Cho Zin HM Online Shopping

အသက်အရွယ်ကြောင့်လား
အတွေ့အကြုံတွေကြောင့်လား ...

ဒီနှစ်တွေထဲ ကိုယ့်စိတ်လေး
သိသိသာသာ ပြောင်းလဲလာတယ် ။

ဟိုတုန်းက ..
မက်မက်မောမော လိုချင်ခဲ့တဲ့အရာတွေကို
ရက်ရက်ရောရော စွန့်လွှတ်တတ်လာတယ် ။
မရှိရင်မဖြစ်ဘူးဆိုတဲ့ လူတွေရဲ့အဝေးမှာ
မတွေး ၊ မဆွေး၊ မငေး
အေးအေးဆေးဆေး နေတတ်လာတယ် ။

လိုချင်တာတွေ၊ လိုအပ်တာတွေထက်
ရှိပြီးသားအရာလေးတွေနဲ့
ရောင့်ရဲကျေနပ်တတ်လာတယ် ။

ဖြစ်ချင်တာတွေ ၊ ဖြစ်သင့်တာတွေထက်
ဖြစ်နေတဲ့ အခြေအနေတိုင်းမှာ
သူ့ဘက်ကိုယ့်ဘက် မျှတွေးတတ်လာတယ် ။

အချစ်တွေ လိုချင်ပါလျက်
အမုန်းတွေ ပေးရက်တယ်ဆိုရင်လည်း
အပြုံးမပျက် ပျော်ပျော်နေတတ်လာတယ် ။

မေတ္တာတွေ တောင့်တမိပေမဲ့
ကိုယ့်ကိုယ်ကိုယ် ဖျောင်းဖျရင်း
ဥပက္ခာတွေနဲ့ လိုက်ရောညီထွေ နေတတ်လာတယ် ။

စေတနာတွေ ဝေဒနာထင်ခံရတဲ့အခါ
ဗီဇဆိုတာ ပြင်ရခက်တယ်ဆိုတဲ့
အသိနဲ့ ပြုံးပြုံးလေး ကြည့်တတ်လာတယ် ။

ငြိမ်သက်နေတဲ့ စိတ်လေးကလွဲရင်
ဘယ်အရာကိုမှ မမက်မောတော့တဲ့အတွက်
အတွေးတွေကို ထိန်းထားတတ်လာတယ် ။

အခုအချိန်မှာတော့
အသက်တစ်ရက် ကြီးလာလေလေ
စိတ်အေးချမ်းမှုရဲ့ အရသာကို
ပိုခံစားတတ်လာလေလေပါပဲ ။

🤍🌿🍂