Nutritionist Wafaa Al-Sharif
Partager
اخصائية تغذية علاجيه
علاج حالات السمنه والنحافه
10/06/2023
تمارين تساعد علي التخلص من الدهون
اقوي مجموعة تمارين كارديو هتساعدك تطير دهون جسمك💪♥️ . . . #homeexercises #homeworkout #sport
10/05/2023
الخس والملفوف افضل خيارين نقدرو نستعملوهن كسندويتش بديل الخبز نفس اللي في الصورة (خداع بصري😁✌)
08/05/2023
تعالو شوي هنا
خاطرك اتنقصي وزنك 🥰ومش عارفه كيف تبدي 🤔
تسمعي بالدايت وخايفه انك تبدي لانك متوقعه انه الدايت هوا الحرمان🥺؟
اكيد لا🙂 ... مفيش حاجه اسمها الحرمان بس فيه حاجه اسمها تنظيم نمط الحياة 🥰
لازم نبتعدو على هلبا اخطاء في الاكل كانت السبب في السمنه عندنا 💔
✋نوقفو شوية هنا وانجو لكلمة تنقيص الوزن!
احني مش حنقصو الوزن بيش ايكون عندنا جسم مثالي وجميل و بس ،، لا🤗 نبو ايكون عندنا جسم صحي وسليم وخالي من الامراض اللي اتسببها السمنه بجانب المظهر الجمالي للجسم😍...
باهي شن ممكن اتسببلي السمنه من امراض زي شن مثلا 🤔🤔
ممكن تتسبب في الاصابة بالسكري والقلب والسكته الدماغيه وصعوبة التنفس اثناء النوم والنقرس والسرطان( عافانا الله وإياكم )وعدة امراض اخرى ...
هدا كله بسبب زيادة نسبة الدهون في الجسم😔💔
باهي شن الحل ؟؟
الحل ساهل وبسيط في انك اتنظمي حياتك من جديد وبس
شن دخل تنظيم الحياة في السمنه🤔؟؟
تنظيم الحياة هوا اساسا علاج السمنه
انك اتنظمي ساعات نومك [النوم يساعد الجسم على تنظيم الهرمونات المتحكمة في الشهية والتمثيل الغذائي]
وفي انك تحافظي علي وجبة الفطور وحنتكلم عليها في بوست بإذن الله
وانقصو من الخبزة اللي امدخلينها في كل شي تقريبا وهدي كارثه الخبزة فيه اللي ياكل فيها حتى مع الدلاع💔
انحاولو نلغو الوجبات الغير صحيه🌭🥞 ونستبدلوها بالوجبات الصحيه 🥦🥬🥣
وانحافظو على تناول الخضروات 🥕🥒والفواكه🍏🍐
والاهم من هدا كله المية فيه اللي ميشربش غير في كوب واحد بس في اليوم وهدا اكبر خطأ عالاقل نحافظو على شرب8 اكواب يوميا..
حاولت نختصر قدر الامكان بس حبيت نحكي علي الرياضه قبل ..
الرياضه مهمه جدا جدا اقل شي نقدرو انديروه وانحاولو انحافظو عليه ويعتبر اول شي لازم نبدو بيه هوا المشي🚶♀️ . الموضوع يبي شوية عزم بس ❤
لعند هنا ينتهي البوست وان شاء الله اتكونو استفدتو شوي 🤗🥰ودمتم في حفظ الله 🌸
07/05/2023
السلام عليكم ورحمة الله وبركاته
انا اخصائية التغذية العلاجية /وفاء الشريف لعلاج حالات السمنه والنحافة 🌸
وقفت العمل في المصحات لأسباب شخصية💔 وحبيت نفتح الصفحه لرغبة حالاتي في المتابعه معاي ❤🥰
اللي حابة تنقص وزنها او اتزيده تتواصل معاي عالخاص ونبدو في الاشتراك الشهري والمتابعه الاسبوعيه
وبإذن الله حيكون فيه نصائح تنزل بإستمرار في الصفحه😍
Cliquez ici pour réclamer votre Listage Commercial.
Type
Site Web
Adresse
الخمس_كعام
Democratic Republic Of The