Moe

မိုးလင်းတော့
အရှေ့အရပ်က လှတယ်။
မိုးချုပ်တော့
အနောက်အရပ်ကလှတယ်။
မင်းလှတာကြတော့
တစ်နေ့လုံး ဘယ်အချိန်ငေးငေး။

#ဝင်းမြင့်

တချို့မေတ္တာတရားတွေက
အသံမထွက်ပေမယ့်
ယုံကြည်လို့ရတယ်
အပြည့်အဝချစ်ပေးလည်း
ဘာထိခိုက်နာကျင်မှုမှမရှိဘူး ။

#ဖားစည်ရည်ကျော်

အသက်ကလည်း မငယ်တော့
အရွယ်ကလည်း ရင့်ပြီ

ကိုယ့်ရင် ကိုယ်ဖွင့်ကြည့်မိတော့ အံ့အားသင့်စရာ
ပန်းခြောက်လေး တပွင့်တောင်မှမရှိ။

- လှသန်း

ကိုယ် ဗေဒင်တွေ
မေးဖြစ်တယ်။

ဗေဒင်ဆရာတွေက
မင်းနဲ့ကိုယ်
မပေါင်းရဖူးတဲ့။

ခု တားရော့ဘက်
ပြောင်းမေးနေပြီး ။

-ဥက္ကာ

ဘုရားကျောင်းကန် သွားကြပါရဲ့
တရားဓမ္မ ပျောက်နေတဲ့မြေ၊

'ဩကာသ’ ဆိုတာ၊ နှုတ်ဖျားက သံစဉ်တစ်ခုပဲလား
တစ်ကိုယ်ကောင်းဆန္ဒ၊ ကိုယ်ချင်းစာစိတ်မရှိ၊
ဒီလို လူကြီးတွေရဲ့၊ ရိပ်မြုံထဲမှာ
လူငယ်တွေ...
လူကောင်းဖြစ်ဖို့၊ ဝေးခဲ့ရပေါ့။

_​မောင်​ဟေမာ

စိတ်ထဲက အသံတွေကိုကြားရဖို့

နားရွက်တွေမလိုဘူး

နှလုံးသားတစ်စုံရှိရင် လုံလောက်ပြီ ။

#ဂန္ဓမာ

မမှားအောင် နေရုံနဲ့
လူပီသတယ် ပြောမရဘူး
တရားသော အလုပ်ကို
နှလုံးသားနဲ့ လုပ်ဝံ့ပါမှ
လူတစ်ယောက်လို့ သတ်မှတ်ရတယ်။

သူလိုကိုယ်လို
ရင်ခုန်တတ်ရုံလောက်နဲ့
လူပီသတယ်ဆိုပြီး
လက်ခမောင်းမခတ်ပါနဲ့
လူကြီးမင်း ။ ။

#ခွန်ဟိဏ်း ( ရေစကြို )

တစ်ချို့ပုံပြင်​ဟောင်း​တွေကျ​တော့လည်း

ဘယ်ချိန်ပြန်ဖတ်ဖတ် အနုပညာဆန်​နေတာမျိုး ။

#မောင်​ဟေမာ

အရှေ့ကိုသွားပေမယ့်

အနောက်မှာ ကျန်ခဲ့တဲ့အတိတ်ကလည်း

ပြန်ငေးတိုင်း လှနေဆဲ

အမှတ်တရထဲ မင်းပါလို့ ထင်ပါရဲ့။ ။


#ဆန်းကျော်စွာဝင်း

တိတ်ဆိတ်နေတဲ့သူတိုင်း

ပြောစရာ

မရှိတာ မဟုတ်ဘူး။

နားထောင်မယ့်သူ

မရှိတော့လို့။

-ဂျိန်းစ်