီးချော ဖွေးဖွေးရဲ့ မွေးနေ့ရက်မြတ်

​ပရိသတ်တွေရဲ့ အချစ်တော် ထိပ်တန်း အကယ်ဒမီ မင်းသမီးချော ဖွေးဖွေးကတော့ ဒီနေ့မှာ ကျရောက်တဲ့ အသက် (၃၈) နှစ်ပြည့် မွေးနေ့လေးမှာ ပရိသတ်တွေရဲ့ ဆုတောင်းမေတ္တာများစွာနဲ့အတူ ဝမ်းမြောက်ဖွယ် ဖြတ်သန်းနေပါတယ်။

​ဇာတ်ရုပ်တိုင်းမှာ ပီပြင်လှတဲ့ သရုပ်ဆောင်ချက်တွေကြောင့် ပရိသတ်တွေရဲ့ ရင်ထဲမှာ အခိုင်အမာ နေရာယူထားသလို အနုပညာလမ်းကြောင်းမှာလည်း အကယ်ဒမီဆုများစွာနဲ့ အောင်မြင်မှုရရှိထားသူ ဖြစ်ပါတယ်။

#မင်းသမီးဖွေးဖွေး #ဖွေးဖွေး

ပရိသတ်တွေရဲ့ အချစ်တော် အကယ်ဒမီ မင်းသမီးကြီး ထက်ထက်မိုးဦးကတော့ ကျန်းမာရေး ထိန်းသိမ်းစောင့်ရှောက်မှုအနေနဲ့ ထိုင်းနိုင်ငံမှာ လိုအပ်တဲ့ ဆေးစစ်ကုသမှုတွေ ခံယူနေပါတယ်။ သူမရဲ့ ကျန်းမာရေးအတွက် ထိုင်းနိုင်ငံရှိ ဆေးရုံမှာ စနစ်တကျ ဆေးစစ်မှုတွေ ပြုလုပ်နေတဲ့ ပုံရိပ်အချို့ကိုလည်း ပရိသတ်တွေဆီ ပြန်လည်မျှဝေပေးထားတာ ဖြစ်ပါတယ်။

#ထက်ထက်မိုးဦး #ကျန်းမာရေး

လေးမျက်နှာမြို့မှ ရေဘေးသင့်ပြည်သူများအတွက် မင်းသမီး ဝတ်မှုံရွှေရည်က အေးချမ်းမောင်မှတစ်ဆင့် ငွေကျပ် သိန်း (၅၀) ပါဝင်လှူဒါန်းခဲ့ကြောင်း သိရပါတယ်။ အနုပညာရှင်များနှင့် Fan Group များ စုပေါင်းလှူဒါန်းမှုကြောင့် လက်ရှိတွင် ရေဘေးကူညီရေး အလှူငွေ စုစုပေါင်း ကျပ်သိန်း (၄၀၀) ကျော် ရရှိထားပြီဖြစ်ကြောင်း အေးချမ်းမောင်၏ လူမှုကွန်ရက်စာမျက်နှာမှတစ်ဆင့် ထုတ်ပြန်ထားပါတယ်။ လှပသည့် စေတနာဖြင့် ပါဝင်လှူဒါန်းခဲ့ကြသူများအားလုံး၏ အလှူဒါနအတွက် ဝမ်းမြောက်စွာ သာဓုခေါ်ဆိုအပ်ပါသည်။

မန္တလေးမြို့မှာ သိန်း ၆ သောင်းကျော်တန် ဇိမ်ခံစံအိမ်ကြီး တည်ဆောက်နေတဲ့ သဘင်နဲ့ ရုပ်ရှင်မင်းသား အောင်ဇမ္ဗူ

​မြန်မာ့ရိုးရာ အငြိမ့်ဇာတ်သဘင်ကို Gen Z လူငယ်တွေကြားအထိ ရေပန်းစားအောင် ဆန်းသစ်နိုင်ခဲ့သလို ရုပ်ရှင်လောကမှာပါ အောင်မြင်မှုရရှိထားတဲ့ မင်းသား အောင်ဇမ္ဗူကတော့ မန္တလေးမြို့မှာ တန်ဖိုးရှိလှတဲ့ မော်ဒန်ဇိမ်ခံစံအိမ်ကြီးကို တည်ဆောက်နေပြီ ဖြစ်ပါတယ်။

​ဒီစံအိမ်ကြီးဟာ တန်ဖိုးအားဖြင့် သိန်းပေါင်း (၆) သောင်းကျော် တန်ကြေးရှိပြီး ခေတ်မီမော်ဒန်ဒီဇိုင်းနဲ့ မြန်မာ့ရိုးရာ ကနုတ်လက်ရာများကို သေသပ်စွာ ပေါင်းစပ်ထားတာပါ။ အတွင်းပိုင်းမှာလည်း သီးသန့်ရေကူးကန်၊ ဘားနဲ့ တန်ဖိုးကြီး ပရိဘောဂတွေ ပါဝင်ပြီး ထိပ်တန်းအဆင့် ခမ်းနားစွာ ပြင်ဆင်ထားတာ တွေ့ရပါတယ်။

​အနုပညာလမ်းကြောင်းပေါ်မှာ ဝေဖန်တိုက်ခိုက်မှုပေါင်းများစွာကို ကြံ့ကြံ့ခံရင်း မိဘ၊ ဆရာ ရိုသေကျေးဇူးသိတတ်မှုတို့ကြောင့် အခုလို အသက်ငယ်ငယ်နဲ့ အောင်မြင်မှုအသီးအပွင့်တွေကို စိမ်းလန်းစွာ ခံစားနေရတာလည်း ဖြစ်ပါတယ်။ မြန်မာ့အငြိမ့်အနုပညာကို ကမ္ဘာကသိအောင် ထိုးဖောက်ဖို့ ရည်မှန်းထားတဲ့ မင်းသား အောင်ဇမ္ဗူရဲ့ ကြိုးစားမှုနဲ့ ခမ်းနားလှတဲ့ စံအိမ်ကြီးအပေါ် ပရိသတ်တွေရော ဘယ်လိုမြင်ကြပါသလဲ။

#အောင်ဇမ္ဗူ

သရုပ်ဆောင် တေဇလင်းရောင်နဲ့ မြန်မာ့လက်ရွေးစင် ကြက်တောင်အားကစားသမား သက်ထားသူဇာတို့ ချစ်ကြိုက်နေကြတယ်ဆိုတဲ့ သတင်းတွေ ထွက်ပေါ်နေပါတယ်။ နှစ်ယောက်လုံးက လိုက်ဖက်လွန်းသလို တေဇလင်းရောင်ရဲ့ မိခင်နဲ့ပါ အတူတူ ဟော့ပေါ့သွားစားကြတဲ့ ပုံစံအရ မိသားစုကပါ သဘောတူကြည်ဖြူထားကြတဲ့ပုံပါပဲ။ ပရိသတ်အပေါင်းကတော့ ချစ်စရာကောင်းတဲ့ သူတို့နှစ်ဦးအတွက် ဝမ်းသာဂုဏ်ယူရင်း အားကျနေကြပါတယ်။

​

သရုပ်ဆောင် စည်ဖြိုး၏ ဇနီး ခင်လွှမ်းက ကျောင်းတွင် ဖြစ်ပွားခဲ့သော သမီးဖြစ်သူ၏ နားဒဏ်ရာရရှိမှု ဖြစ်စဉ်အတွက် ကျောင်း၏ တာဝန်ယူမှုကို ပြင်းပြင်းထန်ထန် ဝေဖန်လိုက်သည်။ သမီးဖြစ်သူမှာ ခုံပေါ်တက်ခုန်ရင်း လဲကျရာမှ နားတွင် ဒဏ်ရာရရှိခဲ့ပြီး ဆေးကုသမှု ပြုလုပ်ခဲ့ရသော်လည်း ဖြစ်စဉ်အသေးစိတ်ကို ကျောင်းဘက်က သေချာ မရှင်းပြနိုင်ခဲ့ပေ။ ကလေးများ ထိခိုက်စဉ် တာဝန်ရှိသူများက အခြားကိစ္စများဆောင်ရွက်နေခဲ့ပြီး မသိရှိလိုက်သည့်အပေါ် ခင်လွှမ်းက မိဘတစ်ဦးအနေဖြင့် ပြင်းပြင်းထန်ထန် မကျေမနပ်ဖြစ်ကာ တာဝန်ယူမှုနှင့် ပတ်သက်၍ မေးခွန်းထုတ်ထားသည်။