Akahise .com

Ndabaramukije mwese
 Nitwa BIGIRIMANA Arcade(umuvumu), Papa yitwa MUSHI Michel (umuvumu), yakora kuri EP mbogora(en 1972) mu ntara ya Mwaro, mama yitwa BUDODWA Vérronique( umuhanza), navukiye ku mutumba KIBOGOYE, Komine KAYOKWE. Ubu mba mur France .
 Ndi umwanditsi ndamaze gusohora ibitabu bitatu:
• Le Kirundi facile pour tous
• Le Témoin
• Micombero, le Fils spiritual d’Adolphe Hi**er, le genocide Hutu en quelques mots
 Umuryango wanje waragandaye kubera urimo rwo mu 1972. Nje hano nk’icabona nemeza ko ivyabaye mu 1972 ari ihonyabwoko ryakorewe abahutu.
 Mu 1972 niga kuri EP KIBUMBU mw’ico gihe ibintu bidasanzwe kandi biteye ubwoba ni ibinogo vyibonekeza hirya no hino( ikinogo cambere hafi y’ikiraro ca Kayokwe, ikindi kinogo cari inyuma y’ibiro vya komine Kayokwe). Ikindi cari gitey’ubwoba cari: uruja n’uruza rw’imiduga y’abasirikare( ku murango no mw’ijoro) yuzuye imigano isongoye hose; ndibuka neza ko iyo miduga tuyumvise twaca twiruka kuyisamarira tuyidugiriza ukuboko tuyiramutsa. Ica gatatu cari gittey’ubwoba yari amakuru bashikanje baje bazanye (umwe yiga Ecole secondaire de Kiganda, uyundi yiga ku Muyebe) bavuzeko hari abanyeshure bamwe bamwe bigana bahahwe inkoho kandi bugorovye haba ama nama yogutohoza abahutu n’abatari aba hutu. Bagaca bakora intoned z’abahutu.
 Muri ico kiyago nyene turi muhira , data yaratubwiye ko umugenduzi w’amashure w’ico gihe yitwa NTUNZWE ko nawene yarafise inkoho (pistolet) kandi atirirwa arayinyegeza.
 Kuva mu 1972 urwimo rwaradukozeko cane mu muryango: urupfu rwa NTANIRINDI Clément( papa wanje w’ibatisimu) yakora muri Laboratoire de Hopital Kibumbu, mort de Daniel (umugabo wa senge wanje), ikibabaje cane umusozi duhana urubibe( coline Saswe) waratewe ama bombe n’indege ,
 Uwitwa RUSUKU Philemon(tutsi) yarahawe akazi ko guhohosha akoresheje inyundo abahutu bataracikana. Rusuku yahawe ako kazi na musitanteri w’ico gihe ( NEGAMIYE Onésime Tutsi). Uwo RUSUKU ariko arahohosha abahutu yavuga ati : (pfa pfa pfuhere, nta muhutu yatwaye). Ku mugoroba atashe atashikanye cumi yishe yavuga ko umusi wagenze nabi akaca abwira aba JRR koba kwiye kwongeereza inguvu.
 Ku musi mubi data nawe yarashikiriwe ( ivyo ntazopfa nibagiye): KABWA Michel tutsi (umwishwa wa RUSUKU Philemon) yazaniye convocation Data atumweko na musitanteri NEGAMIYE Onésime tutsi. Ubwonyene KABWA arenganye haciye haza imodoka y’igisoda, Data aca arasohoka baca baramuboha basunurira mu muduga baca bamujana kwi Komine ( nuyu musi ntibiramva mu mutwe)
 Bukeye bwaho mu gatondo, mama ariko aritegura ngo ajekubaza kwi komine, haje umurwii w’abantu barongowe na RUSUKU philémon, uyu acatanga itegeko ryi kwinjira mu nzu bagatwara icarico cose babonye( chaise table armoire velo radio), RUSUKU nye aca abwira KABWA( son neveu) gusohora inka zitandatu barazitwara, Rusuku asiga abwiye mama ati: kuva uyu musi ntuzosubira kunyagirwa uja kugarira, wrukwiye kunshimira. KUva uyo musi Mama acaratubwirako ico ari ikimenyetso ko Data wacu bamwishe, aca aratubuza no kurira.
 Naciye nja kwishure muga nambaye impuzu zisa nabi( kuko izindi bari bazintwaye), abanyeshure baranzomera bambwira bati: ako ka rikade(arcade) karishima kandi katazi ko se wako bamurigase( bamwishe) nca ndibaza ingene abana twigana babimenye mukanya gato biranyobera.
 Mucigwa hagati umwigisha wanje yitwa GACIYUBWENGE (tutsi de Kibenga-Migende) yaranyegereye afise idekametero muminwe arayinkubitagura mu mutwe yongera antukagura ngo: uri umumenja nka so wawe genda upfukame inyuma uri umwansi w’igihugu) iyumvire umwana wa 6 ans ? Ku mugoroba ndabwira mama ivyanshikiye acarambuza gusubira kw’ishure
 Ukuntu bakubaguye data mbona ntibizomva mu mutwe kandi vyansizemwo imvune mu mutwe. Kuko yari yaranyemereye kunyigisha mu Budagi, nije nama ndamutwaza i valize avuye kukazi …. Imirima yacu n’ibipimo vy’imikaratusi vyaranyazwe na RUSUKU Philemon
 RUSUKU Philemon (clan de Bongera père de RUSUKU Simon , ex officier et ex minister sous BAGAZA et son frère RUSUKU Lucien a étét admcom de KAYOKWE sous BAGAZA )