Ing Tune Aral Keng ISLAM

*️⃣IPINAHINTULOT SA MAG-ASAWA SA BUWAN NG RAMADHÂN!!

⏺️Ang Buwan ng Ramadhân ay buwan ng pag-aayuno at buwan ng pagsagawa ng Ibâdah ngunit walang pagbabawal sa batas ng Islam na paigtingin ng dalawang mag-asawa ang kanilang pagmamahalan sa pamamagitan ng paglalambingan, pagdadamayan at pagpaparamdam ng saloobin ng bawa’t isa. Hindi maaaring itigil ang pagpaparamdam ng pagmamahal at pagpaparinig ng romantikong salita at gawa dahil sa ikaw ay nag-aayuno.

⏺️Ang patuloy na pagpapakita ng pag-ibig sa iyong maybahay ay napapatibay nito magandang samahan. Isa sa magandang panahon upang lalong tumibay ang pagmamahalan ay sa panahon ng Ramadhân.

⏺️Magkasabay silang magsagawa ng pag-aayuno, Iftar (pagkain sa hapon), magdasal ng Tarâweeh, kumain ng Sahoor (pagkain sa madaling araw) at pagsagawa ng Ibâdah at wala ring pagbabawal na sila ay magkatabing matulog, maglambingan, magyakapan at magpalitan ng romantikong salita at gawa. Ang bagay na ito ay mananatili at ipinahintulot hangga’t sila ay nakakapagtimpi sa gawaing sekswal o nakakapagpigil ang kanilang sarili sa anumang pumupukaw ng kanilang kagustuhan.

⏺️ANG PAGYAKAP, PAGLAMBING AT PAGHALIK SA ASAWA AY NAKADEPENDE ANG KATAYUAN NITO SA ISANG TAO!!

*️⃣Kung ang isang tao ay may malakas na kagustuhan sa GAWAING SEKSWAL o walang kakayahang magtimpi kapag siya ay nakahalik, nakayakap o napatabi sa kanyang asawa. Sa kanyang katayuan ay bawal siyang humalik o yumakap upang maiwasan ang mga bagay na makakasira ng kanyang ayuno dahil ang kabayaran sa kasiraan ng ayuno dahil sa sekswal ay hindi pangkaraniwan.

*️⃣Kung ang isang tao ay may kakayahang magtimpi sa GAWAING SEKSWAL o mga bagay na pumupukaw ng kanyang kagustuhan. Sa kanyang katayuan ay walang pagbabawal na halikan, yakapin, tabihan sa pagtulog o lambingin ang kanyang maybahay.

➡️ANG KATIBAYAN➡️

⏺️Naisalaysay mula kay Aisha (kaugdan siya ni Allâh) na kanyang sinabi: ❝Katunayan na ang Propeta ﷺ ay kanyang hinahalikan o nilalambing ang kanyang mga asawa sa panahon na siya ay nag-aayuno dahil sa kaya niyang kontrolin ang kanyang sarili.❞ Bukhari at Muslim
عَنْ عَائِشَةَ رَضِيَ اللَّهُ عَنْهَا قَالَتْ : ❞ كَانَ النَّبِيُّ صَلَّى اللَّهُ عَلَيْهِ وَسَلَّمَ يُقَبِّلُ وَيُبَاشِرُ وَهُوَ صَائِمٌ وَكَانَ أَمْلَكَكُمْ لأرَبِهِ ❝ البخاري ( ١٩٢٧ ) ومسلم ( ١١٠٦ )

⏺️Ipinaliwanag ni Imam As-Sindi: ❝Ang tinukoy dito na paglalambing ay pagkadikit ng kanilang mga katawan katulad ng paghalik at pagyakap at hindi ang gawaing sekswal.❞

*️⃣UGNAYANG MAG-ASAWA SA PANAHON NG PAG-AAYUNO:

*️⃣ANG KANILANG PAG-AAYUNO AY NAHAHATI SA DALAWA:

1️⃣OBLIGADONG PAG-AAYUNO “Wajib”

2️⃣HINDI OBLIGADONG PAG-AAYUNO “Sunnah”

📍PALIWANAG:

*️⃣Tinanong si Shaikh Uthaimeen: Ano ang ipinahintulot gawin ng isang lalaking nag-aayuno sa kanyang maybahay?

*️⃣Kanyang sinabi: ❝Kung obligadong pag-aayuno ang kanyang ginawa, hindi ipinahintulot na gamitin niya “halikan o yakapin” ang kanyang maybahay kung sa kanyang paghalik o pagyakap ay napupukaw agad ang kanyang kagustuhan. Ngunit sila naman na nakakapagtimpi sa kagustuhan ng kanilang sarili ay walang pagbabawal na halikan o yakapin o tabihan ang kanilang maybahay.❞

➡️Ngunit kung ang kanyang pag-aayuno ay hindi obligado “Sunnah lamang” at nagalaw niya ang kanyang asawa “sekswal” sa panahon ng pagsagawa niya ng ayuno na Sunnah ay wala siyang pananagutan at hindi siya obligadong palitan o bayaran ang kanilang nasirang ayuno at wala rin silang KAFFÂRAH.

📍DAGDAG KAALAMAN:

⏺️ANG PAKIKIPAGTALIK SA ASAWA SA PANAHON NG RAMADHÂN AY MAY DALAWANG KALAGAYAN:

📍 SA ARAW NG RAMADHÂN

📍 SA GABI NG RAMADHÂN

➡️Mula paglubog ng araw (panahon ng Iftar) hanggang bago sumikat ang Fajr sa madaling araw ay ipinahintulot sa mag-asawa na gamitin nila ang bawat isa (paligayahin) kahit pa man ito ay sa panahon ng IFTAR o panahon ng SAHUOR.

⏺️Nagkaisa ang lahat ng pantas sa Islam na ipinagbawal sa mag-asawa na magkaroon ng relasyong sekswal mula pagsikat ang fajar hanggang bago lumubog ang araw sa panahon ng pag-aayunong obligado.

➡️ANO ANG DAPAT GAWIN NG DALAWANG MAG-ASAWA KAPAG SILA AY NAGTALIK SA ARAW NG BUWAN NG RAMADHÂN?

⏺️Nararapat sa bawat isa sa kanila na palitan ng pagsasagawa ng ayuno ang araw na kanilang nasira sa araw ng RAMADHÂN at pagkatapos ay dagdagan nila ng isa pang kabayaran na tinatawag na KAFFÂRAH “kabayaran”.

⏺️Ang salitang Kaffârah ay kabayaran dahil sa nagawang kasalanan katulad ng pakikipagtalik sa araw ng buwan ng Ramaḍhân.

⏺️Ang sinadyang pagtatalik ng mag-asawa sa araw ng pag-aayuno ay nararapat sa kanila ang karagdagang kabayaran pagkatapos nilang palitan ng pag-aayuno ang nasira nilang ayuno ay idagdag nila ang;

*️⃣Magpalaya ng isang alipin.

*️⃣Kung wala siyang matagpuang alipin ay mag-ayuno ng dalawang buwan na sunud-sunod.

*️⃣At Kung hindi niya kayang mag-ayuno ng dalawang buwan na sunud-sunod ay magpakain ng animnapung (60) mga mahihirap.

⭕️ BISMILLAH Sa [Pangalan Ng Kataas-taasan na Tagapaglikha]

📍 PANALANGIN NI PROPETA ADAM [Sumakanya Ang Kapayapaan mula sa Allah]

➡️Panalangin:

*️⃣“Rabbana zalamna anfusana wa illam taghfir lana wa tarhamna lanakunanna minal khasireen.”

➡️Kahulugan sa Tagalog:

*️⃣“Oh ALLAH [Kataas-taasan na Tagapaglikha], inapi namin ang aming mga sarili. Kung hindi Mo po kami patatawarin at kaaawaan, tiyak na kami ay mapapabilang sa mga talunan.”

(Qur’an 7:23)

📍 DAHILAN KUNG BAKIT SIYA HUMINGI NG KAPATAWARAN:

📝 Humingi ng kapatawaran si Propeta Adam dahil kinain niya ang bunga mula sa ipinagbabawal na puno matapos siyang malinlang ni Iblis o Satanas na isinumpa ng Allah. Ito ay pagsuway sa utos ng ALLAH [Kataas-taasan na Tagapaglikha], kaya agad siyang nagsisi at bumaling sa Allah upang humingi ng tawad.

(Qur’an 2:35–36, Qur’an 7:19–22)

⭕️ Paliwanag:

📍 Hindi nagmatigas si Propeta Adam. Hindi niya itinanggi ang kasalanan at hindi siya naghanap ng palusot. Agad niyang kinilala ang kanyang pagkakamali at nagbalik-loob sa ALLAH [Kataas-taasan na Tagapaglikha].

➡️Tinanggap ng Allah ang kanyang pagsisisi dahil sa:

⏺️Tapat na pag-amin sa kasalanan
⏺️Matinding pagsisisi
⏺️Pag-asa sa awa ng Allah

📖 Aral para sa atin:

*️⃣Ang unang paraan upang patawarin ay ang pag-amin ng kasalanan
*️⃣Ang Allah ay Maawain at tumatanggap ng taos-pusong pagsisisi
*️⃣Huwag mawalan ng pag-asa sa kapatawaran ng Allah

Reference:

Qur’an Surah Al-A’raf 7:23
Qur’an Surah Al-Baqarah 2:35–37
Qur’an Surah Ta-Ha 20:121–122 — Tinanggap ng Allah ang pagsisisi ni Adam

📝 𝗛𝘂𝘄𝗮𝗴 𝗞𝗮𝗻𝗴 𝗠𝗮𝗴𝗺𝗮𝗴𝗮𝗹𝗶𝗻𝗴, 𝗦𝘂𝗻𝗱𝗶𝗻 𝗠𝗼 𝗮𝗻𝗴 𝗣𝗮𝗴-𝗮𝗮𝘆𝘂𝗻𝗼 𝗻𝗴 𝗥𝗮𝘀𝘂𝗹𝘂𝗹𝗹𝗮𝗵 (ﷺ)

📍 Ganito Mag-ayuno ang Pinakamabuting Tao sa Ibabaw ng Lupa

📍 Ang Sikreto ng Rasulullah (ﷺ) sa Buwan ng Ramadhan

*️⃣Marami ang nag-aayuno pero gutom at uhaw lang ang napapala dahil kinalimutan nila kung paano ito tamang ginawa ng Rasulullah (ﷺ).

*️⃣Kung gusto mong tanggapin ng Allah ang iyong ayuno, ganito ang gawin mo:

1️⃣Huwag Palampasin ang Suhoor: Kahit isang lagok ng tubig o datiles, bumangon ka sa madaling-araw dahil narito ang biyaya ng Lumikha.

2️⃣Kumain Agad Pagkalubog ng Araw: Huwag nang magpatagal. Buksan agad ang ayuno gamit ang datiles o tubig bago pa man magdasal ng Maghrib.

3️⃣Pigilan ang Dila at Galit: Walang saysay ang gutom mo kung abala ka sa paninira at pagmumura. Kapag inaway ka, sabihin mo lang nang mahinahon: "Ako ay nag-aayuno."

4️⃣Doblehin ang Pagiging Mapagbigay: Tularan ang Rasulullah (ﷺ) na naging mas mabilis pa sa hanging umiihip ang pamimigay ng tulong at pag-aaral ng Qur'an sa buwang ito.

⭕️ Mula sa Sunnah: Pakinggan mo ang napakabigat na babalang ito mula sa Rasulullah (ﷺ) para sa mga taong tiyan lamang ang nag-aayuno:

"مَنْ لَمْ يَدَعْ قَوْلَ الزُّورِ وَالْعَمَلَ بِهِ فَلَيْسَ لِلَّهِ حَاجَةٌ فِي أَنْ يَدَعَ طَعَامَهُ وَشَرَابَهُ"

*️⃣"Sinuman ang hindi mag-iwan ng kasinungalingan at paggawa nito (ng mga masasamang gawa), ang Allah ay walang pangangailangan na iwanan pa niya ang kanyang pagkain at inumin."

⭕️ [Sahih Al-Bukhari].

*️⃣Paliwanag: Ang layunin ng pag-aayuno ay hindi upang parusahan ka sa gutom, kundi upang linangin sa iyong puso ang matinding takot sa Allah (Taqwa). Kung ikaw ay nag-aayuno ngunit nagpapatuloy ka sa pagtsismis, panloloko, o panonood ng bawal, ang ayuno mo ay tama sa usaping batas (hindi mo kailangang bayaran ang araw na iyon), ngunit sunog at ubos na ang lahat ng gantimpala nito. Ibig sabihin ng salitang "ang Allah ay walang pangangailangan" ay hindi tatanggapin at hindi bibigyan ng bigat ng Lumikha ang isang pag-aayuno na panlabas na pagpapagutom lamang ngunit ang kaluluwa at dila ay patuloy sa pagsuway.

⏺️Ang tunay na pag-aayuno ay hindi lang sa tiyan, kundi pati sa mata, tainga, at dila. Ayusin mo ang iyong pag-aayuno upang hindi ka mapabilang sa mga lugi sa kabilang buhay.

*️⃣𝗔𝗻𝗴 𝗔𝗹𝗹𝗮𝗵 (ﷻ) 𝗮𝗻𝗴 𝗺𝗮𝘀 𝗛𝗶𝗴𝗶𝘁 𝗻𝗮 𝗡𝗮𝗸𝗮𝗸𝗮-𝗮𝗹𝗮𝗺 𝗻𝗴 𝗟𝗮𝗵𝗮𝘁.

📖 Hatol sa taong namamalimos sa Islam
Sa Islam, hindi agad hinahatulan bilang haram ang pamamalimos, ngunit may malinaw na gabay kung kailan ito pinahihintulutan at kung kailan ito ipinagbabawal o kinamumuhian (makruh).

📍 Pinahihintulutan ang pamamalimos kung:
Talagang walang makain o kabuhayan
May sakit, may kapansanan, o matanda na hindi na kayang magtrabaho
Naubusan dahil sa sakuna (sunog, baha, digmaan, atbp.)
Walang tumutulong na kamag-anak o komunidad

➡️Sa ganitong kalagayan, pinahihintulutan ang paghingi ng tulong at obligasyon ng mga may kaya na tumulong sa pamamagitan ng zakat at sadaqah.

📕 Sabi ng Allah sa Qur'an:
“At sa kanilang kayamanan ay may karapatan ang mga humihingi at ang mga nangangailangan.”
(Surah Adh-Dhariyat 51:19)

⚠️ Ipinagbabawal / Makruh ang pamamalimos kung:
May kakayahang magtrabaho ngunit pinipiling mamalimos
Ginagawang hanapbuhay o panlilinlang
Dahil sa katamaran, hindi pangangailangan

🗒️ Sabi ng Propeta ﷺ (ayon sa Sahih Muslim):
“Ang patuloy na pamamalimos ng tao ay magdadala sa kanya sa Araw ng Paghuhukom na wala siyang laman sa mukha.”

➡️Ibig sabihin: nakakababa ng dangal at may parusa kung hindi makatarungan ang pamamalimos.

📍 Mas mainam sa Islam
Maghanap ng halal na kabuhayan, kahit maliit
Magtiwala sa Allah (tawakkul) at magsikap
Ang komunidad at mga may kaya ay tumutulong sa nangangailangan

📝 Sabi ng Propeta ﷺ:
“Mas mabuti para sa isa sa inyo ang magputol ng kahoy at pasanin ito kaysa humingi sa tao.”

⭕️ Sa Islam, ang pagbati ng "As-salamu alaykum" (السلام عليكم) ay isang Sunnah na gawaing ipinag-utos sa mga Muslim, ngunit may mga patakaran at limitasyon sa pagbati sa pagitan ng mga lalaki at babae na hindi mahram (hindi kamag-anak).

📍 Ayon sa mga Ulama, ang pagbati ng "As-salamu alaykum" ng isang babae sa isang lalaki na hindi mahram ay hindi ipinagbabawal, ngunit ito ay makruh (hindi kanais-nais) dahil sa mga sumusunod na dahilan:

1️⃣ *Fitnah*: Ang pagbati ng isang babae sa isang lalaki na hindi mahram ay maaaring magdulot ng fitnah (pang-aakit o pag-tempt) sa lalaki, lalo na kung ang babae ay may magandang boses o may mga kilos na nakakaakit.

2️⃣ *Khulwah*: Ang pagbati ng isang babae sa isang lalaki na hindi mahram ay maaaring magdulot ng khulwah (pag-iisa sa isang lugar na walang ibang tao), na ipinagbabawal sa Islam.

3️⃣ *Adab*: Ang pagbati ng isang babae sa isang lalaki na hindi mahram ay hindi sumusunod sa mga adab (moral na pag-uugali) ng Islam, na nagtataguyod ng pag-iingat at pag-hijab sa pagitan ng mga lalaki at babae.

⭕️ Gayunpaman, kung ang pagbati ay sa isang pampublikong lugar at may mga tao sa paligid, at ang babae ay may dahilan na magbati (halimbawa, sa isang pagtitipon o sa isang opisina), ito ay maaaring pahintulutan.

📍 Ang pinakamahusay na gawin ay ang sundin ang mga patakaran ng Islam at mag-ingat sa mga sitwasyon na maaaring magdulot ng fitnah o khulwah. 😊

*️⃣Ang sikreto ng pagkain ng Tamr (Dates)

⏺️Ang pagbaba ng SUGAR sa katawan ng tao sa panahon ng pag-aayuno ay siyang pangunahing dahilan ng pagkaramdam ng gutom at hindi ang kaunting pagkain o pag-inom.

⏺️Kaya ang sikreto ng Propeta Muhammad ﷺ sa kanyang IFTÂR (pagkain sa hapon o sa paglubog ng araw) ay inuuna muna nito ang pagkain ng RUTAB (fresh dates) or TAMR (dried dates) dahil naibabalik nito agad sa normal na kondisyon ang katawan ng tao sa mabilis na panahon.

⏺️Ang TAMR (DATES) ay hindi lamang Sunnah ng Propeta Muhammad ﷺ kundi ito ay may malaking benipesyo sa kalusugan ng tao.

عَنْ سُليمَانَ بْنِ عَامِرٍ اَلضَّبِّيِّ رَضِيَ اللهُ عَنْهُ عَنِ اَلنَّبِيِّ ﷺ قَالَ : ‪❞‬ إِذَا أَفْطَرَ أَحَدُكُمْ فَلْيُفْطِرْ عَلَى تَمْرٍ ، فَإِنْ لَمْ يَجِدْ فَلْيُفْطِرْ عَلَى مَاءٍ ، فَإِنَّهُ طَهُورٌ ‪❝‬ رَوَاهُ اَلْخَمْسَةُ ، وَصَحَّحَهُ اِبْنُ خُزَيْمَةَ وَابْنُ حِبَّانَ وَالْحَاكِمُ Isinalaysay ni Sulayman Bin Âmr Adh-Dhabbiy (kalugdan nawa siya ng Allâh) Sinabi ni Propeta Muhammad ﷺ: ‪❝‬Kapag kumain ng IFTÂR (sa panahon ng pagsira o pagtigil ng ayuno) ang isa sa inyo ay kumain ng TAMR (Dates) at ang sinumang hindi makatagpo o makakita ng Tamr ay uminom ng tubig sapagkat ito ay malinis (dalisay).‪❞‬

⭕️ SINO ANG MGA OBLIGADONG MAGBIGAY NG FIDYA"

📍 Ang Fidya ay: Ang pagbigay ng pagkain bilang kabayaran sa hindi pag-fasting sa panahon ng Ramadhan

📖 ANG NAPAG-UTUSAN (OBLIGADONG) MAGBIGAY NITO AY:

1️⃣Matatandang walang kakayahang mag-ayuno

2️⃣May sakit na walang pag-asang gumaling.

📝 ANG HUKOM SA KANILANG KALAGAYAN:

📍 Sila ay hindi napag-utusang mag-ayuno at hindi rin magpapalit ng pag-ayuno bagkus sila ay magbigay lamang ng FIDYA

📍 Ang tamang pananaw ay hindi kabilang rito ang buntis, nagpapasuso at maysakit na may pag asang gumaling.

📝 ANO ANG TAMANG SUKAT NG PAGBIGAY NG FIDYA?

⭕️ Bawat araw , sila ay magbibigay ng kalahating ganta o salop ng bigas na katumbas ng isa’t kalahating kilo ng anumang pangkaraniwang kinakain sa araw-araw.

📍 Sa Pilipinas ang karaniwang kinakain ng tao ay mula sa bigas.

📝 KAILAN IBIBIGAY ANG FIDYA ?

📍 Siya ay may pagpipili kung kailan niya nais ipamahagi ito sa loob ng Ramadhan, Ngunit hindi ipinahintulot na ipamahagi ito “FIDYA” kapag hindi pa pumasok ang buwan ng Ramadan

🗒️ PAANO NIYA ITO IPAMAMAHAGI?

📍 Kung nais niyang ibigay ang Fidya sa buong buwan ng Ramadhan ay maaari niya itong ipamahagi ng magkakahiwalay na araw sa iisang Muslim na mahirap o ibigay sa mga mahihirap na Muslim.

📍 Gayundin maaari rin itong ibigay ng buo sa isang araw.

⭕️ SINO ANG PAGBIBIGYAN?

📝 Ang FIDYA ay ibibigay lamang sa mga mahihirap na Muslim alinsunod sa binanggit sa Talata.

📝 ANO ANG MAS MAINAM NA PAGBIGAY, HALAGA “cash” O PAGKAIN “bigas”?

📍 Karamihan sa mga Pantas sa Islam katulad nila Imam Malik, Imam Shafie, at Imam Ahmad ay kanilang sinabi:

📍 Hindi magkakaroon ng gantimpala kung ito ay ibibigay sa pamamagitan ng halaga “pera” bagkus ang obligado ay ibigay ito sa pamamagitan ng pagkain “bigas” maaari ring luto na.

📕 Alinsunod sa sinabi ni Allah:
“At sila na walang kakayahang mag-ayuno (matatanda), sila ay magbigay ng FIDYA” sa pamamgitan ng pagpapakain sa mahirap” Al-baqarah 184

قوله تعالى : (وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ ) البقرة

📍 Sinabi ni Ibn Abbas (kalugdan silang mag-ama ni Allah) patungkol sa pagbigay ng FIDYA:
“Sila na mga matatandang lalaki at matatandang babae na hindi kayang mag-ayuno ay magpakain sila awar-araw ng isang mahirap”

قال ابن عباس رضي الله عنهما : ( هُوَ الشَّيْخُ الْكَبِيرُ وَالْمَرْأَةُ الْكَبِيرَةُ لا يَسْتَطِيعَانِ أَنْ يَصُومَا فَيُطْعِمَانِ مَكَانَ كُلِّ يَوْمٍ مِسْكِينًا )

📍 Binanggit sa Fatwa ng STANDING COMMITTEE ng Saudi Arabia v10/p198
“Kung kailan napagdesisyunan ng manggagamot na ang sakit na yan ay walang kakayahang mag-ayuno at wala ring pag-asang gumaling, ang kailangan lamang ay magpakain ng isang mahirap na Muslim ng kalahating ganta ng karaniwang kinakain ng isang bansa “bigas” katumbas ng isa’t kalahating kilo ng bigas…”

⭕️ Ayon naman sa ibang pantas:
“Maaaring ibigay ang FIDYA sa pamamagitan ng halaga o pera, Ngunit ang pananaw na ito ay mahina”

📍 Sa mga nais magbigay ng Fidya, Mas mainam na ibigay nalang sa pamamagitan ng pagkain “bigas” o ito ay luto na hindi baba sa isa't kalahating kilo ng bigas.

📖 [DAGDAG KAALAMAN:]

1️⃣Nararapat din ang pagsagawa ng hangarin sa panahon ng pagbigay.

2️⃣Ang mga taong may karamdaman na may pag-asa pang gumaling ay hindi obligado sa kanila ang pagbigay ng FIDYA bagkus kanilang papalitan ang ayunong hindi nila napag-ayunuhan kapag sila ay gumaling na.

3️⃣Ang mga nagpapasuso at buntis, kung sakali di sila makapag-ayuno dahil nangangamba sa kanilang kalusugan, kalusugan ng sanggol na kanilang pinapasuso at gayundin ang kanilang ipinagbubuntis ay kailangan lang nilang palitan ang ayuno pagkatapos ng Ramadhan at hindi sila obligadong magbigay ng FIDYA!

📝 HANDANG MAG-AYUNO? SIGURADO KA BA NA OBLIGADO KA?

📝 SINO NGA BA ANG DAPAT MAG-AYUNO SA RAMADAN?

⭕️ Ang pag-aayuno sa buwan ng Ramadan ay hindi lamang tradisyon — ito ay isang dakilang utos mula kay Allah. Isa ito sa Limang Haligi ng Islam. Ngunit hindi lahat ay obligado. Ang Islam ay relihiyon ng awa, hustisya, at karunungan — kaya malinaw na ipinaliwanag ng Qur’an at Sunnah kung sino ang may tungkulin at sino ang may pahintulot na hindi muna mag-ayuno.

📖 DALIL MULA SA QUR’AN 📕

📍 Allah SWT said:

يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ

⭕️ Tagalog Kahulugan:
“O kayong mga sumasampalataya, iniutos sa inyo ang pag-aayuno tulad ng pagkakautos sa mga nauna sa inyo upang kayo ay magkaroon ng Taqwa (takot at pagsunod kay Allah).”
(Surah Al-Baqarah 2:183)

📍 SINO ANG OBLIGADO MAG-AYUNO?

📝 Ang pag-aayuno ay FARD (obligado) sa:

1️⃣🕌 Muslim – Hindi obligado sa hindi Muslim.

2️⃣🧠 May tamang pag-iisip (hindi baliw)
Sinabi ng Propeta ﷺ:

رُفِعَ الْقَلَمُ عَنْ ثَلَاثَةٍ: عَنِ الْمَجْنُونِ حَتَّى يَعْقِلَ...

Tagalog Kahulugan:
“Ang panulat (kasalanan) ay hindi isinusulat sa tatlo: sa baliw hanggang siya ay gumaling…”
(Hadith – Abu Dawud)

3️⃣🔞 Nasa tamang edad (puberty / baligh)

4️⃣💪 May kakayahang pisikal

5️⃣🏠 Hindi nasa paglalakbay (may rulings ang traveler)

📝 SINO ANG MAY PAHINTULOT HINDI MAG-AYUNO?

📍 Ang Islam ay hindi nagpapahirap. May mga pinahihintulutan:

📍 May sakit

فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ

“Ang may sakit o nasa paglalakbay ay magbabayad na lamang sa ibang araw.”
(Qur’an 2:184)

📍 Buntis at nagpapasuso
Kung may panganib sa ina o sanggol — maaaring hindi muna mag-ayuno.

📍 Matandang mahina na

Kung hindi na kaya — magpakain ng mahirap (Fidyah).

🗒️ ANG LAYUNIN NG PAG-AAYUNO

📝 Hindi lang gutom at uhaw — ito ay paglilinis ng puso, kaluluwa, at buhay.

📖 Sinabi ng Propeta 📕

مَن صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِن ذَنْبِهِ

“Ang nag-ayuno sa Ramadan nang may pananampalataya at pag-asa sa gantimpala — patatawarin ang kanyang mga nakaraang kasalanan.”
(Bukhari & Muslim)

⭕️ MGA KASABIHAN NG MGA ULAMA:-

✅ Ibn Rajab (RA) said:
“Ang pag-aayuno ay paaralan ng Taqwa. Dito natututo ang puso na umiwas sa kasalanan kahit walang nakakakita kundi si Allah.”

✅ Imam Al-Ghazali said:
“Hindi tunay na pag-aayuno ang pag-iwas lang sa pagkain — kundi pag-iwas ng mata, dila, puso, at kaluluwa sa kasalanan.”

✅ Ibn Qayyim said:
“Ang Ramadan ay ospital ng mga puso — at ang Qur’an ang gamot.”

⚠️ ISANG MAIKLING PAALAALA

📍 Maraming nagugutom — pero hindi lahat tumatanggap ng gantimpala. Bakit?

📖 Sinabi ng Propeta 📕

“May mga nag-aayuno na wala silang nakukuha kundi gutom at uhaw.”
(Ahmad)

📍 Ibig sabihin — kung walang Taqwa, walang pagbabago, walang pag-iwas sa kasalanan — baka wala tayong mapala.

⭕️ TANUNGIN ANG SARILI

📍 Nagbabago ba ako?
📍 Lumalayo ba ako sa haram?
📍 Lumalapit ba ako kay Allah?
📍 May Taqwa ba ako?

Ang Ramadan ay pagkakataon — hindi garantiya.

📢 PAALALA announcement 📣

Kung ikaw ay:
🧷 Muslim
🧷 Nasa tamang edad
🧷 May kakayahan
🧷 May tamang pag-iisip

⭕️ OBLIGADO kang mag-ayuno.

Huwag sayangin ang Ramadan.

🕋🤲 DUA🤲🕋

اللهم بلغنا رمضان وبارك لنا فيه وتقبل منا صيامنا وقيامنا

“O Allah, iparating Mo sa amin ang Ramadan, pagpalain Mo kami dito, at tanggapin Mo ang aming pag-aayuno at pagsamba.”

📝 Ramadan ay hindi lang buwan ng gutom~ito ay buwan ng pagbabago, kapatawaran, at kaligtasan.

⚠️ Handa ka na ba… o magsisisi ka sa huli

⭕️ Ang Sugo ng Allah (ﷺ) ay nagsabi:

"➡️Mag-ayuno kayo kapag nakita ninyo ito (ang gasgas na buwan ng Ramadan), at mag-iftar (tumigil sa pag-aayuno) kayo kapag nakita ninyo ito (ang gasgas na buwan ng Shawwal). At kung ito ay natakpan para sa inyo (dahil sa ulap), kung gayon ay kumpletuhin ninyo ang tatlumpung araw (ng Sha'ban o Ramadan)."

📖 Sahih Muslim Hadith Blg. 1081

⭕️ Ang Hadith na ito (Sahih Muslim, No. 1081) ay isang pundamental na gabay sa Islam tungkol sa tamang paraan ng pagtatakda ng simula at pagtatapos ng buwan ng Ramadan. Ito ay isang praktikal na instruksyon na nagbibigay-diin sa pisikal na pag-observa sa kalangitan.

⭕️ Ibig sabihin, ang unang araw ng Ramadan ay hindi maaaring ideklara batay sa haka-haka, kalkulasyon lamang, o pag-asa. Ito ay nakabatay sa aktuwal na pagkakita sa bagong buwan (hilal) paglubog ng araw sa ika-29 ng buwan ng Sha'ban.
📍 Kung may isa o higit pang maaasahang saksi na nakakita nito, ang obligasyon ay mag-ayuno sa susunod na araw.

📍 Parehong prinsipyo ang ginagamit sa pagtatapos ng Ramadan. Hindi ito nakabatay sa pagod o bilang lamang, kundi sa pagkumpirma na ang buwan ng Ramadan ay lumipas na.
📍 Ang pagkakita sa buwan ng Shawwal ay nangangahulugan na tapos na ang 29 o 30 araw ng pag-aayuno, at ang susunod na araw ay unang araw na ng buwan ng Shawwal, kung saan ipinagdiriwang ang Eid al-Fitr at ipinagbabawal ang pag-aayuno.

⭕️ Kung ito ay natakpan para sa inyo (ng ulap o alikabok), kung gayon, kumpletuhin ninyo ang tatlumpung araw."
📍 Ito ang mekanismo kung hindi perpekto ang panahon.
📍 Para sa pagsisimula: Kung hindi makita ang buwan ng Ramadan sa ika-29 ng Sha'ban dahil sa maulap na langit, ituring na ang buwan ng Sha'ban ay may 30 araw. Ibig sabihin, mag-aayuno pagkatapos ng ika-30 araw na iyon.
➡️Para sa pagtatapos: Kung hindi makita ang buwan ng Shawwal sa ika-29 ng Ramadan, kumpletuhin ang pag-aayuno ng 30 araw. Ang susunod na araw ay ituturing na ika-30 ng Ramadan (at mag-aayuno pa), at hindi pa Eid.

📖 Ang mga Dalil (Mga Ebidensya)

⭕️ Ang kautusang ito ay hindi basta-basta; ito ay may matibay na pinag-ugatan sa Qur’an at sa Sunnah. Narito ang mga pangunahing dalil na sumusuporta dito:

➡️1. Dalil mula sa Qur’an

"Sila ay nagtatanong sa iyo (O Muhammad) tungkol sa mga bagong buwan (crescents). Ipagbadya: Ang mga ito ay mga palatandaan upang sukatin ang panahon para sa mga tao at para sa Hajj (Pilgrimage)."
(Qur'an, Surah Al-Baqarah 2:189)

📍 Ang talatang ito ay nagpapatunay na ang mga yugto ng buwan (ang paglitaw ng buwan) ay hindi lamang pang-adorno sa langit. Sila ay mga palatandaan na nilikha ng Allah upang malaman ng tao ang tamang panahon para sa kanilang mga gawain, lalo na sa pagsamba tulad ng pag-aayuno at Hajj.

➡️2. Dalil mula sa Sunnah (Iba pang Hadith)

📍 Ang Hadith na iyong binanggit ay hindi nag-iisa. Maraming iba pang mga salaysay ang nagpapatibay sa prinsipyong ito, na nagpapakita kung gaano ito kahalaga.

➡️A. Ang Pag-iwas sa Pag-aayuno ng May Pag-aalinlangan
Ipinapakita ng sumusunod na Hadith na ang pagdedeklara ng Ramadan ay dapat na nakabatay sa tiyak na kaalaman (pagkakita), hindi sa pag-aakala lamang.

⭕️ Si Propeta Muhammad (ﷺ) ay nagsabi:
"Huwag kayong mag-ayuno hangga't hindi ninyo nakikita ang buwan (ng Ramadan), at huwag kayong mag-break hangga't hindi ninyo ito nakikita (ang buwan ng Shawwal). Kung ito ay natakpan sa inyo, ay inyong tantiyahin ito (o kumpletuhin ang bilang)."
(Sahih al-Bukhari, Hadith No. 1906)

⭕️ Ang bersyong ito mula sa Bukhari ay katulad ng sa Muslim, ngunit binibigyang-diin nito ang pagbabawal sa pagsisimula ng pag-aayuno nang walang katiyakan.

➡️B. Ang Pagtanggap sa Isa o Dalawang Saksi
Ipinapaliwanag ng mga Hadith na ito ang proseso kung paano pinatutunayan ang pagkakita sa buwan.

⭕️ Para sa Ramadan: May isang kilalang kuwento kung saan dumating ang isang Bedouin (isa sa mga naninirahan sa disyerto) at sumaksi kay Propeta Muhammad (ﷺ) na nakita niya ang buwan ng Ramadan. Tinanong siya ng Propeta, "Sasaksi ka ba na walang Diyos na karapat-dapat sambahin maliban kay Allah, at ako ay Sugo ng Allah?" Sumagot ito ng "Oo." Pagkatapos ay iniutos ng Propeta (ﷺ) kay Bilal na ipahayag sa mga tao na mag-ayuno sa susunod na araw.
📍(Mga katulad na salaysay ay matatagpuan sa Sunan Abu Dawud at iba pa).
📍 Para sa Shawwal: Sa kabila nito, sa pagtatapos ng Ramadan, maraming mga Hadith ang nagpapakita na ang Propeta (ﷺ) ay higit na mahigpit at kadalasan ay naghihintay ng dalawang saksi para sa pagdedeklara ng Eid, upang matiyak na hindi mag-aayuno ang mga tao sa araw na ipinagbabawal ang pag-aayuno.

➡️C. Ang Pagiging Simple at Layunin ng Batas
Ang layunin ng batas na ito ay upang gawing madali at malinaw ang pagsamba para sa lahat, anuman ang kanilang antas ng edukasyon.

📍 Sinabi ni Propeta Muhammad (ﷺ):
"Kami ay isang komunidad na hindi marunong sumulat o bumasa (Ummi). Kami ay hindi sumusulat o bumibilang. Ang buwan ay ganito at ganito..."
(Sahih al-Bukhari, Hadith No. 1913)

📍 Paliwanag: Sa pamamagitan nito, ipinaliwanag ng Propeta (ﷺ) na ang kanilang paraan ng pag-alam ng panahon ay sa pamamagitan ng visual na pagmamasid, hindi sa komplikadong mathematical calculations. Ibinigay Niya ang abot-kayang paraan para sa lahat.

⭕️ Ang Hadith na ito, kasama ang mga dalil na binanggit, ay nagtatag ng isang malinaw at praktikal na sistema para sa pamayanang Muslim. Ito ay nagtuturo sa atin na:

🧷 1. Maging Mapagmasid: Pansinin ang mga likhang tanda ni Allah sa kalangitan.
🧷 2. Maging Maingat: Huwag sumulong sa pagsamba nang walang katiyakan.
🧷 3. Maging Mapagkaisa: Sumunod sa isang pinagkasunduang patakaran (sa panahon ng Propeta, ito ay ang desisyon ng liderato matapos ang pagpapatunay ng saksi).
🧷 4. Maging Mapagpasalamat: Dahil ang relihiyong ito ay puno ng habag at kadalian, na hindi tayo iniiwan sa kalituhan.