BARBIER Antonio Rotonda

Foto von Tobi G. "Fotowettbewerbgewinner"

Frohe Ostern

ADAMSON von O.Jacobsson

Frisuren erzählen oft Geschichten – Street-Style-Looks in Zürich Wir haben Menschen auf der Strasse fotografiert und sie zu ihrer Beziehung zu ihren Haaren befragt.

My Gwaffeer (Fir Nitbasler: Mein Coiffeur)

Syt Wuche isch s'Gschäft vo mym Gwaffeer gschlosse,
wägem Corona-Virus het me das eso beschlosse.
Är deerf nit schaffe, muess warte, isch nit z'benyde,
ka kain rasiere und niemerem jetzt d'Hoor no schnyde.

Derby waggse d'Hoor, es isch eso
me sett scho lang zem Gwaffeer go.
D'Lyt luege sich im Spiegel a und sinn entsetzt,
wie neetig dr Gwaffeer isch, das mergge si erscht jetzt.

Die Ainte schnipsle sälber, anderi leen's sy und steene,
ass d'Gwaffeer zue hänn, do dra mien sich alli gweene.
Villicht isch's in dääre Zyt au emool guet,
ass me d'Arbet vom Gwaffeer mee schetze duet.

Au ych ha syt drei Mönet my Gwaffeer nimme g'see,
au myni Hoor sinn g'waggse immer mee.
Ych hätt zwoor Zyt gha, mi z'rasiere, ha's aber blyybe lo,
was do druus wird, das hett mi wunder gno.

Dä Wunderfitz drybt nit nur mi umme, er isch Mode worde,
iberall see ych immer mee Männer vo däre Sorte.
In dr Familie luegt me my Veränderig skeptisch a,
es haisst: "Papi, du seesch bald uus wie dr wildi Ma."

Me sait mr au: "S'isch nit so schlächt, mach wyter so,
kasch im Dezämber als Santiglaus denn mit is ko."
D'Heelebewooner hänn sich rasiert mit d'Klinge uus Stai,
ych hätt e Rasierapparat und derzue no scharfi Klinge dehai.

Sell ych sälber schnipsle, schaabe, was kunnt uuse do derby?
Ych waiss nit rächt und beschliess: Das loss ych sy.
Ych wart lieber, bis my Gwaffeer uff dr Lyss am Egge,
wider schaffe deerf und hoff, är duet nit z'fescht verschregge.

Nooch Wuche isch es denn sowyt und ych bi froo,
s'Warte het sich g'loont, ych gha zue mym Gwaffeer go.
Är luegt mi a, sait: "Do druus ka me scho no e ebbis mache."
und leegt barat zem Schnipsle alli syni Sache.

Denn foot är a, d'Hoor, dr Schnauz und dr Bart kemme dra,
am Schluss see ych nimm uus wie dr wildi Ma.
My Gwaffeer uff dr Lyss am Egge, är isch guet syt vyyle Joor.
Dehai luegt mi my Frau a und sait: "Das isch wirggligg woor."

- Hans Buchert

Mit neuer Mähne aus der Quarantäne

Mittellange Männer Hairstyles ...

Ab dem 27. April 2020 ist der Barbier wieder offen.

Bis dahin können Termine bereits unter der gewohnen Telefonnummer 061 261 61 62 vereinbart werden.

Weitere Informationen unter

BARBIER Antonio Rotonda

Lockdown
bis am 26 April

Im Spiegel Obdachlose Menschen wagen den Blick in den Spiegel. Im mobilen Coiffeursalon von Anna Tschannen begegnen sie ihrem verletzlichen Selbstbild.