Natural Avrodite

نصيحة اليوم جميلتي ❤ كي تحبي تسبغي شعرك دائما استناي حتى يروح اللون القديم واذا استعملتي الحنة راكي لازم تستناي اكثر 😉

سلام الزينات 🥰 ! اليوم راح نهدرو 📣📣 على الشعر المسبوغ وكيفاش نهتمو بيه بخمس خطوات 👌 لانو يحتاج اهتمام خاص خاصة اذا سبغتيه اكثر من مرة😅 :

اولا يالزينة كي تسبغيه 🔵 دائما استعملي شامبوان للشعر المسبوغ 👱‍♀️ باش تخافظي على اللون تاعو لاطول مدة ممكنة 🕓 ومنه ماتعاوديش تسبغيه 🥰 بعد فترة قصيرة

ثانيا بلسم الشعر🧴 ، بلسم الشعر ثم بلسم الشعر (Après shampoing ) كي تسبغي شعرك راح يولي اضعف نسبيا 😪 وهاذا الشى يخلي اللون يروح بسرعة 🕓 لذلك لازملك الترطيب 💦 باش تغذي شعرك وتاني يحافظي على اللون تاعو 🥰

ثالثا استعملي واقي الحرارة دائما ☀️ باش ماتزيديش ضرر لشعرك 📉 وخصصي وقت لاستعمال الزيوت 👍 (المرة القادمة راح نعرفوك كيفاش تخيري نوع الزيت المناسب لشعرك )

رابعا بعد ماتسبغيه مباشرة ماتغسليهش بالشمبوان 🚫 لمدة 72 ساعة (ثلاثة ايام )🕓 باش يحكم فيه اللون 🤗 مليح لكن اذا لزم عليك تغسلي 🚿استعملي شمبوان للشعر المسبوغ كيما قلنا ☝️او اغسليه بالبلسم فقط دون شمبوان 😉

واخيرا قبل ماتعاودي تسبغيه 🔃 اتاكدي انو الشعر تعافى مليح 👍 وتاني اللون السابق راح (او خف كثيرا )

قبل السبغ بيوم 📅 اغسلي شعرك بشمبوان التفتيح/clarifying shampoo 😁 لي راح ينحي اللون لي بقا 😙

وراكي كملتي 😘، سبغ الشعر ماعندوش عمر 👩‍🦳 لكن السبغ المتكرر ممكن يسببلك ضرر دائم لشعرك 😮 فكوني حذرة واعتني بيه بسك تستاهلي 💙

قولينا ، سبغتي شعرك /جزء من شعرك من قبل 🤔؟

جميلات افروديت ، متنساوش ديرونا تقييم للصفحة (Review) رايكم يهمنا 💙

سقسيتونا بزاف 🤔 واليوم جبنالكم الصحيح جميلاتي 😍 , هادو شوية منتجات معروفين في السوق 👌 وعندهم سمعة شابى بزاف راح يعجبوك :

كريم اساس /foundation من ماركة Ruby Rose او Note ❤️ , نوت مليحة خاصة اذا كانت البشرة تاعك دهنية💧 وكي العادة تبعي النصائح لي قلناها من قبل 😊 باش تعطيك نتيجة احسن 👍

خافي العيوب/ الهالات تاني من عند Ruby Rose🐼 بنات بزاف شكروه استعمليه 👏 ورديلنا الخبر

ماسكارا من ماركة Volume 👀فرشاة تاعهم تخلي الرموش يبانو شابيبن ✨ واللون تاني شباب 👌

كاين بزاف وكل مرة راح نجربو منتج ونعطوكم الصحيح بسك جميلات افروديت يستاهلو 💙

الزينات توحشتونا 🥰 ؟ قلتلنا حابين نصائح للشعر 💇 وحنا رانا هنا لتلبية النداء 🖖 اليوم راح نهدرو على الشعر الناشف/ المتقصف وكيفاش نتهلاو فيه 😍 :

اولا يا الزينة الشعر في الاساس مايتغسلش كل يوم🚫 يعني مرتين في الاسبوع يكونو اكثر من كافيين👌 باش تنحي الاوساخ من جيهة 🤗 وتحافظي على الزيوت الطبيعية لي فيه من حهة اخرى 😘👍

ثانيا كي العادة استعملي ماء فاتر 💧 وجامي تغسليه بالماء السخون 🚫 بسك راح يخليه يبان طالع ومتكسر 😅

ثالثا من الاحسن تخليه ينشف وحدو🛑 بدون استعمال مجفف شعر😙 لكن اذا استعمليه جففي شعرك بالهواء الدافئ💨 تاني ماشي السخون باش ما يتحرقلكش 👌

رابعا الماكلة تاني تلعب دور كبير 🍔 وواش تاكلي ينعكس على شعرك 💇 ولذلك كثري من الفيتامينات 💊 والاوميغا 3 لي راح يغذي شعرك وباقي جسمك 💪😍

خامسا استعملي شمبوان 🛀 يكون مرطب وبعدو استعملي البلسم Après-shampooing 😍 بسك يحفظ الرطوبة تاعو مليح 💧 وراح تحسي انو ولا اكثر نعومة ☺️

سادسا استعملي زيت الزيتون 🌿 او زيت جوز الهند 🥥 كقناع للشعر لكن حطيه مدة 2 ساعة الى 5 ساعات 🕒 على الاكثر وماترقديش بيه بسك 😴 كي تتشبع فروة الراس ✋ تاعك ويبقى عليها ممكن يغلقلك المسام ويخلي الشعر يتساقط اكثر 😬

تقدري تاني تستعملي قناع الارز 🥰لي حكينا عليه المرة لي فاتت ولي بزاف يغذي الشعر ويطولو 😍👌

وراكي كملتي 😘, شوية خطوات تخليك تتمتعي بشعر صحي👏 بلا بروتين او كيراتين 🤷‍♀️ بسك كي تكوني طبيعية راكي لازم تكوني شابة 💙

الزينات ! اقتارحو علينا موضوع حابين تعرفو عليه اكثر ، ولي يدي يدي بزاف تفاعلات نختاروه 💙

نصيحة اليوم 😁كي تحبي تتخلصي من خط الاسمرار او الاسمرار عامة🤗 في جسمك ولا وجهك 👌امسحي لبشرة تاعك بقطن مشمخ بالحليب🥛 خليه ينشف (20 دقيقة ) ثم اغسلي 💧 ☺️

اليوم يا الزينة 😘 راح نهدرو كيفاش تفرقي بين المنتوج الاصلي او Original 👍 وبين التقليد👎 ساهلة ماهلة و كي العادة ب 5 خطوات برك😍 :

اولا شوفي نوع الغلاف تاعهم او العبوة📦 , الشركات الكبرى تعتني بالغلاف تاعهم بزاف 👌 يعني اذا شريتي كريم اساس مثلا (Foundation) وتلقاي انو الزجاجة تاعو رقيقة بزاف😬 او اللون شاحب اكثر من الازم🙅‍♀️ احتمال كبير انو يكون مقلد للاسف 😕

ثانيا الاخطاء الاملائية في كتابة اسم الماركة ⚠️ , التقليد يعتمد على الخداع 👐وباش يتفادى السجن والمشاكل 🔒 يخدع عينيك . راح تلقاي نفس المنتج🤔 , نفس العلبة 📦 ونفس الحجم لكن الاختلاف ممكن يكون في حرف واحد 1️⃣ مراحش تلاحظيه قاع كي تكوني تتسوقي 🛒 مثلا Avene تلقايها مكتوبة Arene على منتج مقلد 🤷‍♀️

ثالثا اذا شفتي في الجهة الخلفية للعلبة 🔙 راح تلاحظي انهم اما محطوش معلومات اتصال اطلاقا 📞 او انهم حطو موقع الكتروني مزيف🙄 وهاذي حاجة اي ماركة اصلية عمرها ماديرها لانها راح تخسر زبائن 😒

رابعا النوعية السيئة 👎 للاسف هادي راح تعرفيها بعد ماتشري المنتج 💰 وتلاحظي انو مايديرش خدمتو اذا ماسكارا راح تلقايها جافة🏜️ او متحكمش , اذا احمر شفاه💄 راح تلقاي راحتو غريبة او حتى يذوب بسرعة الخ....

خامسا اذا فتي هادو المراحل قاع ☝️ ومزالك شاكة في انو المنتوج راح يناسبك حتى ولو اصلي 🤔
تقدري ببساطة تروحي ل Google تكتبي اسم المنتج 💄 وقدامها اكتبي Review وراح يخرجلك تقييمو 🌟 من لي جربوه من قبل وتاني ارائهم

وراكي كملتي 😘

اتفكري برك ياالزينة انو المكياج الاصلي مليح 👍ويدوم مدة اطول 🕒 لكن تاني الاصلي لا يعني السعر الغالي لانو كاين شركات تقدم منتوجاتها باسعار ملاح 😄المهم انك تشري على الشركة 👌ماشي على المقلد لانو ماراحش يهتم بالنوعية قد المصنع الاصلي 😘

ونتي قولينا , كاش نهار شريتي منتج اصلي وهكاك معجبكش ؟

تذكير يومي , متنسايش ديري التقشير الاسبوعي تاعك يالزينة 💙

نصيحة اليوم , كي تحبي ريحتك طول 😍دائما استعملي الفازلين قبل ماترشي العطر 💐 على مناطق النبض

و بعد الاستحمام 🚿 استعملي عطر جسم عادي 😉واذا حابة حاجة اخرى تقدري تستعملي المسك مع زيت جونسون🥰 وتدهني جسمك بيه ☺️

قاع نجبو الوصفات الطبيعة 🌳 و نشجعوك يالزينة باش تعتني بنفسك 😗 وباش تكوني محمية👌 جبنالك 7 مكونات اياكي تحطيهم على البشرة تاعك لانو النتائج راح تكون كارثية 😬 :

اولا الماء السخون بزاف 💧 , هاذي بزاف بنات يغلطو فيها😢 لانهم يقولو راح ينظف احسن🤷 لكن في الحقيقة راح يخلي البشرة تاعك تنشف بزاف 🏜️ ومنه راح تزيد تفرز زيوت اكثر⬆️ باش تعوض النقص وكيما نعرفو افراز زيوت بزاف راح يتسبب في حبوب كثيرة 😨

ثانيا صودا الخبز (بيكربونات الصوديوم ) والليمون 🍋 هاذو الزوج راح يديرو خلل في توازن PH البشرة تاعك⚖️ لي راح يسبب مشاكل بزاف 👎(مع عوامل اخرى قادر توصل حتى لسرطان الجلد 💔)

ثالثا احمر الشفاه 💄 عمبالي يجي شباب كي تستعمليه كانو احمر خدود 😏 لكن ياالزينة احمر الشفاه مصنوع من مكونات ثقيلة ⚖️ تغلقلك المسام وتسببلك حبوب انتي في غنى عنها 🤷‍♀️

رابعا كريمات الجسم 🧴 بكل انواعها . البشرة في جسمك تكون اكثر خشونة من لي في وجهك ☺️واقل حساسية 👇 مع انو الاستعمال مرة او اثنين مراحش يضرك 😃(ممكن تلقاي وجهك زيت اكثر) لكن لا تاخذيها عادة 🤗

خامسا الفازلين 🙅 رغم انها مرطب ممتاز للشفتين 💋 وللجسم تاني الا انو يغلق مسام الوجه 😒و يكون صعيب باش تغسليه 💧 من وجهك خاصة اذا طولتي بيه 💔

سادسا الكحول ⚗️رغم انو موجود في منتجات بزاف 🙋 الا انك اذا استعملتيه مباشرة دون معالجة 👩‍🔬قادر يحرقلك البشرة تاعك 🔥 ويقتل البكتيريا الغير الضارة 🦠 الموجودة على الوجه لي لازم تبقى عليه 👍

سابعا معجون الاسنان 😬كاين وصفات بزاف يمدوهم على اساس انو ينحي الحبوب او الرؤوس السوداء 🤨 لكن للاسف مراح يديرلك والو🤷‍♀️ الا انو يخليلك المنطقة حمراء او شبه ملتهبة 😶

ثامنا الخل🙅‍♀️ تقدري تستعمليه على جسمك اذا حابة ☺️ (بعد ازالة الشعر بالشفرة ) لكن اياكي تستعمليه على وجهك ✋لانو حمضي بزاف

واخيرا السكر🍭 والقهوة ☕ كيما دائما نقولولكم استعمالهم على الجسم ممتاز بزاف😍 (نشجعوك انك تجربي مقشر زيت الزيتون والقهوة بعد الاستحمام) لكن استعمالو على الوجه ممنوع تماما 🚫 لانو مميدمرك الطبقة السطحية للجلد 😞وقادر حتى يجرحك 💔

ونتي قولينا 😃, كنتي تستعملي واحدة من هادو المكونات من قبل🤔؟