Mimi cosmétique

تخفيضات بقيمة 10%على
تشكيلة منتجات العناية ب الشعر :
كريمة الشعر _حمام زيوت _شامبو السدر 🌲 السعر 4050 دج بدل 4500دج
مجموعة السيرومات :
مقشر الأحماض _سيروم الكولاجين _سيروم الفيتامين سي السعر 4550بدل 5050دج
مجموعة المنتجات اليومية :
كريمة لبان الذكر _ماء الورد _صابون ( النيلة او الجليسرين او الفحم واحد من إختيار الزبونة ) ماسك النيلة _واقي شمسي _السعر 5450دج بدل 6050دج
العرض صالح لمدة48 ساعة الكمية محدودة

وقت التخفيضات !
هبلتوني خصوصا العرائس لي راهم بكثرة هذ الفترة ربي يهنيهم
راح نعمل 2 مجموعة خاصة بالشعر
ومجموعة خاصة للوجه
راح يكون تحفيض لمدة يومين اليوم والغد فقط

تحدي الصيف 🔥: إذا عندك 500 ألف برك، واش تشري بيها من منتجات العناية؟

تحدي 3 أيام كل يوم سؤال....

*"يا البنات، صاك اليد تاعكم في الصيف واش فيه؟ 3 منتجات برك اللي ما تخرجوش بلا بيهم... ؟

*الإكزيما مش نهاية الدنيا، الإكزيما تقولك "دللي جلدي برك"*

العلاج الصح يبدا من 3 خطوات برك، وجلدك يرجع يتنفس:

1_غسول بلا ريحة، بلا مواد قاوية يكون غني بلجليسرين وجوز الهند عادة أنصح بصابون الجليسرين
*النتيجة*: حمرار يهدا، والحكة تنقص
2.كريم ثقيل غني بالزيوت الثقيلة يوميا مرتين في اليوم خصوصا بعد الدوش مباشرة. وهو الجلد مازال مندي.
3.كريمات فيها "زيت جوز الهند " ولا "أفوكادو". هادو يرقعو الشقوق تاع الجلد باش الغبرة والمهيجات ما يدخلوش.
عادة أنصح بالكريمة السحرية
*هادو "الأعداء" تاع الإكزيما... ردّي بالك منهم 👇*

*1. الصابون والغسول القاوي*
صابون فيه ريحة بزاف. ينحي الزيوت الطبيعية تاع الجلد وينشفو.
*البديل*صابون بلا ريحة مكتوب عليه "للجلد الحساس".
2. العطور والروايح*
برفان، كريمات معطرة، حتى الشامبو المعطر. الريحة = مهيج رقم 1 للاكزيما.
*الحل*: قولي "بلا ريحة / Sans parfum" كي تشري أي حاجة.
*3. القماش الخشن*
الصوف، النايلون، البوليستر يلسق في الجلد. يحك ويزيد الحكة ويعرق.
*أحسن حاجة*: القطن 100% راهو حنين على الجلد.
*4. العرق والسخانة*
كي تتعرقي، الملح تاع العرق يدخل في الشقوق تاع الجلد
*الحل*: دوشي بمو بارد/فاتر من بعد الرياضة ولا كي تخرجي في الشمس.
*5. الغبرة*
المخاد والزرابي القدم اللي فيهم الغبرة يهيجو بزاف، خاصة للصغار.
*الحل*: غطي المخدة بغطا ضد الغبرة، ونقي بالميكروفيبر.
*6. الكلور والمواد الكيميائية*
جافيل، مواد التنظيف القاوية. يذوبو السور تاع الجلد.
*الحل*: ديري ڨون دايماً كي تنقي، ولا استعملي مواد "ecological".
*7. الماكلة - على حساب الشخص*
كاين ناس الڨمح، الحليب، المكسرات، البيض يهيجوهم. بصح ماشي كامل الناس كيف.
*الحل*: لو شكيتي في ماكلة، ديري "مفكرة" وشوفي واش يهيجك.

ديري "اختبار الرقعة": أي كريم جديد او منتج ، جربيه في بلاصة صغيرة ورا ودنك 24 ساعة قبل.
*السر تاع الناس اللي ربحو الإكزيما و حتي تعالجت ؟* الاستمرارية.
يوم ترطبي، 10 أيام ترتاحي. كي تحبسي، هي ترجع.

_ملاحظة مهمة : لو الحكة قاوية بزاف، الجلد يخرج في الما، ولا ما راحتش بالكريمات، لازم تشوفي طبيب الجلد. هو يعطيك الدوا المناسب لحالتك، خاطر كل واحد واكزيمتو كيفاش.

الإكزيما يا أختي اسمها العلمي "التهاب الجلد التأتبي". بصح احنا نقولو عليها "جلد حساس وزعفان" 😅
1. علاه تجي الإكزيما؟*
تخيلي جلدك فيه سور يحميه ويحبس الما لداخل. السور هذا يتكسر ويولي فيه شقوق.
كي يتكسر السور:
1. *الما يهرب* → الجلد ينشف ويولي كي ورقة ناشفة
2. *الغبرة والعطر يدخلو* → الجسم يغضب ويولي يحك ويحمار
*2. كيفاه تعرفيها؟*
العلامات اللي ديما تجي معاها:
- *الحكة*: هادي هي الملكة. خاصة بالليل، تحكي حتى تتجرحي
- *النشفان والقشور*: الجلد يولي خشن ويتقشر
- *الحمرار*: ولا لون قهوي غامق على البشرة السمرا
- *الجلد يتخن*: مع الحك بزاف، البلاصة تولي غليظة وخشنة
*3. وين تجي بزاف؟*
- *الصغار*: في الخدود، الركاب، والمرفق
- *الكبار*: في الرقبة، ورا الركبة، بين الصوابع، واليدين
*4. علاه جاتني أنا؟*
ما عندهاش سبب واحد. هي خلطة:
1. *الوراثة*: لا باباك ولا يماك عندهم حساسية ولا ربو، احتمال تجيك
2. *الجو*: البرد والنشفان يهيجوها
3. *الماكلة والمواد*: صابون قاوي، عطر، صوف، حتى العرق
4. *القلق والتوتر*: كي تزعفي، هي تزيد
*أهم حاجة لازم تعرفيها*: الإكزيما ماشي معدية! لا تخافي، ما تنتقلش كي تسلمي على واحد.
الإكزيما تجي وتروح. كاين "نوبات" تهيج، وكاين وقت ترتاح فيه البشرة. والمفتاح هو الروتين والترطيب.
الحل 👈👈👈في المنشور القادم

*صيفك يستاهل حماية... مش حروق! ☀️*

الجو سخون، البحر ينادي... بصح أشعة الشمس ما ترحمش!

*واقي الشمس مش رفاهية، واقي الشمس ضرورة.*

كل يوم بدون SPF = شيخوخة بكرا + بقع داكنة + بشرة ترهلت قبل وقتها.
الترطيب يخليك جميلة اليوم، بس واقي الشمس يخليك ملكة بعد 10 سنين 👑

*3 ثواني من وقتك = بشرة صافية لعمر أطول *
حطيه قبل ما تخرجي بعشرين دقيقة جدديه كل ساعتين، وخلي جمالك طبيعي بدون فلاتر.

صيفك ما يكتملش بدون SPF 50+. احمي بشرتك، دلليها، وخلي وجهك يكون صحي وآمن.

*اختاري بشرتك. اختاري الحماية. اختاري نفسك* 💛

*البشرة المختلطة = T-zone دهنية( منقطة الانف والجبهة ) + باقي الوجه جاف

يعني وجهك "مختلط" بين نوعين، كأنه منطقتين مختلفتين 👇

كيف تعرفي إن بشرتك مختلطة؟
1. *الجبهة + الأنف + الذقن منطقة T*: تلمع، مسامها واسعة، ممكن يطلع فيها رؤوس سوداء وحبوب
2. *الخدود والحواف = جافة أو عادية*: تحسي بشد، قشور خفيفة،

كأن عندك بشرتين في وجه واحد 😅

لماذا تصبح مختلطة؟*
الغدد الدهنية في نص الوجه نشيطة زيادة، والغدد على الجوانب كسولة والسبب الوراثة + الجو + إستعمال منتجات غلط

*الغلط اللي الكل يطيح فيه:*
تغسلي وجهك بصابون قوي ح "تنشفي" اللمعة... فالنتيجة: الـ T-zone ترجع تفرز دهون زيادة، والخدود تنشف زيادة. خسرتي من الجهتين.

*كيف نتعامل مع البشرة المختلطة ؟
1. *غسول جل لطيف*: ينظف الدهون بدون ما يجرح الجاف يكون غني ب الجليسرين و زيت جوز الهند
2. *ترطيب منطقي*: كريم خفيف جل للـ T-zone، وكريم تقيل شوية للخدود عادة أنصح ب كريمة لبان الذكر للخدود و كريمة السحرية للجبهة
3. *نياسيناميد 5% و الكولاجين *: صاحب المختلطة. يوازن الدهون + يرطب الجاف بنفس الوقت
4. *طين أو فحم مرة بالأسبوع*: ماسك بس على الأنف والجبهة، مش على الخدود
5.سيروم على الجبهة غني ب الكولاجين و زيت بذور التين الشوكي على الخدود
6.ماء الورد داائما في الروتين يرطب و يعالج في نفس الوقت

*القاعدة الذهبية*: عالجي كل منطقة لحال. مش لازم نفس الكريم على كامل الوجه.

روتين العناية بالبشرة الجافة
الروتين الهدف منو حبس الماء و الزيوت لترطيب أكثر و التخلص من الجفاف و خشونة الجلد

1. في الصباح
1. *غسول كريمي لطيف أو صابون خفيف الرغوة يغسل بدون ما يزيل الزيوت الطبيعية أنصح دائما ب صابون الجليسرين
2. *سيروم غني ب الكولاجين على بشرة مندية شوية هو يسحب الماء للبشرة.
3. *كريم مرطب تقيل + واقي شمس SPF 50*: المرطب يقفل على الماء، والواقي يحمي من الجفاف اللي تسببه الشمس. أهم خطوة!
*2. بالليل -
1. *الغسل بصابون الجليسرين
2. *سيروم نياسيناميد 5%* و الفيتامين سي: يوحد اللون ويقوي حاجز البشرة.
3. *كريم مرطب تقيل أو زيت *: زيت الجوجوبا، الأرغان،زبدة الشيا طبقة خفيفة. هاد "يقفل" الترطيب طول الليل. عادة أنصح ب الكريمة السحرية لأنها تحتوي على مجموعة من زيوت ثقيلة
*قواعد ذهبية للجافة:*
1. *الغسل بالماء البارد أو القريب للبرودة فقط *: الماء الساخن عدو رقم 1 ينشف البشرة زيادة.
2. *لا تفركي وجهك*يعني ماتحكيش وجهك : نشفيه بالطبطبة بفوطة قطن ناعمة.
3. *رطبي 24 ساعة*: أول ما تحسي بشد، بخاخ ماء + كريم طبقيه فورا قبل ما تنشف بشرتك
4. *ابتعدي عن*: الكحول، العطور، أحماض التقشير القوية، المقشر الفيزيائي "الحبيبات". كلها تجرح البشرة الجافة.

*مكونات صديقة البشرة الجافة :*
*ديما أبحتي عليها قبل شراء منتجات العناية بالبشرة
هيالورونيك أسيد، جليسرين، سيراميد، زبدة الشيا، الكولاجين

*النتيجة*: مع أسبوعين التزام، الشد والحكة يخفو 80%. واللمعة الصحية ترجع.

أهم شي: الصبر. البشرة الجافة كيما الزرعة، كل ما سقيتيها صح كل ما نورت.
قلولي في تعليقات روتينكم الحالي حتي نحاول تصليح الروتين تعكم

صغير ومحاينو كبار 🤍🤍🤍 زيت بذور التين الشوكي لي أكثر منتج عليه طلب وعليه إقبال و أكثر منتج يلحقو عليه نتائج مفرحة
هبلتوني من صبح وانا نجاوب على رسائل ملحقتش
مكانش كمية كبيرة بصح كنت وعدتكم ب تخفيضات العيد
و كنت قلتلكم الحاجة لي نقدر عليها مذابيا نفرحكم بيها
السعر 2850دج بدل 3200 دج
العرض لمدة 24 ساعة فقط الكمية محدودة