Glow mirale

قبل ما نعاود نفتح الطلبيات بعد العيد باذن الله …
حبيت نقلك مجيش تشري عليا …
شفتي هذوك لي راكي تلمي فيهم باش تدي پاك متنوع تفرحي بشرتك و شعرك بيهم روحي ديري هذو التحاليل إذا عندك اي نوع من المشاكل لي رايحة نذكرهم 👇🏻

Ferritin (مخزون الحديد)
يقدر يكون طبيعي عندك الحديد العادي، لكن مخزون الحديد منخفض…وهذا يرتبط بتساقط الشعر، شحوب البشرة، وضعف الأظافر…
Vitamin D
يرتبط بضعف الشعر، بهتان البشرة، والالتهابات الجلدية عند بعض الأشخاص…
Zinc (الزنك)
عنصر مهم لالتئام الجلد وتنظيم إفراز الدهون،كي ينقص يؤثر و يخرجو الحبوب و شعرك يرجع غير صحي
Vitamin B12 و Folate
مهمان لتجدد الخلايا والطاقة وصحة الجلد…
تحاليل الغدة الدرقية (TSH – FT4)
اضطرابات الغدة دير بزاف مشاكل منها جفاف، تساقط شعر، تعب، شحوب …
سكر صائم + إنسولين صائم + HOMA-IR
هذه تساعد على تقييم مقاومة الإنسولين، والتي قد ترتبط عند بعض الأشخاص بالحبوب المتكررة، التصبغات، الدهون الزائدة، وتساقط الشعر…
تحاليل الهرمونات كيما
Testosterone – DHEA-S – Prolactin – LH/FSH
خاصة عند وجود حبوب هرمونية، دورة غير منتظمة، أو تساقط قوي
وجود التهاب داخل الجسم واش نديرو !!
CRPيكشف وجود التهاب عام في الجسم
ESR / VS (سرعة الترسيب)
أحيانا ترتفع مع الالتهابات أو بعض المشاكل المناعية
إذا كان التساقط قوي أو مزمن نديرو تحاليل المناعة الذاتية لي لازم يطلبها الطبيب ANA/Anti-TPO
بلا ما ننساو أهمية المعادن في الجسم ديري هذو
Magnesium
Selenium
Copper

التحاليل لا تُقرأ وحدها
الرقمالطبيعي في الورقة ميعنيش أن كل شيء مثالي لازم قراءة فعالة وظيفية و ليس سطحية 💚
ماشي لازم ديريهم كامل واش شفتي عندك مشكل باااارز اتوكلي على الله
عالجي داخلك بعدها أرواحي نزيدو نحسنو المظهر الخارجي

اللهم بارك …
جمعت بعض الردود التي وصلتني من عائلة Glow Mirale في غضون أيام قليلة بعد استعمالهم لمنتجاتنا
أسعى لإرضاء اكبر عدد منكم…ارضاء الجميع مستحيل
كله بتوفيق من الله …
شكرا لثقتكم
هذه ايضا مجرد مرحلة اخرى اقف عندها …

بالنسبة للموقع سيتم فتحه هذا الاثنين باذن الله…
للأسف رايحة نشد 100 طلبية فقط لانو مبقاش على العيد و لازم نحبسو قبله ب أربعة أيام …
الرجوع للعمل سيكون بعد العيد بأسبوع
شكرا لثقتكم و أتمنى لكم تجربة جيدة مع منتجاتنا 💚

اي مهنة مهما كانت عندها أخلاقيات ولازم يحضر الضمير…
لما نزورو اي طبيب ميروحش يمدلك أدوية ولا يشخصلك مرضك من اول شكوى لابد من طرح العديد من الاسئلة …
حتى في مجالي منروحوش نقولو للزبون تفضل هايليك منتجاتنا و اشري
إذا كان يعاني من مشاكل لازم او شي نعرفوه إذا كان يتبع نظام غذائي معين و بعض الاسئلة الأخرى من بينها 👇🏻

متى بدأت المشكلة بالضبط؟
هل ظهرت فجأة أم تدريجيا؟
ما هو آخر منتج استعملتيه قبل ظهور الأعراض؟
هل غيّرتِ روتينك مؤخرا؟
هل تستعملين أدوية، مكملات، أو علاجات جلدية؟
هل البشرة تحرق، تحك، تشدّ، أم فقط يظهر شكل مختلف؟
هل الأعراض تظهر بعد منتج معيّن أو بعد الشمس؟
هل عندك تاريخ حساسية أو أكزيما؟
هل المشكلة في كامل الوجه أم مناطق محددة؟
هل البشرة دهنية، جافة، مختلطة، أم أصبحت مختلفة مؤخرا؟
كيف هو الغسول و عدد مرات غسل الوجه؟
هل تستعملين واقي شمس؟ وكيف؟
هل يوجد توتر، قلة نوم، أو تغيّر في التغذية؟
هل تشربين ماء بشكل كاف؟
هل المشكلة تتكرر في أوقات معيّنة؟
هل سبق واستعملتِ مقشرات أو أحماض أو ريتينول؟
هل يوجد تقشر أو ضعف في حاجز البشرة؟
هل المنتجات طبيعية، عطرية، أم تحتوي مواد قوية؟
هل المشكلة ظهرت بعد خلط عدة منتجات؟
هل توجد مشاكل مشابهة في فروة الرأس أو الجسم ؟
هل الأمر الذي تعانين منه له تاريخ عائلي ؟
هذا المجال ليس مجرد تركيبات و تعبئة و بيع …راهو علم بحد ذاته
مثلا تستعملي منتجاتي و بعدها تعرضي عليا بعض التغيرات لي صراتلك و ممكن تشوفيها سلبية …أنا بعد ما جاوبيني نقلك علاش و كيفاش

واش هو الشي لي خلاك أنت كمتابعة ديري ثقة فيا و تحبي جربي منتجاتنا و ترجعي زبونة؟!

تم غلق المتجر الإلكتروني حاليا
دقائق قليلة فقط كانت كافية لطلب كل كمية المنتجات
اللهم بارك و شكرا كثيراً على ثقتكم
غدا إن شاء الله نبدأ مع فريق العمل مرحلة الإنتاج و التعبئة
و تأكيد الطلبيات هاتفيا يبدأ كذلك من الغد
نرجو منكم تسهيل العملية بالرد على الهاتف عند الاتصال بكم
حتى نتمكن من تأكيد الطلبية و تنظيم الإرسال في أحسن الظروف
عملية الإنتاج و التعبئة و إرسال الطلبيات قد تستغرق أسبوعا كاملا
لذلك نطلب منكم قليلا من الصبر و التفهم
و لمن لم يحالفها الحظ في الطلب هذه المرة لا تقلقي
حضري قائمة المنتجات التي تريدينها للأسبوع القادم إن شاء الله
وعند إعادة فتح المتجر ستكونين جاهزة للطلب مباشرة
شكرا على دعمكم وثقتكم
و ربي يبارك فيكم جميعاً.

كنت من قبل قلتلكم إننا نعتمد على تقنية التطبيق بالطبقات Layering
ارواحو اليوم نحطلكم الروتين لي لازم تخدمو بيه و سجلو عندكم هذا المنشور
نبداو اولاً بتجهيز البشرة تكون نظيفة ،نرشو ماء ورد
بعده قبل ما ينشف تماما باش نحبسو الماء نديرو سيروم الهيالورونيك
بعده ب 5دقائق مثلا ديري الكريم السحري
هذي العملية ديريها صباحا …
نجو للفترة المسائية
ترشي ماء ورد قبل ما ينشف تماما ديري فيتامين c
إذا نوع بشرتك جاف زيدي فوقها الكريم السحري
إذا دهني اكتفي بالسيروم …
نجو للسؤال :إذا عندي اكثر من نوعين سيروم كيفاش ندير !؟
تخدمي بالتناوب
مثلا اليوم درتي الهيالورونيك
اليوم لي بعدو عرق السوس
لي بعدو سيروم الوفيرا
اليوم الذي يليه تخلي بشرتك ترتاح يوم او يومين و تعاودي ترجعي للسطر
بالنسبة لسيروم الهالات (من فضلكم نقطة صغيرة لانو المنطقة حساسة و الجلد رقيق تفاهمنا ؟
ماشي تقولي ندير كمية كبيرة باش يروحولي بسرعة لالا ❌
المقشر و الماسكات مرة في الاسبوع او أسبوعين (ماسكاتنا غنية بالزيوت و الزبدات يعني لطيفة على بشرتك )
الغسول الملكي ماشي لازم تغسلي يوميا بيه (يصلح للوجه و الجسم
البشرة الدهنية ممكن يوميا
سيروم تقليل نمو الشعر عند الحلق بعد 12 ساعة ،ثم يوميا لمدة شهرين …بعده تبداي تنقصي 3 مرات في الأسبوع
نذكر و نعاود اي منتج لازم يندار على بشرة نظييييفة
حاولو الاحتفاظ بالمنتجات بعيدا عن الضوء …الحرارة …الرطوبة
لانو كيما تعرفو مفيهمش مواد حافظة
مدة صلاحية الكريمات سواءا للشعر ..الجسم اوًالوجه من عام إلى 3 سنوات
السيرومات من عام إلى عام و نصف

ديرو اختبار الحساسية مهما كان المنتج و مترقدوش بالمنتجات
لي عندهم حساسية اتجاه الفطر ميستعملوش الهيالرونيك لانو مخدوم بمستخلص الرايشي و الشيتاكي
ان شاء الله تكون الصورة توضحت

بغض النظر عن البحث المتواصل على المادة الطبيعية الفعالة لجميع مشاكل البشرة و نحوس على التركيبة الجيدة بمقاييس عاااالية جدااا (باش تلقاو نتيجة حقيقية و ليس مجرد كلام)
كي يكونو طلبياتكم خارجين نقول (اللهم اجعل الشفاء فيهم)

عزيزاتي …
الدفعة الرابعة و الأخيرة سيتم إرسالها غدا باذن الله (إلا إذا صرا اي تأخر يوم الثلاثاء )
و هكذا الموقع الإلكتروني سيتم اعادة فتحه يوم الثلاثاء مساااءا
لذلك من فضلكم ادخلو للموقع اطلعو على الأسعار و المنتجات المتوفرة (رايحين نزيدو الشامبو و كريمة ترطيب الجسم )
و احكمي ورقة و قلم و دوني طلبيتك من الآن …هكذا كي تدخلي للموقع تكوني عارفة وجهتك
راني نعلم فيكم باش ميصراناش مشاكل في الطلبيات
بزاف لي تقلقو و تفرفشو يا اما غلطو في الولاية يا اما في المنتج لي حابينو ..يا نساو
و باش منتعطلوش و نتقدمو في العمل مذابيا هذو الأمور ميصراوش لانو نقعدو نتبعو و نحاولو نحلو مشكل الزبون
لذلك من فضلك كونو متعاونين …الله يجازيكم خير
اي شي ..نقص ..مشكل ..انتقاد بناء يا إما تبعثولي في بريد الصفحة او اتصلوا بالرقم لي اتصل بيكم من اجل تأكيد الطلبية
شكرا و نتمنى لكم تجربة جيدة مع Glow mirale

ورقة و قلم و ارواحو نشوفو درس جديد
فيتامين جد مهم لصحتك العامة و لبشرتك
فيتامين B3 عندو دور كبييييير في إنتاج الطاقة (يساعد الجسم يحوّل الغذاء لطاقة)و يحسن صحة الجلد..بالاظافة لدعم الجهاز العصبي و يساعد في توسيع الأوعية الدموية مع تقليل الالتهابات
كاين نوعين رئيسيين:
Niacin (حمض النيكوتينيك)
Niacinamide (نياسيناميد) هذا لي يتستعمل بزاف في التجميل
النياسيناميد واش يدير !

يفتح البشرة ويخفف التصبغات
ينظم إفراز الدهون (ممتاز للبشرة الدهنية)
يقوي حاجز البشرة
يقلل من الحبوب والاحمرار
لهذا تلقايه بزاف في السيرومات والكريمات
و طبيعيا كتونر كنت قلتلكم على ماء الشعير
منين نتحصل عليه داخليا !
اللحم والدجاج..السمك..الفول السوداني..الحبوب الكاملة..الفطر هذا مهم جدا ..العدس..بذور دوار الشمس
و كاين مصادر غير مباشرة (الجسم يحولها)
كاين أطعمة فيها حمض أمينيTryptophan
والجسم يحولو إلى B3 كيما البيض..الشوفان و الموز

نقص فيتامين B3 يقدر يسبب مرض يسمىPellagra
وأعراضه: مشاكل جلدية ..إسهال ..اضطرابات عصبية
اختم
أي شي خلقه الله دون تدخل الإنسان فيه يكون يصلح للأكل إلا و عنده فوائد …الإنسان عليه الاجتهاد فقط لتعلم كيفية تناوله …و الطريقة الآمنة مع اعتماد التوازن