Fans de oriflame

اعرق الحلويات الجزائرية الدزيريات 😍 الحلوى التقليدية الجزائرية 🇩🇿🇩🇿العاصمية
حلوى الدزيريات و اسرار نجاحها

العجينة :

3 كيلات فرينة +نص كيلة مرغرين توريق ذايبة و باردة +لافاني، ماء و ماء زهر

الحشو :

لوز مرحي + سكر عادي + مبشور قارص + بيض
لاجولي. شربات . عسل

العجينة : #

نديرو ثلاث كيلات فرينة و نزيدولها نص كيلة مرغرين التوريق – هنا نستعملو مرغرين التوريق ماشي سمن باش هاذيك الحبة نتاع دزيريات تبقى واقفة ما تتكمش ،بسوها مليح بيديكم دخلو مرغرين في فرينة و زيديولها لافاني من بعد اجمعوها بالماء وماء زهر و خليوها تريح على الاقل نص ساعة .كل ما ريحت كل ما تعطيكم نتيجة مليحة.

الحشو :

ديرو دايما كمية تاع اللوز نصها سكر ،يعني مثلا 400 غ لوز ديرولها 200 غ سكر عادي ،قشور القارص كثرو شوي باش يغطيو على ريحة البيض و ديرو لكل 100 غ لوز مغرفة مرغرين ،يعني هنا نديرو 4 مغارف كبار مرغرين ،ونخلطو بيضة كاملة مع صفار نبداو نشمخوالحشو بالشوي لازم تعجنوها مليح تحسو السكر تخلط مع اللوز .و من الاحسن تخدموها ليلة قبل باش تشربلكم و تجيكم معسلة .دايما نقولكم اللوز اعجنوه بدبزتكم ما تعجنوهش بالاصابع خطراش بالاصابع يخرجلكم الزيت نتاعو
هنا نعطيكم ملاحظة كلغ لوز يخرجلكم 60 حبة من دزيريات

اوزنو اللوز 30 غ لكل حبة و جدوهم على خطرة و حطوهم جانبا و دايما يكون مغطي ما تخليوهش للهوا ينشفلكم – العجينة تاعكم جامي تعجنوها بيديكم اعجنوها في المشينة عقبو العجين نتاعكم في رقم 1 ربعة ولا خمس مرات باش هاذيك حبيبات نتاع مرغرين تروح وتولي عجينة رطبة

اذا مشينتكم فيها رقم 9 حلو عجينتكم في رقم 1 من بعد رقم 4 و 7 واذا مشينة نتاع رقم 7 ديرو 1 و 3 و 5 يعني تنقصو زوج ارقام قبل لخر و رشو الفرينة في طابلة الي تخدمي بيها باش العجينة ما تلصقلكمش و ما تعاودش تتكمش كي تقطعوها،
استعملو اومبروت بياس رقم 10 ما تكثروش فرينة بزاف باش العجينة الي تقعدلكم ما تيبسلكمش ،
ديرو شوية فرينة تحت ديسك نتاعكم و حطو الحشو في النص و ادهنو الحشو بشوي بياض بيض ما تكثروش باش ما تتقطعلكمش العجينة و ابداو اقرصوها سواء بصباعكم او استعملو كيردون،كي تكملو ادهنو الحشو من فوق بلاجولي باش يعطيها لمعان و يحمرهالكم مليح
من بعد تخرجوها من الفرن ندخلوها في الشاربات باردة
شهية طيبة

بسبوسة هايلة 😋
المقادير :

ل الشربات :
2 كيسان من السكر
4 كيسان من الماء
شريحة ليمون

ل البسبوسة :
3 بيضات
كاس سكر
1 كاس زيت
1 كاس حليب
1 قشر ليمونة
2 كيسان و نصف من السميد المتوسط
1 ملعقه فانيليا
كيس من خميرة الحلويات

طريقة التحضير :

ل الشربات :
نحط السكر و الماء في قدر أولا ثم نحطه ع النار و نتركه لما يغلي نقص للنار و نضيف الليمون و نتركه يغلي ل مدة 20 دقيقة ثم نتركه يبرد

ثم اخفق البيض والسكر ب الخلاط حتى يتحول الي كريمه ثم نضيف المواد السائلة و نخلط و و بعدها نضيف المواد الجافه و نستمر ب الخلط ثم نحط الخليط في قالب و ندخله الفرن الذي قمنا بتسخينه مسبقًا 180 درجة ، حتى يصبح لونه ذهبيًا.
نخرجها من الفرن لمدة دقيقة واحدة ونصنع ثقوبًا ب الشوكه. و بعدها نصب الشربات المبردة تماما و نزينها.

اذا كنتي حابه تشتركي معايا في جميع انواع الحلويات الشرقيه والغربية ديري متابعة