Christine Helaleh

🌸الترند المنتشر حالياً والجزء الاكبر من استشاراتي اليومية بالعيادة هو: إبر التنحيف مونجارو واوزمبك💉

الكل عم يحكي عن Mounjaro وOzempic لتنزيل الوزن بدون دايت وبدون رياضة 😳

لهيك خلينا نوضح الحقيقة 👇

❌ أكبر خطأ هو استخدام هالإبر بدون نظام غذائي غني بالبروتين وبدون ممارسة الرياضة
➡️ بهالحالة الجسم ممكن يخسر كتلة عضلية بدل ما يخسر دهون! 😕

⚠️ كمان، ما بصير استخدام هالإبر بدون:

* تحاليل طبية 🧪
* واستشارة دكتور مختص 👩🏻‍⚕️

🚫 معلومة مهمة:
الإبرة ما بتحدد وين ينزل الوزن!
يعني ما فيها تستهدف بس البطن أو الأرداف 🙅‍♀️

✅ إذا عندك تجمع دهون بمنطقة معينة، الحل بيكون:

* تمارين مخصصة 🏋️‍♀️
* مع نظام غذائي مناسب 🥗

💡 الخلاصة:
الإبر ممكن تساعد، لكن مو حل سحري ✨
والنتيجة الصح بتجي من توازن بين العلاج + الأكل + الرياضة 👍
د. كريستين هلالة👩🏻‍⚕️

🌸تمنياتي بأعياد مباركة للجميع وفصح مجيد🌸

د.كريستين هلالة👩🏻‍⚕️

✨ نصائح غذائية مهمة لضبط السكري الحملي ✨

✨ ضبط أرقام السكر خلال الحمل من خلال نظام غذائي صحي ومتوازن شيء ضروري، وبيساعد كتير من الحوامل يسيطروا على السكر بدون الحاجة لاستخدام الإنسولين💉

🥗 حاولي تبعدي عن المقالي بكل أنواعها، مثل البطاطا المقلية أو الخضار المقلية.
🍰 ابتعدي عن الحلويات الجاهزة والمصنّعة.
🥤 كمان حاولي تتجنبي المشروبات المُحلّاة مثل العصير الجاهز، الكولا وأي شي مشابه.

🍚 النشويات (الكربوهيدرات) بترفع السكر، بس ما لازم تمنعيها بشكل نهائي مثل الرز، البطاطا أو المعكرونة… الأفضل تاكلي منها بس نص الكمية.
🍞 بدّلي الخبز الأبيض بخبز أسمر أو خبز شوفان.

🥬 فيكي تاكلي خضار وسلطات قد ما بدك بدون قلق.
🍎 الفواكه فيها سكر، فالأفضل تاكلي حبة وحدة كسناك خفيف بين الوجبات.
🤤ضروري تعتمدي نظام ٣ وجبات، مع سناك بين الوجبات ازا حسيتي بالجوع. الامتناع عن وجبة واكل كمية كبيرة فجأة بيرفع السكر وبصعب عليكي ضبط الارقام.
🥛 الحليب مفيد وغني بالكالسيوم وضروري، بس كمان ممكن يرفع السكر، فحاولي تشربي كوب كـ سناك بين الوجبات.

💧 ولا تنسي تشربي مي بكميات كافية طول اليوم.

🌸 التوازن والمتابعة مع الطبيب أو أخصائي السكر ضروري لحتى يمرّ الحمل بأمان إلك وللبيبي

لاتنسوا تعملوا لايك للبوست وفيكن تشاركوا البوست مع اي مامي حامل ومعا سكري حمل وبيبي حلو متل العسل 🤰🏻
د. كريستين هلالة👩🏻‍⚕️

عن طريق هاد اللينك بامكان كل اصدقاء الصفحة الجدد انو يفوتوا يقروا معلومات وبوستات سابقة عن السكري الحملي🌸

https://www.facebook.com/share/p/18fVVnbm5S/?mibextid=wwXIfr

السكري إلو أنواع، وسببو بيختلف حسب النوع:

🔹 السكري الشبابي (النمط الأول): بيصير لما البنكرياس يوقف يفرز الإنسولين، وعلاجو بيكون بالإنسولين وبس.

🔹 السكري النمط التاني: غالباً سببو زيادة الوزن، قلة الحركة، والأكل اللي فيه سكريات كتير.

🔹 السكري النمط التالت: بيجي بسبب أمراض بالبنكرياس، مثل الالتهابات أو الأورام.

طيب شو قصة “الزعل بيجيب سكري”؟ 🤔
هالحكي مو صحيح ❌

الزعل أو التوتر ما بيسببوا السكري من الأساس.

بس 👇
إذا الشخص عندو سكري من قبل، وكان السكر عندو مضبوط، ممكن يلاحظ إنو لما يزعل أو يتوتر أو يمرض أو ما ينام منيح، السكر عندو بيعلى.

ليش؟
لأنو الجسم بيفرز هرمونات منسميا هرمونات الشدة (مثل الكورتيزول) وقت التوتر، وهي الهرمونات بترفع السكر.

📌 الخلاصة:
الزعل ما بيسبب السكري،
بس ممكن يرفع السكر عند مريض السكري 👍

لاتنسوا لايك للبوست ومتابعة للصفحة لتوصلكم البوستات الجديدة
د. كريستين هلالة👩🏻‍⚕️

أصعب شيء بحمية مريض السكري هو الابتعاد عن الحلويات… وللأسف، الممنوع مرغوب 😓🍰

لكن في حل بسيط وسهل للي بيشتهوا الطعم الحلو بدون ما يضرّوا بصحتهم 👇
ممكن استخدام بديل السكر المعروف باسم ( الارتريت) Erythrit في تحضير الحلويات المنزلية.

الـErythrit متوفر على شكل بودرة، وبيُستخدم للخبز وتحضير وصفات حلوة بطريقة آمنة نسبيًا لمرضى السكري، لأنه ما بيرفع مستوى السكر في الدم مثل السكر العادي.

وهو مشابه جدا لحبوب السكرين او حبوب بدائل السكر اللي بيستعملوها المرضى مع الشاي والقهوة.

💡 نصيحة: الطعم ممكن يختلف شوي عن السكر، لكن مع التجربة بتوصلوا لنتيجة رائعة.

ولا تنسوا تعملوا 👍 لايك للبوست ومتابعة للصفحة ليصلكن كل جديد 💖
وشاركوا هالبوست مع أي شخص ممكن هالمعلومة تفيده 🙌

د. كريستين هلالة

📌 سؤال سريع كنا طرحناه من قبل:
هل يُسمح بترك قلم الإنسولين المفتوح خارج البراد؟ 🤔
والجواب كان: نعم! 👏 ومعظمكم جاوب بشكل صحيح 👍

💉بعد أول استخدام لقلم الإنسولين، فيك تحتفظ فيه بدرجة حرارة الغرفة لمدة 3–4 أسابيع فقط.
⏳ بعد هالفترة لازم يتم التخلص منه ❗ حتى لو ما خلص.

❄️ أما أقلام الإنسولين الاحتياطية (غير المفتوحة)، لازم تضل محفوظة داخل البراد لوقت استخدامها.

⚠️ هالتفاصيل الصغيرة بتفرق كتير بفعالية العلاج وسلامتك، فلا تهملوها!

💙 إذا حبيتوا هالمعلومة واستفدتوا منها:
👍 لا تنسوا اللايك
🔔 وتأكدوا إنكم عاملين متابعة للصفحة ليوصلكم كل جديد.

#د.كريستين هلالة