Natural Beauty with Afaf

كل عام وانتو بألف خير وصحة وسلامة ❤️

اللهم عقبل منا صالح الأعمال ❤️

لا إله إلا الله وحده لا شريك له الملك وله الحمد وهو على كل شيء قدير ❤️

عيد اضحي مبارك ❤️

#عيدالاضحي #عيد

هل فعلاً إشعاعات #التليفون وأجهزة الواي فاي آمنة 100%؟ 🤔

في السنوات الأخيرة كثر الحديث عن تأثير #المجالات الكهرومغناطيسية (Electromagnetic Fields - EMF) الناتجة عن التليفونات، الراوترات، البلوتوث، والأجهزة الذكية 📱

كتاب The Invisible Rainbow: A History of Electricity and Life يتكلم عن كيف إن التوسع الكبير في #الكهرباء والاتصالات اللاسلكية تزامن عبر التاريخ مع زيادة بعض المشاكل الصحية والعصبية عند البشر، ويطرح فكرة أن جسم الإنسان نظام كهربائي حساس يتأثر بالموجات المحيطة به 📱

كذلك توجد #أبحاث وملفات علمية مثل
“The Effects of Electromagnetic Radiation on Biological Systems”
تناقش كيف يمكن للتعرض الطويل والمكثف للإشعاعات الكهرومغناطيسية أن يؤثر على:

• جودة النوم 😴
• الصداع والتركيز
• التوتر العصبي
• الإجهاد التأكسدي داخل الخلايا
• وقد يؤثر على بعض العمليات الحيوية في الجسم عند التعرض المستمر والقريب

⚠️ هذا ما يعنيش أن كل شخص سيتضرر مباشرة أو أن الأجهزة “ممنوعة”، لكن الفكرة الأساسية هي تقليل التعرض الزائد خصوصًا لأنه ولينا محاطين بالموجات 24 ساعة يوميًا 💯✅️

طرق #بسيطة لتقليل التعرض داخل المنزل 🏡

✔️ ماترقديش والتليفون بجانب رأسك ولو لازم ع خاطر المنبه لفي التليفون بالسلفر لانه يعمل كعازل للموجات
✔️ فعّلي وضع الطيران وقت النوم
✔️ أبعدي الراوتر عن غرفة النوم إن أمكن
✔️ ما تشديش الهاتف لاصق علي جسمك طول اليوم
✔️ استخدمي السماعات السلكية أو السبيكر أثناء المكالمات
✔️ صكري الواي فاي في الليل
✔️ قللي استخدام الأجهزة قبل النوم بساعة لتحسين جودة النوم والجهاز العصبي

الهدف مش الخوف من #الأجهزة لكن الوعي وتقليل الحمل المستمر على الجسم من الاشعاعات اللامرئية 👀✅️💯

انا تجربتي عادة نحط في #تليفوني وضع طيران ديما وقت النوم لكن يجيني أيام صداع ويقعد حتي لمدة 4 ايام ولاحظته ع الجنب اليمين وين مانحط في تليفوني جنب المخدة 👀🥲

جربت غلفت تليفون بالسلفر في #الصبح ثاني بوم وقف الصداع! ✅️

ف حطيت #سلفر في كفر تليفون من الخلف وخليت جيهة الكاميرا مفتوحة وكفر يغطي حتي من القدام وفيه جيب كذلك حطيت فيه طبقة سلفر وبديت نحط فيه وضع طيران خلال اليوم ايمتا مانبيش النت ونعرف مافيش مكالمات ضرورية 💯✅️📱

صحتك أهم من النت وانه تابعي كل شيء بالعكس استغليها فرصة راحة من التليفون وابدي اي حاجة خاطرك فيها وتاجلي فيها ليك فترة ❤️💯😍

في السنوات الأخيرة زادت موضة إزالة الجلد الميت حول الظوافر (Cuticle) وتركيب #أظافر الجل، لكن القليل الي يعرفوا إن بعض هالعادات ممكن تسبب مشاكل حقيقية للأظافر والجلد مع الوقت 😥

الجلد الموجود حول #الظفر مش “جلد زائد” عبثا… هو طبقة حماية طبيعية تمنع دخول البكتيريا والفطريات لجذر الظفر ✅️

قصّه أو إزالته بشكل #متكرر ممكن انه يسبب في:

• التهابات واحمرار وألم 🚫
• دخول بكتيريا وفطريات 🚫
• ضعف نمو الظفر وتشوهه 🚫
• جفاف وتقشر الجلد حول الظفر 🚫

و #أظافر الجل، صح شكلها حلو لكن مع الاستخدام المتكرر بدون راحة يسبب في:

• ترقق وضعف الظفر الطبيعي 🚫
• تقصف وتكسر الظفر 🚫
• حساسية من المواد الكيميائية الموجودة في الجل 🚫
• أحيانًا انفصال الظفر عن الجلد 🚫
• الضرر من التعرض المتكرر لأشعة UV المستخدمة لتثبيت الجل 🚫

#العناية الصحية بالأظافر أهم من الشكل المؤقت ✨
حاولي:

✔️ ترطيب الجلد حول الظفر بدل قصّه
✔️ اعطي أظافرك فترات راحة من الجل
✔️ استخدام منتجات أقل ضرر وخالية من المواد القاسية
✔️ الاهتمام بالتغذية لأن صحة الظفر تبدأ من الداخل

الأظافر الصحية مش لازم تكون “مثالية” … الأهم إنها قوية وطبيعية 😍💯👌

بعد ماخديت شربة البصل لمدة شهر (بصراحة مش شهر مصكر فيه ايام فتها 😅)

الحقيقة مالاحظتش حاجة تغيرت في جسمي او فيا الا حاجة وحدة حسيتها رفعت المناعة متاعي!

جتنا مرضة في الحوش فيروس معوي وانا الوحيدة جاني خفيف بكل الحمدلله بينما خواتي جاهم اصعب بهلبا!

يعني الخلاصة وقت تمرضي ببردة او انفلونزا او اي حاجة من هاذوما خودي شربة بصل ✅️

لكن ماننصحش باستخدامها بشكل دائم اعتقد حتي دكتورة رند حامد الي قالت عليها قالت عليها لامراض الجهاز التنفسي والبلغم وامراض معينة ثانية تفيدهم 💯👀

اعتقد ح نديرها مرة مرة بالك في شهر 4 مرات لكي نحافظ علي مناعتي كويسة ❤️😍👌

ننصحكم تحسنو مناعتكم وتاخدو عسل مع حبة البركة وشربة بصل و ثومة مهروسه مع زيت زيتون وعسل 💯❤️

زي ماتشوفو في اخبار حاجات غريبة افضل الواحد ياخذ احتياطه بكري بكري ويحافظ علي صحته ❤️💯👀

عندك نقص حديد وكالسيوم؟ 🤔

حاليا نجرب في وصفات طبيعية ساهلة باش نرفع الحديد والكالسيوم عندي الحق قاعدة ماحللتش ليا حوالي شهر ح نزيد نستمر عليهم نص شهر ثاني وندير تحليل دم ونقوللكم النتيجة 😍💯👀

الخلطات الطبيعية الي ندير فيها:

1} عصير بنجر مع تمر
نطيب في البنجر شوية عالنار لين يرطاب ونخلي فيه في ثلاجة بالميه متاعه وفي خلال 5 ايام نستهلك الكمية نديرها عصير في الخلاط مع 5 تمرات وتقدري تقللي او تزيدي التمر حسب الحلاوة الي تبيها ✅️

2} سمسم ورب التمر
سمسم ناخده ونحمسه عالنار شوية لين يولي لونه ذهبي فاتح وبعدها نرحيه في ست البيت مع زيت زيتون لكي يسهل رحي متاعه
نحطه في فازو مرش كبير ونظيف ونخلط عليه رب تمر طبيعي 100% بدون اضافة اي سكر وناخد منه كاشيك صغير معبي كل يوم الصبح او في ليل المهم بعد اكل بساعتين او قبله بساعة ✅️

هادو بحتث عليهم وشفت يشكرو فيهم وقلت نجربهم ومستمرة عليهم البنجر الحق فيه اسبوع ماخديتاش لكن مازال مكملة عليه 💯👌

خليكم متابعين ح ندير تحاليل ونزل نتائج ليكم بإذن الله 😍❤️✅️

هل عمرك حسّيتي بجسمك #مشدود، متيبّس، أو حتى تعبانه من غير سبب واضح؟ 🤔

السبب مرات مايكونش من #العضلات نفسها… لكن من الـ Fascia (الفاشيا) ✨

#الفاشيا هي نسيج رقيق يغلّف العضلات والمفاصل والأعضاء داخل الجسم، زي شبكة مترابطة تمسك الجسم كله مع بعضه 🌿

لما تكون #مرنة وصحية نحس بالحركة الخفيفة، الليونة، والطاقة في الجسم 💃

لكن لما #تتشنج أو تتيبّس بسبب الجلوس الطويل، التوتر، قلة الحركة أو الضغط النفسي… يبدأ يظهر:

• شد وتيبس في الجسم
• آلام متفرقة
• ضعف مرونة
• تعب وإحساس بالثقل
• وحتى أحيانًا صداع أو شد في الرقبة والظهر

لهذا #تمرينات التمدد والتحريك اليومي مهمة جدًا 🧘‍♀️✨

حتى 5 إلى 10 دقائق يوميًا من:

• تمارين التمدد
• اليوغا
• المشي
• تحريك المفاصل بلطف
• تمارين التنفس

تساعد الفاشيا ترجع مرنة وتحافظ على #ليونة الجسم وحيويته 💛

جسمك محتاج حركة يومية، مش بس #رياضة قوية 🌸
الحركة اللطيفة المنتظمة تفرق أكثر مما تتخيلي 👌💯

#الفيديو في تعليقات نطبق فيه ليا حوالي اسبوعين توا وساعدني هلبا في تخلص من آلام في رقبتي من الخلف وتيبس مابين كتافي 👌😍💯

كأنه #مساج ذاتي تديري فيه لجسمك كله 😍💯 انتظمي عليه اسبوع وتعالي اكتبي في تعليقات الفرق الي حسيتي بيه 👀💆

هل #دورتك الشهرية تجيك مؤلمة وصعبة؟ 🤔

من تجربتي #الشخصية دورتي كانت من قبل تجيني مؤلمة وديما ناخد في بروفين وبعدها عرفت انه هادا مش طبيعي والدورة مفروض تجي من غير ألم! 👀🥲

المسكنات زي #البروفين والبراسيتامول مش كويسة انك تاخديها بشكل يومي وبشكل مستمر لانها تأثر علي الكليتين والكبد مع الوقت لذلك خففي من استعمالهم او اقطعيهم الا في الضرورة القصوي بس! 🚫🚫

الي ساعدني في #تخفيف ألم الدورة الشهرية:

● المشي كل يوم نص ساعة قبل #الدورة بأسبوع هكي تجيني بوجع بسييييييط هلبا وندير في كمادة مية سخونة وتمشي الأمور يا سلام وكل ماتمشي أكثر كل ما احسن فيه مرات نمشي هلبا تجيني من دون وجع اطلاقا ✅️😍❤️

● مكمل Prime rose oil 500mg خديته من شركة الصحة والجمال ليبيا وبتركيز اعلي حتي ممكن خديت تركيز 1500 mg لكن مجربة حتي تركيز 500 وممتاز تاخديه بشكل يومي والدورة جتني من دون أي آلام ❤️👌😍

● ندفي روحي كويس لاحظت نحس بالصقع اكثر ايمتا تقرب #الدورة لذلك نلبس كويس ونستخدم في بطانية خفيفة وانا مقعمزة ويوم الدورة عندي كيسة ميه سخونة نستخدم فيها ممتازة هلبااااا ❤️👌✅️

انا هادي الحاجات الي ندير فيها ولاحظت عليها #نتيجة ممتازة ❤️😍

كذلك نستخدم في تطبيق لتتبيع #الدورة الشهرية موعدها وايمتا تجي وتقدري تكتبي فيه شن تحسي وقتها وشن اعراض ثانية تحسي بيها وح يفيدك هلبا في حياتك وقت تخططي للحمل او صار تغير في هرمونات عندك ❤️✅️💯

وقت #الدورة خليه وقت استجمام وراحة ليك حتي لو ساعتين في اليوم وكوني رحيمة مع نفسك وارتاحي لانه انخفضت هرمونات ويبدا جوك مش تمام اصلا وعادي عبري ع مشاعرك وابكي لو حسيتي تبي تبكي ❤️❤️

شن تحطي تحت #إبطك كل يوم؟! 🤔

#مزيل العرق جزء من روتينك اليومي، لكن هل فكرتي يوم شن هيا مكوناته؟ 🤔

بعض الأنواع #التجارية تحتوي على مواد مثيرة للجدل من ناحية تسببها بأمراض خطيرة، منها:

● أملاح الألمنيوم (Aluminum)
تستخدم لمنع #التعرق، لكن في ناس تخاف منها لأنها تسد المسام، وفي نقاش حول علاقتها بالصحة على المدى الطويل 🚫

● البارابين (Parabens)
مواد حافظة ممكن تتداخل مع #الهرمونات في الجسم 🚫

● العطور الصناعية (Fragrance)
ممكن تسبب #حساسية وتهيج، خاصة للبشرة الحساسة 🚫

● الترايكلوسان (Triclosan)
مضاد #بكتيريا، لكن تم منعه في عدة دول بسبب مخاوف صحية 🚫

باهي شن الحل؟ 🤔

اختاري #مزيل عرق يكون:

✔️ خالي من الألمنيوم
✔️ خالي من البارابين
✔️ بدون عطور صناعية
✔️ مصنوع من مكونات طبيعية قدر الإمكان

مكونات #آمنة وممتازة تدخل في تركيبة مزيل العرق:

زيت جوز الهند ✅️
زبدة الشيا ✅️
بيكربونات الصوديوم (لو بشرتك تتحملها) ✅️
نشا الذرة ✅️
زيوت عطرية طبيعية ✅️

مش لازم توقفي مزيل #العرق فجأة، لكن جربي بالتدريج وراقبي جسمك كيف يتفاعل 💯👀🧖‍♀️

صحتك تبدأ من أبسط تفاصيل يومك… حتى من مزيل العرق 👀👌💯

هل مجربة ظوافر الجل الدائمات لمدة شهر؟
وشن كانت تجربتك ليهم؟
حسيتي ظوافرك ولو اضعف من قبل؟

طريقة #الخميرة الطبيعية

تاخد حوالي من 7 أيام الي 12 يوم او ممكن 15 يوم لكي تتفعل وتقدري تديري بيها #الخبزة وفي الطريقة العادية جزء من الخميرة كل يوم ح تتخلصي منه وانا عن نفسي ماهانش عليا ندير هكي ودرت طريقة من غير أي تلويح لجزء من الخميرة والحق اول يومين قست كمية الدقيق والميه وبعدها بديت ندير بعيني وخلاص 😅👀✅️🍞

أدوات مطلوبة:

● كاشيك لوح للتحريك لانه شفت مش كويس تحركيها لكاشيك معدني العادي

● فازو مرش كبير ونظيف ومغسول كويس ومجفف كويس

● ياستيك الي يشدو بيه في ربطة الفلوس 😅🤣 (في كل مرة تغذيها حطي اليستيك وين ماواصلة في الفازو باش تلاحظي قداش ترتفع ثاني يوم)

● ميه تكون من شيشة مصكرة كيف فتحتيها

● دقيق نسبة البروتين متاعه 12% واكثر (في تعليقات تلقو انواع الدقيق الي نعرفها وشفت قالو دارو بيها خميرة ونجحت)

الخطوات:

● أول يوم:
خودي فازو وحطي فيه 2 كاشيك كبير دقيق و 2 كاشيك كبير ميه وخلطيهم كويس والقوام الصح متاعها يكون ثقيل وخلطي لين يندمج الدقيق ومافيش اي كتل (عملية تخليط الدقيق والميه ح نسميها تغذية #للخميرة لانه تتكون بكتيريا حية الداخل وتجوع وتبي تاكل لانها مخلوق حي زينا ❤️)

بعدها نظفي حواشي الفازو كان قدرتي وحطي يستيك لارتفاع الخميرة وين باش تعرفي ايمتا ترتفع وتتضاعف قداش تضاعف حجمها مع الوقت

مغطة الفازو حطيها حطان بس ماتصكريهاش كاملة لانه نبو هواء يخش الداخل للخميرة غطيها بس

● ثاني يوم:
بعد 24 ساعة من التغذية متاع امس
ح تضيفي نفس الكمية (2 كاشيك دقيق + 2 كاشيك ميه) وخلطي كويس
القوام ديما خليه ثقيل شوية
ممكن تلاحظي فقاعات خفيفة أو ريحة بسيطة عادية 👀

● ثالث يوم:
نفس الخطوة 👇
2 دقيق + 2 ميه وخلطي كويس
هنا ممكن تبدا تشوفي فقاعات أكثر وارتفاع بسيط
الريحة ممكن تكون حامضة خفيفة وهادا طبيعي ✅️

● رابع يوم:
كملي بنفس الطريقة (تغذية يومية)
الخميرة ح تبدا تقوى والفقاعات توضح أكثر
لو هبطت بعد ما طلعت عادي جدًا 👌

● خامس يوم:
نفس التغذية
هنا المفروض النشاط يزيد (فقاعات + ارتفاع)
لو تشوفيها تضعف يوم وترجع تنشط يوم عادي، اصبري عليها 👍

● سادس يوم: ✂️🍞
هنا أول مرة ح نتخلصو من جزء منها
خلي تقريبًا ثلث الكمية في الفازو
والثلثين الي نحيتيهم احتفظي بيه في فازو ثاني وحطيه في الثلاجة (ينفع تستخدميه في وصفات ح ننشرها ليكم 👌)

وبعدها غذّي #الخميرة اللي في الفازو الأساسي
(2 دقيق + 2 ميه)

● سابع يوم:
نفس فكرة امس 👇
تخلصي من جزء (ثلثين تقريبًا)
والباقي تغذية عادي
الجزء اللي ينشال خزّنيه في الثلاجة

● من اليوم الثامن وطالع:
استمري في نفس النظام 👇
تخلصي من جزء
تغذية يومية

لين توصلي لمرحلة 👇
✔️ الخميرة تتضاعف في 4 لـ 6 ساعات
✔️ مليانة فقاعات
✔️ ريحتها حامضة لكن مش كريهة

هنا خلاص جاهزة تستخدميها للخبزة بيها 🍞🔥

💡 ملاحظات مهمة:

ديما خليه في مكان دافي مش بارد

غذيها كل 24 ساعة ازبطي الوقت تغذية متاعك

تقدري تغذيها مرتين كل 12 ساعة وفي مرة ثانية ماتتخلصيش من جزء زيديها دقيق وميه وخلطي بس هادي استخدميها طريقة بعد اليوم السابع وايمتا تبي تديري خبزة بيها

لو تكون طبقة ميه فوقها عادي (قلبيها بس)

لو ريحتها خايبة جدًا (مش حامضة) ارميها وعاودي

الجزء اللي في الثلاجة تقدري تطلعيه وتغذيه وترجعيه حي وقت ما تبي

الصبر هو السر 👀
#الخميرة مخلوق حي… كل ما تهتمي بيها وتعطيها وقت، تعطيك خبزة روعة ❤️🍞

غدوة ان شاءالله ح نجرب بيها خبزة لاول مره #خميرتي كانت في الثلاجة وطلعتها بنغذيها توا وبعد 12 ساعة ثانية بنغذيها ونراجيها ترتفع لاعلي ارتفاع توصله ونستخدمها في خبزة 😉✅️👀

ح نزل شن يصير معاي غدوة ان شاءالله خليكم متابعين 😅✅️🍞❤️