Kawaii Skin Cosmetics

أنوثتك في ريحتك ونقاوتك 🎀 الثلاثي المنعش
لو خيروكي !!..واش راح تخيري بين هاذو 3 ..
✅ المسك الأبيض (هذا إدمان)
✅دوڤ (عشقي)
✅ ساكورا (جنينة ورد في علبة)

عروض نهاية شهر أوت 🎁🎀

1. 👭 عرض الأخوات

> جيبي أختك واستافدو في زوج من سعر خاص 💕
مثلاً: عند شراء مجموعتين، خصم 15% لكل واحدة.

2. 🎂 عرض مواليد أوت كل وحدة مولودة في شهر أوت عندها هدية أو تخفيض خاص من اختيارها 🎁
مثلاً: -20% على منتج تختارو أو صابونة هدية.

3. 👰🏻‍♀️ عرض العرايس باك خاص للعروسة قبل العرس:

عناية الوجه

عناية الجسم

ترطيب

صابونة/ مقشر
مع سعر باك خاص + هدية للعروسة.

4. 👯‍♀️ عرض الصديقات " تحت شعار أنا وصاحبتي نستاهلو ندللو رواحنا" 😂💕
إذا شريتو في زوج، كل وحدة تستفاد من تخفيض خاص.

5. 💕 عرض الأم والبنت للأم وبنتها: باك مزدوج بسعر خاص، وممكن هدية صغيرة لكل واحدة منكما.

6. 🛍️ عرض "خذي أكثر وخلصي أقل"

منتج واحد → السعر العادي

2 منتجات → تخفيض 5%

3 منتجات → تخفيض 10%

مجموعة كاملة → أفضل سعر 15%

---

📢 الحاضرة تعلم الغايبة…
وخاصة لي راهي تقول: "نستنى حتى آخر الشهر ونشري" 😂

آخر الشهر عند Kawaii Skin ما يتفوتش 💗

أحجزي العرض تاعك في الخاص الآن

#تخفيضات عناية_بالجسم

الوووو مينوشاتي 📞😂💗

أجرووو لـ Kawaii Skin 🚨
خاطر راح تعاودولكم تخفيضات هباااال تاع آخر الشهر 😭🔥

وهاذ المرة ماشي تخفيض وخلاص…
حضرنا لكم عروض على حساب شكون جاية معاكِ 👀💕

👭 عرض الأخوات
👯‍♀️ عرض الصديقات
👰🏻‍♀️ عرض العرايس
🎂 عرض مواليد شهر أوت
👩‍👧 عرض الأم والبنت

يعني باختصار…
ما تجيش وحدك! 😂

جيبي أختك، صاحبتك، بنتك، ولا حتى العروسة لي راهي تحوس على شوية دلع ودلال قبل عرسها 💍✨

والأجمل أنوووو:
🎁 كاين تخفيضات
🎁 كاين هدايا
🎁 وكاين عروض ما راحش نكشفو عليها كامل حتى يبدأ العرض وطلعولي المنشور وأكيد راح نختار وحدة من المتفاعلات في التعليقات على هذا المنشور 👀

📢 الحاضرة تعلم الغايبة…
وين هي هاذيك لي راهي تقول: "نستنى حتى آخر الشهر ونشري" 😂

آخر الشهر عند Kawaii Skin ما يتفوتش 💗 حبيبتي

خليكم متابعين الصفحة…
العروض راح نعلنو عليها وحدة بوحدة 🔥

#تخفيضات عناية_بالجسم

ليبسيكولوغ لي معانا في الصفحة نحتاجوا رأي علمي وطبي في سلوك هاد الأشخاص
منشور للحذف باه كل وحدة ماعندهاش غرام تربية دير حسابها كي تجي تعلق ..لأنه أي خطأ نحاسبك عليه...عندك عقد روحي تقييهم بعيد علينا..هنا صفحة للخدمة والاحترام.
من يومين هبطنا منشور نحكو على ترند الامهات لي راهو يدور وكل وحدة وش تهبط وتقول عمري كذا وعندي ولاد عدد كذا وهذا روتيني او مكياجي المهم منشور للنقاش كيفاش المرأة تقدر تتهلى في روحها ووش الاسباب لي يخلوها تهمل روحها...
تجي وحدة عندها مشاكل نفسية ،عقد وإضطرابات سلوكية ناتجة عن سوء التربية او عن التعنيف اللفظي والجسدي لي تعرضتلو كي كانت طفلة او غباء مخلط مع la méchanceté gratuite ..ضرك صورة متداولة ومنقولة حطيناها للنقاش ولم أنسبها لأي انسان نحكيو في العموميات هي وش وجعها ؟ حتى تفلقت كي الروڨارة أكرمكم الله هك؟
للعلم بعد تعليقها دخلت لبروفيلها نلقاها باعثتلي طلب صداقة عندو مدة وانا مانتبهتش اصلا باه نقبلوا ( وحتى نقبلو ولا منقبلوش هذا امر راجعلي نظن مايسببش هاد الانتفاضة والتغزال والكريز لي حكمتها)

وكل وحدة منا أكيد هي غافلة وعايشة حياتها وكاينة لي راهي كي الأفعى تتلوى منها في زاوية بعيدة مظلمة وتتربص بيها ..ردوا بالكم من القريب والغريب

صباح الانتعاش والنضارة ✨🧡🧡

واحد منهم مشكلة جلدية… والآخر جزء طبيعي من بشرتك. والاثنين يشبهو لبعض بشكل يخدعك! 😳

🖤🤍 راكي متأكدة بلي النقاط السوداء لي في نيفك كامل "رؤوس سوداء"؟

خليني نقولك حاجة اكتشفتها بزاف نساء بعد سنوات من العناية بالبشرة:

مش كل نقطة تشوفيها في نيفك هي Point noir! 👀

كاين حاجة أخرى تشبهلها بزاف اسمها Filament sébacé، والفرق بينهم مهم جدًا لأن طريقة التعامل معاهم مختلفة.

🖤 أولًا: الـ Point noir — الرؤوس السوداء

الـ Point noir (Blackhead) هو نوع من الكوميدونات المفتوحة.

يحدث كي تتجمع داخل المسام الدهون (sébum) مع خلايا جلد ميتة، وتتشكل سدادة.

وعلاش لونها يولي أسود؟

اللون الأسود ينتج أساسًا عن تأكسد المواد الموجودة في السدادة عند تعرضها للهواء، وليس عن الأوساخ.

وغالبًا تقدري تشوفيه كنقطة غامقة وواضحة، أكثر بروزًا وثباتًا.

وإذا كان عندك عدد كبير منها مع حبوب أو انسداد متكرر، ممكن تكون جزءًا من حب الشباب الكوميدوني.

---

🤍 أما الـ Filament sébacé… هنا تبدأ الحكاية!

الخيط الدهني (Filament sébacé) ماشي "وسخ" وماشي بالضرورة مرض جلدي.

هو جزء طبيعي من بنية الـمسامات pores.

وظيفته مرتبطة بمرور sébum من الغدة الدهنية نحو سطح الجلد.

يعني ببساطة:

الغدة الدهنية → sébum → pore → سطح البشرة.

ولهذا تلقايهم غالبًا في المناطق اللي فيها غدد دهنية كثيرة، خاصة:

👃 الأنف
🫧 الذقن
وأحيانًا الجبهة ومناطق أخرى من الوجه.

وشكلهم غالبًا يكون:

▫️ نقاط صغيرة جدًا
▫️ متقاربة ومنتظمة
▫️ لونها أبيض، رمادي أو مصفر، وأحيانًا تبدو أغمق بسبب الإضاءة أو لون البشرة
▫️ وتكون أقل وضوحًا من الرؤوس السوداء الحقيقية.

😱 وهنا الغلطة اللي يديروها بزاف منا…

نعصروا على الأنف ونشوفو حاجة صغيرة خرجت من المسام وتقولي: "شوفي الوسخ اللي كان داخل!" 😂

لا حبيبتي… مش بالضرورة وسخ.

ممكن يكون خليط من sébum + خلايا جلدية + مواد موجودة طبيعيًا داخل المسام.

وإذا كان Filament sébacé، راه جزء طبيعي من بشرتك.
لهذا حتى لو نحيتيه بالضغط اليوم…
يرجع يتكوّن من جديد.
لأنك ما نحيتيش "المشكلة"، وإنما نحيتي محتوى طبيعي للمسام.
🚨 وش يصرا كي تعصريهم بقوة؟
هنا لازم نكونو حذرين.
العصر المتكرر والقوي يقدر يسبب:
❌ تهيج واحمرار
❌ التهاب
❌ جروح صغيرة
❌ زيادة خطر التصبغات عند بعض الأشخاص
❌ وحتى أذية للجلد إذا كان الضغط عنيف ومتكرر.
والأسوأ؟
ممكن تقعدي كل يوم تعصري نفس المنطقة لأنك تحاولي "تنظفي" حاجة البشرة أصلًا تعاود تكوّنها.
🤔 وهل نقدر نتخلص منهم نهائيًا؟
Point noir؟
نقدرو نقللو منه ونسيطرو عليه بالعناية المناسبة، لكن قابلية البشرة لتكوين الكوميدونات ممكن تبقى موجودة.
Filament sébacé؟
❌ لا يمكن إزالته نهائيًا.
لأنه جزء طبيعي من عمل المسام والغدد الدهنية.
الهدف ماشي نخليو الأنف بدون أي نقطة.
الهدف هو نخليو البشرة متوازنة وصحية وأقل انسدادًا وتهيجًا.
🧴 وش نديرو إذن؟
إذا عندك انسداد ورؤوس سوداء، بعض المكونات ممكن تساعد، ومن أشهرها:
🧪 Salicylic Acid
حمض الساليسيليك BHA يقدر يساعد في تقليل تراكم الدهون والخلايا داخل المسام، وبالتالي يساعد في التعامل مع الرؤوس السوداء والانسداد.
لكن ⚠️:
المزيد ماشي دائمًا أفضل.
الإفراط فيه، خاصة إذا كانت بشرتك حساسة أو تستعملي عدة مواد فعالة مع بعض، يقدر يسبب:
جفاف + تهيج + احمرار + ضعف في حاجز البشرة.
لذلك الاستعمال يكون حسب احتياج البشرة وتركيبة المنتج وتعليماته.
ومعاه طبعًا:
☀️ واقي الشمس نهارًا
🧴 ترطيب مناسب
🫧 تنظيف لطيف
🚫 وتوقفي عن العصر العنيف والمتكرر.

كنتِ تعرفي الفرق بين Point noir و Filament sébacé، ولا كنتي تحسبيهم نفس الحاجة؟
وإذا أول مرة تعرفي المعلومة، احفظي المنشور وشاركيه مع صاحبتك اللي مازال تعصر في نيفها 😂🤍
وتابعي الصفحة إذا حبيتي تتعلمي أكثر عن بشرتك والعناية بيها بالمعلومة الصحيحة، بعيدًا عن الخرافات والمبالغات.

المرأة اللي تضحي بنفسها totalement مبعد تكتشف أنها رجعت آخر أولوية عند الجميع.

🔥 ارواحوا نهدروا بصراحة… بلا مجاملة!

شفت هاد المنشور في واحد الجروب، وبصراحة ما حبستش عند حكاية 7 أولاد وراجلها يحلف عليها بيمين الطلاق وانها محرمة عليه اذا استخدمت وسيلة منع حمل.

حبست عند حاجة أخطر:

هل المرأة كي تولي أم، لازم تلغي روحها؟

تولي مهمتها:
تولد ✅
تربي ✅
تطيب ✅
تنظف ✅
ترضي راجلها ✅
تجري وراء ولادها من الصباح لليل ✅

وكي توصل لروحها "آه خليها… من بعد

من بعد نهتم ببشرتي.
من بعد نشري كريم.
من بعد نتهلى في شعري.
من بعد نشري حوايج نحبهم.
من بعد نرتاح.
من بعد نعيش.

حتى يجي نهار وتشوف روحها في المراية وتقول:

"واش صرالي أنا؟ وين راحت المرأة اللي كانت على ديدانها؟" 💔تحسي روحك شاخت وشابت قبل وقتها

واللي يقهرك أكثر😤...كاين نساء كي يشوفو وحدة تهتم بروحها يقولولها:

"عندك أولاد ومازال عندك الوقت للكريمات؟ 😂"

وكأنه العناية بالنفس معناها المرأة مهملة دارها!

لا حبيبتي. 🥰10 دقايق لوجهك ما يقتلوش أولادك.
حمام الله الله، كريم، عطر، شعر مسشور ولا شوية اهتمام بجسمك ما يعنيش راكي أنانية.

بالعكس…المرأة اللي تهمل روحها سنوات كاملة باش ترضي الجميع، شكون راح يشكرها في الأخير؟

والأقسى من هذا كامل 💔إذا الراجل يحب الاولاد وكل عام صغير، ويحب يدخل يلقى الدار نظيفة والماكلة سخونة ومايكالش البايت وكل يوم نوع كسرة ، ويحب حقوقه الشرعية

هل يجيك ويقولك: "أنا نعاونك باش يكون عندك وقت لروحك؟؟ نعطيك مصروفك..مصروف حمامك وحفافتك وكوسمتيك ولو حاجة بسيطة

ولا الخدمة تاع المرأة لراجلها ودارها وولادها واجب…
كي توصل تتهلى في روحها تولي فساد دراهم وتضييع وقت ؟ 👀

🔥 جاوبوني بصراحة:

هل المرأة الجزائرية تضحي ياسر حتى تولي في الأخير آخر وحدة يتفكروها؟

وإذا عندك أولاد: قداش من مرة في الأسبوع تديري حاجة غير على جال روحك؟

وما نقولوش "ما عنديش الوقت"…
السؤال الحقيقي: هل فعلاً ما عندكش وقت، ولا تعودتي تحطي روحك آخر وحدة؟ 👇🏻
ولو كنت في بلاصة هاد المرأة تكملي تولدي والا تحطي خطوط واضحة مع زوجك وتهتمي بنفسك ؟!
نحب التعليقات الصريحة… حتى اللي راح تختلف معايا. 🔥

✨ كيفاش نلقى مزيل عرق طبيعي وفعّال؟ ✨

إذا كنتِ من الناس لي ما يحبوش مزيلات العرق لي ريحتها قوية بزاف، ولا تحسيها قاسية على بشرتك… 🌸
حان الوقت تجربي خيار ألطف وأكثر طبيعية 🤍

🌿 مزيل العرق الطبيعي من Kawaii Skin
مصمم باش يمنحك إحساس بالنظافة والانتعاش خلال يومك، بتركيبة طبيعية ولطيفة على البشرة.

💗 علاش راح يعجبك؟ ✔️ يساعد على التقليل من رائحة العرق
✔️ يمنحك انتعاش وإحساس بالنظافة
✔️ تركيبة مناسبة للاستعمال اليومي
✔️ رائحة ناعمة ومنعشة
✔️ اختيار عملي للي تحب العناية الطبيعية

لأن النظافة ماشي معناها نستعملو منتجات قوية…
أحيانًا البشرة تحتاج غير حاجة بسيطة، طبيعية ولطيفة عليها. 🌿

🤍 Kawaii Skin — عنايتك تبدأ من اختياراتك.

📩 للطلب والاستفسار، ابعثيلنا رسالة خاصة.