Fresh juice with kouki

صباح الخير
الحمدلله حمدا كثيرا مباركا فيه ❤️
عاودت صورتلكم العصائر فالضو يبانو احسن من لبارح
رح نبعثهم بعد قليل
خلولي رايكم 😍
وهذا عصير الجزر الطبيعي ودبس التمر الطبيعي لمرضى السرطان ❤️
وشاركو المنشور من فضلكم ❤️

الحمدلله كملت عصير الجزر 😍 راني نشوف فيهم وفرحانة خدمتهم جاتني ساااهلة وممتعة لانها صدقة الحمدلله حمدا كثيرا😍 ربي يتقبل منكم ويثبت اجركم 😍
خرجتلي 25 قارورة وشوييييتح قيس مانذوق ههههه وبنين بنين بنين وش نقولكم مشاء الله ❤️ من فضلكم طلعولي المنشور الصفحة راهي في سبات 🥲
نكمل مع الدبس ثاني راه مع العصير ، ونرد على ميساجاتكم😍
وشكراااا😍😍😍

مباشر ❤️
راني نوجد في طلبية عصير الجزر الطبيعي لي تبرعتو بيه لمرضى السرطان 😍 رح يوصلهم غدوا صباح ان شاء الله 😍

حمدلله منتجات كوكي الطبيعية تحقق نتائج ايجابية في صحة الزبائن ❤
هذي نتيجة زبونة كانت عندها فقر الدم داومت عصير الشمندر الطبيعي ودبس التمر الطبيعي والحمدلله طلع وهزت صحتها ومام وجهها تعمر ونورت مشاء الله ♥

هاذي اول صفحة بديت نخدم بيها واول طلبيات جاوني منها 😍 بديت بعصير الجزر ومنبعد زدت باقي الانواع 😍
مع الوقت تسينيالات وليميساج مايوصلونيش وليت بدلت صفحة اخرى ولي هي juice وحمدلله كملت خدمتي فيها مرتاحة
بصح تبقا هاذ الصفحة عزيزة عليا ونحب نخدم فيها مالغري تفاعل مافيهاش خلاص ومتابعين مكانش 😔💔
ان شاء الله منشوري يوصلكم بلاك حسبتوني حبست خدمة ولا ، راني نشطة فالصفحة الثانية وكاين منتجات جديدة 😍 مرحبا بيكم😍

متوفر علبة من كرات الطاقة الطبيعية كيما فالصور
العلبة فيها 5 كريات 😍 لي تديها تبعثلي

✔️كرات الطاقة طبيعية 100٪ مغذية وبنييينة❤
بما أنو أولادنا 👦🏼👧🏻راهم في الدراسة مايليقلهم غير كرات الطاقة ليراح تمدلهم الطاقة ليوم كامل خاصة انها بدون سكر و بدون مواد حافظة، طبيعية100%👌🏻 و تقدروا تمدوها لاطفالكم الصغار و خاصة لي ماعندهمش الشهية😋 وللمرضعات والحوامل مفيدة جدا في تغذية الحمل وادرار الحليب 😍 ب لا ماننساو اهميتها في التخلص من فقر الدم وزيادة الوزن اذا داومتوهم ❤ التوصيل متوفر 🚗
لطلباتكم راسلونا على الخاص

الديتوكس الاخضر لي يشربوه باش ينقصو فالوزن
راه يمشي مع سبور ، بلا سبور رح ينفعكم في امور اخرى كيما تنظيف الامعاء والجسم واذابة شحم الكبد والدم اما انقاص الوزن لا
ومستحيل نبيعلكم حاجة ومانحوسش نفهم طريقة الاستعمال تاعها وننصحكم باش توصلو لنتيجة ( لي قالولي مادبريش على زبائن . هذي خدمتي ومن واجبي ننصحكم ، بغيتو نبيعلكم ونهز دراهم بلا منحوس نورمال كثرولي من الورقة الخضرا برك 😌 )
الديتوكس متوفر يوم الثلاثاء ان شاء الله ❤️

طلبيات دبس التمر تاع غدوة
تم احتراق طلبيتكم🙂
للاسف منقدرش نوفرهولكم غدوة حتى نهار الثلاثاء
لي ميقدروش يجيو بثلاث يقولولي
وصاحبات المشاريع افصلو وقت الطلبيات من وقت شغل دار باش ميصرالكمش كيفي🙂💔 راني تحت الصدمة 🙂

طلبية مسائية
كريات طاقة طبيعة والتلبينة النبوية 🤤

وليت كلما نبغي ناكل حاجة خفيفة ندير التلبينة النبوية ❤️
حرفيا ولات وجبتي الاساسية مالغري نكره الجوز بصح علاجال الفوائد تاع التلبينة وتاعو ندير كمية صغيرة وناكلو ❤️ وصح نحس بالراحة كي ناكلها لانها خفيفة على الكرش ومام نفسيا تكالمي ❤️
التلبينة متوفرة واجدة في الصفحة
ولي يحبو يخدموها فدار اشريو معند العشاب علبة بذوق لي تحبوه وطريقتها مكتوبة فالعلبة تاعها
مليحة للحوامل والمرضعة وكبار السن خاصة لي عندهم المفاصل

غدا متوفر 💚☘️
عصير الجزر الطبيعي للامساك
عصير الكركدية لخفض ضغط الدم
الدينوكس الاخضر الطبيعي
كريات الطاقة
سناك صحي بالشوفان والمكسرات بذوق الشوكولا السوداء
دبس التمر الطبيعي
وليماسك ( ماسك اسود يزيل الرؤوس السوداء وماسك يومي طبيعي لتفتيح لون البشرة )
التوصيل غدا مساءا وسط المدينة سعر التوصيل عشرالاف وللمنزل حسب المكان
مرحبا بيكم